فرحه

Potato_72742 🇪🇬

منذ 6 أيام

شعور ضائع

موضوع:

إيه أكتر حاجة مفتقدها في حياتك ؟؟

انا مفتقده ايام لما كنت كان عندي 5 سنين و اتفرج علي الكرتون واروح الحضانه وامي تصحيني وتحضني لما اكون زعلانه ولما اقعد مع اختي وناكل اندومي واخويا اللي بيهتم بيا ويفرحني وابويا اللي يجبلي حاجه حلوة وهو راجع وكل ده كان قبل ما اختي تمشي في طريق الغلط واني ابدأ اعقل

Coffee_19911 🇪🇬

منذ أسبوع واحد

شعور آسف

عبّر عن شعورك بشكل مجهول

هاي 
النهارده ولا المفروض اقول امبارح المهم يوم الجمعه كان فرحتنا المنتظر كان عزال اول بنت في عيله بابا او اول واحده ربنا ينصرها وتتجوز وصح كان عزال وكتب كتاااب بعيدا بقى عن الدجي اللي محتاج هو محتاج حاجه وخلاص بس ده كان احقر حاجه حصلت يعني بعد ما قعدت على تيك توك شهرين واحفظ اغاني وتريند واسمع احمد سعد واخرج من مود ابله نظيره اللي مش حافظه اغاني دي وصراحه قولت استغل العزال وانهي على حوا الرهاب الاجتماعي اللي عندي ده بس بجد الديجي الحقير الله يسامحه شغل اغاني مسمعتهاش قبل كده تعب الشهرين راح على الفاضي وانا خدت بعضي وروحت وقفت في كورنر على جنب اسقف وابتسم وخلاص اممممم في منظور كل اللي حواليا انا شبه صنم بيستقف وراسه في الأرض وخلاص اممم عندهم حق الصراحه لسه اخويا الصغير بيقولي هو انتي محطتيش ميكب مع البنات لييييه اماااا جيل قليل الادب بحق بس خلاص عاوزه احكي من منظور انا بقى

كانت عروسه شكلها تحفهه الوقت بيعدي بسرعه موتت وهي بترقص وبتغني مع صاحبها حسيت اني بدمع للحظه مش متخيله اني كنت هعيط علشانها كأننا كنا صحاب اويي ده يادوب بنسأل على بعض كل فين وفين كل حاجه فيها كانت مظبوطه ماشاء الله يعني لحسن تولع دلوقتي بس بجد لفه الطرحة والفستان وصراحه بيني وبين نفسي فرحت اوييي للمه صحابها حواليها وصح انا شربت علبتين عصير تفاح من الليله دي كلها وشوفت ولد صغير قمور بشكل فضلت ارخم عليه في الكورنر اللي بسقف فيه ده وبعدين ربنا رزقني بتالت علبه عصير وانااا اديتها لهذا الطفل بس لأجل وسامته الطبيعيه غير كده انا مبحبش الاطفال والسماء من فوق والشجر حواليها كان احلى من زحمه الناس والرقص والعرق تحت حسيت اني عاوزه اهرب واقعد في بلوكنتي او اطلع السطح وخلاص وأفضل ابص للسماء والشجر والشمس اللي بتلمع ورق الشر والبيوت العاليه بطوبها الأحمر والعشش بتاعت الحمام وعمو وهو ماسك علم وبيرفرف بيه والحمام بيطير حواليه لحد ما فوقت على كف على ظهري من ماما اني انزل لساحه المواهب بتاعت البنات دي وارقص او اسقف حلو بدل تسقيف تحيه العلم دي بس كده وصح خمنوا  حاجه اليوم خلص 
وبعد بكره مش عارفينه والنهارده مجهول فااا تمام 
باااي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_67964 🇪🇬

منذ 3 أسابيع

شعور متوتر

Marshmallow_67706 🇪🇬 بص طالما وصلت للمرحله دي يبقي انت قطعت شوط كويس من المشوار صدقني مش لازم تكلمها دلوقت علشان متخسرش ثقه ابوها فيك تسعي و حاول و اتعب في الي باقي من الكليه جهز نفسك و لما يجي الوقت المناسب الي تحس فيه انك جاهز من كل النواحي روح اتقدم و ربنا يوفقها ليك و يوفقك ليك الخير

عرض الكل 11 نصيحة

عبّر عن شعورك بشكل مجهول

قصتي طويله شويه هحاول اختصرها انا في سنه أولي كليه اعجبت بيها مكنتش بقدر أشيل عنيا من عليها مش متخيلين فرحتي لنا اخدت بالها وبقت هي كمان من وقت التاني تبصلي برده خلص الترم الاول عل كدا كنت خايف اروح اقولها لسببين انا عندي مشكله ثقه في النفس وكمان ظروفي الماديه متسمحليش اخد خطوه رسميه صحابي كانوا اكبر داعم ليا وبيقولولي الحب بيبان في العيون وهي وانت باين اوي انكم معجبين ببعض رتبت ايام كتير اروح اقولها بس مكنتش ينجح لحد ما يجي اليوم الوحيد الي بدون ترتيب الاقي نفسي قدام صحابها وبحكيلهم واستنيت الرد يوم ورا التاني يجي يوم الكليه الي المفروض يجيلي في الرد كانت اكتر مره تبصلي فيها نظرات مستخبيه مليانه كسوف احراج عدم ارتياح وكانت هي واصحابها بيعملوا حاجات غريبه يلفوا حولين بعض ويبصوا لبعض ويضحكوا روحت من الكليه من غير ما يجيلي الرد زعل وخنقه غير عاديه نمت اليوم كله عشان اصحي تاني يوم عل رساله من واحده من صحابها بتقولي خد رقم باباها كلمه هي موافقه وعايزاك انا طيرت من الفرحه ومظبطش كلامي ورحت كلمت بباها الي كان محترم جدا في كلامه كانت وجهه نظره اننا لسا صغيرين وده مش الوقت المناسب الارتباط وقالي دي فرصه ليك عشان تجهز نفسك بس متتكلمش معاها وسيب الموضوع عل النصيب انا دلوقتي متكلمتش معاها خالص والباب بتاع اني اكلمها أو اكون عل تواصل مستمر صعب انا الحاجه الوحيده الي ممكن اوصلها بيها دلوقتي صاحبتها فأنا مش عارف اكلم صاحبتها تاني ابعتلها رساله تبعتهالها ولا اي الصح مش عايز اسكت اخسرها و تكون هي محتاجه اني اطمنها ومفيش تواصل وخائف اتكلم اطلع مش قد كلامي هي تفهم غلط حقيقي محتاج مساعده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_52542 🇪🇬

منذ شهر واحد

شعور متوتر

ازيكم يا جماعه بكره امتحاني و هو امتحان تحديد مصير زي ثانويه بس انا امريكان الامتحان صعب و دي اخر محاوله ليا مش عايزه احس بالفشل تاني متوتره جدا و قلقانه بس بتمني من اي حد يشوف البوست دا يدعيلي من قلبه بجد ان ربنا يكرمني و احقق حلمي و يفرح اهلي ب نتيجه كويسه و مرضيه ليهم دي اهم حاجه عندي لعلى حد ف

Lemon_64500 🇪🇬 طالما بذلتي جهدك مش هتزعلي كتير طالما وفيتي اللي عندك ولا أهلك هيزعلوا و إن شاء تطلعي متراضية بكرة

عرض الكل 4 نصيحة

Biscuit_61925 🇪🇬

منذ شهر واحد

شعور وحيد

اهلا النهارد حصل حدث مهم اوي في حياتي كان نفسي اعمله بقالي كتير اوي من وانا صغيره لكن المحزن اني دورت عشان اقوله ل حد واحكيه ملقتش حد احكيله. مش عاوزه حد يقولي احكيلي انا او قوليلي وهفرح معاكي انا بس بعبر عن شعور الوحده اللي حصلي فجأه وقد ايه انا فعلا مليش حد اكلمه اقوله شوفت انا جبت ايه وقد اي انا

Ice Cream_63445 🇪🇬 انت افرحي لنفسك و احتفلي مع نفسك و تذكري الوقت دا بعدين

عرض الكل 14 نصيحة

Chocolate_58050 🇪🇬

منذ شهر واحد

شعور خجول

عبّر عن شعورك بشكل مجهول

انا في حد انا معجب بي الموضوع صعب يتطور عن كده بغير ان انا بقول ان ده ممكن يكون بس مجرد اعجاب مراهقه او حاجه شبه كده
. الفكره ان الشخص ده من قلبي فانا بتعامل معاه بشكل سطحي وبكون سعيد جدا وانا بتكلم معاه في اي موضوع بشكل سطحي او حتى وانا شايفه 
. انا بكون سعيد وفي العموم اصلا انا بحب اجيب للناس هدايا وبحس بان هم سعداء فانا بكون سعيد برده وربنا طبعا بيفرحني زي ما انا بفرح الناس فانا بحب اجيب للشخص ده هدايا ساعات بتكون هدايا اغلى شويه من اللي انا بجيبها لاي حد
.. وبرده في خروج هيكون هو موجود فيها هي في نادي يعني انا عضو فيه فانا كنت حابب ان انا ادفع التذاكر الدخول وكدا لان انا الولد الوحيد في الخروج دي
..
..
وقبل ما حد يقول لي ان انا ما تجيش ورا سراب او ان انا ما هلقش نفسي ماديا او في التفكير علشان شخص يعتبر هو مش عارف بوجودي قوي بس انا بحس ان انا اكون سعيد ومش محتاج حاجه ثاني انا عارف ان نهايه الموضوع ده هو .الولا حاجه. بس اللي انا بعمله دلوقتي بحس ان انا بكون سعيد بس بكون فرحان بان انا بتكلم مع الشخص ده وكده فانتم ايه رايكم
............................
ومع العلم انا معتبرش بخيل او مشرف انا بحب احوش فلوس بشكل كبير بحيث ان انا لما اعوز اي حاجه اشتريها يكون معايا ثمنها واغلى واقدر اشتري احسن منها كمان اذا كان موبايل او ساعه او سماعه او اي حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_20657 🇪🇬

منذ 5 أشهر

شعور خجول

اللحظه الى بتعدى عليا وانا بتخيل ان ممكن رمضان الجاى اكون عايشه دعوات رمضان دا زى الناس الى بتقول انها بتعيش دعوات رمضان حاليا بتكون اجمل لحظه ممكن تعدى عليا ان ممكن اعيش عمر كامل بستمتع باللحظه دى من غير م احس بجد فاللهم يعنى كل الدعوات والإلحاح دا يكون من نصيبي بجد يارب 😭💗💗💗💗

Biscuit_17258 🇪🇬

منذ 6 أشهر

شعور مستنزف

‏أتمنى من كُل قلبي تيجي حاجات تعوضني عن كم الخساير اللي حصلتلي اتمنى أبطل تفكير شويه في كل الي فات اتمني عيوني اللي بكت بحرقه ف ليالي لوحدي فيها ترجع تدمع تاني من الفرحه اتمنى تحصل حاجه تغير كُل الي انا فيه ده و ارجع احب الحياه من تاني اتمني ارجع كويسه زي ما كُنت

Chilli_39554 🇪🇬

منذ 6 أشهر

شعور مستنزف

Marshmallow_37896 🇪🇬 هي حاجه مش وحشه بس الاهم متكونيش بتيجي علي نفسك او تسببي لنفسك وجع يعني لو الشخص ده فراقوا وجعك مكنتيش سبتيه لحد تاني

عرض الكل 4 نصيحة

عبّر عن شعورك بشكل مجهول

فيا عيب وعايزه اخد رأيكم فيه هل دا عيب فعلا ولا حاجه كويسه
انا دايما لما بيبقى معايا حاجه و الشخص الي قدامي عاجباه بديهالو مثال: من فتره كان عندي خاتم محتفظه فيه بقالي سنتين ومش بقلعو من ايدي ابدا بس في واحده من صحابي جت قالتلي الله الخاتم دا عاجبني اوي و اديتهولها وهي فرحت وكانت فرحتها بالنسبالي كانت حاجه حلوه اوي وانا كدا بقى ف كل حاجه ان كانت الحاجه غاليه عليا او لا فا بديها للشخص بمجرد ما يقولي انها عاجباه وانا كدا ف الاشخاص مثال بردو في شخص انا كنت بحبو اوي وحبيتو من كل قلبي ومكنش حد يعرف بس انا وهو كنا صحاب ومكنتش ببينلو ولا ببين غيرتي عليه ومحدش كان يعرف حرفيا فا صحبتي القريبه مني اوي شافتو وكلمتو فتره وقالتلي انها معجبه بيه وساعتها انا قولت اني لازم ابعد عنه عشانها مع اني انا الي حبيتو الاول وكنت بحسو انو بيلمح وكان قريب مني اكتر منها بكتير وهو لما شاف اني بدأت ابعد هو كمان بعد وفضل يكلم صحبتي وحاليا هما مرتبطين وكل ما بشوفهم مع بعض بحس ان ليه واشمعنا هي وكدا بس لما بشوفها فرحانه معاه بحس ان فرحتي من فرحتها وانا كدا ف كل حاجه عامةً هل انتو شايفين ان الي عملته صح وان الي فيا دي حاجه كويسه او وحشه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_46484 🇪🇬

منذ 8 أشهر

شعور وحيد

هل فعلا الواحد ممكن يلاقي الحب الحقيقي بعد اول تجربه ليه كانت فاشله او نقول مكنش بيحبني لانو عمل كده ولا ده نصيب وكل واحد مكتوب ليه حاجه هيشوفها مش عارفه انتوا اي رايكوا وفعلا الواحد مستني عوض ربنا وفرحه كبيره منو عشان خلصت تعبت ومش بقيت حمل اي حاجه تاني الواحد نفسو يفرح بجد 💔💔💔💔💔

Lemon_34997 🇪🇬

منذ 9 أشهر

شعور مليء بالحياة

موضوع:

كيف بتحس بشعور الرضا

بحس برضا لما لما بخلص كل المحاضرات اللي علبا اسمعها وازاكر كل اللي متراكم ولما فريق الدعم بتاع المنصه اقولهم اني مش مراكمه دي بتبقا اسعد لحظه في حياتبي وكمان لما اهلي بيكونو راضين عني ومبسوطين مني ولما اوعد حد بحاجه واوفي بوعدي حرفيا ابسط الحاجات بتخليني راضيه

Watermelon_30765 🇪🇬

منذ 9 أشهر

شعور مكتئب

حاسه بانطفاء عندي صعوبة في التعبير عن مشاعري الحقيقيه بس اقدر ألخص شعوري ف اني فرحتي بتكمل بصعوبة لو حصل موقف يفرحني يجي اللي يدخلني ف اكتئاب تاني بعده علطول حتى مفيش حد ف حياتي اقدر اشاركه و يهون عليا نفسي احس احساس الحب الحقيقي و اني يتحارب علشاني و يكون متمسك بيا عارفه أن كلامي ملخبط بس ده

Chocolate_33524 🇸🇦 ببساطة ابسطي نفسك لان في الزمن ده الواحد يتمنى ان الناس تسيبه في حاله بدون ماتاذي مش انه تساعده سواء عاطفيا او ايا كان فا نصيحتي بختصار اسعدي نفسك بنفسك صعبة لكن مش مستحيلة

عرض الكل 8 نصيحة

Cherry_26959 🇪🇬

منذ 10 أشهر

شعور غير مكتمل

هو ازاى احس بالفرحه او الانبساط لحاجه حلوه فى حياتى الحمدلله حياتى مستقره بس مش عارفه افرح باى حاجه حلوه لو بسيطه او كبيره دايما جوايا احساس مخوفنى انى افرح بحاجه واتخذل

Chocolate_25696 🇪🇬

منذ 10 أشهر

شعور مكتئب

النهاردة كان فرحه ..عمري ماكنت مبسوطة لحد بالشكل ده ،ومن غير قصد الضحكة مفرقتش وشي ..حقيقي من جوايا كنت بتمناله كل حاجة حلوة ،ومبسوطة أوي لانبساطه وانه مع اللي اختارها قلبه... بالرغم من صعوبة اليوم واني مش بس عشان فرحه ،عشان شوفت كل حد وجعني في يوم من الأيام ،كل المشاعر الوحشة كانت متجمعة في قلبي

Avocado_25327 🇪🇬

منذ 10 أشهر

شعور فخور

موضوع:

ما هو تعريف الحب بالنسبالكم وامتي حسيته؟

حسيت انوو حب لمن بقيت اشوفو في كل حاجه حلوة لمن بقيت م تجي لحظه وانظر لي حياتي لقدام الا وهوا فيها لمن بقيت افكر فيهو وفجاه الاقي بيتصل ي الله قدر اي كنت بطير من الفرحه لمن يحصل كدا!!!❤️ او لمن كان يكون عايز يقول لي على حاجه بس متردد وانا احس انو عايز يقول اي بجد شعور حلو ، الحب بالنسبة لي يعني امان

Jackfruit_53658 🇪🇬

وجع الضرب والكلام اللي منساهوش من طفولتي

١-الضرب ضرب الطفل او حتى المراهق على فِعل هو مكنش ليه يد فيه يعني ايه اتضرب عشان وقعت حاجه يعني ايه اتضرب اصلا انا احيانا بحس اني قلبي اسود عشان مش بنسى بس لما افتكر ازاي اتضربت لمجرد اني بذاكر لاختي و هي مش عارفه تحفظ و حاله الرعب اللي كنت فيها او ازاي اتضربت لمجرد اني خبطت فيها بالغلط و انا طفله مكملتش ال١٣ سنه مش بقدر اسامح امي او ازاي اتضربت لمجرد ان صوتي على على ابويا من عصبيتي و من الظلم اللي بسمعه من ناحيته ٢-التقطيم و رمي كلام يسم من تحت لتحت دي تاني حاجه توجع بعد الضرب و تقهر و كلمه واحده تخليني مش عارفه انام او كلمه ابويا وقت نتيجه الثانويه و هو بيقولي انه مكنش متوقع مني اعلى من كده رغم اني طلع عيني و كمان والدتي كانت تعبانه و كنت متأثره بتعبها و محدش كان جمبي ساعتها عمري ما هوري عيالي اذى من اللي شوفته خصوصا ان انا اللي طلبتهم من ربنا مش هما اللي طلبوا انهم ييجوا الدنيا ...عرض المزيد

1 الدعم

0 نصيحة

Chocolate_74113 🇪🇬

نفسي أحقق كل أمنياتي بس خايفة.. هل الخوف دا طبيعي؟

نفسي ربنا يحققلي كل حاجه يتمناها ونفسي اعيش الحياه اللي انا عيزاها وربنا يجبر بخاطري بعد كميه التعب اللي مريت واللي لسه بمر بيها #هو ممكن كل اللي نفسي فيه يتحقق انا واثقه ف ربنا بس انا خايفه هل الخوف دا طبيعي ...عرض المزيد

0 الدعم

0 نصيحة

Plum_62202 🇪🇬

خايف اكلم أبوها عشان معنديش شقة وجيش ورايا

ازيكو محتاج احكي حاجة واسمع ارائكو فيها دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوز اعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع