علاقة فاشلة

Coffee_66083 🇺🇦

منذ 3 ساعات

شعور آسف

موضوع:

عرفت ازاي انو الشخص مش مناسب ليك ؟

كانت حلوه قوي قوي وشيك وكنت بحبها من غير سبب مش عشان حلوه معرفش بحبها ليها بحبها كده وكنت لسه صغير وعصبي وبغير عليها وحوليا ضغوطات كتير فمره في التانيه في التالته نسب بعض ونرجع لحد ما مره واحده سيبنا بعض ومرجعناش وبعدين انا برضه تفكيري قديم شويتين وهي روشه حبتين مختلفين عن بعض بس كنت بحبها ولسه فاكر

Pineapple_64546 🇪🇬

منذ 21 ساعة

شعور مكسور القلب

ارتبط ؟ يعني ايه ؟ وليه ؟ احنا لما بعدنا قولنا لبعض ان عمرنا ماهنحب غير بعض واننا اكيد هنتقابل تاني في وقت وظروف احسن يعني ايه انا وقفت حياتي عليه ومش عارفه احب غيرو وهو يرتبط ويحب بعدي بكل سهولة عادي 😭💔 ازاي قادر يقول الكلام اللي كان بيقلهولي لواحده غيري انا حاسه بتعب اوي اوي ومش قادرة استوعب

Avocado_65260 🇪🇬

منذ يومين

شعور غاضب

عبّر عن شعورك بشكل مجهول

انا دخلت في ريلاشين مع بنت من فترة حوال قعدنا في  ٣ شهور بس قبلها احنا كنا صحاب سنتين ونص، بس انا صارحتها بحبي ليها وهي كانت متخوفة في الاول بس بعدين وافقت، بس لما دخلنا في ريلاشين في الاول كانت بتشاركني كل حاجة هي بتجبها وبنتكلم وهكذا وهي كانت عارفة ظروفي ان انا لسة طالب وهي كمان ف مفيش اي خطوة هاخدها ك خطوبة او جواز غير بعد مدة مثلا ، وهي كانت موافقة ع الوضع دة لان الفرق بينا كان سنتين ف كان الموضوع عادي يعني ، فجأة بقي في الشهر التالت دة بطلنا نتكلم غير فين وفين واصلا طول فترة صحوبيتنا دي متقبلناش غير مرة واحدة بس وطول الفترة دي انا كنت بتحايل عليها ننزل ونتقابل وهي كانت ترفض ، في عيد ميلادها جبت لها هدية خليتها هي تختارها بشكل غير مباشر وفجأتها بيها ومردتش تيجي تاخذها مني خالص كانت رافضة تماما ف من الغضب بتاعي رميت الهدية في الشارع، قبل كدة كانت برضو كانت هي في ثانوية عامة رحت لها عند السنتر بتاعها وجبت لها تشوكليت وحاجات تانية علشان اعملها support والامتحانات وكدة ف الدرس اتلغي؛  ف لما قولت لها هو درسك اتلغي ف قالت لي انت عرفت منين قولت لها رحت لك السنتر وعرفت ، ف فضلت بقي تعلي صوتها عليا وتقولي انت رحت ليه ء، انا مسمحتلكش انك تروح اصلا وكأنها بتكلمني ك واحد غريب عنها مش عارفها بقالي سنتين مثلا ، ف كل دة اتراكم جوة دماغي وبعد ما دخلت معاها ريلاشين فضلت اقول ل نفسي عادي انسي كل دة ولا يهمك وأبدأ معاها من جديد ، للعلم موقف السنتر دة قبل ما ندخل ريلاشين لكن موقف الهدية دة بعد ما دخلنا ريلاشين ، وكان سبب انها مش عايزة تاخد بتقولي انها خايفة نسيب بعض ف تفضل معايا حاجتك وافضل افتكرك ، ف استغربت بصراحة اللي هو انت بتحضري اننا مش هنكمل مع بعض من دلوقتي ، ف بس جت في يوم قالت لي انا مش عايزة اكمل ومش مرتاحة وانت اصلا مش جاهز وقالت لو عودت حاجة كلمني وربنا معاك ، بعدها بيوم ورا التاني ابتدت تعملي بلوك من كل حتة والموضوع خلص علي كدة ، وانا بصراحة الموضوع دة عامل جوايا غضب اوي ، مش قادر ادخل في اي ريلاشين تاني من ساعتها ، اذتني جامد اوي ، انا مش عايز نصايح علي قد ما انا غضبان ف كتبت الكلام دة هنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_65039 🇪🇬

منذ 4 أيام

شعور مكسور القلب

حبيتها بجد وعمري في حياتي ما كنت اعرف اني هحب حد بالشكل ده كل شوية ادخل علي الواتس اشوفها فاتحة ولا قافلة اشوف منزلة استوري ولا مبسوطة ولا زعلانة عملت اكونت فيك علي الفيس باسم بنت وكل ما توحشني ادخل اكلمها علي اني بنت واطمن عليها نفسي اقولها انك وحشتيني وحياتي واقفة من غيرك مش عارف اعمل اي حاجة دايم

Coconut_65027 🇪🇬 دا م حب دا مرض نفسي انت محتاج تشوف ثيرابست و بلاش تعلق قلبك بشخص علشان سيدنا يعقوب لما تعلق قلبه سيدنا يوسف إن الحل هو البعد التعلق بالله واحده

عرض الكل 9 نصيحة

Mango_53075 🇪🇬

منذ 4 أيام

شعور مكسور القلب

اكاد اقول اني كنت بحب واحده عشره عمر من واحنا ف اعدادي وارتباطنا واحنا ف ثانوي وسيبنا بعض ف الجامعه ولما سيبنا بعض .. هي راحت ارتبطت بعدي ب اسبوعين .. وانا تعبت بجد ودخلت المستشفي ٨ شهور تحاليل ومستشفيات وتعب .. وانا لسه بحبها ومش عارف انساها .. ورجعت اعتذرت وبقينا نتكلم بقيت بحن ليها جيت وكلمتها ا

Carrot_61180 🇪🇬

منذ 5 أيام

شعور مكسور القلب

حبيبة عمري و اكتر واحدة حبيتها في حياتي و الي فضلنا مع بعض اكتر من سنة منزلة صورتها مع خطيبها و عليها اغنية اليسا هو دا الي قلبي حبو و بتتصل بيا بالليل و تقولي بحبك و زعلت لما رفضت اننا نتكلم انا بتدبح حرفيا بتدبح

Lemon_59628 🇪🇬

منذ 6 أيام

شعور شاعر بالملل

كنت مرتبط بواحده مش محترمه وقعدنا سنين وعملت معاها كل حاجه بعدها سابتني وهتتخطب لواحد محترم ميستاهلش انه ياخد واحده زي دي والله عايز ابعتله من حساب فيك ولا رقم غريب افوقو واوريلو الي هايخدها اي رايكو

Avocado_64142 🇪🇬

منذ أسبوع واحد

شعور مكسور القلب

موضوع:

انفصلت عن حد ولسه بتحبه؟ ولا الوقت فعلاً بينسي؟

عبّر عن شعورك بشكل مجهول

لاول مرة اتكلم عن الموضوع دا من فترة بس للاسف دا الموضوع اللي موقفني بقاله كتير هي اللي سابتني للاسف بس الموضوع مكنش كدا لاني ولاول مره اتكسر بالشكل دا عدي عليا بنات كتيرة بس دي كانت اكتر واحده حبيتها أو ممكن تكون الوحيده اللي حبيتها الحكايه بدت لما اتعرفنا ع بعض ف نفس الشغل المهم كنت بعملها شادوينج للشغل وكدا وبعرفها ع الشغل مع الوقت مكنتش حاسس بحاجه نحيتها بس تصرفاتها معايا وكلامنا كل يوم لدرجه ان ف مره كلمتني وقعدنا ست ساعات بنتكلم كل شويه بتبين قد ايه هي معجبه ومع الوقت اعجبت بيها مش هكدب كانت حلوة و دمها خفيف يعني الفتاة اللي مناسبه ليا فكرنا مش شبه بعض بس اهو ممكن التغيير هو اللي يخلينا منملش من بعض اعترفتلها مش هكدب انا الاول لاني حسيتها مش هياخد الفيرست ستيب و بما اني حاسس نفس احساسها قولت ليه لا انا اللي اتكلم مع الوقت كانت ايامنا سوا حلوة خروجات وكلام وشات كل حاجه تقول أننا هنكمل بس لحد ما كل لما اكلمها ع حاجه إذا كان طريقه كلامها مع الولاد أو اي حاجه تقولي دي طريقتي ودي عيشتي مع انها العكس وانا محترم دا لوحدي اصلا قطعت كل علاقتي باي بنت ف حياتي عشانها مع الوقت واحنا بنتكلم كلامها عن الاكس بتاعها وخروجاتهم حتي الصور اللي ما بينهم والشات كله لسه موجود لما سالت قالتلي انت بتفتش ورايا مع اني شوفت كل دا صدفه لما كنا بنشوف حاجه ف تليفونها سوا ظهرت مره واحده عديت كل حاجه وعديت مره واثنين وتلاته معرفش ايه جرالي بس بحبها لحد ما جات قالتلي نسيب بعض طب انا غلط في ايه معاها بتقولي تستاهل حد احسن طب انا عايزك ملكيش فيه عايزك مش عارف اختفت مره واحده وبعدها كل شويه لما تحب تخرج تكلمني المشكله اني كنت المفروض اقول لا بس أخرج معاها من غير ما افكر بقت ضامنه اني مستنيها في أي وقت عارفه اني مستحيل ابص لحد غيرها ومع الوقت قولت خلاص لازم اخرج اشوف ناس اقابل بنات احلي واحسن كمقياس اللي صحابي بيقولهولي ومش يرضي اخد قرار ف علاقه تانيه دايما مبرراتي انا اسف مش حاطط الموضوع في دماغي انتي زي اختي انا والله عايز اركز ف مستقبلي بس انا بضحك ع نفسي انا مستنيها هي لحد من شهر رنت عليا سته الصبح ورديت قالت عرفت انك هترد وقعدت تتكلم ولما حست انها مش عايزاني قفلت ومبقتش تكلمني من وقتها عارف اني في منظور ناس معنديش كرامه بس بجد بحبها كل شويه اشوف صور ليها خروجات أو مثلا شلتها واشوف ناس بتتكلم معاها طب انا عملت ايه طيب ايه خلاني ابقي ف الزووون دي ليه مش عارف اطلع انا كنت واعد نفسي مكتبش حاجه ومع اني واخد جوايز من وانا صغير ف الكتابه هي الوحيده اللي خلتني اخاف الوعد دا واكتب ولاول مره اكتب لحد من قلبي ليه الشخص اللي رجعني اكتب يبقي السبب اني حتي مكسل اقول حرف أو اتكلم جربت ادخل علاقه تانيه بس تاني يوم قولتلها اني مش قادر وبجد هظلمك جربت ادخل عالم خاص بيا اروح الجيم العب اونلاين مفيش فايده دايما ف بالي ودا مش حتي واحد ع مليون من اللي عايزه هل هي مستغلاني ولا انا ظالمه وبجد مينفعش نبقي سوا مش عارف حاجه ومش عارف ارد ع حاجه

Grape_22054 🇪🇬

منذ أسبوع واحد

شعور مكسور القلب

حبيتها... 💔 اه حبيتها وكان اسوأ قرار خدته في حياتي اني ادي فرصه لنفسي اني احب واتحب من تاني.. شوفتها دنيتي كلها حبيت الحب معاها حبيت نفسي معاها كنت بنبسط اوي من أقل حاجة تعملها قالتلي كلمه حلوه ولو صغيره ببقي اسعد انسان عجبها حاجة انا عملتها ببقي فرحان اوي بثق فيها ومكنتش بسمح لأي بنت تبقي موجوده

Durian_52455 🇪🇬 إذا أردت شيئًا بشدة فأطلق سراحه، فإن عاد إليك فهو ملك لك إلى الأبد، وإن لم يعد فهو لم يكن لك منذ البداية

عرض الكل 3 نصيحة

عبّر عن شعورك بشكل مجهول

حبيتها... 💔

اه حبيتها وكان اسوأ قرار خدته في حياتي اني ادي فرصه لنفسي اني احب واتحب من تاني.. 
شوفتها دنيتي كلها حبيت الحب معاها حبيت نفسي معاها كنت بنبسط اوي من أقل حاجة تعملها قالتلي كلمه حلوه ولو صغيره ببقي اسعد انسان عجبها حاجة انا عملتها ببقي فرحان اوي بثق فيها ومكنتش بسمح لأي بنت تبقي موجوده ف حياتي ولو حته كصحاب لأن معايا بنت شايفها صحبتي وحبيبتي واختي وبنتي وكل حاجة حرفيا💔💔
بقيت عارف كل تفصيله صغيره وكبيره عنها وعن يومها بفهمها من كلامها ف الشات حتي يعني مش لازم اسمع صوتها عشان اعرف هيا مضايقه ولا لا 
كنت بحب اخليها تصحي تلاقي من ماسدج طويله فيها كلام كتير حلو يصنعلها يوم لذيذ تبقي فرحانه من أوله كنت اول واحد بيقولها كل سنه وانتي طيبه عشان عيد ميلادها اول واحد يباركلها علي نجاحها اول واحد يفرحلها كانت ف عز زعلها وانكسارها كنت انا ضهرها كنت جنبها كنت بكلمها من أول ما تصحي لحد ما تنام عشان حاجة واحده بس مخليش عندها وقت تسيب نفسها لدماغها وتكتئب كنت بكره حاجة اسمها انها زعلانه وانا سايبها 
كنت ومازلت بحبها مهما زعلتني مهما كسرت خاطري مهما عملت مش عارف ابطل احبها 💔
وف الاخر بعد كل ده اتقالي اني مريض واني بخنقها وان اهتمامي الزايد خلاها تكره حبي ليها وكانت عاوزه تسيبني وف الاخر جت تقولي خلينا صحاب وادينا بقالنا فتره صحاب بس مش عارف ابطل احبها 💔💔💔
بكلمها طبيعي بس بيني وبين نفسي مش قادر انسي كلامها اللي كسرني مش قادر اتخيل أنها ممكن تحب وتتعلق بحد غيري 💔
انا والله خايف عليها محدش حبها قبلي قد حبي ليها ومحدش والله هيعرف يحبها زي مانا حبيتها محدش هيصالحها مهما كان مين الطرف الغلطان محدش هيبقي مش هاين عليه زعلها زيي محدش هيبقي جنبها طول الوقت زي ماكنت بعمل انا خايف عليها تتكسر 💔💔

بس عارفين اهم حاجة أي 💫:
انها مش زعلانه عليا اهم حاجة انها مش بتفكر فيا زي مانا بفكر فيها مش شايله هم زيي مش مخنوقه زيي انا مبسوط أنها حتي لو مبقيناش في حياه بعض نهائي مش هتزعل عليا زي ما هزعل عليها انا مش عايزها تزعل وتشيل هم وتحس انها مذنبه 💔
اهم حاجة تبقي فرحانه 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_54330 🇪🇬

منذ أسبوع واحد

شعور ضائع

Cookies_63766 🇪🇬 خليكي زي ما انتي في بوينت انه يجي يتقدملك قوليله انك مبقتيش بتثقي فيه ولو عايز يثبتلك حبه ليكي واسفه يبقى اللي جاي يبقى أفعال مش شويه كلام وخلاص وانك مش هتتنازلي عن كده لو هو مش عايز مش مهم يجي الاحسن منه المهم تتحسسيه بقيمتك في الفترة دي وتخليه يتعب شويه عشان يوصلك عشان لو حصل نصيب واتجوزتوا ميعملهاش بعد الجواز وانا مقدرة حبك لي وفاهماكي جدا لاني كنت زيك وكانت روحي في شخص بردو ف فاهماكي

عرض الكل 2 نصيحة

عبّر عن شعورك بشكل مجهول

انا بقالي سنه تعبانه .. مش عارفه انام .. دماغي بتتفرتك 
كنت بحب واحد حب عمري ما حبيت في حياتي كده ولا هحب كده تاني .. بقيت بشم ريحته طول الوقت وبسمع صوته بيندهلي ويصحيني من النوم. انا قربت اتجنن .. عملت عشانه حاجات كتير وحاجات محدش بيعملها واتنازلت عن حاجات كتير .. كل حاجه كانت تهون طالما هو موجود .. وعلى عكس شخصيتي اللي عمرها ما كانت تقبل حاجه تمس كرامتها وعلى طول بفكر بعقلي قبل قلبي وكان عندي كل حاجه عادي ومبيفرقش معايا ولا اي حد ولا اي حاجه طالما اللي بعمله صح .. لحد ما وقعت ومعرفش ايه اللي حصلي .. بطلت اهتم بنفسي بطلت اعمل الحاجات اللي بيحبها .. وهو مريض نفسي بس كان بيحبني وليه مواقف حلوه كويسه بس الوحش اكتر .. خاني 
خاني مع البنات اللي بيبعتوا صور وفيديوهات مش كويسه للرجاله مقابل الفلوس .. كان منزل dating apps وكنت شوفت مكلم كذا بنت عليه. كانت اول صدمه ليا .. وبعيداً عن انه كان مخبيني وعمره ما كان بيحب يتكلم عن اهله معايا بس كنت بقول خصوصيه وحريه شخصيه.. كان بيعاملني بطريقه غريبه مكنتش عارفه انه بيحبني فعلاً ولا لا .. مواقف تبين اه ومواقف لا .. بقيت نفسياً و صحياً في الارض .. بقيت شخص تاني ساكت ومش قادر يشتغل ولا يعمل اي حاجه وبقيت نسخه اسوأ مني .. بعدت عن كل الناس وفضلت فتره كبيره على الحال ده..  كنت عايزه اهرب منه بس كل مره كنت بضعف لحد ما نجحت اني اعمل ده وسبته .. وحاولت على قد ماقدر انساه واشغل نفسي .. وممكن اقول اني نجحت بنسبة ٦٠٪؜
 فضل يحاول معايا ٧ شهور انه يرجعلي ويتكلم معايا .. بعت مسج لصاحبتي انه عايز يقولي حاجه مهمه .. قابلته وسمعته.
كان شكله مبهدل .. دقنه طويله وعينيه منفوخه وهالات وبيتهْته في الكلام .. شكله تعبان ومش كويس .. رجع يقولي انه مش قادر ينساني وانه اتأكد انه فعلاً كان بيحبني ومكنش عارف  وانه عارف انه اذاني كتير وندمان وانه عنده اشتباه جلطه في المخ ومش كويس نفسياً وصحياً .. جزء مني مكنش مصدق من كتر ماتعودت منه ع الكدب وجزء كان مصدق بسبب انه باين عليه ..  ولأول مره يتكلم ويعبر عن مشاعره ويعيط قدامي انه مش قادر ينساني .. وعلى عكس اي حد ممكن يكون في مكاني مكنتش شمتانه ولا فرحانه فيه بالعكس .. انا بس ندمانه وحاسه بالشفقه انه فاق متأخر اوي واني عملت حاجات كتير عشانه مكانش يستاهلها وكنت في ايده .. لما طلب انه يرجع واديله فرصه قولتله ييجي يتقدم واحس انه فعلاً اتغير بالتصرفات قبل الكلام وده كان شرطي .. لقيته اتضايق وكان عايز ابقى معاه لحد ما ييجي يتقدم وسكت وبعد .. انا تعبت .. ممكن الاجابه تكون واضحه بس انا مش عارفه بجد اعمل ايه انا مبقتش بعرف انام الا بمنوم لحد ما مبقاش يعمل معايا حاجه ومبقتش قادره استحمل.
بجد تعبت من التفكير ومش عارفه اعمل ايه .. جزء بيقولي طب افرضي جراله حاجه وكان محتاجك فعلاً بس انتي سبتبه وجزء بيقول يتحمل نتيجة اخطاءه ولو عايزك فعلاً ومش بيلعب هيجيلك .. انا حقيقي تعبت من التفكير .. والموضوع يبدو عادي وانا بحكيه بس حقيقي انا مريت بحاجات مش قادره انساها ومش عارفه اعبر عن مشاعري بالطريقه المناسبه مع الحاجات اللي عشتها .. انا عارفه اني طولت بس بجد حد يقولي انا صح ولا غلط ولا اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_52961 🇪🇬

منذ أسبوعين

شعور محبط

حاسس اني تعبان جداً واني في علاقة بزوق فيها لوحدي المفروض اني خاطب بقالي سنة و كنا مرتبطتين قبلها سنة بعني انا مع البنت دي من سنتين او اكتر عشان قبلها كنا صحاب عادي دلوقتي بقالها من اول السنة دي وانا عمال فاشخ نفسي و بجهز و بعمل و بدفع دم قلبي ف الشقة و هي علي لسانها كلمة واحدة مش جاهزة للجواز مش ع

Onion_54273 🇪🇬

منذ 3 أسابيع

شعور مكسور القلب

موضوع:

انفصلت عن حد ولسه بتحبه؟ ولا الوقت فعلاً بينسي؟

قبل اي حاجه يا اخواتي انا شخص طبعي ان عمري ما بزعل علي حد ولا علي حاجه ايا كانت لدرجة ممكن يبقي حد زعلان ليا اكتر مني فالمهم عرفت واحده معايا في الكليه وقبل ما نرتبط كنا اصحاب جامد فكنا بنهزر ان احنا حبينا و كده فالمهم هي بقت تهتم بطريقه غير مبرره و ساعتها حبيتها جدا حبيت عينيها كلامها شخصيتها كل حا

Cherry_17015 🇪🇬 مشكلتك صعبه بصراحه بس بجد حاول ترجع كويس عشان نفسك مش عشانها ولا عشان حد وربنا يسامحك عالي حصل انت توب بس محدش يقدر يسامحك غير ربنا وتسامح نفسك الاول وعيش حياتك واهتم بشغلك ونفسك وربنا هيعوضك طول منت شاغل نفسك هتنسا وتتخطا

عرض الكل 11 نصيحة

Sugar_40124 🇪🇬

منذ 3 أسابيع

شعور لا مبالٍ

مسائكم لذيذ يا حلوين. احمم رجعت اتكلم انا والاكس 🙂 اصلا مرتبطش به غير اسبوعين وكنا قبلها صحاب او كنا بنقول كده بس هي كانت ستيويشن شيب . دلوقتي بنتكلم عادي الي هو صفيت من ناحيته لكن مفيش حاجه ليه جوايا (انا بكدب لسه في حبه 🤏🙂)لكن مبنقولش كده عشان خلاص المهم يعني انصحوني و بجد بجد انا خلاص فصلت قلب

Watermelon_27203 🇪🇬

منذ شهر واحد

شعور مستنزف

كنت مرتبط ببنت وسبنا بعض ووحشاني بطريقة مش طبيعية يعلم الله اني حبتها من كل قلبي مع انها كانت شخصية ساعات كتير مكنتش بتقدر المشاعر دي او بتقلل من مجهود اللي ببذله علشانها هي شافت من شخصيتي جزء عمر ماحد من اهلي حتي شافوه جزء بيحب الشخص نفسه يمكن اكتر من نفسه جزء ممكن يعدي اي اساءة منها ويخلق اي عذر ل

Croissant_60799 🇪🇬 كنت استبن فوق ياحبيبي محدش بيموت من الحب هي محبتكش انت بس علقت نفسك واديت بدون مقابل بزياده درس ليك ربنا يهون عليك يارب ويخرج حبها وتعلقك بيها من قلبك اشتغل علي نفسك جسديا وماديا علشان تبقي قوي وعندك ال تقدمه ومتعلقش قللبك اوي بالشكل ده غير بال تستاهلك وال تلاقي منها مقابل ف المشاعر والافعال

عرض الكل 3 نصيحة

Chilli_60301 🇪🇬

منذ شهر واحد

شعور ضائع

انا عشت طول عمري مليش في الارتباط والحب والبنات خالص علي عكس صحابي.. لحد ما جات سنة 2014 وحبيت وارتبط لأول مرة في حياتي.. كنت مبسوط اوي معاها وبحبها بجد من كل قلبي بس للاسف بعدها بسنة مبقناش مع بعض من وقتها ولحد دلوقتي لسه بفتكرها وبحنلها واحيانا بدمع عليها (وانا بكتب دلوقتي بدمع اصلا )عامل اكونت في

التجربة أفضل عبر التطبيق

حمّل تطبيق توهيل على هاتفك لتجربة أسرع