صداع

Ice Cream_70537 🇪🇬

منذ أسبوع واحد

شعور متعب

مانمتش من امبارح ولغاية دلوقتى مش عارف أنام وأعصابي تعبانة جدا والصداع مش بيروح والافكار مش بتهدى الاكتئاب بيزيد أكتر والمفروض أروح للدكتور النفسي لما اوصل للمرحلة دي بس خايف يزود الادوية أو يغيرها وانا زهقت بجد وتعبت ومخنوق جدا

Tomato_72179 🇪🇬

منذ أسبوع واحد

شعور مستنزف

اهلا ي جماعه ما دام مفيش حد يعرفني هنا نقول البلاوي بتاعتي 😂 انا في كلية تربيه عندي 19 داخل تانيه انا اتعرفت علي حد من الدفعه بتاعتي وكنت بساعده في عمل التكاليف ومع الوقت انا حبيتها بس هيه مش تعرف كانت بتشوفني في الكليه تضحك او تعمل ردة فعل مع الوقت لقيتها بعدت وردة الفعل دي بقت بتشوفني م

Cherry_71804 🇪🇬 الحل حاجه من الاتنين يا البنت توكسيك وبتلعب بمشاعرك وبتمارس عليك الصمت العقابي والبعد والقرب بمزاجها ومش حوار ضغط وناس ي اما هيا فعلا مضغوطه ومشوشه وخايفه حد يعرف او يطلع عليها سمعه دا بقا تحددو من شخصيتها... ركز وهتلاقي اجابه ولو عرفت المشكله الحل مفيش اسهل منو

عرض الكل 8 نصيحة

عبّر عن شعورك بشكل مجهول

اهلا ي جماعه ما دام مفيش حد يعرفني هنا نقول البلاوي بتاعتي 😂

انا في كلية  تربيه 
عندي 19
داخل تانيه

انا اتعرفت علي حد من الدفعه بتاعتي وكنت بساعده في عمل التكاليف ومع الوقت انا حبيتها بس هيه مش تعرف

كانت بتشوفني في الكليه تضحك او تعمل ردة فعل

مع الوقت لقيتها بعدت وردة الفعل دي بقت بتشوفني مش بتبص في وشي اصلا (كنت بكلمها في الواتس عادي)

مع الوقت قولت ليها انا حاسك متغيره بقالك فتره هل في حاجه حصلت قالت لا 
فضلت اضغط عليها لحد ما اتكلمت قالت في ناس صحابي شفوني وقالوا اني بيني وبينك حاجه

ونا كنت بحبها لدرجة اني قولت ليها نبعد عن بعض ومش نتكلم تاني

بس تاني يوم مش قدرت مش اكلمها واتكلمت معاها كانت بترد علي الرسايل بعد وقت مش زي الاول كانت بترد علي طول

مع الوقت كنت ببعت مش بلاقي رد او الرد يكون بارد

وقولت ليها انتي ليه اتغيرتي اوي كده ومش بقيتي تتكلمي زي الاول قالت عشان الامتحانات داخله وكده ونا ضايعه في المنهج وبذاكر سبتها

وفي نص الامتحانات بعت ليها عملتي اي في الامتحانات 
لقيت مفيش رد خالص عليا مسحت الرساله مش عامله حظر

وبعد الامتحانات بعت ليها من رقم تاني قولت اخبارك قالت مين عملتي اي في الامتحانات قالت مين بس قولت ليها محمد وهنا ملقتش رد تاني رحت ماسح الشات

ونا مدايق جدا اني قولت اسمي ومخنوق جدا اني العلاقه تنتهي بالشكل ده ونا مش عارف اعمل ايه

ولسه بفكر فيها

الحل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_57183 🇪🇬

منذ 3 أسابيع

شعور مرهق

السلام عليكم بقالي اسبوع بجد وشي شاحب وجسمي هزيل وصدااع 24 ساعه طول الوقت مش طيقه نفسي ولا حد شعري بيوقع بطريقه مرعبه وشي بقى باهت اكلي مبقاش منتظم ولو كلت احس اني هموت وارجع مبقتش فاهمه مالي كسل فكل حاجه كلامي بقا قليل عيوني وجعاني علطول رغم كدا والله بصلي وبيبقى صعب اوي ومتمسكه ب ذكر الله دا

Watermelon_18890 🇪🇬 و عليكم السلام و رحمة الله و بركاته✨ احتمال كبير يبقا نقص vitamin D دي اتوقع كل اعراضه و دي الاعراض بردو اللي كانت عندي و عملت تحليل و طلع فعلًا نقص vitamin D روحي اعملي تحليل و ربنا يطمنا عليكي✨🎀

عرض الكل 12 نصيحة

Mango_50601 🇪🇬

منذ 3 أسابيع

شعور متعب

من كتر التفكير بقيت بحس دماغي طايره مني . وصداع طول الوقت . . التفكير دا بقي ابشع حاجه ممكن اعملها ف حياتي . بسي حاجه من اللي مديقاني بالرغم أن مش عاوزه حد قريب مني بس انا شايفه اني استاهل يبقي عندي حبيب وحد قريب مني اكون بحبه بجد . اه مش بحب ناس تكون قريبه مني ولا بحب يكون عندي صحاب بس اتخنقت .

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Blueberry_61513 🇪🇬

منذ شهر واحد

شعور مرتبك

عبّر عن شعورك بشكل مجهول

طيب، دلوقتي انا كل فترة وفترة بتجيلي مشاعر غريبة كدا، هرموناتي تمام بس مضغوطه جامد في الدراسة ونفسي وأهلي ضاغطين عليا خصوصا بابا علشان انا ٣ث ومجموع و كدا و اكيد عارفين حوارات الثانوية العامه دي، وانا الصراحه مش فارقلي يعني، يعني راكمت فيزياء ولما ذاكرتها (عدا جزء مفهمتهوش) جه منه معظم الامتحان وكمان الامتحان جه صعب ومعقد حقيقي، والكيمياء ولسا همتحنها مرعوبه منها بس مش فارقلي ودي اسوأ من الفيزياء...
المهم ان المشاعر دي غضب ممزوج بحزن بوحده وفراغ مستنفز لأبعد حد وبمشاعر تانيه سلبية كتير اوي...
جربت كذا حاجه منفعش وبجد بحس اني عايزه أقوم أكسر حاجه أو أنت*حر وطبعا دا حرام ف بفضل كابته في نفسي كمان مشاعر وبيطلع كل دا جسديا، يعني معدتي بالمعنى الفعلي بتغلي دا غير اني حقيقي تعبانه في معدتي دا غير ان قولوني عصبي والصداع ملازمني 24 ساعه بقاله فتره كبيرة اوي...إلخ
جربت أفضفض بس حسيت بخنقة اكتر ومبرتاحش لما بخرج إلي جوايا عموما لحد أعرفه، مبحبش في العموم اشغل حد بمشاكلي خصوصا لو شخص يعرفني، حتى أهلي محدش يعرف حاجه عني، ببقى في الغالب قاعدة لوحدي بما اني مبعرفش أخرج برا ولو حصل كل فين وبين وبيبقى مع اهلي ف بسلي نفسي بنفسي، بلعب على الفون بكتب وهكذا ولما بيتجابلي سيرة المذاكرة بتخنق وبقفل، وحاليا عايزه اذاكر واعمل إلي عليا ولو مقصرة طول السنه بس حقيقي مش طايقه مذاكرة ولا ناس ولا غيره و عايزه انام ودماغي من الصداع مش قادرة استوعب فكرة او افكر فيها حتى، بحس ان مليش لازمه وبفكر في الانت*حار كتير ولما بيحصل حالات انت*حار ببقى ماسكه نفسي وبهدي نفسي وبقول خير هعدي كل دا على خير وكان فيه ظرف حصل من فترة ويمكن مكمل معايا شوية ويارب ميكونش دائم علشان انا تعبت بسببه وأعتقد كدا يكفي...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_61513 🇪🇬

منذ شهر واحد

شعور متعب

انا بنام كتير جدا وبتوصل ل 16 ساعه في اليوم وممكن توصل لأكتر من كدا بس بضغط على نفسي علشان اقوم، ودا مش كسل وإنما نفسيه وحتى لما كانت هرموناتي إلي هي يفترض أصلا تخليني صاحيه طول الوقت برضو كنت بقاومها لدرجة ان فعلا كانت نفسيتي اقوى من هرموناتي نفسها، بس الحمدلله الموضوع اتعالج بس مازلت بعاني من كتر

Nutella_57677 🇪🇬

منذ شهرين

شعور متوتر

حد ليه تجربة مع الجاثوم تانى مرة يجيلى في حياتى كان امبارح من الخوف طلعت البلكونه عشان خايفه المحزن انه ملاقتش حد اجري عليه ياخدنى في حضنه و يطبطب عليا و يقولى متخافيش شعور صعب اوي كانك بتموت صاحيه قلقانه و راسي مصدعه و القولون قلب عليا و كل ده بسبب الزعل و النكد يارب اكون كويسه

Watermelon_30346 🇪🇬

منذ شهرين

شعور غير مكتمل

عارفين لما تكون منطفي عايز تكون صامت معندش شغف لاي حاجه طاقتك خلصانه كوبايه المايه ملكش نفس تقوم تجيبها حاسس ان الحاجه ال هتعملها تقيله صداع كتير اوي ف دماغي انا دماغي متملكه مني جدا انا مش كويس خالص مش عارف اكون كويس مبقدش قادر ابين اني كويس تاني انا مطفي

Mango_35045 🇪🇬

منذ شهرين

شعور متعب

Pistachio_56152 🇪🇬 الموضوع ده هيجيلك كل متبقي خايفه قوي من حاجه او مضغوطه من امتحانات او مذاكره ... فحاولي تتحكمي في رد فعلك لاي حاجه وبلاش تدي اي حاجه اكبر من حجمها

عرض الكل 8 نصيحة

عبّر عن شعورك بشكل مجهول

انا بنت في سن مراهقتي عندي 14 سنة من فتره كانت بتجيلي كده زي حالة غريبة ببقى ماشيه عادي الاقي فجأه اغمض عيني جامد و كأن حد بيضغط على راسي و بدوخ و مش بقدر اقف و عندي صداع نصفي روحت لدكتور باطنه كشف قال مافيش حاجه و كتب ادويه للدوره الدمويه في الجسم كله انتظمت على الادويه و برضو مافيش حاجه اتحسنت لحد ما روحنا لدكتور مخ و اعصاب قال ممكن تبقى شحنه زياده على المخ مع العلم انا مش بيجيلي تشنجات ولا حاجه خالص و كتب اني اعمل رسم مخ و رنين مغناطيسي قابلهم روحت لدكتور انف إذن عشان حد قالنا ممكن تبقى مشكله في الأذن كانت فترة جالي فيها اكتئاب بسبب أن كل حاجه كانوا بيخمنوا أنها ممكن تبقى هيه كانت مرعبة روحنا للدكتور قال ممكن تبقى جيوب انفيه و كتب اشعه مقطعيه عملت الاشعه و مافيش حاجه و بعد كده عملت تحليل صورة دم كامله و تحليل انميه وغده و برضو مافيش حاجه عملت الرنين و كان بلسبغه و كانت صعبة جدا و عملت رسم المخ و روحنا للدكتور و برضو مافيش حاجه خدت ادويه للشحن الكهربيه دي و الدواء معملش حاجه انا بقى عني الضغط ديما واطي و مش عارفه اركذ و بنسى كتير جدا انا عايزه حل عشان انا تعبت و شوفت كتير اوي بسبب الموضوع دا و السبغه لما خدتها خلت حرارتي ترتفع يومين و ماكونتش عارفه اتحرك بسببها ولا اكل المشكله طويله بس انا تعبت جدا بجد الحاله بقت بتجيلي نادر اوي و ماشيه بمسكن صداع نصفي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_54140 🇪🇬

منذ شهرين

شعور ضائع

م احب اطلب الشي من احد او اعيد وازيد فيه عارفه الحياه مشاغل والناس تنسى والامور تعدي بس اتعب نفسيا فعليا لمن اضطر اذكر احد بشي واتعب زياده لمن اضطر اعيد التذكير ف مشكلتي الحاليه الي شاغله بالي وحياتي من اسبوع الدكتور قال حيحولني لدكتور تاني ف خلال اسبوع بالكتير عدا اسبوع م تحولت كلمت العياده تمام ما

Strawberry_54535 🇪🇬

منذ شهرين

شعور قلق

أنا عندى مشكلة ونفسى الاقيلها حل أنا طول الوقت حاسة بقلق وتوتر واى موقف يحصل عندى ليه رده فعل مبالغ فيها وللأسف مش بتظهر خارجيا بتكون عبارة عن وجع فى البطن صداع شديد احساس بالحزن جز على سنانى وانا نايمة مش عارفة ازاى أتخطى المشكلة دى أنا مريت بحاجات صعبة كتير بس بحاول مفكرش فيها تقريبا هى اللى وصلت

Hazelnut_52786 🇪🇬 حاسس بيكي جدًا، اللي انتي بتمري بيه اسمه قلق نفسي وتراكم صدمات قديمة، وده بيأثر على الجسم والعقل. جربي تكتبي مشاعرك يوميًا أو تتكلمي مع حد ترتاحي له، والاهم تقربي الي الله . الموضوع مش ضعف خالص، ده احتياج للعلاج والدعم، وزي ما عدّيتي حاجات صعبة قبل كده، هتعدّي دي كمان بإذن الله

عرض الكل 3 نصيحة

Avocado_51313 🇪🇬

منذ شهرين

شعور متعب

السلام عليكم انا في تالته ثانوي و خلاص الامتحانات قربت بس انا عندي مشكله في الفيزيا مش عارفه اذاكرها خالص كل ما افتح الكتاب عشان اذاكرها اقفله و اببعد الكتاب عني لما زي ما يكون فيه حاجه بتخليني ابعده و محلتش فيها ولا شامل و لا حليت الاسترشادي انا كل المواد معايا تمام ماعدا هيا اكتر ماده خايفه من

Cookies_35975 🇸🇦

منذ 3 أشهر

شعور محبط

موضوع:

تجربتكم مع الحسد

Hazelnut_52786 🇪🇬 الحسد علاجو الوحيد أنكم تنتظمو علي الادعيه . وكمان مش تركزو في تفاصيل اي حاجه وترجعوها للحسد .

عرض الكل 3 نصيحة

عبّر عن شعورك بشكل مجهول

أنا عارفه ان الحسد موجود و انه مذكور في القران بس مكنتش أتوقع ان الحسد ده شئ مؤذي جدا لحد ما عيشته الحمد الله طول عمري شاطره في مذاكرتي  عشان عارفه ان ده مستقبلي وان محدش هيتعب او يخاف على مستقبلي غيري و اتربيت على ده من صغري و كبرت كده السنه الي فاتت كانت اول سنه ليا في ال IGCSE (الثانويه البريطانية) الي ميعرفش نظامها بيمشي ازاي ف أنا مجموع ال 3 سنين بتوع الثانوي كلهم بيتحسبوا عشان ادخل الكليه الي نفسي فيها يعني هعيش ضغط الثانويه العامه 3 سنين ورا بعض اول سنه ليا الي هي السنه الي فاتت كنت ملتزمه جدا مبنزلش من البيت غير كل كام شهر على طوووول بذاكر ف مكنتش بخرج مع ماما و صحابها كتير زي زمان واحده منهم كل ما تشوف ماما تقولها هي مش هتبطل شويه هي ايه مش بتتعب هي على طول مركزه كده المهم السنه دي عدت على خير جيت السنه التانيه الي أنا فيها حاليا والله العظيم ان أنا حالي اتشقلب من شهر 1 ولا بذاكر و لا عارفه اركز زي الأول عملت أسطرة قلب جالي صداع نصفي و أدوية الصداع النصفي متعبهههه ده غير التعب النفسي و الخنقه الي كنت فيها كل ما كنت اروح لي شيخ يرقيني يقولي ده حسد طب ايه علاجه طب أنا عايزه حالي يتعدل طب أنا عايزه بس الخنقه الي عندي دي تروح عيشت و لسه بعيش اسواء أيام حياتي بسبب الحسد مش عارفه ازاي ممكن حد يحقد على حد بالشكل ده كدا و الأسواء انه يمثل قدامه انه بيتمناله كل الخير 
انتظموا على الأذكار و ربنا يبعدكم عن الحسد

Avocado_51186 🇧🇭

منذ 3 أشهر

شعور متعب

عندي صداع هيفرتك دماغي من امبارح ومش راضي يروح خالص مع جميع المحاولات من اخد مسكن وغيره لو حد عنده حل ياريت يقولي لاني فعلا تعبت ومش طايق حتي نفسي ولا طايق اسمع صوت اي حد جنبي . . . . دعواتكم بقي ياريت 🙏🙏

Broccoli_48362 🇲🇦

طفولتي مع العنف والكره من أهلي

مرحبا، انا من لما كنت صغيرة كنت بشوف كيف ماما بتكرهني من جواتها ، لما كنت صغيرة كنت بتعاقب على اتفه الاشياء حتى لما كنت لسا بيبي كانت بتضربي و بتحرقني. صراحة لقلة ادراكي ما كنت بشتكي بس كنت ابكي . بابا بيكره يشوف حدا يبكي لهيك كنت كلما بكيت كان بيضربني و يرميني برا البيت. اتعلمت اخبي مشاعري، تعلمت اكذب، تعلمت اكون ابنة مطيعة ما بتقول "لا" لأي حد كبير و لا صغير. ...عرض المزيد

0 الدعم

0 نصيحة

Apple_62497 🇪🇬

يا الله، كن معي فلا أخسر كل شيء

يا الله، اكتُب لي دربًا بما يُرضيك، أكونُ فيهِ إنسًا يَسعى، يُحاول دومًا الوصول، أرضى بهِ عن نفسي بعدَ أن ترضى أنتَ عنّي، تغفرُ لي بهِ الخَطايا، وتُحيي بهِ قَلبي، يا سميعَ الدُّعاء، أُناجيك، كيفَ لا أصلُ حُلمي وأنا أطرقُ بابكَ أنتَ أدعوك؟ كيف لا أسيرُ بطريقِه وأنتَ تراني.. ترى سَعيي ومُحاولاتي، تَرى تعَبي، خسارةً تليها بعضُ اِنتصاراتي، ثُمَّ خَسارةً أُخرى تَليها المَزيد، ترى ذاكَ كُلَّهُ يا عَزيز، تراهُ كُلَّه… -والحمدُ لكَ على كُل نِعمة، كبُرَت أو صَغُرَت، أدركتُها أم لا- اللهمّ ارضَ عَنّي، واعفُ عنّي، واغفِر لي، ولا تُمِت قَلبي، يسّر لي أمري، لا توفَّني إلا وأنتَ راضٍ عَنّي، وأحسن خاتمَتي، آتِني في الدُّنيا حسَنة، وفي الآخرةِ حسَنة، وقِني عذابَ النّار، اغفِر لأُمّي وأبي، وارحمهُما، وارحَمني، كفّر عنّي سيئاتي، وبارك لي في حسَناتي، اجعلني من حفظة كتابكَ الكريم، وفّقني لما تُحب وترضى، وأبعدني عمّا تكرَه، اللهم أعنّي على نفسي، أعنّي على نفسي.. وأعنّي على الشيطان، اللهمّ إنّي أعوذ بك من الكسَل، أعوذُ بكَ من الكِبَر، يا الله، اجعلني ممّن ينفعونَ بعلمهم لا يضرّون، وأحبّني يا الله، أحبّني واجعلني من الصِّدّيقين الصّالحين، ثبّت قلبي على دينك، وكُن معي يا الله.. كُن مَعي، فواللهِ يا رَبّي، واللهِ إنْ لم تكُن مَعي أخسَر، أخسرُ كُلّ شيء. ...عرض المزيد

3 الدعم

1 نصيحة

Guava_74687 🇪🇬

ان اتولد

ان اتولد ىعفىغخىهغرهغرهفرقغىحيز٩هتيحهوب٩هوقهحةثحهنوثخت سهت سها سها ساهةصهفىسهغىيهغةبهغةي٨غةيع٨يةع٨ةثهةصعىصهغىس٨غىس٨غ س٩عىصع٩ىث٨غلثى٨غىثع٩ل ةهنوقحهوثحهوثهحوقحعوق٩هةقخعوقحوهنقنث ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع