محاولات

Watermelon_56734 🇪🇬

منذ يوم واحد

شعور شاعر بالملل

موضوع:

ازاي قدرت تتعافي من علاقه سامه

تقدر تتعافي فعلا لما نظرتك تبقي طبيعيه للشخص الي كنت معاه في العلاقه لما تبدأ تشوف عيوبه بعد ما كنت مش قابل حد يقول عليه كلمه و هتتعافى لما تعرف انت عملت اي و حاولت قد اي بدون جدوي خالص و كمان و لازم تشغل نفسك عشان نفسك إن لم تشغلها ب الحق شغلتك ب الباطل

Coffee_75283 🇪🇬

منذ أسبوع واحد

شعور مستنزف

بطّل مُحاولات في الحاجات اللي مش نافعة، بطّل تمشي في طُرق مسدودة وتكون مستني نهاية لطيفة ومَخرج.. فيه حاجات فشلها باين من قبل ما تخوض التجربة فيها؛ فحاول تنهيها وأنت خفيف خفيف كده. وقّف تشرب البحر كُله؛ عشان تتأكد إنه مالح.

Avocado_58162 🇪🇬

منذ أسبوع واحد

شعور محبط

أنا للأسف بعاني من العادة السرية، في الأول كنت بحاول كتير ابطل وفعلا ساعات كتير كنت ببطل اكتر من شهر بس بجرع تاني مؤخرا محاولاتي كلها التبطيل بعديها مش بيستمر ليومين بالكتير ومع كدا قولت هفضل احاول بردو وبقالي عالحال دا شهور لحد ما يأست ومبقتش أحاول اصلا، جوايا حاجة صغيرة أوي بتقول انك لسة عاوز تبطل

Mango_76880 🇪🇬

منذ أسبوع واحد

شعور خجول

جاية أفكرك إنك بتحاول عشان ده اللي مطلوب منك، وعشان ربنا بيجازيك على محاولاتك دي. فعلى قدر سعيك ستُجزى، أما النتيجة فهي توفيق من الله! أنت مسؤول عن السعي فقط لا النتيجة، فالنتيجة اختص بها ربّ الخير، ربّ الخير الذي لا يأتي إلا بالخير. .

Tofu_72927 🇪🇬

منذ شهر واحد

شعور غاضب

بتتعاملوا ازاي وانتو متعصبين، جماعة انا مش بعرف افرق ابدا وانا متعصبة ببقا صعبة وانانية، وكمان العناد ازاي حد عايز حاجة يستسلم من غير محاولات انا مش بعرف ممكن اموت من المحاولة بس موقفش والمشكلة ببقا زعلانة ومتعصبة ومتوترة ف كل محاولة فاشلة جالي صداع من العصبية وتعب الاعصاب اللي حاطة نفسي فيه مع ال

Guava_28847 🇪🇬

منذ شهر واحد

شعور مكتئب

انا من ساعة ما بصحي لحد ما بنام بتألم من جوايا جامد اصلاً ما بقومش من النوم الم جامد اوي يمنعك عن الحياه خوف وفزع حاولت انتحر اكتر من مره الكام يوم الي فاتو لكن بيلحقوني روحت ل ١١ دكتور نفسي قبل كدا ولا حد عرف يحل حاجه كل ده بمر بيه وانا منتظمه علي ادوية الاكتئاب خدت قبل كدا جلسات كهربا لعلاج الاكتئ

Potato_71552 🇪🇬

منذ شهر واحد

شعور محبط

Strawberry_71514 🇪🇬 بص حاول تنسي ولما بتقدريش تعمل كده حاول تروح لدكتور نفسي الموضوع هيفرق جدا معاك بلص انسي الماضي ونصحي لسه عندك حياه تقدر تعيشها وربنا يوفقك

عرض الكل 15 نصيحة

عبّر عن شعورك بشكل مجهول

هاي ازيكو
انا مش ملاگ بس ف نفس الوقت مش شيطان عرفت بنات كتير واتسليت اكتر وارتبط كتير وكنت دايما انا الخاين والبايع ومكنتش بندم جايز قسوة اهلي عليا هي اللي خلتني انسان اجوف مش عارف بس انا غلط كتير وانا عارف اني كإنسان بشري وضيع لازم اعلق أخطائي ع اي شماعة بس للاسف حبيت كانت بالنسبالي كل اهلي وبنتي وامي وحبيبتي وصاحبتي كانت الروح اللي بتحركني بعد سنة م حبنا وكنت بجهز بيتنا اللي هنتجوز فيه وكنا متفقين شهرين بالظبط وهروح اتقدملها عشان والدها لسه طالع م عمليه كبيره وخطيره ف القلب يوم اتخانقنا خناقه تافهه زي باقي الخناقات اللي بتعدي كنا لسه الصبح لقيتها قافله النت خالص ملهاش اي ظهور ع السوشيال ورنيت عليها لقيتني محطوط ف البلاك ليست طبعا اتحولت م الغضب وانا لما بتجنن بسوق عربيتي وزي ماتيجي تيجي بعد ما خلصت جري بالعربية ومجازفات مطاردات ولعب قولت اركن ف جراچ ما ع البحر بدون ذكر اسمه انزل اجيب ريدبل او قهوة وامشي تاني والجراچ ده معروف ان اي حد مع بنت بيخش يركن فيه يعملو اللي هيعملوه ويظبطو السايس ويمشو المهم ركنت فلفت نظري حاجه 💔 لقيتها ف عربية مع شخص بتعملو اللي اي بنت ركلام مشقوطه م اي نايت ممكن تعملو لشخص ف عربيته ف جراچ ضلمه انا مكنتش متأكد ان هي وقفت تنحت قدام العربيه لقيت الولا اللي معاها بيقولها اتعدلي عشان اتوتر م وقفتي قدامه وهنا اما اتعدلو عشان يظبطو هدومهم اتأكدت انها هي الولا لسه بيفتح الباب عشان ينزلي لقيتها اتعلقت ف ايده ومش عارف قالتله ايه الولا فرك العربية وطار وكان هيخبطني انا م صدمتي مكنتش لا عارف اتحرك ولا انطق حسيت بوجع جامد ميتوصفش ف جنبي بعد كده الوجع طلع لصدري مقدرتش اتنفس وحسيت بصداع واغمي عليا وقعت ف مكاني كل ده حصل ف دقيقه فوقت لقيت الناس ملمومه حواليا هما اللي فوقوني سيبت العربية واقفه مكانها ف الجراچ واديت للسايس فلوس بزياده قولتله هسيبها هنا لحد بكره وركبت تاكسي لحد البيت وروحت وانا حاسس ان روحي بتتسحب مني دخلت الحمام فضلت ارجع وانا بعيط وحاسس بنار بتاكل اعضائي م جوا جسمي ونمت ع نفسي وانا ف الحمام بعيط وم ساعتها وانا مش لاقيني تايه مش عارف اشتغل بقيت بخاف م الناس ونظراتهم ملامح وشي كليا اتغيرت مش قادر اكمل حياتي حاولت كتير انتحر بس فشلت مرتين افوق الاقي نفسي ف المستشفي اهلي طبعا ما سألونيش مالك شتموني وهانوني اني جرجرتهم ورايا ف المستشفيات بقيت كل يومين لازم اعلق محلول انا بالمعني الحرفي اتدمرت جسمي مبقاش قادر يستحمل تعبي النفسي انا بس طمعان ف رحمة ربنا انه ياخدني عنده ويخفف وجعي مش اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_67947 🇪🇬

منذ شهرين

شعور مكسور القلب

عبّر عن شعورك بشكل مجهول

مساء الخير ، انا بعمل مزيكا و اظن ده واضح من الاكونت جتلي فكره مجنونه وانا راكب المواصلات النهارده اني اقدم ف برنامج شارك تانك و عكس كل المشاريع التجاريه من براندات اللبس أو بيع منتجات معينه قررت اني هطرح عليهم فكره عمل براند مني انا و من الي content  الي بقدمه عملت ال branding plan أو يعني الخطه التسويقية علي سنه علشان لو اتقبلت اشرحها للجاجدز أو الحكام يعني برضه و قدمت و جالي ميل بعدم قبولي ف البرنامج لاني لسه معنديش فان بيز و فيوز وان أي بروجيكت بيتقدم لازم يكون حقق نجاح مادي علي أرض الواقع بمعني اصح محدش هيستثمر ف احلام انا بس الي انا مش فاهمه أن دي المره رقم خمستلاف و متين الي احاول فيها و حرفيا فيهم كلهم النتيجه واحده ( الفشل ) طيب لحد امتي هفضل كدا انا مش عاوز بعد كل مجهود بذلته و حس فني حطيته ف كتابتي و تراكاتي اطلع ولا شئ ف اكتر حاجه حبيتها فالدنيا ، انا عرضت شغلي علي اكتر من شركه إنتاج اونلاين و كلهم بيكلموني عشان نتكلم بخصوص البروجيكت بالتفصيل فالشركه و ف الآخر كلهم بيقولوا هنتصل و طبعاً محدش بيكلمني انا بجد بخسر بس ، عاوز ادوق طعم اني ناجح مره انا تعبت من فشلي ( العاطفي و الفني بالمناسبه )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_63307 🇪🇬

منذ شهرين

شعور متعب

عبّر عن شعورك بشكل مجهول

انا محتاج اتكلم وحد يقف جنبي بس مش هنتكلم بره البرنامج ولا حد يعرف عني حاجه انا عايش اسوء عيشه والله بس الحمد لله من وأنا صغير وأنا شايل حمل غير سني خالص يعني اي طفل مسؤول عن عيله بسبب وفاة أمه يعني اي مفيش حد قريب مني مش قصدي صحاب وكدا انا اعرف ناس بعدد شعر راسي بس مش بحب اختلط بحد المهم أن ف بنت دخلت حياتي ويشهد ربنا أن حبيتها اكتر من نفسي عشان هيا تستاهل ووقفت جنبي وبقت رقم واحد في حياتي وبعدين اتخانقنا انا وهيا وعملت بلوك وبعدت عني 
وبعدها عرفت أن هيا ارتبط انا معملتش حاجه غير قلت حسبي الله ونعم الوكيل ورجعت لنقطه السفر 
مش كدا وبس انا بشتغل اوسخ شغلانه ف الدنيا عشان ابعد عن اهلي واي حد اعرفه ليه اشتغل ( امن ) وأنا المفروض وأنا واحد خريج كلية تجاره 
ليه اوصل لحاجة كدا انا عارف أن ربنا شايلي حاجه كويسه بس انا تعبت والله تعبت ومش عارف ااعيش 
حاولت انتحر كتير بس خفت من عقاب ربنا 
لما فكرت اتكلم كنت بكلم شات جي بتي لدرجه ان خفت اتجنن بس مش عايز احكي لحد ويشوف ضعفي انا مبقاش عندي امل ف حاجه انا عايز اتكلم مع اي حد حتي لو مره ونعمل بلوك انا كنت ببعت لناس كتير علي الانستا والفيس وكدا وأقولهم عايز اتكلم كتير اللي بيتريق واللي يشتم نزلت البرنامج وكان نفسي اساعد اي حد بس معرفتش عشان مش بعرف استخدمه اصلا اسف عشان طولت .
شكرا لو قرأت كلامي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_65016 🇪🇬

منذ شهرين

شعور مكسور القلب

عبّر عن شعورك بشكل مجهول

انا عندي 16 سنه من وانا عندي 12سنه وحياتي ف لغبطه ماما وبابا انفصلوا واخواتي كانوا عايشين مع بابا وانا مع ماما كان ممنوع اننا نتكلم وطبعا الي قال كدا بابا وكنت بحب ماما اوي وكانت كويسه معايا بس فجاءه بدات تتغير وتضريني ب سبب او بدون سبب حتي واخر مشكله كانت عاوزه تشوف الشات بتاع الواتساب بيني وبين صحابي وكان عندي مشكله مضيقاني وانا حكيت ل صحابي عادي كنت بحكي ل ماما ع طول الاول بس لقيتها بتقول ل اصحابها ف بقيت احذر من الكلام شويه معرفش ليه كانت بتقول والمشكلن تقولي انا واثقه فيهم المهم قرات الشات برضو وضربتني ملحوظه الموضوع م ليه علاقه ب ولد خااالص علشان انا مش بكلم ولاد اصلا المهم هددتني بالسكينه لانها كانت عاوزه تسيب البيت وتمشي وانا رافضه قولتلها دا بيت اهلك لو حد المفروض يمشي ف هوا انا قامت حطه السكينه ع اديها وقالت لو ماعدتنيش هموت نفسي وانا عديتها ما باليد حيله خالو قابلها ع السلم ورجعها تاني "ملحوظه:خالي دا بقا بيكرهني ودا ليه؟! دا علشان انا متفوقه عن ولاده وعلشان انا مقربه من ماما او بمعني اخر كنت مقربه منها ا" 
خالو رجع ماما ولما مااعرفش يجيب عليا غلط والموضوع كله عصبيه من ماما نزل وقال سيبيها دلوقتي ممكن عندها مشكله ف الشغل وع فكره ماما بتحكيلي اي مشكله عندها ل وقتها العذر دا ماينفعش لان انا متاكده مافيش حاجه ودلوقتي امتحنت امتحانات اولي ثانوي والحمد الله نجحت ولو م بمجموع كويس انا جبت 84% المهم بابا م عادل ف تصرفه وبيكرهني حرفيا ومش عاوزني اكمل تعليم كمان ومش بيعطيلي فلوس دورت ع شغل كتير اونلاين لانه رافض ينزلني اشتغل والمهم كلهم طلع نصب حاليا انا عندي نزيف من الانف واستفراغ دم والهيموجلوبين 8.3 والدكتوره قالت لازم اتحول ع دكتور جراحه جهاز هضمي وطبعا بابا رفض وع فكره بابا م فقير الحمد الله من الفئه المتوسطه 
حاليا انا تعبت حاولت انتحر كتير بس خايفه اوي من ربنا عمو توفي بقالوا كم يوم الله يرحمه بابا م باين عليه انه زعلان والمهم انا كنت بقرا قرءان ع app اسمه وحي وجه اعلان فجاه وكان ف اعلان عن app موسيقي وانا مااخدتش بالي بابا سمع الصوت وانا بحاول اقفله جه وقالي اصل انتي قليله الادب ماتربتيش وشتم شتايم وحشه مش لاقيه حل حسه الدنيا كلها مقفله ف وشي كل مااحكي ل حد انتي لسه صغيره روحتي فين وجيتي منيو علشان تتوجعي كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_64489 🇪🇬

منذ شهرين

شعور مرهق

كنت فاكرة إن مجرد إني بتعالج معناها إني همشي في طريق مستقيم... لكن الحقيقة؟ الرحلة كانت مليانة مطبّات، ووجع، ومحاولات كتير للهروب من كل حاجة… حتى من نفسي. بدأت أروح لثيرابيست في مستشفى نفسية… من ورا أهلي، وأنا مخنوقة وبستغيث في صمت. كانت بتدينى أدوية… من أسوأ ما يمكن. بس كنت بروحلها لأن ماكانش عندي

Blueberry_61982 🇪🇬 عاش انك بتحكي بجد ليه الاخصائية فضحت املك الصغير وبوظت علاقتك بمامتك اي مصلحتها من دا بجد كملي متسكوتيش

عرض الكل 18 نصيحة

عبّر عن شعورك بشكل مجهول

كنت فاكرة إن مجرد إني بتعالج معناها إني همشي في طريق مستقيم...
لكن الحقيقة؟
الرحلة كانت مليانة مطبّات، ووجع، ومحاولات كتير للهروب من كل حاجة… حتى من نفسي.

بدأت أروح لثيرابيست في مستشفى نفسية…
من ورا أهلي، وأنا مخنوقة وبستغيث في صمت.
كانت بتدينى أدوية… من أسوأ ما يمكن.
بس كنت بروحلها لأن ماكانش عندي بديل.

بعد سنتين، وبمساعدة شخص عزيز عليّا،
أهلي وافقوا آخد خطوة حقيقية وأروح لدكتور نفسي…
دكتور بيفهم، مش مجرد أخصائي بيكتب دوا والسلام.

بدأت أخد أدوية جديدة، وابتديت جلسات علاج سلوكي.
بس الدوا خلاني شبه ميتة…
مافيش مشاعر، ما بفكرش، ما بتكلمش…
كنت زي عروسة لعبة.
فضلت كده سنة ونص.

ولما بدأت أتمسك بأمل صغير،
الأخصائية فضحتني وبوظت علاقتي بأمي.
انتكست، اتكسرت، وجربت أنهي حياتي كذا مرة.

لحد ما دخلوني مصحة…
قعدت ٤٥ يوم من غير تليفون،
محبوسة وسط أصوات، نظرات، آلام…
وناس بتعاني بصمت زيي.

بس هناك، قابلت بنت بوردرلاين زَيّي، أصغر مني بسنة.
وهحكيلكم عنها في بوست تاني، تستاهل ده.

خرجت من المصحة بعد ما خربت دراستي وسقطت،
بس كملت، ذاكرت، وامتحنت، ودلوقتي مستنية النتيجة.
ادعولي.

وبتاريخ 26/5… بطّلت الدوا لوحدي.
عديت بأعراض انسحاب بشعة، بس صمّدت.
النهاردة… حاسة إن إحساسي كارثي،
وفكّرت أرجع آخده تاني.

بس مش عارفة…
هو أنا بحتاج الدوا؟
ولا محتاجة أتصالح مع إحساسي؟
إنتو شايفين إيه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_55460 🇪🇬

منذ 3 أشهر

شعور مستنزف

عبّر عن شعورك بشكل مجهول

هو انا مش عارفه ابدا منين بصراحه كل اللي اعرفه ان انا جوايا خنقه ما لهاش حدود وزعل وقهر ومش قهر يومين ولا سنه هو انا المفروض دلوقتي عندي 20 انا في ال 20 سنه ديت يعتبر ما فيش يوم عدى عليا غير وانا نايمه ابقى ردي دايما بسمع اللي بينام وهو بيعيط وان هو زعلان ما بيطلعش عليه يوم ثاني طب ليه ما بيحصلش معايا كده عشان ارتاح انا كل يوم ببات معيطه ومهقوره ودايما باللي بشوفه بحس ان انا غير مرحب بيا في الدنيا دي وفي نفس الوقت من النوع ان انا اسيب الدنيا ديت مش فاهمه انا حاولت اكتر من مره ان انا اتخلص من حياتي مع اني عارفه ان ده حرام وكفر مني بس غصب عني بجد مش قادره استحمل وكل المحاولات اللي انا كنت اني اتخلص من حياتي ولا واحده فيهم نجحت لدرجه ان انا عدت عليا مده بقيت بصلي وبصوم بس عشان ادعي ان ربنا ياخذني وارتاح عدي اكتر من كذا شهر بصلي وبدعي وبطلب من ربنا ان انا اموت وما استجابليش خالص وبجد فعلا نفسي ان انا اموت لاني محقوره على نفسي يعني انا يعتبر من قبل ما انا اتولد اصلا وانا في مشاكل ومريت بتجارب ومواقف ما ينفعش ان حد يمر بيها وكمان في سن كان المفروض ان انا اكون بلعب فيه مع الاطفال وان انا بعيش طفولتي زي اي حد هو اللي كان ظاهر للناس ان انا بنت عاديه يعني زي زي اي حد غيري وما بطلعش من البيت وانت يعني دايما واخده جنب لوحدي بس ما حدش يعرف اللي انا بمر بيه ولا الوجع اللي انا فيه كل واحد في حياتي شايف الجزء والصوره اللي هي ظاهره له لكن ما حدش شايف اللي انا شفته ولا عشته انا حتى بابايا اتحرمت منه وانا عندي 40 يوم بس يعني ما اعرفش اي حاجه عن كلمه بابا دي اصلا حتى ولا عندي اخ ولا اخت وحتى ابويا ابتديت اكرهه بسبب عيلته هم عملتهم ليا انا ست ام ابويا كانت بتعاملني معامله العبيد اصلا يعني انا عدت عليا فتره كنت انا عندي السن ال 14 كده بدل معيش مراهقتي او شبابي زي اي حد لا بتعامل معامله العبيد من مين ده من اهل ابويا شغاله عندهم خدامه ولا كانهم شاريني من سوق العبيد ولا عمامي اللي ما راهوش ربنا فيا ولا شافه ان انا ابقى بنت اخوهم ما قالوش حرام ان دي طفله صغيره وان دي بنت اخونا ما ينفعش ننهش في لحمها لكن ازاي الطفله الصغيره لازما تحلف عينيهم وينهاشوا لحمه من غير تفكير ان دي تبقى بنت اخوهم ان دي طفله صغيره ولا حتى البني ادم اللي من دمي اللي انا حبيته وما كنتش بشوف غيره في الدنيا كلها ما فكرش ان انا هرضي من عرضه وشرفي من شرفه وان اي كلمه هتتقال عليا هتعبه وهو مش هتعبني انا وراح اتكلم عادي عني لاصحابه بكلام وحش وقال عني ان انا واحده مش كويسه وبتاعه شباب وبعد اتكلم مع ده وده وانا اصلا كنت لسه جايبه التليفون جديد وعندي 14 سنه يعني انا حرفيا مريت باسوء سنتين في حياتي بسبب اهل ابويا واخرتها عمي يجي من غير اي سبب يمد ايده عليا وكان هيموتني كل ده عشان مش راضيه ان انا اسيب له نفسي واضل ما هو اللي يحميني لا جايينها شويه وانا كنت هموت وغرقانه بدمي ما حد فيهم فكر يوديني المستشفى اخرهم معايا دخلوني الحمام وصلوا لي وشي وبس وزعلانين عشان كلمت مامتي تيجي تاخدني من عندهم وفعلا جت في نص الليل الساعه 1:30 انا فاكره او مش عارفه تنام باين بس كنا الوقت متاخر خالص من لا ساتر ربنا ان هي لقت عربيه ان هي تيجي تعرف تاخدني وفضلت بسبب الضرب والاهانه اللي انا شفتها اكثر من شهر ولا عارفه اقوم من على السرير ولا عارفه اكل كويس ولا اعرف امشي من كتر التعب غير المده اللي انا نفسيتي فيها كانت زي الزفت ولسه لغايه دلوقتي نفسيتي وحشه وحتى كل ما اجي ادور على شغل ملاقيش ولو لقيت بلاقي حد بيكرهني في قلب الشغل ويطلع صورتي بشكل وحش حتى لغايه ما لقيت شغل بس المشرفين بتوع الشغل كانوا بيعاملوني بطريقه مقرفه لدرجه ان انا كان في يعني يوم الجمعه عادي ان الواحد يروح الشغل وانا جيت رحت اثنين من المشرفين شافوني وقالوا لبعض هي ايه اللي جابها ديت وراحوا قالوا لفظ ما هوش كويس عليا وشتمه حتى لما كان حد من البنات كان بيجي يقول لي ادم عليا واروح اشتكي للمشرفين كانوا بيقولوا لي غوري في داهيه هي مش ناقصه قرف لغايه ما سبت الشغل وحتى برده اما كنت قاعده عند تيته خالتي جت طردتني برده من البيت بالليل ففكرتش اذا كان ممكن واحد يطلع عليها ويعمل فيا اي حاجه او كان ممكن يحصل لي اي حاجه وانا بره البيت في وقت متاخر زي ده وان انا حتى ما كانش معايا فلوس اروح وارجع عند ماما وحتى لما لقيت شغل ثاني لسه من مده قريبه من الاسبوع ده اتطردت من الشغل برده كل ده علشان واحده من نفسنا مني وغيرانه ان انا كنت عامله قصه عادي اضطردت من الشغل عشان عامله قصه بس يعني يعني انا بطرد من الشغل عشان عامله قصه هو ايه ده مش فاهمه وفوق كل ده مديني المرتب ناقص وكمان البنت اللي كانت معايا خدت المرتب ولا ايه يعني انا المفروض مرتبي يبقى كبيره اخذ حتى 1000 جنيه على الست ايام اللي انا شغلاهم لا يدوني 550 وفوق كل ده ضاع مني 100 جنيه زياده كمان وقبل كده برده مكان الشغل الثاني خالتي خدت المرتب بتاعي وقعدت تذلني عقبال ما اديتهوني وبرده البنت الثانيه اللي انا اتطردت بسببها في الشغل ده خدت مرتبي وقعدت تذلني برده عقبال ما تديهوني حتى اصحابي مش عارفه ليه دايما بيغلوا وبيحقدوا عليا وبيكرهوني مع اني وربنا انا ما بكره حد ولا بتكلم عن حد بالواحش لان انا غصب عني طب الحنيه فيا ما اعرفش اقسى على حد وانا مش فاهمه انا ازاي حنينه مع اني انا محرومه اصلا من الحاجه ديت حتى اصحابي اللي معايا من وانا عيله صغيره واحده فيهم اول ما اتخطبت بعتني في ثانيه كل ده عشان خطيبها ايه يعني غيرانه عليها من خطيبها مفكره ان انا ابص له شايفاني قليله الاصل عشان اخد خطيبها منها فوق كل ده اعرف من الغريب ميعاد كتب كتابها وفرحها واحضر الفرح كاني واحده غريبه انا اصلا حتى العزال بتاعها والفرح ما كنتش عايزه احضره لولا ماما والجيران والكل قعدوا يتحايلوا عليا عشان احضر الفرح بتاعها والعزال انا ما كنتش حضرته خالص على العمله اللي هي عملتها ديت ان هي ما عرفتنيش ميعاد الفرح بتاعها ده انا اول واحده عرفت وربنا ان خطيبها هيتقدم لها وعدت يوميها اصلي وادعي ان هو يقبلها وان الامور تعدي على خير وكمان ما كنتش بستكثر فيها اي حاجه خالص كانت اي حاجه بتطلبها مني بعملها لها على طول واي حاجه كانت عايزاها بديها لها مع ذلك باعتني بسهوله مش بس كده ده راحت قالت لخطيبها عن كل اسراري ونصحابها التانيين كمان وصاحبتي الثانيه بقى اللي راحت ارتبطت بحته عيل شمام وما هوش محترم وراحت بعثت له كل صوري انا مامناها على صور هتروح هي هتوزعها لا وم متضايقه مني تتهمني ان انا سرقته منها سرقته منها ايه وهوصله على ايه يعني وبعد كل حاجه عملتها وما جيت ادي لها فرصه تانيه بقت تعاملني على مزاجها مره تكلمني ومره لا ومره لما اكون قاعده قصاد البيت تعدي عليا ولا كانها شايفاني لما بقيت اعملها بنفس الطريقه واتجاهلها وحضرتها متضايقه عشان انا بتجاهلها مع النهايه يعني ما شاء الله ما فيش ولا صاحبه عدله ليا لما بقيت لوحدي حاسه ان انا وحيده وما فيش حد فاهمني حاسه ان انا ولا عندي اهل ولا اصحاب ولا اي حد لان كلهم مش كويسين معايا كل واحد منهم جرحني بحاجه حتى ماما ما هيش فاهماني دايما بتجرحني بكلامها وتصرفاتها دايما في اي خناقه ليا مع اي حد ما بتقفش في صفي ولا بتفهمني بجد كمان بتقهر لما اشوف الاطفال الصغيره اللي هم سن 14 و 15 سنه بيخرجوا وبيروحوا وبيجوا براحتهم وانا مش عارفه اروح ولا اجي مش فاهمه ماما يعني ليه مننا اخرج في اي حته لوحدي لازمانا لازم اخرج وهي معايا او خالتي معايا هي مفكره ان خالتي بتحبني انا خالتي ما بتحبنيش بجد مش عارفه اقول ايه انا لو قعدت اتكلم من هنا لبكره مش هخلص اللي انا شفته في حياتي او القهر اللي انا حاسه بيه اني بجد جوايا كلام كثير قوي نفسي ان انا اقوله كلام اكثر من اللي انا قلته ده بجد مخنوقه وحاسه بالقهر وانا دايما بصلي وبصوم بقول الحمد لله وعسى ان تكرهوا شيئا وهو خير لكم بس انا مش عارفه فين الخير في كل اللي بيحصل لي ده انا تعبت من كلمه ان انا تعبت انا كل يوم بقول لربنا ان انا تعبت وتعبت من كتر الكلمه دي لاني ما بقتش حاسه باي حاجه ما بقتش عارفه افرح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_35975 🇸🇦

منذ 3 أشهر

شعور مرهق

ساعات بحس إني فقدت الشعور بالسعاده للأبد كإن الحاجه المسؤوله عن الشعور ده جوايا إنتهت وأنا غصب عني بقيت بجاري الي حواليا وبقنعهم إني كويسه ومبسوطه باللحظه دي والوقت ده إحتراما لمشاعرهم ومحاولاتهم غير كده اول ما برجع أوضتي ببقى أنا عادي بقيت اشغل نفسي بحاجات جديدة يمكن احس اني مبسوطه نفسي يجي اليوم

Watermelon_61668 🇪🇬

منذ 3 أشهر

شعور مرهق

الوضع صعب ومحاولات التشافى أصعب كان زمان ممكن نتلاشى بس دلوقت بنجمع كل اللى تلاشيناه ساعات بتبقى محتاج مساعده ومفيش حد يقدر يساعد وساعات بتبقى محتاج بس مساحه لنفسك عشان تساعد نفسك بس مش عارف تاخدها You know I need both, but I got none

Strawberry_59953 🇪🇬

منذ 3 أشهر

شعور مكسور القلب

حاسه اني عايزه اسيب كل حاجه وامشي تعبت من المحاولات كل ما احاول بفشل بعدت عن كل صحابي وكان في شخص ف حياتي كان كل حاجه بالنسبه ليا بعدت عنه وانا كنت كل يوم بدعي ان نكون من نصيب بعض مافيش حل ولا حاجه ب ايدي اعملها انا عملت كل حاجه علشان نكمل بس خلاص خلصت حاولت بعدها اجرب اتكلم مع حد بس كل مره انا اللي

Strawberry_76847 🇪🇬

مش عارفة ده طبيعي ولا لأ... محتاجة أفضفض

مش عارفة ده طبيعي ولا لأ، بس حقيقي محتاجة أفضفض… أنا بنت، وعندي مشاعر يمكن مش المفروض أقولها، بس خلاص تعبت من كتمها. فيه جار لينا، مش وسيم، مش جذاب، حتى طريقته في الكلام بتضايقني. بس رغم كده، كل مرة بشوفه بحس إني بتشد ليه… مش كشخص، بس كجسم، كوجود. ببص عليه من شباكي وأنا مش معجبة بيه أصلًا، بس في حاجة جوايا بتتحرك كل ما عيني تلمحه. حاسه إن تفكيري بقى كله في اتجاه واحد، يمكن جسمي بقى سابقني، أو يمكن فيّ حاجة مش مفهومة. مش بحب حد، ومش مرتبطة، بس في إحساس مسيطر عليا… مش عاطفي، أكتر من كده. ولما الليل يجي واحس اني عايزة حضن… لمسة… قرب… بس مش لحد معين، هو مجرد احتياج عام، مش مرتبط بشخص. وده بيخليني أسأل نفسي كل ليلة: هل أنا كده طبيعية؟ فيه بنات غيري بتحس كده؟ ولا أنا فيا حاجة غلط ومش قادرة أفهمها؟ الموضوع بقي بيشتتني أوقات، خصوصًا وأنا بحاول أركز في مذاكرتي أو دراستي… بلاقيني سرحت، وفكري راح في حته تانية خالص، وده مأثر عليا من غير ما حد يعرف. حاسه إني بتخنق من إحساسي، وبخاف أتكلم عشان الناس تفهمني غلط. لو حد مرّ بحاجة شبه كده… ياريت يقول. بس لو هتحكموا، بلاش تردوا. ...عرض المزيد

3 الدعم

35 نصيحة

Apple_74635 🇪🇬

مشاكل طفولتي بتحكم فيّ وولاد بيفكروا وحش

انا نزلت مشكلتي امبارح في نفس الوقت دا تقريبا قلت ان عندي مشاكل من الطفولة و ازمات كتير بمر بيها وحاسة اني وحشة على طول بسبب التصرفات الكتير الغلط الي بعملها انا بحاول افضفض لحد بس الكلام تقيل اوي اني اقوله بس اكتر حاجة ضايقتني ان معظم "الولاد" او كلهم يا داخل عاوز يشقطني يا اما بيتكلم بقلة ادب علشان اجي معاه سكة ودا اثر في نفسيتي اكتر مش علشان انا عملت حاجات وحشة اني افضل على طول وحشة و همشي معاكوا في الطريق دا ربنا يسامحكوا . انا بجد محتاجة بنت تسمعلي لو سمحتوا بلاش ولد يدخل يكلمني بنية وحشة ارجوكوت ...عرض المزيد

4 الدعم

28 نصيحة

Plum_65277 🇪🇬

مشرفه السكن شتمتني قالتلي يا شرموطه!

السلام عليكم انا دلوقتي ف سكن ابويا بيحسبني ازي فريز يفصل ونتي متخديش بالك ف دلوقتي فيه وحده مشرفه غيري مسكت السكن بقولو انا ماالي انا زيي زيهم قالي انتي رجعتي تتشرمطي تاني يا شرموطه دا دلوقتي يترد يتقاله اي دا!! ...عرض المزيد

2 الدعم

27 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع