اشتاق لأيام الطفولة الحلوة قبل كل شيء يتغير

Potato_72742 🇪🇬

منذ 3 أيام

شعور ضائع

موضوع:

إيه أكتر حاجة مفتقدها في حياتك ؟؟

انا مفتقده ايام لما كنت كان عندي 5 سنين و اتفرج علي الكرتون واروح الحضانه وامي تصحيني وتحضني لما اكون زعلانه ولما اقعد مع اختي وناكل اندومي واخويا اللي بيهتم بيا ويفرحني وابويا اللي يجبلي حاجه حلوة وهو راجع وكل ده كان قبل ما اختي تمشي في طريق الغلط واني ابدأ اعقل

هل كبري ولا لسة طفل؟ ذكريات توم وچيري والنضج

الجو الحر ده بيفكرني ب2010اوي كنت أرجع من المدرسة كل خميس وأقعد أتفرج على توم أند چيري وبن تن زيي زي أي طفل عادي جداً وافضل سهران طول الليل بتفرج ومستمتع أوي لدرجة إن أهلي لو كانت مامتي عايزة حاجة مني وانا بتفرج وأقولها استني لما تخلص كانت تهددني بإنها هتطفي التليفزيون وهنام فأنا أقوم غصب اعمل الي هي عايزاه🥲 الحمدلله كبرت وبقيت طفل كبير أد الدنيا وبتفرج عليه من على الموبايل بس دلوقتي وانا قاعد بذاكر جه في بالي سؤال مهم أوي هل فعلاً انا كبرت؟ فيزيائياً وجسمانياً بقول اه انا كبرت ولكن نفسياً؟ الموضوع ده عامةً شاغل بالي بقاله فترة هو انا لسة الشخص الي بيحب يتفرج على توم وچيري وبن تن؟ ولا انا الشخص الي بيحب يتفرج على ون بيس وهجوم العمالقة؟ مغزى السؤال هل معنى اننا كبرنا يبقا نضجنا؟ بالعكس النضج لا يرتبط فعلاً بالسن وهنا أقصد النضج العقلي طول مانت لسة عندك رئتين وبتاخد شهيق وزفير انت لسة محتاج تتعلم وتنضج Au revoir 👋🏻 ...عرض المزيد

8 الدعم

5 نصيحة

أيام الطفولة الجميلة قبل ما اكبر واحقق أحلامي

من كام سنه قبل ما كون 20 كانت الايام اجمل بكتير عيل بيشوف شكل العالم وفقلبه براح يحلم ويطير كانت الايام فيها خير متشال بمقاس الطفل ابو ايد نعمهكنت اسال امي في وقت النوم كام سنه هتعدي وبقا كبير الناس كانت غير الناس يمكن والعالم كان اهدا شويه كان أيما أن الأيام عمرها ما فيوم تيجي عليه هكبر واحقق احلاميواسرح واتهته فكلامي واقول العالم قدامي وهيب السما طوع لايديه ...عرض المزيد

6 الدعم

2 نصيحة

"الراجل مفهوش عيب".. جملة معلمتي اللي لسه مبفهمهاش

انا يمكن مكونش عشت كتير بس شوفت كتير انا من النوع اللي بيقتبس وبرشد نفسي من خبرات ناس حوليا وتجاربهم بس في ذكري لتجربه مقدرتش افهمها لحد الان كان ليا ميس كنت باخد في بيتها درس خاص من حضانه لحد خامسه ابتدائي في الابتدائي ضمت معايا ولدين مش هتكلم عنهم دلوقتي بس هتكلم عنها هي لحد تالته ابتدائي مكونتيش اعرف حاجه عن حياتها الشخصيه للتوضيح كانت قريبتي من بعيد وساكنه في الشارع اللي قدامي كان دايما اما ولد من الولدين دول يتريق علي التاني وانا كمان كنت اتريق مع اللي بيتريق كانت بتقول جمله فضلت تكررها من يوم ما عرفتها لحد ما سبتنا "الراجل مفهوش عيب " مكونتيش بفهمها صراحه بس كنت بكبر دماغي طفله بقا لحد ما عرفت جزء عن حياتها ودا اللي خلاني استغرب لحد الان وبيخليني عاوزه اجري واضمها في حضني بس في موانع كتير هي كانت متجوزه جوزها كان بخيل و لدرجه انو كان بيسيبها جعانه ويقفل علي التلاجه بالمفتاح و كانوا ساكنين مع امو بس كانت نفس الوضع وكانوا بيعملوها بقسوه حتي وهي حامل معلمتي ومربيتي خلفت ولد و بنتين بعد خلفتها لي البنت التالته والاخيره ولدها فرض عليها تطلق منو و بالفعل اطلقت وفرض عليها تسيب عيالها وسبتهم والبنت التانيه كانت لسه بترضع معلمتي متجوزتيش معرفش الاسباب في سنه خامسه ولدها فرض عليها تبطل تدي دروس وكانت ونعمه الام و الصديقه و المعلمه والمربيه ورقها عندي كلو ابيض ولدها اقرب ما يقال حبسها في البيت تاخد بالهة منو و من البيت اخوانها اتجوزو و اخوتها سابت البيت مع مامتها وفضلت هي معاه من مده ولدها و ابوهم و مرات ابوهم جام هنا بحكم انهم برضو قريبنا من بعيد كانوا ساكنين في القاهره وجم زياره ماعلينا بعض الناس اتكلمو مع ولدها انهم يزروها البنات رفضت بس الولد وافق واما اتكلمو مع و لدها رفض برضو قرهني موقفو حاولت ازرها زمان وافرحها بنتيجتي في الشهاده الابتدائيه رفض يدخلني قبلت من مده احد اخوتها انسان محترم طلبت منو رقمها بس قالي مش معاه الرقم او مش معاها فون مش قادره اتذكر بس طلبت منو يبعتلها سلامي انا حكيت ودموعي في عيني وهي عاشت دا معرفش حالها صراحه بس اتمني تبقا كويسه واتمني اشوفها بجد حاسه لو شوفتها هنبسط هحكيلها كل حاجه مريت بيها من بعدها يمكن دي اكتر انسانه حبتها في حياتي واكتر من نفسي كمان ...عرض المزيد

4 الدعم

2 نصيحة