صعوبة النسيان

Pineapple_74654 🇪🇬

منذ أسبوعين

شعور وحيد

عبّر عن شعورك بشكل مجهول

السلام عليكم 
انا كنت مخطوبة لواحد المفروض أنه بيحبني من 2018 وبدأنا نتكلم كلام عادي ف 2020 وشوية شوية حبيته انا كمان و فضلنا مع بعض عدينا بحاجات كتير مع بعض و كان في مشاكل كتير بس كان دايمًا بيقولي أنها بسبب الشات ولما نقرب كله هيتحل هنكون بنتقابل و بنتكلم فضلنا لغاية 2023 واتقدملي و اتخطبنا بس بردو فضلت المشاكل بيننا كتير ف الاول كنت بحسه مش بيعرف يتعامل معايا 
يعني الكلام الحلو قليل شوية طريقة صعبة زي ما اكون صاحبة مثلا ف كنت طول الوقت لما بنتكلم عن أي حاجة بقوله اهم حاجة عندي المعاملة اهم حاجة المعاملة ، لما يسألني عن حاجة او يقولي مش بتطلبي ، لكن ف نفس الوقت كان في حاجات ف الاعراف المفروض يكون بيجيبها و كدا مكنش بيحصل (انا ف الاول مكنش عندي اي مشكلة و متفهمه أنه مش فرض عليه ومش ملزم بيا واحنا لسه مخطوبين وكدا )  بس كان كل اللي حواليا بيتكلموا و يسألو و بصراحة كنت اوقات بتضايق وأوقات كنت بخاف مش عارفة طيب هو بخيل ولا عادي ؟
لان كان في حاجات بيعملها وحاجات لا يعني مثلاً ف الاكل وكدا بيصرف عادي ، لكن مثلاً لو روحنا نشتري حاجة لازم يفضل بفاصل 
اوقات مثلا كنت باجي أقوله عاوزة فانوس او أقوله ده عاجبني بس بردو مكنش بيجيبه أو ييجي بعد كدا يقولي كنت هجبلك كذا ونسيت هبقا اجبلك و مش بيجيب ف انا للمرة التانية كنت بخاف ( لاني والدي بخيل شوية وعلاقته بينا و بأمي وحشة جدًا وبيتنا مليان مشاكل و كل الناس بتتدخل فيها )
كنت اوقات كتير بطلب منه يبطل حاجات بتضايقني لاني مش قادرة استحملها بس كانت بتتكرر و اطلب تاني لان احنا نفس السن ف كنت بحس أنه لسه مش ناضج و بقول لنفسي اول مرة يخطب وكدا ف مش عارف ف اوقات مش هكدب كنت بتخنق و بتقفل بس بعدها كنت برجع افكر نفسي ب ده و بإني مش هقدر يكون في حد تاني غيره في حياتي لاني من النوع اللي لما بيحب و يتعلق مش بنسا بسهولة و أنا وهو كنا متعلقين ببعض جامد 
ف الاول كان بيحب نتقابل كتير يعني ممكن نتقابل مرتين ف الاسبوع بيكون في مكالمات بس كان بيعمل مشكلة ولو على حاجة صغيرة ف علشان كدا كنت بقول المشاكل كانت كتير 
اوقات كنا بنتفق على حاجات يروح يتصرف بطريقة تانية و يعتذر ويقولي نسيت ومكنتش اقصد و يحلف و يحاول يراضيني 
كان بينسا حاجات كتير جدًا و يقولي غصب عني 
كانت طول الوقت بيقولي أنه مضغوط رغم أن اتخطبنا سنتين و نص معملناش فيهم حاجة و كان متفق مع أهلي انه هيشتري شقة وكدا فضلنا اخر 6 شهور بندور على شقة مناسبة وملقيناش ف كان اولا باباه اللي بيجيب شقق على قد فلوسهم يعني تبقا مناسبة ليهم هما بس مش بيفكروا فيا بتكون مواصفاتها صعبة اتحملها بالنسبة ليا. 
صغيرة اوي او المطبخ ضيق اوي او بيت قديم جدًا أو يقول أنه مش هغير غير حاجات معينة مش مثلًا بييجي يسألني تحبي تغيري ايه او تقدري نسيب كذا لا هو بيقول انا شايف كذا كويس 
انا مش هغير كذا اغيره ليه 
رغم أنهم مهمشينه جدًا في البيت يعني ميبقاش عارف عنهم حاجة لدرجة اخوه اشترى شقة و جهازها و هو عرف قبل الفرح بشهرين سمعهم بالصدفة محدش حتى قاله و كان طول الوقت بيقولي محدش هيساعدني ف حاجة يبقا محدش يتدخل ولا يعرف عني حاجة ولا حد بيسأل عني و أنهم مهمشينه و ملوش رأي في حاجة ومش بيحبوه وانا علشان مكنتش بشوفهم كتير كنت فاكراهم طيبين لأنهم  أي حد يشوفهم هيقول ويحس كدا وطول الوقت بيقولو  أنهم بيحبوني وكدا بس مثلا مكنوش بيكلموني غير لو انا اتكلمت غير نادرا او لو حصل عندنا حاجة حتى لو نادرا ولو تعبانة محدش بيسأل عني غير تقريبًا كانت مرة واحدة نزلت بوست ف كلموني 
ف اتكلمت معاه بصراحة و قولتله مش هعرف اقول رأيي بصراحة طول لما باباك اللي بيدور لاني هيبقى مطلوب مني أوضح ليك ولاهلك سبب أن الشقة دي مش عاجباني و ده مش هينفع لان احنا اللي هنعيش فيها وانا مفروض اقول طلباتي ليك انت و اتكلمنا و اتفقنا و قالي خلاص فهمتك و مش هخلي حد يدور تاني و هدور انا ، انا مليش غيرك كان طول الوقت بيقول انا مقدرش اعيش من غيرك ، مقدرش اكون معرفش عنك حاجة ، لو بعدتي عني هموت و ممكن دموعة تنزل من الكلام بس 
انا بصراحة كنت اوقات بقولها لما بتخنق و يفيض بيا او يعمل حاجة كبيرة احس اني مش هقدر اتعامل معاه بعدها بس مش دائمًا كنت بعنيها والله 
المهم هو بصراحة كان حاول يحسن معاملته ليا شوية بس المشاكل والغلطات كانت  لسه موجودة و نسيت اقول اننا كنا طول الوقت بنتكلم ف الشات يعتبر بس نادرا نادرا جدا لما نتكلم مكالمة وبعد لما كان بيبقا عاوز يشوفني كتير بقا حتى لما نتقابل كام يوم ورا بعض بحسه مش عارفه زهق ولا ايه بس بيفضل يقول بقالنا 3 ايام مع بعض جيتلك يومين مش هاجي بقا الاسبوع الجاي و نسيت اقول بردو أنه لما كان بيبقا في حاجة لازم يستأذن أو يقولها لاهلي كان مش بيبقا عاوز و يقولي قوليلهم انت وافضل أفهمه أنه مينفعش و أفهمه وكنت بحس أن أهله حتى مش بيفهموه غير حاجات قليلة لكن للأصول و لازم تعمل كذا و تجيب كذا مش بيعرفوه حاجة 
يعني حتى رغم أن متفقين ف الاول أن هيعملوا خطوبة كبيرة و شبكة كويسة و يجيبوا شقة 
الخطوبة متعملش لما حسيته مضغوط اتفقنا بلاش والشبكة جت على قد الفلوس يعتبر مختارتش حاجة بنفس كنا بنشوف اللي يناسب الفلوس ومع ذلك هما اللي فضلوا يقولوله يتكلموا مع أهلي و يجيبوا شقة ايجار وخلاص رغم أن مفروض يفهموه أن مينفعش يرجع ف اتفاقه
كنت راضية بس كان بيبقا نفسي احس أن تضحياتي متقدرة او انه في يوم من الايام لما ربنا يوفقه هيعوضني من نفسه مش لما اطلب 
ف لما جه موضوع الشقة ده خوفت و اتضغطت اكتر 
بس لما جه موضوع الشقة ده اتخنقت واتضغطت اكتر و رغم كدا كنت بقوله كتير شوف اللي يناسبك و خرجني برا الموضوع ده لاني اتخنقت مكنش بيوافق ، حتى في مرة جابوا شقة 60 متر كل حاجة فيها صغيرة وكانوا متمسكين بيها كان هو شافها الاول و اتكلمنا و اقتنع أنها متنفعش بعد كدا هما عرفوا عنها ف فضلوا يقنعوه ف جه يحاول يقنعني تاني وكان متمسك اكتر من المرة الأولى وقتها قولتله طالما مناسباك جيبها و اعمل فيها التشطيب اللي يناسبك و خرجني برا موضوع الشقة ده فضل يقولي شايفة ده حل شايفة ده صح و قال خلاص وبعدها اهلي و أهله فضلوا يقولولي دوري معاه و مامته كلمتني تقولي أنه زعلان و بيشد معاهم في البيت أنهم مش بيساعدوه و قالتلي دوري معاه على أي شقة وأنه اخوه اتجوز اهو يعني فيما معنى الكلام محدش حس بيه ( اخوه ده رغم أنه بعيد عن البيت من زمان بسبب شغله في محافظة تانية وبييجي اجازات لكن عارف كل تفاصيل البيت و بيتدخل ف كل حاجة )بصراحة أنا اتضايقت و اتضغطت اكتر 
لكن فضلت ادور معاه وكنت بدور أصلا من قبل لما يقولوا بس لما كنت باجي اوريه مكنش بيهتم يعني يقول ده اعلان فيك ، ده بيكذبوا او السعر مش مناسبة أو مش لسه هنجيب شقة على الطوب و كلام زي كدا أو بيشوف الماسدج ميردش  
فضلنا في كل ده لغاية لما جيت ف وقت حسيت اني خلاص مش قادرة ومش طايقة و كان مبقاش بيحكيلي حاجة او بيشاركني حاجة غير نادر و كنت بقيت حاسة أنه مش موجود في حياتي واني لوحدي وهو موجود 
مع العلم أنه انا من وقت لما اتخرجنا ملقتش شغل و قاعدة في البيت يعتبر حياتي واقفة عليه حرفيا بنزل معاه و بستناه ييجي و بستناه لما يصحا الصبح يبعتلي وكدا مشتغلتش بسبب اني مكنتش بلاقي شغل مناسب أو مش بتقبل وفي حاجات كتير كان بيرفضها ف يعتبر انا عندي اكتئاب من قعدتي في بيت مليان مشاكل و كمان ضغوط ومشاكل بيننا و اكتئاب مش حزن انا فاهمة كويس بس مفيش اوبشن اني اروح لدكتور أو اتعالج و كمان صحتي مش كويسة و خسيت جامد ف شكلي مبقاش احسن حاجة 
جينا في شهر 4 قولتله بصراحة اني مبقتش مرتاحة بس ف الشات وفصلت افتكر حاجات قديمة عملها انا غصب عني معرفتش انساها و فضلنا ايام زعلانين ف الشات مجاش غير ف اليوم اللي بييجي فيه يوم الجمعة رغم أنه كان يقدر ييجي أي يوم بعد الشغل بس معملش كدا 
انا كنت مقفولة جامد و جه حاول يتكلم بس بصراحة أنا مكنتش قادرة حتى ابصله و عيطت وهو دمع و موصلناش لحل 
احنا كنا متفقين مندخلش حد في مشاكلنا وانا كنت موافقة على ده علشان بخاف من الحسد بصراحة و علشان بسبب اني متعقدة من بيتنا أن كل حاجة فيه برا و كل الناس بتدخل بين اهلي وعارفين تفاصيل حياتنا حتى التافهه و كنت مقتنعه أن محدش غيرنا يقدر يصلح حاجة بيننا ابدا بس اوقات كان بيعمل حاجات كبيرة كنت بقوله رد على بابا بقا لو هقول لباباك و يشوف حل معاك لاني مكنتش شايفة أهله وحشين بالعكس كنت بتخانق معاه علشانهم و بقوله انت اللي غريب و جايز انت مش مهتم علشان كدا مش بتسأل عنهم ف هما مش ليعرفوا يتكلموا معاك وكدا  
جه المرة اللي بعدها بيقول لماما هنقد نتكلم احنا التلاتة انا مش عارف هي مالها هي بتقول انها مبقتش مرتاحة وانا مش عارف اعمل ايه فضل يتكلم و خلاني حكيت حاجات بيننا و ماما تقولي اديله فرصة اقولها اديتله كتير تقولي معلش المرة دي علشاني و تقوله قولها يا حازم انك هتتغير مش بيتكلم هي اللي تمليه الكلام 
لما ماما تمشي يمسك الموبايل ( نسيت بردو اقول إن لما كان بييجي أو نقعد مع بعض بيفضل ماسك الموبايل حتى لو بيعمل سكرول يا انا اتكلم يا لو في مشكلة بنتكلم فيها يا يفضل كدا رغم أن معظم الوقت كان بييجي ف الاسبوع ساعتين و يمشي ة ده كان أحد أسباب ضيقي أن كنت بحس أنه بييجي تقضية واجب مش اكتر)
ف اليوم ده فضل بردو يقول كلمة يعني انت عاوزة ايه او شايفة ايه لو قولت كلمة مش عاجباه يمسك الموبايل و ميردش عليا يعني مقدمش حلول مقالش مثلا هتغير طيب هعمل كذا علشان نصلح بس لما ماما تيجي يقولها بتقولي كذا 
وبعدها قال همشي وفكري عاوزة ايه جت ماما قالي قدامها فكري انا متمسك بيكي و شاريكي و كلام زي كدا ف والدتي طبعًا أصلا كانت شايفاه ملاك لاني مكنتش بحكيلها عن حاجة غيرر نادرا لما هي بتشوف أن في حاجة  و كنت بقوله اني حكيت بس مكنتش بتتكلم معاه في حاجة لأن لما حصلت كام مرة اتضايق مني و مكنش بيبقا عاوز ييجي البيت لو حد حس ان احنا متخانقين 
المهم مشي والدتي فضلت تبصلي نظرات وحشة هو عمل ايه وكلام زي كدا و انا كنت هموت نفسي من كتر ماانا مخنوقة 
تاني يوم حكيتلها كام حاجة قالتلي طيب ومكنتيش بتقولي ليه قولتلها هو مكنش بيبقا حابب و انا بردو شايفة أنه مش غلط وكدا قالتلي خلاص قولتلك الفرصة دي علشاني المرة دي لو عمل حاجة تاني نبقا نشوف 
بعدها فضلنا بردو نشد مع بعض ف ف يوم كنت رايحة مشوار وكان حد هييجي معايا قالي صحيني هاجي معاكي قولتله لو هتقولي كدا ومش هتصحا عرفني قالي لا جاي بس كلميني صحيت و كلمته كتير جدًا طول ماانا بلبس مردش و مبقاش في وقت اشوف حد تاني ييجي معايا 
وانا نازلة على السلم كلمني انت فين قولتله نازلة افتكرته هيلبس و يلحقني بس لقيته بيقولي معلش مسمعتش 
بعدها حد معاكي قولتله لا قالي طيب خلي بالك من نفسك 
كل ده فاكره أنه بيستفزني بس وهلاقيه ورايا لان بيته هيركب عريبة دقائق و يبقا عند العربيات اللي هنركب احنا الاتنين منها 
فضل يكلمني مكالمات بس انا مكنتش طايقة اتكلم واتخنقت جامد ف مرضتش بعت ف الشات متقلقنيش عليكي قولتله ما تقلق 
ساب كل اللي عمله و مسك فيها روحت ورجعت استنيته حتى يقابلني يراضيني رغم أنه راح الشغل كان في طريقي وانا راجعة لو كان قالي انزلي و صالحني كنت هتراضى والله 
لو كان جه يومها بالليل يعترف بغلطه و يصالحني كنت هتصالح 
بس سابنا بردو نفضل نشد ف الشات وقعد 22 يوم ميجيش وكل الكلام بيننا في الشات صحيتي ؟
اكلتي ؟
نمتي ؟
بعدها باباه كلمني وقالي أنه قاله زعلانين كلمهم ( من غير ما يعرفني بردو )
حكيتله كام موقف فضل يقولي معلش و فرصة علشان خاطري و كلام زي كدا و انا هقوله ييجي لو عاوزاني اجي معاه هاجي بس انا عاوزة يعني يكون تصرفاته من دماغه 
وكان في اليوم 18 كلم والدتي  و عاتبته بهدوء لأنها بتحبه جدا و قالتله طيب تعالى و نتكلم مجاش تاني يوم كلمها تاني قاتله تعالى و نتكلم بردو مجاش 
جه بعد 22 يوم مع أهله والدته ووالده واخوه فضلوا كلهم يتكلموا وانا قولت حاجات كتير من اللي مضايقاني و كنت في خلال ال 22 يوم حكيت لوالدتي معظم الحاجات اللي بيننا لاني كان بالنسبة ليا كدا الموضوع بيخلص ده واحد كان بيقول ميقدرش يعيش يوم من غيري ميقدرش يعدي اسبوع ميشوفنيش وكل الكلام ده 
المهم غلطوه و فضلوا يقولوا معلش و هيتغير وكدا و قالو إنه هيحتاجوا سنتين كمان خطوبة وكدا كل ده هو منطقش 
بعد لما مشوا قالي عاجبك اللي وصلنا ليه ؟ وفضل يقلب ف القديم بردو و يقولي عاوزاني و لا مش عاوزاني معتذرش حتى وكنت مش شايفه في عينه حبه زي زمان و لا شوقه ولا لهفته حتى لما عيطتت 
سألته كنت فين قالي كنت تايهه و حسيت اني مش هعرف اعمل حاجة ف قولت بلاش اظلمك المهم بعدها اتكلمنا و فكرته باللي بيننا و ازاي نسيته فضل يحلف أنه كان تايه و مش عارف بيعمل ايه و لما حس اني بضيع من ايده جه و حاولنا نرجع 
بس طلبت ميبقاش بيننا أي تلامس و بطلت اقول كلام كانت نيتي لو ربنا زعلان مننا ف بيحصل كدا يسامحنا و جايز يتشجع و يسرع شوية على الأقل لما يجيب الشقة اهلي يوافقوا نكتب الكتاب 
كان بيحاول يعاملني كويس ويقول كلام حلو بس كنت بحسه مش صافيلي ومبقاش بيشاركني حاجة اسأله اهلك بيقولوا ايه عني مش بيقول رغم أن قبل كدا كان بيقولي حتى لو قالوا حاجة وحشة 
عدى كام شهر و من شهر اهلي قالو لازم نشوف موضوع الشقة وكدا ومش هينفع كدا ف نفس الوقت هو بعتلي شقة بردو صغيرة جدا و نفس مواصفات اللي قبل كدا اتخنقت واتضايقتةحسيت أن كلامي ملوش لازمة وكل ده كان على الفاضي ده غير اني كنت حاسة اني لوحدي و أنه مش موجود بيرجع ينام و يصحى ينزل الشغل مبنتكلمش ساعتين على بعض وشات باقي الوقت لوحدي بييجي مش بيتكلم ف كنت تعبانة ومخنوقة 
جه من شهر ونص كدا والدتي سألته عن الشقة مردش فضلت تتكلم تتكلم ميردش تقولي ياابني رد عليا قولي ناوي على ايه بردو ساكت قالتله هسيبك تفكر مشيت فضل يقولي مش بتقولي ايه على طول لما بسألك ف الشات مالك قولتله هيفيد بأيه وكدا بردو يقول كام كلمة و يسكت جت والدتي سألته تاني بردو مردش 
سابتنا بعد شوية استأذن يمشي و مشي فضلنا بردو طول الاسبوع كلام أقل صحيتي اكلتي نمتي ولو انا نايمة وقت لما رجع من الشغل بينام و نتكلم تاني يوم بعد لما كان بيكلم ماما تصحيني من النوم نتكلم و يتطمن عليا 
جه الاسبوع اللي بعده معتذرش لماما ولا حاجة و فضل يتكلم عن الشقة أقوله مش دي مشكلتي انت مش بتوعدني بحاجة بتوفي بيها مش بتشاركني مش بنتكلم ومش حاسس ان في مشكلة يقولي لا لا خلينا في موضوع الشقة بس وشوفي دي و شوفي دي مكنتش عاوزة اشوف المهم فضلنا بردو نشد مع بعض ويقولي ده مش صح انك تسكتي ومش عاوزة تقولي اللي جواكي أقوله ملوش لازمة بردو قعد شوية صغيرين واستأذن ومشي ومن وقتها مجاش تاني 
فضلنا ف الشات طول الشهر ونص دول يتكلم ف الشات بردو نفس الطريقة لغاية لما جيت في يوم قولتله بتسأل عن اكلي ليه انت مهتم بيا ولا تعرف عني حاجة ف بطل يسأل يجي مثلاً مرة في اليوم الصبح أو بليل يقول كلمة فضل كدا اسبوع جه يوم إجازة كلمني علشان افتح الشات فتحت فضل يقولي محتاجلك قولتله وكنت فين لما انا كنت محتاجة ليك ولا دلوقتي عندك وقت فراغ مش لاقي حاجة تملاه وشدينا بردو ومفكرش ييجي بقا يلحق 
فضلنا كدا حتى لما يبعت يتكلم يرد بعد ساعات اوقات يرد بعد يومين لغاية لما باباه كلمني تاني بردو و فضل يسألني و اخر المكالمة قالي طيب هقوله يجي قولتله هو ليه حضرتك اللي تقوله وليه حضرتك اللي تصلح قالي ماانا مش غريب قولتله معلش بس هو مش صغير احنا مفروض هنفتح بيت عامةً انا مبقتش متقبله الكلام ولا عندي كلام أقوله ليه ده بقالنا3 اسابيع منعرفش حاجة عن بعض يتواصل بقا مع والدي أو خالي قفل 
بعدها كلمت خالي حكيتله ف كلم باباه و من الكلام باباه قاله أنه حكاله اللي قولته ليه ف خالو قاله طيب شوفه عاوز ايه وهيعمل ايه وكلمني قاله هقولها قاله لا كلمني انا وخرجها برا الموضوع خالص 
بعدها والدته بعتتلي بردو تسألني ليه قولتلها حاجات قالتلي مش علشان الشقة ده هو قالي كدا قولتلها لا فضلت تقولي بنحبك وكدا و ربنا يعمل اللي فيه الخير 
عدى اسبوع محدش اتكلم ف خالي سألني قولتله مبقتش مرتاحة قالي يعني مش عاوزاه معرفتش ارد صعبة عليا قولت مش مرتاحة وراح كلم والده وقاله انا بحل بس هما بلغوني اعرفكم أن كل شيء قسمه و نصيب وفيما معنى الكلام يعني لو عاوز يصلح خليه يصلح بردو فضلوا محدش بيتكلم
وهو مان بيبعتلي في الشات زي ما قولت كل يوم او يومين او تلاتة و يرد على كلامي اليوم اللي بعده ف خالي قالي مترديش تاني 
بعدها فضلوا بردو اكتر من اسبوع لغاية من حوالي اسبوع باباه بردو  كلم خالي فضل يقوله هي عاوزاه ولا لا ده بيقولو مش هتتجوز حد غيره وكدا قاله هو فين من اول الموضوع انت اللي بتتكلم ليه و قولتلك مليون مرة عاوز يحل خليه يحل ف خلاص كل شيء قسمه ونصيب و باباه قاله أنه زعل لما قاله كلام المرة اللي فاتت 
ف خالي اتضايق و قاله يعني انا بقولها بيني وبينك على أساس تصلح و بنبهك تروح تقولهاله انت كدا بتصلخ لا انتو مش عاوزين صلح المهم شدو مع بعض لقيت باباه بيكلمني وخالي قالي مترديش لو حد منهم كلمك ف مردتش راح كلم والدي اللي اتصرف كأنه ميعرفش حاجة ومعرفش السبب بس قولتلكم أن بينهم مشاكل هو ووالدتي
المهم قاله اني مش برد قاله علشان انا برا البيت جايز مش سامعه أو حاجة قاله طيب اسألها هي هتقدر تكمل معاه ولا لا قاله طيب بس يتغير قاله انا مش هدوس على زرار  اغيره دي حاجة بينهم وبين بعض بقا ف والدي قاله طيب وليه انت اللي بتتكلم من الاول خلي صاحب الشأن يكلمني او ييجي يقعد معايا ف مكان شغلي بردو قاله أسألها 
ووالدي فضل يقولي معلش اديله فرصة وكدا ولو جه واتكلم معايا نديله فرصة أخيرة والكلام ده 
عدي يومين متكلمش و لقيت بردو باباه اللي بيكلمني و بيسألتي باباكي فين قولت مش موجود قالي أنه حاول يكلمك مش عارف يوصل ليه 
قالي هو بلغك اني كلمته  قولتله أيوة واللي اعرفه مستني صاحب الشأن يتكلم قالي اه بس هو بيقولي يتغير و مش يتغير ودي حاجة مش بإيدي قولتله طيب اعمل ايه تاني انا عملت كل الي اقدر عليه قالي يعني هتقدري تكملي معاه ولا لا قولتله مبقتش مرتاحة ف حتى لو عطيته فرصة تانية مش هقدر اتعامل معاه زي الاول ف ربنا يوفقه قالي تمام هنعملك اللي عاوزه قولي لبابا يكلمني نشوف هنخلص الموضوع ازاي و ف نفس الوقت كان كلم خالي قبل لما ارد بس خالي مسمعش المكالمة ف لما كلمه قاله انا كلمتها و هي قالتلي مش هتكمل ف شوف مع باباها هناخد حاجتنا ازاي وكدا وحددله كذا وكذا وكذا منها حاجة كانت هدية المفروض بس كدا كدا كنت هديهاله بس مكنتش متوقعة يطلبها 
ف لما عملوا كدا نزلت بوست اني سنجل بعدها لقيته بعتلي ماسدج الوداع وفيها يمكن القدر يخلينا  نتقابل تاني ف حسيت إن دي كانت رغبته مقالش حتى أنه سيحاول تاني علشاني 
بعدها تاني يوم لما اخدوا الحاجة نزلت ستوري أن الشخص اللي كنت بحكيله عن هزايمي بقا من ضمنها رد عليها وقالي انا مش مستوعب احنا فين و انت معلمتنيش أكمل من غيرك ازاي 
فضلت افكر ارد ولا لا لغاية لما رديت بعد كام ساعة بكلام كتير أنه يعني عملت كل حاجة ووقفت جنبك ووو وانت مش مظلوم لان السبب ف اللي وصلناله و عملت بلوك 
ف رد عليا من الرقم التاني أنه مستنغناش و لا استبدلني بس فكر لو بعدنا هنرتاح بردو مقدرش يرتاح و أنه لما شاف الحاجة مبقاش مستوعب 
وان يارب القدر يرجعني ليه و يارب يشوفني مبسوطة حتى لو مع حد تاني 
رديت عليه أنه معملش حاجة وكدا و بكلام كتير بردو ف رد أنه لما وصله اني بقول مشوعاوزاه اتصدم و حس اني خلاص بايعاه تماما وأنه مقالش ليهم حاجة ولا أن الموضوع علشان الشقة ولا اتكلم أصلا 
وان اللي اتقاله أن خالي ف اول مكالمة قال اني مش عاوزاه و كل شئ قسمة ونصيب المهم سألته كام سؤال  وليه لما طلبوا يشوفوك مجتش قال كنت عاوزك انت وانتي مردتيش على اخر ماسدج بيننا 
مش فاهمة هو ازاي فاكر أنه كدا حاول 
وأنه مكنش فاهم اني بقوله كدا مش بعنيها وأنه مقالش ليهم أنه مش هيتغير 
بس المشكلة أن انا تعبانة جدًا قلبي مش قادرة يستوعب مش قادرة انسا ولا اتخطى كل مكان لينا فيه ذكرى و كل مكان بشوفه فيه حياتي واقفة بقالي حوالي 3 ايام مش باكل لدرجة حاسة اني مش قادرة اتحرك بعيط بس مش عاوزة أبين لحد علشان أي حد هيقولك انتي اللي عاوزة .انا مكنتش نيتي بس هو اللي وصلني لكدا انا حتى بعد لما مشي اول مرة كنت فاكرة أنه هيصلح الموضوع و كنت هنزل اجبله هدية عيد ميلاده مكنتش متخيله أنه هيعمل كدا 
مش عارفه اعمل ايه كل مكان كل حاجة بفتكره
انا طول عمري لوحدي رغم أن حواليا ناس بس بعمل كل حاجة لوحدي 
كنت ماصدقت ودايمًا ببصله وبقول ياه اخيرا مش هبقى لوحدي في حد هيكون معايا في كل مشاويري اخيرًا 
مش قادرة حاسة اني بموت و قلبي مفطور و هموت من القهر

بعتذر عن الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_22054 🇪🇬

منذ أسبوعين

شعور مكسور القلب

سؤال من قلب واحد بيصرخ بصمت 💔 ليه دايما لازم بين اي اتنين بيحبو بعض شخص بيحب اوي ويهتم اوي ويتعلق و مبيهونش عليه يشوف الطرف التاني زعلان حتي لو هو مضايق منه بيرمي كل حاجة علي جنب عشان يفكه ويفرحو وليه بقي الشخص التاني ده بيبقي خلاص من موقف أو اتنين يقرر يمشي ويسيبنا بسهوله 💔 ليه احب بجد وا

Cherry_72912 🇪🇬 اختارت تسيبك و تبعد.. هي حره.. بس جه الوقت دلوقتي انك تفكر ف نفسك شويه

عرض الكل 9 نصيحة

عبّر عن شعورك بشكل مجهول

سؤال من قلب واحد بيصرخ بصمت 💔

ليه دايما لازم بين اي اتنين بيحبو بعض 
شخص بيحب اوي ويهتم اوي ويتعلق و مبيهونش عليه يشوف الطرف التاني زعلان حتي لو هو مضايق منه بيرمي كل حاجة علي جنب عشان يفكه ويفرحو 
  وليه بقي الشخص التاني ده بيبقي خلاص من موقف أو اتنين يقرر يمشي ويسيبنا بسهوله 💔

ليه احب بجد واعمل كل حاجة ممكنه اقدر افرحك بيها وف الاخر عشان جت علينا فتره بنتخانق كتير ومبقيتاش متفاهمين تقومي ماشيه وسايباني وتبقي مفيش في قلبك ذره حب ليا زي الاول لا وكمان ماشيه وانتي متأكده من أن انا لسه بحبك 💔 
ماشيه وانتي عارفه انك بتدمري قلب اكتر حد حبك وحبتيه اكتر حد استحملك ومتغيرش عليكي وبالمناسبة جمله ( اكتر حد استحملتني ومتغيرتش عليا ) دي جملتك مش جملتي 💔
يعني عارفه اني اكتر بني ادم استحملتك وحبيتك وخوفت عليكي بجد ومع ذلك مشيتي وانتي عارفه انك بتدوسي علي قلبي وتكسريه تحت رجلك

طب هتحبي بعدي ازاي وانتي المفروض كل حاجة حواليكي بتفكرك بيا المفروض

بلاش انتي   انا انا هحب ازاي بعدك 
انتي كنتي اكتر حد فاهمني اكتر حد لما أكلمه وانا مخنوق وفيا كل الهموم فجاه كل حاجة بتهدى جوايا كأنك بتشيلي الفيشه بتفصلي دماغي عن المشاكل وببقي مبسوط وبفك ويفرح مجرد ما اسمع صوتك

وحشتيني ومش عارف حتي اكرهك حاولت اكرهك كتير جدا حاولت افتكر كلامك عشان اكرهك بس معرفتش اكرهك حاولت ابرر مليون سبب يخليني اكرهك بردو معرفتش مش عارف اكرهك مش عارف انساكي 
علميني طيب علميني ازاي انساكي علميني ازاي انساكي وانا كل حاجة حواليا بتفكرني بيكي علميني ازاي انسي مواقفنا سوا ازاي انسي خوفنا علي بعض ازاي انساكي وانسي سنيني معاكي علميني 
انا مكنتش استاهل منك كل ده والله 
انا حبيتك بجد بس انتي بطلتي تحبيني اختارتي تمشي عشان لاول مره من خمس سنين سوا يجي علينا فتره ونبقي مش متفاهمين وبنتخانق 
ما طول عمرنا لو اختلفنا علي حاجة بنيجي نصالح بعض ونتفاهم ونوصل لحل سوا طول عمرنا علاقتنا مختلفه عن اي حد علاقتنا قويه وطويله ومكناش اتنين بيحبو بعض وخلاص لا كنا اخوات وصحاب وسند وضهر لبعض كنا كل حاجة 
ازاي نسيتي طيب كل ده 💔
ازاي قلبك طاوعك ونسيني 
طيب لما تتخنقي وتزعلي من موقف حصلك هتحكي لمين ؟؟؟ 
هتيجي لمين وتفضفضيله وانتي مخنوقه 
طيب مين هيخليكي مجرد ما تبقي مخنوقه تفكي علطول 
طيب مين مش هيخليلك فرصه تزعلي أو تتخنقي في يومك من أي حاجة دائما هيقف جنبك ويسندك ويفرحك مين هيعمل كل ده مين !!

هقولك حاجة اخيره وانا متأكد وواثق منها :

محدش حبك ولا هيحبك قدي 
     محدش هيعرف يستحملك وبقدرك زيي 
     محدش هيهتم بأدق تفاصيلك زيي 
     محدش هيحاول عشانك كل ده زيي 
     محدش هيخاف علي زعلك وتعبك قدي 
     ربنا اللي عالم انتي عندي اي وكنتي اي 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73469 🇪🇬

منذ 3 أسابيع

شعور مكسور القلب

انا بنت.. لما كان عمري 10 سنين سبت بلدنا و جينا مدينه.. المهم اول مكان نسكن فيه اتعرفنا علي صحاب كتير و كذا ولد و بنت واحده. المهم حبيت الشخص ده او مكنتش اعرف اني بحبه غير لما سبنا المنطقه بفتره بسيطه جدا.. لقيت نفسي بعيط شوقا. نفسي اشوفو.. و اللي بقي بيجمعنا لعبة ببجي.. اون لاين.. ولا بنلكم واتس ول

Watermelon_60331 🇪🇬 وانا كمان كنت بلعب مع بنت وانا صغير كانت سكنه قصاد بيتي بالظبط في الدور الارضي كانت جميلة المعنى الحرفي للفراشة كانت كيوت جدا وعسوله جدا باباها و مامتها انفصلوا وسابو البيت و عزلوا ومن ساعتها وانا ماشوفتهاش تاني بس عمرها ما راحت من خيالي ( مكنتش اعرف اني هفضل اكتر ١٣ سنه اشتاقلك يافاطمه) ربنا يسعدها مطرح مهي موجودة ويرزقها كل خير

عرض الكل 13 نصيحة

Croissant_66979 🇪🇬

منذ 3 أسابيع

شعور محبط

بفكر جديا ابعت للاكس باكونت فيك واتكلم معاه عشان عايزه نرجع واموف اون منه وانا معاه عشات بقالي سنتين مش عارفه اموف اون منه (هو خاين )بس الفكره انو لو عايز يكلمني هيكلمني هو الي عامل بلوكات من كل حته بس التيك توك لا مش عارفه اعمل اي اخليني زي ما انا احسن مش عارفه انساهومش عارفه احب غيره ولا ارجعله ا

Nutella_52552 🇪🇬

منذ شهر واحد

شعور مرتبك

هاي جماعة أنا عندي مشكلة ومش عارفه احلها بجد من سنتين دخلت علاقة عاطفية وكانت أول مراه ادخل علاقة وبسبب ما سبنا بعض وانا تخطيت عادي لاني محبتهوش ومن ساعت ما سبنا بعض وانا مشعري بتروح لاي واحد بيكلمني بأسلوب كويس او اي واحد علي العموم حولت كتير ابطل بس مش بعرف حولت اغض بصري بقي في ناس بتبعتلي علي ل

Mango_70499 🇪🇬

منذ شهر واحد

شعور مرتبك

انا مش عارفه إبداء منين ولسه برضو جديده هنا بس يارب اعرف اشوف حل أن شاءالله احيانا الواحد بيكون ماشي في حياته تمام وبداء ويوصل ويركز في حياته ويتقدم ومره واحده رجع لذكريات الماضي فجأه ويستغرب نفسه لما افتكر دلوقتي وانا بحكي بصيغه اي حاجه سواء ارتباط صحاب جواز ليه الواحد يفتكر تاني وضايق نفسه وخلاص ع

Chilli_70262 🇪🇬

منذ شهر واحد

شعور مكسور القلب

دايما عندى نواقص زى انى اكون الرغبه الاولى لاى واحده اعرفها حتى مرتبطت مره ، حسيت بعد مسابتنى انها اصلا مكنتش بتحبنى قبلها مكنتش عاطفى زى دلوقتى ، انا بقالى ٣ سنيين مش عارف انساها ونفسى انساها ، صعبانه عليا نفسى اوى ، شكراااا .

Kiwi_70490 🇪🇬

منذ شهر واحد

شعور متعب

السلام عليكم انا بنت حساسه جدا وبتأثر بكلام اي حد وبيكون اكتر لو من اهلي ممكن يقولو كلام وقت عصبيه أو ما يكون عندهم ضغط من الشغل اي كان السبب بفضل فاكره الكلام ومبقدرش اتخطاه ما اجي اعمل اي حاجه افتكر الكلام ده قدامي وف الآخر جايين يلومني علي ده انا من النوم مقدرش اتكلم وعاتبهم علي كلامهم وقت العصب

Strawberry_68655 🇪🇬

منذ شهر واحد

شعور مكتئب

حبيت واحد وقعدنا مع بعض سنين بعدها محصلش نصيب ومبعدناش كنا بنسال ع بعض بس ف نفس الوقت كنا بنأذي بعض بكلامنا ووجودنا هو دلوقتي خطب وعايش حياته وانا حياتي واقفه مش عارفه انساه ولا ابطل تفكير فيه وبدعي عليه عشان هو آذاني نفسيا كتير اوي وكسر قلبي ولغايت دلوقتي متدمره نفسيا بقيت بعمل حاجات كتير غلط كل ح

Grape_67035 🇪🇬

منذ شهر واحد

شعور محبط

موضوع:

عشمك في الناس وصلك لايه؟

اووه عشمي في شخص خلاني نزلت من سابع سما ع جدور رقبتي وياما ناس حذرتني بس انا مكنتش سامعه ولا شايفه غير الي في قلبي وقلبي ده غبي وهو اكتر واحد اتاذي وبقالي سنتين بحاول اموف اون ومش عاارفه حاسه قلبي خرب خلاص

Avocado_66978 🇪🇬 شرف ليا لو تحبي نفضفض في اي وقت

عرض الكل 16 نصيحة

Pineapple_65613 🇪🇬

منذ شهر واحد

شعور محبط

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي للاسف مش عارفه اتخطاه رغم اللي عمله معايا ومش عارفه ابدا

Almond_63696 🇪🇬 انا مش هقدر احكم عليكي منغير معرفك لكن ازاي؟ ازاي ممكن تكوني لسه بتحبي حد عمل فيكي كدا ومش عارفه تتخطي؟ يعني بتحسي ب ايه مش فاهمه بتحسي انك عايزه الشخص ده؟ طب ولما بتفتكري ان هو ندل كدا وبياع ومشتراكيش بتبقي بردو عايزاه؟ احنا كبنات مفيش اهبل مننا والله

عرض الكل 22 نصيحة

Blueberry_65424 🇪🇬

منذ شهر واحد

شعور مكسور القلب

انا مش عارفه اطلعو من دماغى بقالى سنه مبنتكلمش خالص مفيش اى وسيله اننا نتكلم ونرجع مع اننا جران واحتماليه انى اشوفه بتبقا كتير وفعلا بشوفو هو واهله بس من وقتها وانا خدت جنب منه ومن عيلتو كلها لان حسيت باهانه شديده مقدرتش اتعامل معاهم عادى بعد اخر مره اتكلمنا فيها لان محستش منه انه بجد عايزنى زى ما ا

Hazelnut_64540 🇪🇬 خد الي يحبك ما تاخد الي تحبو

عرض الكل 8 نصيحة

Mango_64024 🇪🇬

منذ شهر واحد

شعور متعب

نتخطى ازاي ان ما فيش اي حاجه بتحصل زي ما احنا عاوزينها وان احنا مش عارفين نتاقلم بنحط السيناريوهات في دماغنا عشان بس نعرف نكمل بننام ازاى من غير ما نقعد نفكر فكرة ان احنا عايزين نرجع ل علاقه مؤذيه مستحيله مش ممكن تكمل لمجرد ان هي بتخلينا منفكرش في الحاجات الاساسيه

Biscuit_64583 🇪🇬

منذ شهر واحد

شعور ضائع

انا كنت بحب بنت قدي ف السن انا ف علوم وهي صيدله خاص اتكلمنا كاصحاب ف الاول بس لما اعترفتلها قالتلي مش حاسه بحاجه ناحيتي وانا احترمت دا وبعدت شافتني ف فرح بعدها دخلت كلمتني تقولي انا حاسه بمشاعر ناحيتك وكده فرحت طبعا وفضلنا نتكلم بعدين رجعت تقولي انا مش حاسه بحاجه وتتاسف انا زعلت جدا بس تقبلت الحوار

Banana_63510 🇪🇬

منذ شهر واحد

شعور مكتئب

عرفين لي صعب انسها ومش عارف هي كانت صحبتي عشان معنديش اصحاب كانت اختي عشان معنديش اخوات كانت نفسي الي بحكي ليها كل حاجه وببق مطمن عرفين لم تلقي حد بيسمعك ويطمنك هي كانت دي انا وهي من نفس الشارع ونعرف بعض بقالن سنتين اقسم بالله اني ما مسكت ايدها ول في مره ول كانت برض اروح اقبلها عشان كانت عاوز كل ده

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع