أنا بكتب الكلام ده وأنا مش عارف أتنفّس من كتر ما أنا موجوع. بقالي سنين بجرّي على نفسي، أذاكر وأنجح وأحاول أعمل اللي عليّا، ومع كل ده كنت برجع البيت أستنى كلمة حلوة… كلمة تقول لي "أنت تعبت" أو "أنت كويس". كنت في الثانوية جبت ٩٦٪، والناس كلها فرحت لأولادها إلا أنا… عند أهلي كان عادي، وكأن اللي عملته مش موجود. كان نفسي يفرحوه… بس اتكسرت. دخلت كلية العلوم ووقعت أول سنة من كتر الضغط اللي كنت فيه، سمعت كلام قاسي خلاني أكره نفسي. ومن يومها وأنا مهما عملت حاسس إني ولا حاجة. حتى وأنا في كلية الحقوق ومن الأوائل، جوايا نفس الوجع، نفس الإحساس إني مش عايش، إني بمثل عشان الناس. وصلت لدرجة إني حاولت أخلص من حياتي علشان أرتاح، بس حتى دي ما نجحتش… وفضلت عايش وأنا مش عارف ليه.

1

5