Strawberry_60676 🇪🇬's منشور

Strawberry_60676 🇪🇬

منذ 3 أشهر

شعور مكسور القلب

لو في شخص بيحبني جدا وكنت مخطوبله وفركشنا من سنتين ولسه عاوز يرجعلي بس انا مش متقبله انه عنده نسبه حول في عينه دا يعتبر اي انا مش عارفه خايفه اوافق وارجع مرتحاش انا عارفه اننا كلنا عيوب بس انا خايفه اوي انا مش عايزه اظلمه وكمان مش متعلم واهلي بيضغطوا عليا وبيقولوا طالما بيحبك خلاص

Banana_62165 🇪🇬

Top 50

أفضل نصيحة

منذ 3 أشهر

انا بقولك لا مش علشان هو فيه مشكلة علشان لو الشخص مش مالى عينك حرام تظلميه معاكى لو جه حد احسن منه وانتى معاه هتسبيه او هتعملى حاجة من وراه فا بلاش احسن

Mango_56683 🇪🇬

منذ 3 أشهر

متضغطيش علي نفسك طالما شايفة فية سلبياتة كلها يبقي مهما حصل هتفضلي شيفاها قدام عينك طول الوقت يبقي ابعدي و بلغي اهلك بهدوء وربنا يرزقك ابن الحلال اللي يصونك

Onion_61988 🇪🇬

Top 10

منذ 3 أشهر

رايي الذي ليس له اي اهميه على الإطلاق...متوافقيش على حد انتي متردده ف اخياره خصوصا لو مش عاجبك فيه حاجة معينه و بدون اي احساس بالذنب زي ما انتي هتلاقي اللي يرضى بيكي هو كمان هيلاقي اللي ترضى بيه ...عشان متتجوزيش و انتي متأففه و مع اول مشكله هتبدأ الاسقاطات بقا انتو اللي خلتوني اوافق و بلا بلا بلا

Sugar_51832 🇪🇬

منذ 3 أشهر

صلي استخارة ولو مش مرتاحة متوافقيش

Pineapple_20824 🇪🇬

منذ 3 أشهر

لو كان ذات دين و خلق طيب دي بس اللي تخليكي تفكري اه أو لا و برضو حقك لو مش عاجبك خلاص متاخديش حد تتغصبي عليه ابدا بس اهم حاجه زي ما بقولك الدين و الاخلاق علشان تاخدي حد يتقي ربنا فيكي و تكسبي باذن الله معاه الدنيا و الاخره لاكن لو واحد حلو و مفيهوش غلطه و لاكن بدون دين و اخلاص فإنني الله اعلم تعامله معاكي هيبقي ازاي و هيتقي ربنا فيكي ولا لا و أخلاقه و هكذا

Tomato_60726 🇪🇬

منذ 3 أشهر

معلش انتي رافضه علشان نسبه الحول في عينه طيب ما انتي اتخطبتي ليه قبل كده وهو كده ايه الجديد اللي حصل وممكن تتخطبي لحد واقدر الله يحصل حاجه علي العموم الافضل تصلي صلاه استخارة ولو هو شخص مناسب ومرتاحة ليه الا السبب ده فكري تاني وعلي العموم انتي اللي في الموقف وادري بظروفه

ملخص المشكلة

خايفه أرجع لمخطوبي القديم وعنده عيوب!

خطوبة سابقة مشاكل عيون ضغط الأهل حب قديم خوف من الظلم علاقات معقدة عيوب في الشريك

Chilli_57629 🇪🇬

لسه بحبها بعد كل الخيانة ومش عارف أنساها

هو الموضوع صعب شويه انا بحب شخص معين اكتر من اللازم مع ان الشخص آذاني و خاني ناس كتيره و مع اعز اصحابي كمان الكلام ده من حوالي 5 سنين بس للاسف و لحد اليوم مش عارف احب حد غيرها و رجعت اكلمها و نزلت معاها و حسيت اني مبسوط اووي واننا لسه كنا مع بعض امبارح مش خمس سنين و اتكلمنا واعترفت ليها اني لسه بحبها و اني طول الخمس سنين مفيش يوم عدي عليا من غير ما كنت بفكر فيها وهي بردو قالت انها لسه بتحبني واني علطول علي بالها مع اني متاكد من ان الكلام ده كله كدب وانها لسه زي ما هي وأنها عندها علاقات كتير غيري بس بالرغم من كل ده وانا بردو لسه بحبها و مش عارف احب اي حد غيرها وبجد انا حاسس اني حياتي واقفه عليها ومش لاقي حل علشان اقدر ابطل تفكير فيها ...عرض المزيد

3 الدعم

5 نصيحة

French Fries_54173 🇪🇬

قصتي المعقدة مع الحب والندم

أنا جديد هنا بصو القصه معقده وده اختصار القصه بدات وانا 2 جامعه حبيتي واحده وهي حبتني وي ارتبطنا وي الدنيا كانت مشيا عنب لحد ما مامتها عرفت وي طبعا قلت احل الموضوع وي قلتلها هاجي اقرا فتحه وي نخطب بعد سنه رابعه امها وافقت اهلي وافقه اهلي كانو رافضين أصلا لان لسه في جامعه وكده فا أقنعتهم بي قرايه الفتحه لما كلمنا ابوها ابوها رافض. وفعلا مرضيش بس الفتحه كان عاوز خطوبه وده حقه طبعا بس اهلي كانو رافضين. امها كانت موافقه بي الفتحه وي البنت بس ابوها لا. بس هو قال هفكر وي ارض عليكو مقلش للحج ان مينفعش وكده هو قفل جالي الرد من البنت وفعلا هي قبلتني تاني يوم كنت خارج من المتحان وي قلتلي وي قالت نسيب بعض وبعدها رجعت وبعدها سابتني بس بصراحه أنا كنت مقدر إن هي متلغبطه بيني وبين كلام امها ان طبعا مش بحبها وكل ده بس ورجعنا بعد 6 شهور بس احس ان حاجه اتغيرت فيا اه بحبها بس مش زاي الاول. وي كملنا كا صحاب لحد ما جيت أنا ارتبط بس مكنتش بحبها الصراحه أنا كنت بغيظ التانيه والصراحه حركه وحشه بس نفس الوقت مزعلتش علشان الي هيقلي واي زنبها الي ارتبط بيها دي هقله أصلا بتاعت فلوس وخروجات والجو ده فا فعلا هي زعلت وي جت قلتلي خليني في حياتك حتي لو صحاب بس متسبنيش أنا قلتلها ماشي. بس بعدها في تفكيري ان مينفعش ترجعي وهي موجوده انتي احسن من كده بكتير فا كنت بقول هسبها لحد ما اسئل التانيه وي ارجع وكان اغبا قرار خته فا بعتلها قلتلها بصي أنا مش هينفع اكمل معاكي رحت مبلك وبعد شهرين سبت البت ورجعت بس لما رجعت لقتها اتغيرت سوا في الحب وي المعامله هي اه رحبت بيا بس حب لا هو صحاب وي صحاب زينه فضلت سنه بحاول أقنعها وهي عماله تستفزني كانت بتاخد حقها مني وانا كنت بقول انها تاخد حقها وبعدين نرجع عادي وي فعلا رجعنا بس ما صحاب قريبين شويه بس الطريقه وي المعامله وي سمعان الكلام متغيرين مش دي الي عرفتها ايام 2 جامعه مش دي الي عشت معاه احلي 3 شهور في حياتي فا بعت بس لما ببعد ببعد فتره وي ارجع احن ليها وي ارجع تاني ولما ارجع احس ان الدنيا مش زاي الاول. زاي ما تقول طول منا بعيد بحبها لما بقرب لا بتعفرت. مش بستحمل الي بيحصل. فا ببعد لحد آخر مره رجعنا وهي قلتلي أنا مش بحبك بس الصراحه شكيت في كلامها لان لو مش بتحبيني هنرتبط لي وهتقليلي لي خليني ارجع احبك تاني وفعلا رجعت بس لما رجعت لقيت أن كل حاجه متغيره اقلها خليكي في الشات تقلي احنا مش كبرنا علي ده ومن ده اتعصبت وي بعت تاني. لحد ما رجعت ولقتها اتخطبت المشكله بقا ان من ساعت ما سبنا بعض في 2 جامعه بعد 3 شهور ارتباط وانا حياتي متعطله مش عارف اعمل حاجه ومش عارف احب بجد وكل مقرب لبنت أقارن بينهم لحد دلوقت وي مش لقي أصلا واحده تستحملني زايها ومش أنا دلوقت متخرج بقالي سنه ونص. معلومه هي ارتبطنا 3 شهور امها عرفت بس القصه فضلت لحد 4 سنين فا ولا في شغل نافع ولا ارتباط نافع ومش عارف اعمل وهي علي طول في دماغي دايما خاسس بتقصير وذنب من نحيتها ان هي كانت تساهل حجات احسن اعملهالها وي انها وحشاني وعاوزها بس اتخطبت وبلكتني وحرفيا مش عارف انتو هتفهمو حاجه ولا لا من الي قلته ده كله بس يلا ...عرض المزيد

5 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع