مشاكل الأصدقاء

Potato_42683 🇪🇬

منذ شهرين

شعور مرتبك

French Fries_26228 🇪🇬 بص انت ممكن تصارحه بكل اللي قلته ده وتقوله كلمني بصراحه ونتكلم بشفافية عشان منتعبش بعض وكده وبناء على اللي هتقولوه هتحددو هتنهو الصداقه دي ولا هتفضلو صحاب ولا هتخلص العلاقه سطحيه وخلاص عشان محدش يستنزف التاني

عرض الكل 1 نصيحة

عبّر عن شعورك بشكل مجهول

دلوقتى انا عندى صاحب بقالنا اكتر من 8 سنين مع بعض و علاقتنا كانت كويسة جدا و احنا فعلا اكتر من اخوات و كان فيه مشاكل ماكنتش عارف ازاى اعديها من غيره المشكلة ان من كام شهر حسيت انه بدأ يتغير شوية ماعدش بيشاركنى حاجه عن حياته زى قبل كده و لما قولتله قال عادى ان مفيش حاجه جديده و ان لما يبقى فيه حاجه بيحكى عادى و كمان الفترة الاخيرة بقيت بفكر كتير اوى (overthinking) و حرفيا كل حركة بيعملها باخدها بمعنى وحش و ساعات بعمل مشكله بس هو فعلا كان مستحمل كل ده و كان فعلا بيعتذر بس بردو كان فيه حاجات بيبقى هو اللى غلطان و لو اى حد تانى غيرى طان هيعمل مشكلة كبيرة بس ديما كنت انا ببدأ الصلح و اعتذر حتى لو هو اللى غلطان علشان نفضل اصحاب
و ساعات كان بيعمل حركات مستفزة فعلا و يقولى انه شايف الموضوع عادى و انى بكبر المواضيع مع انى شايف انه كده مش شايف ان احنا اصحاب لانه ساعات بيتجاهلنى او مره كنت مضايق منه و هو عارف و استنيت يومين و بعدها انا اللى كلمته علشان نحل المشكلة مع انه هو اللى غلطان و قال انه كان هو هيتصل عليا بس انا حسيت انه بيقول كده بس علشان يبين انه مهتم و انه ماكنش هيتصل و لا حاجه 
المشكلة ان الفترة اللى فاتت حسيت فجأة انى باجى على نفسى كتير علشانه و حسيت بردو انى اتضايقت منه فحأة و مش عايز اتعامل معاه تانى و بفكر اقطع علاقتى بيه بجد لان الفترة الاخيرة بقى اى حاجه تحصل بحس انى هونت عليه عادى و انى مش فارق معاه مع ان كل ما اكلمه فى الموضوع يقولى لا طبعا و ان هو مبسوط ان احنا اصحاب و ياريت نفضل اصحاب على طول بس المشكلة بردو انى ماعتش عارف اصدقة بحسه على طول بيكدب عليا 
دلوقتي مش عارف ابعد فعلا و انا عندى حق و لا كل ده بسبب ال overthinking و يطلع هو فعلا كويس و كل ده فى دماغى اصلا
فيه كمان حاجة اخيرة قبل كده كان عندى فترة كده مليانه مشاكل كتير و هو فعلا وقف معايا فى كل مشكلة لحد ما اتحلت و ساعات كان هو اللى بيحلها فعلا و نفس الكلام معاه  بردو لما يبقى عنده مشاكل انا بقف معاه على طول و مش بسيبه لحد ما كل حاجه تتحل فعلا و قبل كده كذا مره لما يلاقينى مضايق على طول بيكلمنى علشان ننزل نتمشى علشان يخفف عليا و ساعات كتير لما ببقى مضايق منه مش بيسيبنى لحد حرفيا مايتأكد ان كل حاجه تمام و انى مش مضايق من حاجه بس انا حاسس ان كل ده اتغير الفترة الاخيره يعنى كنا بنتكلم من يومين على مشكلة حصلت بينا هى تعتبر تافهه بس انا مش عارف ليه كبرت الموضوع ممكن علشان كنت متضايق منه  بس حسيت ان الموضوع مش فارق معاه و انه عايز الموضوع بخلص و خلاص و مش فارق معاه زعلى ممكن يكون علشان اتغير فعلا او هو شايف ان مفبش مشكلة اصلا 
ممكن يكون موضوع ال overthinking و انى على طول بعمل مشاكل اللى خلاه كده بس لما قولتله كده من فترة قالى انه لا طبعا و هو مقدر حاجه زى دى و ان عادى اعمل مشاكل براحتك و نحلها طالما حاجه زى دى بتريحك
المشكلة فعلا ان انا تعبت من تصرفاته الفترة الاخيره و بردو مش هاين عليا انهى علاقتى بيه لان هو فعلا فيه حاجات كتير رخمه و مستفزة بس هو شخص كويس فعلا بس بردو ساعات بفكر انه ممكن يكون كويس معايا كده لانه شخص طيب و كويس مع الكل و ان الحاجات اللى انا شايفها رخمه و مستفزة هى دى الحاجات اللى هو بيعملها معايا علشان شايف ان احنا مش اصحاب و انه اكيد مش بيعملها مع اصحابه
بنسبة كبيرة اوى انا اللى غلطان و ممكن ان انا اكون السبب ان علاقتنا وصلت لكده بس مش عارف اعمل ايه و حتى فكرت انى انكلم معاه تانى غى الموضوع بس حرفيا اى كلمه هيقولها مش هصدقها فعلا مش عارف ليه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40359 🇪🇬

منذ 5 أشهر

شعور آسف

Nutella_39839 🇪🇬 انتي غلطتي في حاجات كتير اولهم انك عودتيها عليكي و علي انك بتحبيها و بتريحيها و ده مكانش حاجة زيادة ده واجبك ناحيتها بحكم انك صحبتها و عايزة تكونو كويسين .. تاني حاجة انتي عارفة كويس ان الانسان الانطوائي صعب عليه يتخيل فكرة انه يبقي عنده صحاب ف لما تختارك انتي لازم تبقي عارفة انك بنسبالها حاجة كبيرة مكانش يصح ابدا تكسريها بعدم ردك علي عتابها انتي مترديش انك لو مكانها هي تعمل معاكي كده .. بعيدا عن

عرض الكل 10 نصيحة

عبّر عن شعورك بشكل مجهول

هو لو انا ليا صديقة قريبين جدا من بعض واحنا سوا من ثانوية عامة وكنا بنذاكر سوا وكل حاجة بنعملها سوا دخلنا نفس الكلية ونفس الجامعة واحنا الاتنين في سنة اولي جامعة حصلنا دروبات ونزلنا في مواد هي نزلت في ٣ مواد وانا في مادة والترم التاني هي منزلتش وانا نزلت في مادة انا اكتئبت وكانت الايام صعبة عليا جدا ومكنتش عايزة اكمل في الكلية بس ماما اقنعتني، ودخلنا السمر احنا الاتنين ف اتكلمت معاها ان انا مش عايزة نبقا قريبين اوي زي الاول ومش عايزة نخرج كتير ولا نتكلم دايما زي الاول هي زعلت ان انا شايفة انها السبب وفي نفس الوقت قالتلي معاكي حق واحنا حياتنا واحدة وطريقنا واحد واتفقنا علي اننا هنركز اكتر بس انا حاسة اني مبقتش مرتاحة معاها لانها بتغيير عليا ولو مردتش عليها بتزعل ف انا بقيت اخد بالي بتعامل ازاي وبضحك مع مين عشان متزعلش ودا مبقاش يريحني لما قولتلها كدا قالتلي انها عمرها ما اتضايقت اني اصاحب غيرها او كدا وانها حد انطوائي ومش بيعرف يندمج مع الناس بسهولة واني بشوف دي غيرة اتكلمنا في كذا حاجة والكلام كتر في الموضوع وانا مبحبش اتكلم كتير ولا بحب اتعاتب شخصيتي بقت كدا خلاص كانت فترة امتحانات وهي قالتلي خلاص نركز في الامتحانات الاول وكنا بنطمن علي بعض ونحل مع بعض وبنسأل علي بعض وكنا عادي خالص لحد ما خلصنا امتحانات ورجعت فتحت الموضوع تاني انا اتضايقت وقولتلها الموضوع اتقفل خلاص ليه نفحته ونضايق بعض تاني فضلت تتكلم كتير وتبعت مسدجات كتير وانا مكنتش برد انا عارفة انه غلط بس انا طبعي كدا ومبحبش اتكلم هي عارفة طبعي عشان كدا كانت بتبعت وتستاني ارد لحد ما في يوم قالتلي انها قرفت من انها بتتكلم في نفس الموضوع علي الفاضي واني مش برد وقاتلي انا اسفة وقفلته ، مكناش بنتكلم فين وفين لحد ما بدأنا السنة دي وخرجنا قبل كدا مع بعض وهي كانت بتحاول تيجي الجروب بتاعي زي ما كنا بنحاول السنة اللي فاتت وكانت بتحضر معايا ، بس انا مش حابة دا وحاسة اننا مش بنركز مع بعض ، انا مش عايزة يتكرر اللي حصلنا تاني وشايفة ان كل واحد يحضر لوحده احسن ليا وليها عشان ميحصلناش زي ما حصل هي زعلت مني لان لما كانت بتعاتبني مكنتش برد بس انا بقولها ان دا موضوع واتكلمنا فيه قبل كدا وهي رجعت فتحت الموضوع تاني كله من البداية وانا مش قادرة اتكلم ولا بحب اتكلم بالشكل دا وعايزة اركز وبعدها بفترة بقيت بقعد مع بنات اغلب الوقت لانهم معايا في نفس السكاشن وبمشي معاهم هي اتضايقت وبعتلي انتي بعدتي عني وبقيتي تقعدي مع بنات شطار دايما وان انا كنت عايزة ابقا لوحدي واركز ف انا قاعدة مع البنات دول ليه وسايبها ، انا اعمل ايه البنات دول بيساعدوني وانا فعلا احسن بكتير جدا من السنة الفاتت حاسة اننا بقين مختلفين شوية عن بعض واللي هيريحها هيضايقني واللي هيضايقني هيريحها اعمل ايه ومين صح ومين اغلط او اتصرف ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_46782 🇪🇬

منذ 6 أشهر

شعور محبط

موضوع:

هل جربت شعور الخذلان من صديق عمرك؟

عوزه نصيحه انا وقربتي كانه صحاب جدا اكل شرب لبس مع بعض حت البيت نحب البيت خصلت بين مشكله وصلتنه نضرب بعض وتكلمت عليا كتير لدرجت اني خلف ع كتاب ربنا اني مكلمهاش حت لو بموت المهم اخوه ف مشكل كبير وقريب وغريب نجبها دلوقتي عائلة كلها بتقولي عيب كلمها وصليحا واقفي جنبها وناس تقول لا روحت بيتهم ومكلمتش غي

Strawberry_46882 🇰🇼 بصي سمحيها بس خدي حذرك منها وسعديها في مشكلتها وبعدين لو مش حابه تكلميها ماكلميهاش تاني بس اعملو حساب للقرابه والعيش والملح ال اكلتو سواه

عرض الكل 5 نصيحة

Donut_36691 🇪🇬

منذ 7 أشهر

شعور ضائع

عندي واحدة صاحبتي مش فاهمة هل هي شايفاني صحبتها زيي و لا تصرفاتها معايا تصرفات حد بيركن شخص ع جنب زي استبن و يوم ما بتحتاجلي بترجعلي تاني و لو انا خدت جنب علشان اسلوبها بيتعبني نفسيا بتيجي تعاتبني اللي هو انا ساكتة ليه اتغيرت جدا من وقت ما اتخطبت و بقت مع صحاب تاني و انا بجد متضايقة من طريقتها معايا

Biscuit_36969 🇪🇬 هي بتحب فكرة انك صاحبتها ومعاها و... م اكتر من كده م بتحبك انتي ك انتي وعلفكرا ده غالبا مرض نفسي للشخصية النرجسيه حسب كتاب احببت وغدا ده كتاب بيحكي عن الشخصية دي و اخيرا نصيحتي ليكي ابعدي عنها بلاش تستنزفك اكتر ولو معرفتيش العديد يبقا خليها صاحبه عادية تقدري تستغني عنها

عرض الكل 14 نصيحة

Apple_35565 🇪🇬

منذ 7 أشهر

شعور مرتبك

صاحبي كل منبقا لوحدنا نبقا تمام وبنضحك وعادي بس اول منقعد مع ناس او كده يبتدي يقلل مني ويتريق عليا ولما اكلمه بيقولي انا بهزر معرفش انك بتزعل م الهزار ويعتبر هوا ااقرب صاحب ليا اي الحل اللي المفروض اعمله معاه؟؟

Coffee_27700 🇪🇬 صاحبك يدافع عنك ويكبر منك في أي تجمع سواء انت موجود او لأ. عبر عن رفضك أول ما يتريق ورد عليه ومتضحكش واتريق عليه وسطح علاقتك معاه طالما انت كلمته ومستجبش

عرض الكل 13 نصيحة

Croissant_20700 🇪🇬

منذ 9 أشهر

شعور قلق

يجماعة دلوقتى احنا صداقة ثلالثية فى واحدة منهم كل ما بنقول ليها نخرج بيتقول بابا مش راضى واستنى الاسبوع الى جى وكدة فبننزل انا وصاحبتنا التانية وكل مرة بنقولها مبترضاش فالمرة دى نزلنا من غير منقولها وصاحبتى قالتلها لما روحنا بس هيا زعلت وحاولنا نمشى الموضوع بس الموضوع كبر ودخل فى حاجات تانية بس

Ice Cream_20764 🇪🇬 لو انتي شايفه انها تستاهل فعلا وان اسلوب باباها زي ما بتقول انو بيرفض الخروج وكدا ف ابعتيلها عادي لكن لو هي متستهلش ف كبري دماغك منها

عرض الكل 2 نصيحة