مش عارفه اتخطى خطيبي الأول وضغوطات الأهل تخنقني

Question

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي 
للاسف مش عارفه اتخطاه رغم اللي عمله معايا ومش عارفه ابدا من جديد وزي ميكون حصلي عقده من الجواز كله بمجرد الكلام عنه بتعب جدا وللأسف مش متخيله حياتي من غيره 
وللأسف ضغوطات الاهل كبيره جدا اني اتجوز واتخطب
حرفيا زي الغرقانه ومش عارفه اعمل ايه

Almond_63696 🇪🇬 · Accepted Answer

انا مش هقدر احكم عليكي منغير معرفك لكن ازاي؟ 
ازاي ممكن تكوني لسه بتحبي حد عمل فيكي كدا ومش عارفه تتخطي؟  
يعني بتحسي ب ايه مش فاهمه بتحسي انك عايزه الشخص ده؟ 
طب ولما بتفتكري ان هو ندل كدا وبياع ومشتراكيش بتبقي بردو عايزاه؟ 
احنا كبنات مفيش اهبل مننا والله

Hazelnut_64540 🇪🇬 · Answer

انتي عبيطه واحد عملتي كل حاجه عشانه 
وا بعدين سابك عشان حاجه تفها يبقا يتامن علي قلب ازاي انتي مجنونه انا بكره الي بيفكر وا يختار مشعره في الاخر

Carrot_64604 🇸🇦 · Answer

بصي مقولتش حاجه والمشاعر مش بايدينا وحقك طالما عملتي كثير عشانه انك متقدريش تتخطي الموقف 
بس خلينا نبصلها بنظره تانيه هل لو فضلنا مكسورين قلوبنا هتتجبر لوحدها ؟
اكيد لا 
هو عايش ومبسوط وانت اتدمرتي نفسيا 
نبصلها من نظره تانيه انك تحمدي ربنا انك خرجتي من الخطوبه دي كمان من غير ما يحصل حاجه تخليكي مجبره انك تتجوزيه والا هتتفضحي واظن فهمتي قصدي 
عيشي سنك وحياتك واشغلي نفسك 
هكمل في ماسج تحتها

Carrot_64604 🇸🇦 · Answer

فأنا من رأيي حاولي تتخطي بانك تخرجي او تشتغلي 
انت جميله ولطيفه ولسى صغيره سيبك منه يعني معقوله اللي ميستاهلش يعيش يكون عايش حياته مبسوط واللي تستاهل تعيش تكون متدمره ؟
انت الافضل والاحسن سيبك منه وعيشي حياتك واشغلي نفسك وحاولي تتناسيه عارف الموضوع صعب بس اي رأيك جربي اشتغلي واسمعي مني واضغطي نفسك في اليوم بين شغل ولعب وخروج وهتلاقيه ابتدى يمشي من عقلك ♥️

Tofu_19483 🇪🇬 · Answer

جايالك م المستقبل وبقولك هتنسي وهتتخطي ومش هتفتكريه علشان حصل معايا موقف زي ده مع الشخص اللي كنت مخطوبه ليه وقالي هسيبك ونفركش قولتله تمام ورديت عليه ببرود علشان كان إنسان غير سوي واديته فرص كتير وبعدها كلم أهلي علشان نرجع وأهلي قالولي وأنا رفضت والحمد لله تخطيته تمامًا..ف أنتِ كمان هتتخطيه متقلقيش

Coconut_65176 🇪🇬 · Answer

بكل امانه
هو قلب منك قلبه وحشه اعتمادا ع حبك وانه هيرجع ف اي وقت يحبك
حاولي تقفلي صفحته حتي لو رجع 
وشوفي حياتك يابنت الناس

Avocado_65630 🇪🇬 · Answer

اتخطى اى حاجه وركزى ف حياتك وهو إلى هيكون خسران اختارى حد مناسب وعيسى حياتك محدش هينفعك

Pineapple_65613 🇪🇬 · Answer

انا شغاله في بوزيشن وشركه كويسه كمان وبحاول انسي واضيع وقتي بس فكره ان حد عايز يتقدملي برجع لنقطه الصفر وبرفض وبتعب جداا

Carrot_64604 🇸🇦 · Answer

طيب سؤال 
انت عندك كام سنه ؟
+ كلمي اهلك واثفلي فترة الخطوبه وقوليلهم اي حد يتقدم انك هترفضي وخلاص بس لو عندك فوق ٢٦ و ٢٧ سنه مش قصدي حاجه انت لسى صغيره وكل حاجه بس انت عارفه الجيل اللي احنا فيه فيمكن دا مقصدهم بس

Carrot_64604 🇸🇦 · Answer

اهو لسى صغيره طيب ما شاء الله
طب عندي فكرة غريبه شويه 
اي رأيك انت أي حد يجيلك اهلك هيسيبوكي معاه قوليله بص يابن الناس انت كويس وكل حاجه بس انا مش حابه اكمل واهلي مصرين عالجواز وبس 
كده كانك بتطفشي اللي قدامك 
بس انا من رأيي صلي استخاره قبل أي حد يجيلك 
ولو والدك او والدتك حد فيهم متفهم اقعدي معاه واتفاهمي قوليلهم بصو حصل واحد اثنين ثلاثه وفهميهم والله اقتنعو كان بها وقوليلهم ادوني مثلا سكة سنه

Pineapple_62201 🇪🇬 · Answer

شكل ربنا بيحبك فما خلهوش من نصيبك. لعله الخير. انت مش قادره تنسيه علشان مستخسره كميه الوقت والمجهود اللي انت بذلتيه علشان العلاقه تنجح. انا فاهم الموضوع ده علشان انا برده كنت معجب بواحده وقعدت احاول معها خمس سنين وفي الاخر راحت اتجوزت واحد غني قعدت سنتين مش عارف انساها خالص بس بعد كده ربنا كرمني ونسيتها

Sugar_65648 🇪🇬 · Answer

متعانديش وخلاص وتحطي ف دماغك مبدأ الرفض وان اهلك مش شايفين مصلحتك وفهميهم وحسسيهم انك كمان عايزه تتجوزي عادي بس عايزه الشخص المناسب 
ووقت ما يتقدملك شخص وافقي تقعدي معاه ودا نفسيا من جواكي ومن برا فعليا اقعدي وادي لنفسك فرصه هتلاقي امورك بتمشي وبتتحل وهتلاقي انك اهو قادره تاخدي خطوه جديده متفضليش مكان م خطيبك القديم سابك

Banana_65580 🇪🇬 · Answer

اسمعي كلام اهلك هو راجع يتسلي

Strawberry_65001 🇪🇬 · Answer

اللي يبيعك سيبيه بعدين هتتاكدي من قرارك انو صح

Pineapple_65613 🇪🇬 · Answer

ضيعت وقتي ومجهودي وعمري ومشاعري فالارض

Pineapple_65613 🇪🇬 · Answer

مش بعند بس اما برفض بيقولو لسه متعلقه بالأول ونا بكون نفسي اتقبل اللي متقدملي بس مفيش قبول

Hazelnut_52786 🇪🇬 · Answer

بصي يا حبيبتي، اللي انتي فيه طبيعي جدًا بعد خيانة ثقتك ومجهودك، بس برضه لازم تبصي لنفسك قبل أي حد.
	1.	خدي وقتك تلمي نفسك وتتعافي، مش لازم تبدأي من جديد وانتي موجوعة.
	2.	متسمحيش للضغوط تجبرك على قرار، الجواز مش حل للوجع.
	3.	حبّي نفسك واعملي حاجات لنفسك، ومع الوقت قلبك هيتحرر وهتعرفي تختاري صح

Coffee_65657 🇪🇬 · Answer

اياكي بجد تجربي تتخطبي دلوقت الا لنا تتعافي خالص ودا محبكيش متفكريش فيه معلش هتاخدي وقت على ما تتعودي

Pineapple_65613 🇪🇬 · Answer

انا حد عاقل جدا جدا وطول عمري بستخدم عقلي دي المره الوحيده اللي مش عارفه اسيطر علي قلبي

Almond_63696 🇪🇬 · Answer

بصراحه انا مجربتش الشعور اللي انتي بتقولي عليه عشان اقدر افهمك 100% بس صدقيني انتي كدا قلبك ده رايح للسكه الغلط ده واحد مش مسؤال ضحيتي عشانو بالطريقه دي وكلنا عارفين قد ايه الاهل بيبقو كرهو الشخص ده واتقفلو منو خلاص بعد مفشل المره الاول وجي هو وسابك عشان موقف عبيط
طب تفتكري في المواقف الكبيره كان هيعمل ايه؟؟ 
انتي كنتي مختاره غلط من البدايه واديتي قلبك ومشاعرك كلها وطاقتك للشخص الغلط للاسف

Grape_65546 🇪🇬 · Answer

كله بيقول كدا وربنا بيعوض عوض مفيش زيه
حوار العقدة دا حاجة عادية ومؤقتة بس مينفعش نستسلم اصلا

Apple_65355 🇪🇬 · Answer

رد ع كلامك ان مفيش اهبل منكو انا اسف اني اقول ان ده الصح انتو بتتعلقو وبترتبطوا بناس غلط وللاسف بتبنو فكره ف دماغكم عن كل الشباب انهم نفس النوعيه مع ان في ناس نضيفه اليومين دول لسه .. بس انتو المسلمين نفسكم لدماغكم والتجربه الفاشله المريتو بيها وبتقفو عندها ومش بتعرفوا تعدوها ولو جالكم شخص بتفتكرو ان هو زي القبله ودي مصيبه ف حد ذاتها لانكم بتفكروا بقلوبكم مش عقولكم ربنا يهديكم ❤️