محاولة

Grape_83291 🇪🇬

منذ 17 ساعة

شعور محبط

انا مدخن شره بحاول ابطل تدخين وم قادر مجرد مالسجاير اللى معايا تخلص بكون حضرت علبه وفى اوقات بتعدى عليا مبيبقاش معايا فلوس اشترى ببقا قاعد هتجنن وبتصرف زى المدمنين ببقا م مركز بس ف نفس الوقت بيبقى عندى طاقة رهيبه الموضوع بيعدى عليا ف ساعتين زمن ببقى مصدع وبعد كده عادى انا بدخن من وانا ف ٣ اعدادى وا

Avocado_78753 🇩🇿

منذ يومين

شعور عاطفي

انا شخص يتحمل الكثير في الخارج من مختلف الضغوطات وغيرها ومرات لا احدث ردة فعل في وقتها لكن عندما اصل للمنزل التراكمات كلها تخرج على شكل بكاء وصراخ احيانا، لكني اشعر بالذنب من هذا التناقض لانه ليس عدلا لذا احاول ان اكون اكثر هدوءا في المنزل مؤخرا خاصة مع افراد العائلة لا يستحقون هذا لا ذنب لهم بل با

Waffle_80548 🇪🇬

منذ يومين

شعور لا مبالٍ

موضوع:

المشاكل الي اهلك كأنه سبب فيها و اثرت ازي عليك

انا اهلى متدينين و دى مش حاجه بستعر منها بالعكس لاكن اهلهم كلهم مش محافظين انا شخص كبرت بتفرج هلى القصص النبويه و سبيستون و حفظ القران و كنت فى مدرسه ازهريه بس رحت مدرسه بريطانيه مخطلطه لما بقيت فى تالته ابتدائي اختلف الناس و انا اختلفت المشكله مكنتش فى كده انا اهلى شداد فهما احيانا بيكرهونى فى الحا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أنا حاولت انتحر مرتين والحيقيه مش عارفه ايه السبب بس غالبا لاني مكنتش لاقيه حب ولا اهتمام من الي حواليا اهلي مفكرين أن النوم والأكل واللبس دا كدا حياه حلوه ماشي الحمد الله احنا احسن من غيرنا بس انا محتاجه احس حاجات تانيه احس اني مش لوحدي احس اني بنت مرغوب فيا حد بيحبني اوقات كتير بكون نفسي في حد احضنه ومخافش منه احس انو امان بس مش بلاقي حتي اهلي مش حسه معاهم بالأمان مش حسه أن في حد بيحبني بجد بعدت عن كل الناس بعد ما كنت شخص عشري جدا وفرفوش بقيت بخاف اتعامل مع الناس وحشه كلهم خيانه وغدر وعندي عقده من الرجاله ومع ذلك نفسي اتجوز والقي الي يحبني متغلغبطه ديما وخايفه من كل حاجه خايفه من الاخره ومن اني اعجز وانا لوحدي أو اعمل حاجه غصضب ربنا خايفه اموت ومحدش يتفتكرني سعات بقول ليه ربنا خلقنا والحياه صعبه اوي ووحشه. بس برجع واقول علشان نعبده طب هنعبده ازي وانا معنديش طاقه اقوم من امكاني كنت بصلي بطلت اصلي خالص ودا حاجه مضايقاني اوي وكل ما ارجع اصلي ارجع اقطع والتعب تاني محتاجه بجد حد يفهمني وسمعني  محتاجه حد يحضني يقولي الحياه حلوه انتي حلوه 
احنا هنعمل الصح سوا كل ما اتكلم يقولي انتي لسه صغيره. طب ما اصغر مني ومتجوزين يعني ايه لسه صغيره هو الحب أو الجواز ليه سن مش فاهمه مش قادره بجد اوصف الي جويا بس حقيقي تعبانه عدم احساس بالأمان والشغف في الحياه دا وحش اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_79488 🇪🇬

منذ 5 أيام

شعور مكسور القلب

عبّر عن شعورك بشكل مجهول

انا واكتر بنت حبيتها في حياتي سيبنا بعض انهردا بعد ريليشن قعدت 3 سنين وهي كانت اول حب في حياتي واول ريليشن ادخلها بدأنا كصحاب وحبينا بعض وفضلنا مع بعض ده كله وكنا بانيين مستقبلنا كله سوا سيبنا في خلال آخر سنة كانت كلها مشاكل بينا وخناقات بس عمرنا ما بعدنا بس كانت دايما في اي خناقة تقولي اوحش كلام وتحسسني اني اوحش حد في الدنيا واني معملتش ليها اي حاجة مع اني وقتي كله ليها وطاقتي كلها ليها وكنت مبسوط بده وكل الناس اللي في حياتي كانو شايفيين اني باجي علي نفسي كتير اوي علشانها بس هي مكنتش شايفة ده وكانت شايفة مهما عملت علشانها ده واجب مني ومستحقش حد اي ڤالديشن عليه ومجرد ما يحصل مشكلة ونتخانق ابقي معملتش اي حاجة وحد وحش الاسبوع الاخير ده اتخانقنا وقالت انها مش عاوزة تكمل انا حاولت انتحر بحقنة هوا بس يشاء القدر اني اعيش كلمتها وقتها ورجعنا بعدها بيوم كان عندها شغل وكنت بساعدها فيه طول اليوم وعلي آخر اليوم واحد صاحبي كان جاي من السفر وكان عاوز يجيي يبات عندي فا قولتلها هقفل الكول وانزل اجيبه ونكمل علي ما رجعت قالتلي انت عاوز تبوظلي حياتي وفي الحاجات المهمة بتاعتي مش بتهتم مع اني والله كنت طول اليوم معاها وشغال في شغل تبعها انا حتي معرفش هو ايه بس بحاول علشانها وقفلت بعدها واتصلت قالتلي انا مش عاوزة اشوف وشك تاني انا بكرهك ولو هموت مش عاوزة اشوفك تاني وقفلت ومردتش عليا بعدها نزلت فضلت امشي في الشارع الفجر اعيط رجعت لقيتها باعتة ليا كتير وبتتصل بتقول انها تعبانة لما شوفت المسدچات روحتلها ونزلنا وجيبتلها دوا واكل وفضلنا نهزر ونضحك بس فضلت وقتها افكر ان لازم حل قولتلها وانا بعيط لازم بريك وهي كانت رافضة بس وافقت في الآخر اننا ناخد بريك من بعض اسبوع ده كان امبارح انهردا اتصلت قالت لو هتعرف تعيش من غيري المدة دي يبقي عيش عمرك كله من غيري قولتلها انا بعمل ده علشاننا طيب خلاص نوقف البريك ونرجع قالتلي لا خلاص انا هعملك بلوك وعملتلي بلوك في ناس هتقول انها مش بتحبني بس هي فعلا بتحبني وفي حاجات كتير او تثبت ده وانا بحبها فشخ بس هو كده احنا مننفعش مع بعض؟ انا يمكن بغلط كتير او بعمل حاجات تضايقها بس هي شايفة اني وحش لما نتخانق بس لما نبقي حلويين بتبقي كويسة فشخ معايا وبتقدملي كل الحب بكل معني الكلمة هو احنا بنحب بعض بس الحب نفسه مش كفاية؟ هو خلاص مفروض اتعايش مع فكرة انه مفيش احنا تاني انا كنت باني مستقبلي كله معاها وانتحرت علشان لقيت مفيش مستقبل انا دلوقتي مش عارف انتحر شعور الموت ده طلع صعب فشخ لما حاولت ومرعوب منه انا تايه مش عارف اعمل ولا ابدأ تاني ازاي اعيش لوحدي نسيت ازاي اعيش من غير ما افكر فيها ولا افكر هنعمل ايه سوا ولا ايه هيحصل قدام ولا انا هعمل ايه علشان نبقي سوا بسرعة ده كله مش بيروح من دماغي انا بشارك علشان بموت من جوا وبجد مش متحمل الشعور ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_79383 🇩🇿

منذ 5 أيام

شعور ضائع

مرحبا. اشتاق لشخص ما كثيرا ،لكن لا استطيع مراسلته انا مرغم على ذلك وهدا الشيئ صعب جداً. المشكل لا نستطيع العودة كما كنا، لقد حاولت كثيراً اريد ان اعيد المحاولة لكن اخاف من النتيجة ويصبح الامر مؤلم اكثر

Strawberry_79001 🇩🇿 ادا الطرف هدا موش باغي يتواصل المستحسن انك تتخطى..

عرض الكل 2 نصيحة

Sugar_49832 🇪🇬

منذ 5 أيام

شعور متعب

عبّر عن شعورك بشكل مجهول

هكتب هناا لانى مش عارفة اقول الكلام دة فين ومش هقدر اقوله لحد فاشطاا 
ممكن اطول فمش شرط حد يقرا 
اخر فترة بحاول اقعد مع اهلى اكتر انسجم معاهم ،بحاول اكون اهدى ، دراستى مش احسن حاجة ،علاقتى بربنا متدمرة لكن والله بحااول 
اكتشفت ان كل واحد فى حياته بيكون مظلوم وبيكون ظالم 
اهلى اتظلموا كتيير ويمكن ظلمونا معاهم 
هماا احسن مليون مرة من اهالى كتير حتى حواليا وبنشوفهم وفى البيئة اللى احنا فيهاا ، لكن محدش فيهم كام مدرك احتياجنا ايه بالظبط ، او يمكن انا اللى مثالية بزياادة ، حقيقى معرفش 
امى كانت البنت المثالية اللى الكل بيتقارن بيها واللى مفيش زيها لا فى جمالها ولا اسلوبها واخلاقها ، جدو زمان اللهم بارك كان معاه الفلوس وكان بيصرف ، لكن بردو مكنتش حياتهم احسن حاجة ، كانو بيتضربوا ، كانو بيخافوا من تيتة وجدو اووى 
برغم ان جدوو طيب اووى لكن كان شديد ، كان شايف ان بناته مش محتاجين حاجة هو فى ظهرهم فليه يتعلموا وبيندم على دة دلوقتى على فكرة 
امى مدخلتش ثانوية عامة بناء على رغية جدو ومع ذلك جتلها فرصة للشغل وبردو مشتغلتش ومش بارادتها 
تعبت فى جوازها ش يتين بسبب حوارات بيت العيلة بس عشان تعيش صح وبكرامتها  
ابى بقاا كمل واتعلم لكن للاسف متوظفش 
وكمل فى شعل جدو اللى هو ابوه الله يرحمه ، الشغل دة دلوقتى تقريبا بينقرض ويموت مبقاش يأكل عيش من الاخر ، لكن كمل فيه واتجوز امى وهو اللى صرف على جوازه بالكامل ، جدو كان بيفرق بين ابى واخوه فى المعاملة مكنش بيعامل ابى احسن حاجة ، ابى اتجوز وبعد ما كان بدا يشتغل ويعلى لفوق ، حصلت مشاكل والشيطان لعب لعبته وجرى فيهاا ضيع فلوس وسنين من عمره وشبابه دة غير تعب امى فيها ، 
ابى وامى بعد مشاكل فى الخلفة خلفونى ووقتها مكنش فى امل يخلفوا تانى فامى كانت طايرة بياا ، حصلت مشاكل بعد سنة من ولادتى واتطلقوا ورجعوا تانى 
يمكن امى حتى متعرفش انى اعرف بطلاقها 
وخلفوا بعدى بدل الولد اتنين ربنا يهديهم ويصلح حالهم يارب 
ايام كانت بتعدى ظروف مش احسن حاجة لكن الحمد لله 
مع الوقت الضغوط دى زادت ، ابى نفسيته تعبت وبدات رحلة العيلة كلها تقنعه يتعالج ويروح لدكتور نفسى فى الفترة دى انا كنت طفلة فى ابتدائى تقريبا ، افتكر الفترة دى علاقتى بيه مكنتش احسن حاجة ، مكنش بيضربنى لكن مكنتش قريبة منه 
امى الضغط كل ما كان بيزيد عليها بقت تعلى صوتها ، تضرب ، تزعق 
فترة ابتدائى دى اكتر فترة اتضربت فيها تقريبا 
ودخلت اعدادى وفترة الكورونا وعلى بداية تالتة اعدادى شبه انعزلت عن البيت 
بقيت ببعد عن الصوت العالى والضرب 
وجبت مجموع حلو الحمد لله وامى وقتها اصرت انى هدخل ثانوية عامة واكمل لان تيتة ام ابى مكنتش عايزة دة ولا عايزة مصاريف على ابنها اللى هو ابى على الفاضى مع العلم انها كانت من الناس اللى كانو بيقنعوا جدو ان امى متتعلمش زمان بحكم انهم قرايب 
ودخلت ثانوى عام 
عندى اخين ولاد اصغر منى 
واحد من صغره نوعا ما المظلوم ، او هو كان منطوى شوية فمخدش اهتمام كبير ، وانا صغيرة كنت بحاول اثبت سيطرتى عليه ، مكنتش فاهمة حاجة 
يمكن نفسيته مش احسن حاجة ويمكن ابى بيعيد معاه نفس التفرقة اللى هو شافها زمان ، 
هو دلوقتى فى تالتة اعدادى ولعبى شوية للاسف ، وللاسف بردو بيتعاد عليه نفس المحاولات انه ميكملش تعليمه 
بحجة ان ابى كمل ومستفدش حاجة وبحجة انه لعبى وملوش فى التعليم  والفلوس هتترمى فى الارض 
مؤخرا بقى عنيف اووى وبيحاول يفرض قوته كتير 
مع انه طيب اووى والله 
واخويا الصغير دة بقا عصبى اووى وعنييد وكرامته اهم حاجة عنده 
هو متعب شوية عشان كدة للاسف امى بتضربه كتيير  ، 
اخواتى الاتنين لسة بيتضربوا لحد دلوقتى وكتير للاسف وساعات امى لما بتجيب اخرها بتدخل ابى وغالبا هيضرب من غير ما يتكلم اصلا .
مؤخرا بداوا يقارنوا اخويا الوسطانى دة بياا اللى هو شوف اختك الله يباركلها بتزاكر ومش بتتعبنا ازااى 
كتير اخواتى يقولولى كلهم بيحبوكى اكتر 
انتى محدش بيزعل منه محدش بيرفضلك طلب عمرك ما اتضربتى ، يمكن كانوا صغيرين فى الفترة اللى كنت بتضرب فيها ومش فاكرين 
انا اخر فترة بقيت احاول ابعد امى عنهم وابعدها عنهم لو بتضربهم بحاول اقرب منهم اكتر اصاحبهم ايوة التغيير شبه ميت لكن موجود ودة كفاية 
بحااول احتوى اخويا الصغير شوية احضنه اصالحه 
اخواتى بيقولولى انتى بقيتى المحامى بتاعنا 
يمكن انا اقل حد اتظلم فيهم فعلا ، مش عارفة ، بس فى حاجات كتير انا مش عارفة اتخطاها او انساها ،انا اتدلعت كتييير من العيلة كلها واما صغيرة ولسة يمكن شوية ، كنت بلبس احسن من اى حد واحسن اكل واسلوب ، 
بس ساعات بحس انى كنت بتعرض لتنمر فى المدرسة مش متاكدة بس مكنش عندى صحاب كتير لانى مكنتش بحب انزل دروس مكنتش بندمج اووى 
اخر سنتين تلاتة بدات احاول اندمج مع الناس اكتر بس معرفتش اعمل دة بشخصيتى حسيت انى حد تانى ودة كان متعب اووى 
انا مش متوحدة يا جماعة لكن معرفتش اثق فى شخصيتى لدرجة انى اتعامل بيها كدة مع الناس 
اقدر اعترف ان ثقتى فى نفسى معدومة 
بقيت حاسة انى فى عالم اكبر منى بكتير بغلط كتير بقع كتير بس بحااول اقوم 
حاليا فى تالتة ثاانوى بحاول بشتى الطرق انى ازاكر مش قاادرة برغم انى عارفة ان مستقبلى شبه بيضيع
بحاول ارجع لربنا تانى مش قاادرة مش عارفة اقف اصلى والله بتوضى ما بعرف اقف لسانى معقود عن القران مش قادرة اقرا بس بحاول اسمع 
خايفة اموت كدة ومش قادرة حتى احاول تانى 
بحاول اقرب من امى اكتر اعوضها برغم ساعات بنتخانق مش بساعدها فى البيت الا نادرا الصرااحة ،مش عارفة لازمتى ايه لكن اهوو 
بحاول اخليها اهدى بالذات مع اخواتى  
امى اتكسرت كتييير يمكن اكتر حد اتظلم فينا 
ربنا يعوضها على صبرهاا فى الجنة يارب 
مش عارفة انا بحكى كل دة ليه وليه احكى عنهم اصلا لكن قعدت اتكلم مع امى وحسيت بكسرتها 
مش عارفة ليه هقول كدة بس انا مش عارفة احس ودة مش ناتج من صدمة مثلا انا كدة علطول ، معتقدش انى الانسانة الحساسة مش بعيط كتييرر ومش عارفة احس انى بحب اى حد حتى امى ابى اخواتي ولا حد ، مش عارفة ازااى اصلا الانسان ممكن يحب اهله 
عارفة ان ناس كتير ممكن تشوفنى ضعيفة او باخد دور الضحية ويمكن انا كدة فعلا ، يمكن فى ناس بالنسبالها دى مش مشاكل اصلا ، لكن هو كلام جوايا وبحاول اخرجه وخلاص 
معتقدش حد ممكن يكمل لهنا بس لو حد كمل اتمنى بس يدعيلى من قلبه ربناا يهدينى ويرجعنى لطريقه وعبادته ويطمن قلبى ولكم بالمثل وزيادة يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_55189 🇪🇬

منذ أسبوع واحد

شعور محبط

طول عمري بحاول اكون كويسه زي ما اهلي عايزين خصوصا امي واخويا بحاول اكون دائما جايبه الدرجه النهائيه بحاول اكون شكلي حلو وجسمي حلو بحاول اعمل اي حاجه في شغل البيت بحاول ابقى ناضجه ومينفعش اهزر خالص بحاول ميبقاش ليا صحاب كتير متشغلنيش عنهم وبعد كل ده دايما شايفني مش مقدره النعمه ومش بعمل حاجه غير اني

Coffee_56002 🇪🇬

منذ أسبوع واحد

شعور ضائع

بحاول اطلع من دايره الاكتئاب ايل دخلتها من ٥ سنين بقالي ٥ سنين بحاول وكل مره بفشل حاولت اتعالج منه وروحت لدكاتره بس مفيش فايده مكنش ف حل ومحبيتش اسكت دماغي بالأدوية انا دماغي بتاذيني اووي بحاول اخرج من الزون دي معنديش حد اروح اقوله اني تعبان او مخنوق او فيا حاجه عشت لوحدي رغم ان حواليا ناس كتير بس م

Coffee_77741 🇪🇬

منذ أسبوع واحد

شعور متوتر

أنا بكتب الكلام ده وأنا مش عارف أتنفّس من كتر ما أنا موجوع. بقالي سنين بجرّي على نفسي، أذاكر وأنجح وأحاول أعمل اللي عليّا، ومع كل ده كنت برجع البيت أستنى كلمة حلوة… كلمة تقول لي "أنت تعبت" أو "أنت كويس". كنت في الثانوية جبت ٩٦٪، والناس كلها فرحت لأولادها إلا أنا… عند أهلي كان عادي، وكأن اللي عملته م

Cookies_63766 🇪🇬

منذ أسبوعين

شعور خجول

احلى موقف ممكن تسمعه أنهردا كنت بحب شخص والشخص ده انا وهو كنا بنحاول نبعد وميبقاش في بينا علاقه محرمة ، لكن انا كنت متعلقة بيه بطريقة مريضه بجد ومكنتش بقدر ابعد يومين على بعض لكن كنت والله بحاول ادوس على قلبي وابعد وياما عملنا بلوكات لبعض وياما حاولت ابعد عنه لكن للاسف الشخص ده آذاني في اخر العلاقه

Coffee_63938 🇪🇬 حافظي علي نفسك من العلاقات المحرمة لأنها وجع للقلب فقط والله ربنا رحيم

عرض الكل 6 نصيحة

Croissant_74053 🇪🇬

منذ أسبوعين

شعور مهتم

انا عرفت واحد كان محترم جدا وجنتل موت ومز وشيك وكل حاجه المهم مره كنا بنتكلم بليل لقيته بيلمح لكلام سيكشوال وكده اصدمت منه بصراحه ومستجبتش لي خالص المهم جاه في دماغي اكلمه من اكونت تاني قولته انا واحده عرفاك من المكان الفلاني والكلام ده حاولت اجيب رجله في سكه شمال يعني وقعدت فتره اكلمه برضو عشان يا

Durian_77598 🇪🇬

منذ أسبوعين

شعور غير مكتمل

انا ٢٧ سنه تميتهم في ١٥ سبتمبر و مش عارفه اقول قد ايه كان شهر لعين ليا عشت قبلها ٥ شهور عند والدي و مراته بحاول اقرب منه و قرر يتخلي عني بدون سبب و الشخص اللي ارتبطت بيه و كنت مآمناله ظهر علي حقيقته و طلع كان كاذب و محور عليا سنين كنا دخلين علي خطوبه.. طبعا قدر الله و ما شاء فعل انا متشخصه بوردرل

عبّر عن شعورك بشكل مجهول

انا ٢٧ سنه تميتهم في ١٥ سبتمبر و مش عارفه اقول قد ايه كان شهر لعين ليا 
 عشت قبلها ٥ شهور عند والدي و مراته بحاول اقرب منه و قرر يتخلي عني بدون سبب و الشخص اللي ارتبطت بيه و كنت مآمناله ظهر علي حقيقته و طلع كان كاذب و محور عليا سنين كنا دخلين علي خطوبه.. طبعا قدر الله و ما شاء فعل

انا متشخصه بوردرلاين من ٢٠١٦ و مدمنه ، ربنا يعفينا جميعا 
و بحاول اهندل حياتي علي قد ما اقدر 
بشتغل شغل كويس من البيت 
اصحابي ناس لطيفه و كويسه
عندي هوايه و مهتمه بيها

بس مش عارفه الاحق او اتعامل مع صدمات حياتي بشكل سوي ولا بعرف اقعد في هدوء حتي احلل حياتي و احل مشاكلي
بهرب عشان اتعامل مع اللي جي 
coping mechanism 
عشان للاسف مفيش وقت ولا عاد في طاقه او حتي ثقه 
انا بس كل يوم بحرص اني اعدي اليوم باحسن حال

امي شافت مني كثير اوي و متستاهلش مني الحال اللي بقيته 
ربنا يحفظلي امي حبيبتي طول العمر 
كانت شايفه كل خطواتي و شافت وجعي و بتحاول تقويني و نفسها ابعد عن الادمان
نفسها تشوفني طبيعيه .. 
انا مش بتدلع .. بس اللي شفته ف حياتي يخليني معرفش ارجع عاديه تاني.. 
بس بحاول اخلي حياتي اكثر استقرارا عشان اشوف نظره الفخر و الاطمئنان في عنيها انها مسنوده عليا
انا دايما مسؤوله عنها و اخذه بالي منها و بحبها اوي .. 
بحاول اقلل و هبطل قريب لما نفسيتي تستقر 
اتمني..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_77416 🇪🇬

منذ أسبوعين

شعور مستنزف

الحقيقية محدش فينا قوي ليه احنا بنحاول نبين ونرسم ان احنا اقوياء علشان مبنحبش نصعب على حد ولا نكون مصدر شفقه للي حوالينا إحنا الي بنحاول نبين ان احنا اقوياء وبنستحمل وبنشيل وبنتحمل وهما يزودو علينا ويستغولو ده بس محدش شافنا ولا بيشوفنا واحنا لوحدنا بنكون ازاي تايهين وضعاف وبنكون بس محتاجين ان حد يح

Coffee_56002 🇪🇬

منذ 3 أسابيع

شعور آسف

انا مبقتش عارف اعيش ف كميه الضغط ده انا بحاول اني اراضي الكل واقف جمبهم ابقي سندهم لكن كل مره بعمل كده وانبسط اني فكيت كرب حد او لحقته من مشكله ازعل اكتر ازعل ع نفسي اني مليش حد ان محدش حاسس بيا اني ولا مره حد فكر يسالني مالك من غير مانا ايل اكون قايل اني تعبان انا لسه تعبان وتعبي ده بيزيد كل يوم وب

Orange_82637 🇪🇬

تعبت من المسؤولية ووحيدة بعد الطلاق

أنا امرأة مطلقة من ١٢ سنة وشلت مسؤلية ولادي واشتغلت وتعيت من كل حاجة مشكلتي أني مبقتش قادرة ادي أي حاجة وحيدة جدااا برغم ان اي حد حواليا يتمنى اكلمه بس كله في الحرام قرفت من كل الناس وتعبت من المسؤلية نفسي احس بالامان بالاستقرار العاطفي والمادي طول الوقت مسؤليات وضغوطات بهرب من ده باني اهتم بنفسي عشان لما ابص في المرايا محسش اني مهزومة بس فعلا تعبت ...عرض المزيد

17 الدعم

63 نصيحة

Strawberry_77918 🇪🇬

تايهة بين ديني والايمان الجديد.. حاسه بالخيانه

حاسه اني تايهه تايهه دينيا قررت انى اتعلم حاجات من دين معين بدافع العلم و الفضول اعرف الناس دي بتفكر ازاى و بتؤمن ب ايه لقيت نفسي تهت متعلقه بين ديني و الدين التاني اللى كنت عايزة اعرف عنه في حاجات مش مقتنعه بيها في اللى انا بتعلمه جديد بس بحس فيه براحه بيشيل عني تأنيب ضمير شايلاه من سنين و في نفس الوقت حاسه انى خاينه لديني و عاقيدتي و ايمانى الموضوع صعب اوى و مرهق نفسيا فوق ما تتخيلوا مش عارفه اعمل ايه ...عرض المزيد

4 الدعم

31 نصيحة

Pumpkin_82626 🇩🇿

نجاحي يخفي فراغاً كبيراً وإيذاءً لنفسي

أنا إنسانة ناجحة جدا في الصعيد العملي ذات مشاريع ضخمة وذات صيت واسع والكل يشير لي بالبنان ويرون اني شخصية قدوة ومجتهدة .لكن في داخلي فراغ عظيم لم يملأه شيئ …رغم اني أحاول جاهدة اخفاء ذلك وابراز سعادتي لأني مقتنعة بأن الشكوى لغير الله مذلة ..لكن هذا الكبت ساقني لما هو أسوء وهو إيذاء نفسي حين الغضب .لااعلم ماذا أفعل الآن لأني بدأت أشعر بتنميل في جسمي من الجهة اليسرى وضعف في قلبي و شدة في فكي وغثيان حين يصيبني الغضب الشديد. ...عرض المزيد

13 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع