قصتي مع الفرحه والخوف من فقدان حب الكلية

Question

قصتي طويله شويه هحاول اختصرها انا في سنه أولي كليه اعجبت بيها مكنتش بقدر أشيل عنيا من عليها مش متخيلين فرحتي لنا اخدت بالها وبقت هي كمان من وقت التاني تبصلي برده خلص الترم الاول عل كدا كنت خايف اروح اقولها لسببين انا عندي مشكله ثقه في النفس وكمان ظروفي الماديه متسمحليش اخد خطوه رسميه صحابي كانوا اكبر داعم ليا وبيقولولي الحب بيبان في العيون وهي وانت باين اوي انكم معجبين ببعض رتبت ايام كتير اروح اقولها بس مكنتش ينجح لحد ما يجي اليوم الوحيد الي بدون ترتيب الاقي نفسي قدام صحابها وبحكيلهم واستنيت الرد يوم ورا التاني يجي يوم الكليه الي المفروض يجيلي في الرد كانت اكتر مره تبصلي فيها نظرات مستخبيه مليانه كسوف احراج عدم ارتياح وكانت هي واصحابها بيعملوا حاجات غريبه يلفوا حولين بعض ويبصوا لبعض ويضحكوا روحت من الكليه من غير ما يجيلي الرد زعل وخنقه غير عاديه نمت اليوم كله عشان اصحي تاني يوم عل رساله من واحده من صحابها بتقولي خد رقم باباها كلمه هي موافقه وعايزاك انا طيرت من الفرحه ومظبطش كلامي ورحت كلمت بباها الي كان محترم جدا في كلامه كانت وجهه نظره اننا لسا صغيرين وده مش الوقت المناسب الارتباط وقالي دي فرصه ليك عشان تجهز نفسك بس متتكلمش معاها وسيب الموضوع عل النصيب انا دلوقتي متكلمتش معاها خالص والباب بتاع اني اكلمها أو اكون عل تواصل مستمر صعب انا الحاجه الوحيده الي ممكن اوصلها بيها دلوقتي صاحبتها فأنا مش عارف اكلم صاحبتها تاني ابعتلها رساله تبعتهالها ولا اي الصح مش عايز اسكت اخسرها و تكون هي محتاجه اني اطمنها ومفيش تواصل وخائف اتكلم اطلع مش قد كلامي هي تفهم غلط حقيقي محتاج مساعده

Marshmallow_67706 🇪🇬 · Answer

بص طالما وصلت للمرحله دي يبقي انت قطعت شوط كويس من المشوار صدقني مش لازم تكلمها دلوقت علشان متخسرش ثقه ابوها فيك تسعي و حاول و اتعب في الي باقي من الكليه جهز نفسك و لما يجي الوقت المناسب الي تحس فيه انك جاهز من كل النواحي روح اتقدم و ربنا يوفقها ليك و يوفقك ليك الخير

Jackfruit_67964 🇪🇬 · Answer

يعني كل ده ياكدلي انها بتحبني والبعد وعدم فهمنا لشخصيات بعد مش هيأثر علينا يعني عقبال الوقت المناسب ممكن حبها ده ميقلش مع الوقت وتكون محتاجه كلمه مني

Marshmallow_67706 🇪🇬 · Answer

خليك في الحلال 100% صدقني الحب الحقيقي مش بيموت أو بيقول و لو ليك نصيب في شئ اكيد هتنوله

و انت حر ما لم تضر و مالم تتعدي حدود الله

Coffee_67966 🇪🇬 · Answer

التطور هيبان عليك وهي هتلاحظ دة كون نفسك وابني نفسك وبلاش تكلم صحبتها او تكلمها ادعي انها تكون من نصيبك عشان لما تخش البيت من الباب تقول انا عملت كذا وكذا ومعايا اننا اقدر اجيب اللي هي عايزاه

Jackfruit_67964 🇪🇬 · Answer

شكرا جدا انا ممكن التفكير الكتير خلي الشيطان يلاعبني في نقطه انها مبتحبنيش رغم انها قالتلي موافقه وكمان عايزاك شكرا

Jackfruit_67964 🇪🇬 · Answer

شكرا انا بس بكون حابب اني تبقا فاهم الأمور انا رغم كل ده شاكك أن حبها مع الوقت ممكن يجف ويكون كان مستني مني كلمه تطمنه

Coffee_65980 🇪🇬 · Answer

بص انت ما عليك الا انك تراعى العهد اللى بينك وبين ابوها وتفحت فى الصخر زى مابيقولوا وتظهر ده ليها ولأبوها وميمنعش انك كل فترة تتواصل مع ابوها وتعرفه انك بتعمل عشان توصل لها صدقنى فى الاخر الاب مش عايز اكتر من سعادة بنته ويحس انها مع راجل بجد ممكن يعمل اى حاجة عشانها ده كل اللى انت ممكن تعمله والباقى بتاع ربنا

Jackfruit_67964 🇪🇬 · Answer

يعني انا اطمن من ناحيه حبها ومسمعش للوسوسه وعادي اني ممكن اكلم بباها من فتره التانيه اعرفه انا عملت اي

Coffee_65980 🇪🇬 · Answer

طبعا وعلى فكرة احتمال هو كمان يبلغها انك بتتواصل معاه وعملت ايه ولو ده حصل هتكبر فى نظرها جدا

Coffee_65980 🇪🇬 · Answer

انت كده مش بتعمل حاجة غلط ولا بتغضب ربنا اتوكل على الله فى كل خطوة وربنا يكتبلك الصالح يارب

Jackfruit_67964 🇪🇬 · Answer

شكرا جدا