صحبتي تغيرت وبقت بتاعت مصلحتها.. أيه التصرف؟

Question

لو فيه واحده صحبتي هي كانت كل حاجه بنسبالي كله قالي ابعدي عنها و قولت لا و بقالنا سنين صحاب و فجاه بقيت تغير مني و تحاول توقعني و بقيت بتاعت مصلحتها اوي و بتتكلم عليا في ضهري ايه التصرف 
و فيه حاجه التطبيق بكتب بوست بيظهر في المود ايه الحل

Chilli_56932 🇪🇬 · Accepted Answer

احفظي العشرة بس احمي نفسك خليها في حدود السلام و الذكريات و ابعدي عن قلبك و عقلك قبل ما تأذيكي اكتر

Blueberry_57339 🇪🇬 · Answer

ممكن نصيحه و للعلم هي لما بنتخانق لازم انا ال اصالحها و مش بتصالحني هي ولا مره

Chocolate_57322 🇪🇬 · Answer

كل ده ومسمياها صاحبتك

Avocado_52234 🇪🇬 · Answer

ببساطة ابعدي و اشتري راحتك النفسية + المرء علي دين خليله لو الكل قال ابعدي عنها يبقا معروف انها مش كويسة و صورتك بالنسبة للناس ممكن تبقا شبهها ف طالما اتغيرت عليكي كدا ابعدي

Blueberry_57373 🇪🇬 · Answer

ابعدي عنها احسن حتى لو هيبقى صعب وركزي على نفسك وحياتك احسن

Toast_56872 🇪🇬 · Answer

انا عارفه القصه دي حصلت معايا بس بتاعتي كانت بت من النوع التقيل تأذي بضمير الحل هو بسم الله الرحمن الرحيم تبعدي عارفه أنه صعب وأنها حياتك ومركز ضحكك بس العديد وهتنسيها خالص صدقيني

Nutella_57127 🇪🇬 · Answer

تعاملي معاها ك معرفة، بينكم السلام و الدراسة

هي مش صحبتك و لا تتكلمي معاها في مواضيع زيادة عشان ما تتكلمش عنك أكثر او تلاقي حاجة تأذيكي بيها👍

Blueberry_57339 🇪🇬 · Answer

للاسف مش عارفه ابعد لانها بتمثل انها بتحبني ف بتقعد متغيره معايا ليه و كدا و كمان انا بحبها