انا مش عارفه اطلعو من دماغى بقالى سنه مبنتكلمش خالص مفيش اى وسيله اننا نتكلم ونرجع مع اننا جران واحتماليه انى اشوفه بتبقا كتير وفعلا بشوفو هو واهله بس من وقتها وانا خدت جنب منه ومن عيلتو كلها لان حسيت باهانه شديده مقدرتش اتعامل معاهم عادى بعد اخر مره اتكلمنا فيها لان محستش منه انه بجد عايزنى زى ما انا محتاجه فى حياتى كان كل حياتى كل تفصيله فى حياتى مرتبطه بيه جدا و شعور الاهانه دا ناتج عن مذاله اتعرضتلها فى وقت الانفصال حولت بكل الطرق اتمسك بيه ولكن لما قالى احنا مش ناسبين وقبل كان بيحاول يحسسنى بدا هو واهله ناس كويسه وفعلا بحبهم ولكن الرفض اللى اتعرضتله كان صعب وتحديدا لو بيجيلك من شخص مكنتش تتوقع ابدا انكم تنفصلو عن بعض ، ومعرفش ليه كل مره لما بشوفه بقرف ابص فى وشه وبيبقا الموضوع خارج عنى ولما اقعد مع نفسي ببقا هموت واكلمو و اطمن عليه ، وليه لحد دلوقتى هو فى دماغى جدا مع انى شفت حياتى من بعدو واتخطبت وفشكلت وبخرج وبشتغل وشايفه حياتى وهو كمان برضو شايف حياتو ومحدش فينا موقف حياته على حد ولكن الشعور مؤذي

2

6