نفسي أصاحب حد يفهمني ومحدش يتنمر عليا بسبب عيني

Question

طول عمري نفسي يبقي عندي صحاب دايما صحابي بيتنمروا عليا عشان انا عندي مشكله في عيني محسسني اني غريبه محدش بيحبني ولا بيقرب مني وكلهم بيتكلمو عليا نفسي اصاحب واحده تنسيني كله ده انا وصلت لمرحله ان المدرس بتاعي اتنمر علياا عشان في مر قلت هعمل عمليه والدكتور قالي بعد كد مفيش عمليه قالي مانتي لو كنتي سالكه من جواكي ونضيفه كنتي عملتيها انا في اليوم ده اتدمرت وكان عندي امتحان معرفتش احل مع اني كنت شاطرة ف المادة من كتر مانا تعبانه ونفسي اكلم حد في واحد غريب كلمته وبعدها باسبوع لما عرف موضوع عيني راح قالي هو انا عبيط عشان اكلم واحده حوله انا عرفه اني غلطانه جماعه ولله انا زيكم مش مختلفه لو بايدي كنت غيرت من نفسي انا كل اللي طالبه انكم تحسو بياا ومحدش يجرحني وياريت ي جماعه تخلو بالكم من كلامك لانو بياثر ع الناس سو سلبي او ايجابي لو حتي بهزر لما بيهزرو معايا ويقولولي نضارة بضحك بس محدش شايف اي جوايا لما حد يقولهالي حتي لو بهزرر

Grape_25677 🇪🇬 · Accepted Answer

بصي هقولك على حاجة.. لو تخيلنا كدا ان في جردل فيه ورد وجردل تاني بس في زبالة وجيتي دلقتي الاتنين الجردل اللي فيه ورد هتلاقيه لما يتدلق هيخرج ورد منه والجردل اللي فيه زبالة هتلاقيه لما يتدلق طلع منه زبالة ف انتي اتعاملي مع الناس على انهم جرادل 😂 انا بجد مش بتريق وبتكلم جد... اللي قصدي اقوله ان كل واحد بيطلع اللي جواه من عقد نفسية او كلام طيب لو هو شخص سوي ف انتي ملكيش دخل نهائي بالاتنين

Orange_25728 🇪🇬 · Answer

انتي جميله و زي الفل هما اللي ناس مريضه و ناقصه عشان يرمو كلام يدايق زي ده خليكي واثقه ف نفسك أن انتي احسن منهم كلهم و أن ربنا هيحاسب كل واحد قال كلام مؤذي لحد

Biscuit_25603 🇪🇬 · Answer

اول حاجة انتي جميلة واحسن م ناس كتير الناس بس م بتصدق تمسك ف حاجة تتنمر عليها وتطلع عقدها ع الناس ثقي ف نفسك وف جمالك 
وبالنسبة للصحاب اكيد فيه ناس كويسة بس ممكن انتي مش اجتماعية اوي 
اكيد المستر كان بيهزر معاكي مش قصده حاجة 
ابعدي تماما عن العلاقات المحرمة معظمهم بيتسلوا وعايزين ملكات جمال اصلا 
وانا زيك اهو يبنتي ولا عندي صحاب ولا حاجة والدنيا ماشية ودي احسن حاجة علفكرا سطحي علاقاتك دايما

Strawberry_25725 🇪🇬 · Answer

المستر مكنش بيهزر هو علطول بيضايقني وكله ده عشان بطلت اخد معاه درس وحصل مواقف كتير اوي مش ده بس انتي متعرفيش حاجه

Strawberry_25725 🇪🇬 · Answer

انا اجتماعيه جدا وبحب اتكلم مع الناس واتعامل معاهم بس محدش بيتعامل معايا

Biscuit_25603 🇪🇬 · Answer

اوسخ نوع م المدرسين ده والله ودي بردو حاجة تخليكي متعبريش كلامه لان هو هدفه اصلا يدايقك

Biscuit_25603 🇪🇬 · Answer

حبيبتي عينك مش مخلياكي مختلفة ولا فيكي عيب ولا حاجة عشان الناس متحبش تتعامل معاكي بالعكس انتي طبيعية وعادية ممكن بس عقلك اللي بيوحيلك ب ده وخصوصا طالما انتي اجتماعية

Grape_25677 🇪🇬 · Answer

كل واحد بيطلع اللي جواه مش اكتر... صدقيني انتي جميلة من برا ومن جوا واي حد يتكلم ويقول اي حاجة مش حلوة اعرفي ان دا بيطلع اللي جواه وانتي ملكيش اي علاقة باللي هو بيقوله.. ربنا يجبر خاطرك يارب ويرزقك بالصديقة اللي تحبك وتستحقك ❤

Cherry_25743 🇹🇳 · Answer

i feel ur pain because i do have insecurities, just remember that god create you this way for a reason. and with time, you’ll know why, u have to feel confident. PS: no one will know if that confidence is real or no❤️

Donut_25579 🇪🇬 · Answer

لو انت كبيرة ف انت اكيد هتعرفى حكمة ربنا من تأخير الصحبة الحلوة او النصيب الكويس ..لكن لو صغيرة ف متقلقيش ربنا مخبيلك حاجة حلوة اووى هتعرفيها مع الوقت عموما وان شاء الله يجيلك صاحبة تقدر حبك واهتمامك ي جميلة😘

Strawberry_25725 🇪🇬 · Answer

كبيرة مش صغيرة

Strawberry_25725 🇪🇬 · Answer

اي دونت سبيك انجلش 😂😂
I dont speek english