كاريزما

Banana_56622 🇪🇬

منذ يوم واحد

شعور فخور

موضوع:

ايه نقطة التحول في حياتك ؟

Peanut_56462 🇪🇬 سبحان الله دى تتلخص فى عسي أن تكرهوا شيئا وهو خير لكم ان ربنا مخلهوش يكمل فى طريقة الارتباط اللى حرام اصلا وبقا شخص ناجح فى حياته وشغلو

عرض الكل 22 نصيحة

عبّر عن شعورك بشكل مجهول

هي مش قصتي انا بس قصه تستاهل انك تسمعها 
هي قصه محمود صديقي في الكلية 
محمود كان شاب بسيط محترم من الارياف وهو من أحد اصدقائي المقربين لحد دلوقتي محمود كان عايش في بيئه مغلقه شويه ومتربيين علي الأصول والاحترام مكنش عندهم الانفتاح الرهيب اللي عندنا ،محمود لما دخل الكليه كان متفاجئ باالبس بتاع البنات كان وكان تعليقه أن دول خارجين من اوضه النوم 😂😂 ،وكان مستغرب جدا من البنات اللي واقفه مع الشباب والبنات بتضحك بصوت عالي وكان بيقولي دول لو عندنا في البلد كنا طخيناهم عيارين (ضربوهم بالمسدس) وكان بيقولي أن كل لما يدخل الجامعه يحس أنه دخل النار من اللي بيشوفه ،المهم عدي شهر فالتاني والثالث و لقيت محمود بيقولي عارف البنت فلانه اللي معانا في السكشن قولتله ايوه اعرفها مالها ؟ قالي احنا ارتبطناوكانت صدمه بالنسبالي !!! ازاي الشاب محمود يعمل كده !!
قعدوا مع بعض شهرين مرتبطين ومحمود اتعلق بيها جدا جدا لانها كانت أول واحده في حياته وهرمون الاكسوتوسين (هرمون الحب) كان ضارب في السماء ..فالمهم .اخر يوم امتحانات محمود كان زعلان جدا ومكنتش راضي يكلم حد شوفته كان بيدمع في الامتحان ومش عارف يحل لحد لما خرجنا من الامتحان وقعدنا لواحدنا واصريت اعرف ايه اللي مزعله للدرجه دي انفجر بالبكاء وقالي فلانه قالتله (انتا مش مناسب ليا !!! وانا استحق واحد احسن منك ) محمود كان مصدوم من اللي قالته خصوصا أن عمره ما زعلها وكان يتمنلها الرضا ترضي وفي الاخر تسيبه كده وكمان تقوله (انا عمري ما اتجوز واحد زيك فلاح جاي من ورا الجاموسه )!!!!!!!! ...فالمهم اليوم ده خرجته وخليته يفك شويه وقضينا اليوم سوا وعلي صلاه المغرب روحنا الموقف عشان كل واحد يروح البلد بتاعته 
وساعتها انقطعت اخبار محمود عني !!!!!!!!
مكنش معايا ساعتها وسيله تواصل غير رقم تليفونه وكان مقفول طول الاجازه وحتي معرفتش اوصل لأهله أو لاي حد اتطمن عليه حتي وقعدت ٣ شهور الاجازه في حيره الواد ده فين ؟ يا تري عمل حاجه في نفسه ؟ 
فالمهم خصلت ال٣ شهور وفاضل اسبوع عالدراسه بجرب ارن علي محمود عالعاده زي كل اسبوع لقيت التليفون بيرن بس محدش بيرد ...بعدها ب ١٠ دقائق لقيت رقم محمود بيرن عليا رديت فورا وعاتبته جدا علي اللي عمله ده وقالي لما نتقابل هتفهم كل حاجه !!طيب قولي طيب كنت مختفي فين ؟ محمود يرد ويقولي لا لما نتقابل ....اجي يوم الأحد اول يوم دراسه وعايز اشوف محمود وفعلا اتقابلنا وكنت مبسوط فشخ اني شوفته بس مكانش محمود اللي انا اعرفه ،محمود بقي محمود برو ماكس 😂 محمودكان تخين  خس جدا وبقي جسمه متقسم ...محمود زمان كان لبسه بسيط محمود بقي لبسه شيك جدا جدا وشكل الهدوم حلو عليه عشان كان جسمه ظبط جدا +.محمود حاطط برفيوم حلو فشخ ..وفي فرق واضح جدا في شخصيته وطريقه كلامه و عنده كاريزما بأختصار مبقاش محمود اللي انا كنت اعرفه بقي شخصيه احسن بكتير وكنت مبسوط فشخ بالتغير اللي هو عمله ده...ساعتها كرفنا المحاضره الأولي وقعدنا في كافتيريا الكليه وحكالي محمود أن آخر يوم امتحانات اليوم اللي فلانه سابته فيه كلامها خلي جوااه نار عايز يطلعها في حاجه قالي انا مختارتش اني اطلعها في بكاء عليها وابقي شبهي شبه النسوان قالي انا قررت اتغير ابقي شخص احسن وكما كلامه وقالي أن فعلا زمان انا مكنتش احسن حاجه وانا لو بنت مش هفكر ابصلي اصلا وكمل كلامه وقالي ساعتها قرر يروح الجيم يطلع طاقه الغضب اللي فيه وكان اول مره يروح في حياته جيم وحب الجيم جدا وكان ملتزم كل يوم فالجيم وكمل كلامه وقالي أنه اشتغل ٣ شغلانات !!!! الصبح في الأرض مع أبوه بعد الظهر كان شغال ماركتينج ولما يخلص بينزل علي توكتوك خاله ٣ أو ٤ ساعات ...بيقولي اكتر شغلانه اثرت فيه هي شغلانه الماركتينج قالي لازم اكون لابس شيك وانا ببيع وكلامي يكون منظم وريحتي كويسه ساعتها كنت مبسوط جدا من محمود وكنت مبسوط من اللي هو عمله ...محمود في ٣ شهور اتحول لبني آدم تاني احسن بكتيير وبقي شخص مختلف للاحسن ومن ساعتها محمود بيطور في نفسه كل يوم لحد دلوقتي 
محمود لما اتخرجنا من بيطري محمود بدأ يربي دواجن ومحمود دلوقتي صاحب شركه دواجن معروفه مش هقدر اقول اسمها حفاظا علي خصوصيته وعلي فكره هو مسموش محمود ... قصه بدأت من شخص جرحه ومكنش مستقبله الي شخص من أنجح الشخصيات اللي عرفتها في حياتي 
مستني تعليقاتكم عن القصه

Mango_57291 🇪🇬

منذ 3 أيام

شعور محبط

دايما بعاني من رهاب اجتماعي لما بتعرف علي حد جديد بسبب اني بحس نظراتهم ليا مش الطف حاجه سواء حاولت اكون كاريزما و الشخص التقيل او احاول اخفف دمي و يبدأ صوتي يضيق و احس اني بتكلم من منخيري ،انا بجد تعبت و عايز حل 😞

Croissant_57288 🇪🇬 للاسف انا كمان عندي نفس المشكله مش بحب الخروج من البيت ولا اروح افراح ولا خطوبات و تجمعات عائلة و لما بخرج بلجلج في الكلام مش عارفه ليه انا كدا بكتسف اخد حقي لو اللي السواق مش رجعه الموضوع فعلا مزعج بس اعتقد الحل اننا لازم نتغلب علي الاحساس دا مرة وتالته وهكذا مع الوقت هتحس عادي

عرض الكل 4 نصيحة

Mango_51124 🇪🇬

منذ شهرين

شعور غبي

مبسوط من نفسي جدا اني مش بسيب مسج حد متعلقة، موضوع انك متفتحش اخر مسج علشان تعمل لنفسك كاريزما وشخصية علي حساب شخص تاني ممكن يتضايق لو شايفك اونلاين ومرديتش او حتي عملت Seen ف ده مش كويس منك ولازم تصلح اى زعل في اسرع وقت. جبر الخواطر علي الله ومش هتبقي جامد وروش لما تسيب اكبر عدد من المسدجات متعلقه

Banana_51034 🇪🇬

منذ 5 أشهر

شعور لا مبالٍ

بعاني من مشكله ومعرفش دا مرض نفسي ولا الظروف الي مريت بيها' انا شخص واثق في نفسي بطريقه 99% ترعبك وعندي كاريزما عاليه جداً وليا مكان كبير جداً وسط صحابي وبيحاولو يقلدوني' ودايما انا الي في الصوره وشخص اجتماعي جداً وبيعرف يتكلم ويذوق الكلام' بس عندي مشكله صغيره محدش يعرفها او واخد بالو منها غيري انا'

Banana_38444 🇪🇬

منذ 6 أشهر

شعور مزعوج

ليه الشخص لما بيعوز حاجه من حد مش بيقول ليه تعمل فيها كاريزما طلما انت عايز الحاجه دي يعني النهارده كان عندي امتحان في ولد كان عمال يبص لي ومش بيتكلم وأصحابه يقولوا ليه اسالها يبصلي ويسكت فزهقت بقى قولته عايزه حاجه واقف في حاجه قالي لا لا انا تمام طب ما انت السؤال واقف معاك أسأل

Strawberry_42174 🇩🇿

منذ 6 أشهر

شعور مليء بالحياة

موضوع:

ازاي بقى عندك ثقه بنفسك

لما كنت اصغر كانت عندي مشكلة في الثقة وكنت لما احاول اواجه اخاف واتلعثم المهم بعدها بديت افكر في في حالتي وبديت اناقش نفسي ليه انا كذا 😭😭😭😭 بعدها ادركت انو هذا الشي ماعنده سبب بس كنت ناقصة وعي طبعا ووعيت حالي بحالي شوي شوي قررت اني أبدا اواجه واتحرر من خوفي وبعدها بلشت اوثق في نفسي اكثر بعدها

Apple_28238 🇪🇬

منذ 7 أشهر

شعور ضائع

Pumpkin_40083 🇪🇬 مش شرط تلاقي عند نفس الناس كل حاجه ولو دا عيب شلتك الوحيد ف متخسرش معرفتهم بيك ب انك خايف منهم وممكن بردو تحاول تاخد خطوة خطوة في الجروب الجديد وتتجرأ وتدي نفسك فرصة معاهم ومتحطش في بالك ان خلاص انت كدا مش هتعرف تظهر نفسك تاني زي اول مرة واعتبر الشلة ال فاتت دي كانت موجودة عشان تفهم ايه ال ممكن تتخطاه مع الشلة الجديدة عشان ميتكررش نفس الموضوع تاني وكدا كدا طبيعتك هتظهر يوم من الأيام قدام اي حد

عرض الكل 3 نصيحة

عبّر عن شعورك بشكل مجهول

دلوقتى انا لما دخلت الجامعة قولت هيبقا عندى صحاب وبتاع وشلة و بالفعل ده حصل بعد ما دخلت المسرح الجامعى وبقينا شلة ومختلف الاعمار فيها و واحده واحده بدأت الشلة تتفكك لاسباب عبيطه وهبله وده كان عدم نضج منهم سواء عاطفية ف كل واحد يتربط ويسيب و اللى يخون اللى مرتبط بيها واللى نكتشف انه فيك وهكذا ..و انا كنت فى الكاست و فى الشلة الشخص اللى دمى خفيف كاريزما شكلك كويس وبيحبوا قعدتى عشان بقلد الناس وبضحك وكدا .. بس انا وقتها قررت انى اسيب كل الناس دى واسيب كاست الكلية بتاعتى لانهم كانوا شايفين انى موهوب بس هما مش حابين انى اظهر وابقا احسن منهم وده ظهرلى مع الوقت .. فسيبت الناس كلها و سيبت الكلية وسيبت كلللل حاجة لمدة 9 شهور تقريبا ابنى نفسى فيهم ( انا بحاول اختصر لان فيه احداث كتير عايز اقولها بس مش هقدر اكتبها كلها ) المهم دلوقتى انا روحت كاست جديد بس حاسس انى غريب وسيطيهم هما ميعرفوش انا مين .. ميعرفوش انى كوميدى مثلا وروحى حلوة .. ولما يتقال على مين كوميدى يشاوروا على حد معين منهم ويقولوا مفيش تانى وبتاع وادى مثال على كل حاجة بقا حرفيا .. ف انا حاسس بتهميش انا بس روحت الكاست ده عشان الفكرة انى عايز امثل واوصل لهدف معين يخصنى بحاول اخد بالاسباب واجتهد ... بس انا دلوقتى بتكلم انى ببقا وسيطيهم حاسس بده فاتعامل مع ده ازاى ؟؟؟ ولو حد عايز يسالنى عن حاجة معينه يا ريت عشان مش عارف اكتب كل حاجة و مش عارف اعبر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_21153 🇪🇬

منذ 7 أشهر

شعور لا مبالٍ

شباب عايز حل ضروري انا عايز اطلع دكتور إن شاء الله باذن الله يارب بخاف من الحقن ومن الدم او من منظر دا بقشعر مش بخاف انا مخافش من الجن بس اخاف من الابره بتاعت الحقنه وهي بتدخل فالدراع 🙂 مش عارف اعمل اي 🙂 وازيدك عجب عايز اخش جراحه 😂

Sugar_21221 🇪🇬

منذ 9 أشهر

شعور لا مبالٍ

عبّر عن شعورك بشكل مجهول

الرهاب الاجتماعي
تقريبا عند ناس كتير وفي منهم مش بيحاول يظهره عشان يبان جامد ويحاول يكلم اللي حواليه عادي
انا عندي رهاب اجتماعي دا له أسباب كتيره جدا وكل واحد عارف سببه ايه بس في الأغلب بيبقي من عنف أسري أو شايفه نفسك مش حلوه او مفيش ثقه أو شايفه أن دا بيتكلم عليكي ماشيه كدا خايفه وبتفكري الناس شايفينك ازاي !!
بنعالج الزفت دا ازاي بقا 
اولهم تعرفي اي السبب ودا اهم حاجه فيهم وعلاجه صعب وبياخد وقت كتير اوي اوي كمان بس مفيش حل غير كدا 
تقبلي نفسك يجميله مفيش حد فينا كامل كلنا فينا عيوب بس في نفس الوقت فينا حاجات حلوه كتيره وبجد لو ركزتي ع الحلو فيكي هتحبي نفسك جدا وهتحسي انك اخلي واحده في الدنيا ولو حد قل أدبه دا بيبقي عنده نقص فبيطلعه ع غيره دا محتاج يتعالج ملناش دعوه بيه 
وفي صحاب بجد ممكن يكرهوكي في كل حاجه دول تبعدي عنهم خالص مش ذنبنا انهم مش بيتحضنو وهما صغيرين انتي بس خلي تعاملك كويس وامشي وزعي كلام حلو كدا اي دا انتي شكلك حلو اوي تتعودي ع الكلام دا اي دا اي الحلاوه دي وبردو لو حد قالك بردو ردي رد حلو وابتسمي عارفه انك بتتكسفي جدا بس ردي عادي وهتلاقي بعد م خرجتي الكلام دا انك ارتاحتي
لو حد قالك كلمه مش كويسه عارفه بتفكري فيها كتير بس لو لاحظتي أن نفسهم دول تعاملهم زفت حتي مع اي حد فابعدي عنهم وخليكي كدا لامبلاه معاهم ولو زودوها ردي بقا مهي قله ادب بقله ادب بقا ولو تعرفي تجيبيها من شعرها دا يبقا فل اوي
مش لازم يبقي عندك صحاب كتير بس بردو وصاحبي حد كويس وكلمي الكل ولو حد محتاج مساعده ساعدي وهتلاقي أن الكل بيحبك وتعاملك هيبقي سهل وثقتك هتكبر 
انتي بقا علكي بمزاكرتك عشان يبقي ليكي كاريزما كدا وحد له هيبه كدا ومعروف بشطارته 
ابعدي خالص عن اي ولد اه هو دا اللي هيحبك وهتحبيه وفي الاخر هيديكي كلمه تقعدي تفكري فيها لحد م تتطلعي في نفسك كل عيوب الدنيا وتشوفي نفسك قليله ومتتحابيش والأهم من كل دا أنه حرام فخلكي في مزاكرتك وكل حاجه هتيجي في وقتها بالحلال 
اهتمي بنفسك ولبسك واعملي اسكين كير لنفسك والبسي لبس واسع ومريح وهيخليكي كمان تعرفي تتحركي كويس مش كل شويه تعدلي فيه وامشي بكاريزما كدة وخليكي رزينه شويه حتي لو عندك فرط حركه حاولي متبينيش لكله الجزء دا منك عشان كدا اي حد هيضحك عليكي بس بردو متمشيش مشكره خليكي قمرايه كدا وابتسمي ابتسامه خفيفه كدا فاهماني 
حطي نفسك في مواقف صعبه ومتحافيش هي اول مره بس هتخافي بعد كدا هتتعودي روحي اتكلمي مع دي وافتحي معاها اي كلام متخضريش حاجه اتكلمي بكل تلقائية وروحي حاسبي ع الاكل واسالي عادي المستر في الحصه عادي والله بتيجي بالوقت بس تتعاملي بلطف ✨
لو في حاجه نسيتها قولو حاسه اني رغيت كتير ع الفاضي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.