تجربتكم مع الحسد

Question

احكو عند تجربة حسد
 مريته بيها قلبت حياتكم أو حياة حد حواليكم

Strawberry_38564 🇪🇬 · Answer

كنت يوم فرح اخويا و شكلي كان حلو اوي  سواء الفستان او الميكب او شعري و كان كل الي يشوفني يقولي  شكلك حلو اوووووي  و حتى مكنوش بيسمو 
اولا الفستان اتقطع لوحدوا اول  الفرح 
ثانيا الميكب باظ بس الحمدلله ع اخر الفرح 
ثالثا اتكعبلت و وقعت ٣ مرات في الفرح و الكل اتفرج عليا

Strawberry_36317 🇪🇬 · Answer

الحسد اوحش حاجه ممكن تحصل للإنسان يعني اول مره اتحسدت فيها انا واخويا إن احنا بنجيب دراجات احسن من ابن الشخص ده تلاقينا تدريجي بنقل فى المستوى ..واصعب فترة واخر مره يحصل فيها موضوع الحسد ده ومن كذا شخص وناس اصلا مستكترة عليك عيشتك واصعب حاجه إن الإنسان يتصاب في صحته وده حصل بجد احنا كانت حياتنا طبيعية من٥ شهور ال٣ شهور الفاتحه كانو اصعب فترة مرت علينا وان والدى يتصاب بالكنسر دى حاجة مؤلمة وغير كده كمان فى حاجات ثانية بيعاني منها وحاجه زي كده تخليك تدرك أن الحسد موجود في كل حته وفى ناس كتير مش عايزينك سعيد وبيستكتروا عليك عيشتك وعلى فكرة بيبقوا اقرب الناس ليك ..بتمنى تدعوا لوالدى بالشفاء لأنه محتاج لدعوتكم

Pineapple_45749 🇪🇬 · Answer

مكنتش بركز اوووى فى حوار الحسد كنت بكبر دماغى ابتديت اركز ان الحسد مدمر حياتى لما كنت فى ثانويه عامه أنا كنت دفعه 2022المهم أنا الحمد الله كنت ببقى الأولى على دفعتى ديما المهم جينا فى تالته ثانوى كنت بدرس وبشتغل وشغلى مأثرش الحمد الله على دراستى المهم خت اجازه قبل الامتحانات ونزلت الشغل يوم الوقفه قولت أنا كده كده مقفله الماده هقعد فى البيت اعمل اى قولت أسلى نفسى وانزل الشغل وابقا فى ضهر ماما مفيش نفر شافني
 وانا مع ماما فى الشغل غير لما قالى سايبه مزكرتك وواقفه مع امك والى قلتلى يا جاحده ويا قادره والكلام ده وصحابى كانو بيفضلوه يقولولى يدحيحه هتجيبى ٩٠ والى تقولى نص برودك كلنا خارجين نعيط وانتى لا وهكذا وحظى الأسود بقا ان يوم نتيجه الثانويه العامه كان عيد ميلادى وكان اسؤا يوم فى حياتى الكل كان منتظر نتيجتى وعارفين انى هجيب مجموع عالى وانصدمت انى جايبه مادتين 🙂💔كنت مصدومه ومش قادره اكلم حد واولياء أمور صحابى كانو بيسألونى جبت كام واتصلوا عليا وانصدوه قلولى انتى ازاى تشيلى احنا كنا متوقعين انك تنجحى وعيالنا تسقط 🙂💔وفى الاخر أنا إلى ادمرت من عنيهم 😂💔

Cherry_47883 🇪🇬 · Answer

بجد الحسد دا شئ مرعب بس فعلا اقدر اقول انه دمر  حياة امي ودمر اسرتنا اولا بابا بصراحة طول عمره معيشنا في عز روحنا احسن الاماكن ودايما كنا ولله الحمد احسن ماديا من اللي حوالينا طول عمره كريم ومبيستخسرش فينا حاجه ظروف عيلة امي علي اد حالهم كان علي طول يساعدهم كان بياخدهم معانا لما نخرج خروجه حلوه .احنا مفهمناش  غير بعد فوات الاوان ان فعلا "كل زي نعمه محسود" وان لازم الواحد يحافظ علي نفسة ان مش كل حاجه تتقال 
اولا امي اطلقت بعد ٣٥سنه زواج .امي شعرها كان جميل دلوقتي بدون مبالغه مفيش ولا شعرايه في راسها ابويا باع كل حاجه يملكها مش عشان مديون لا يصحي من النوم يقول مش عايز العربيه حتي الشقة اللي كان قال سايبهلكو عشان انتو ٣بناتً باعها 
احنا دلوقتي انا واخواتي اه متزوجين بس عيشين ف رعب لو حد من ازواجنا مش هقول انفصلنا هقول زعلنا هنروح فين
الحمد لله على كل حال 😌

Cherry_48485 🇪🇬 · Answer

اول بوينت عايزة أقولها ان الحسد دة من قضاء الله وقدره عشان لو ركزنا معاه اوفر هنعترض علي قضاء ربنا وعن تجربة أما أنا تجربتي كنت بنت بوزن مثالي وبشرة صافية كان عندي هوس بنفسي كنت بروح الجيم وبعمل اسكين كير ويحافظ علي صحتي كان عندي بنت خالتي وزنها زايد وكانت خالتي هي اللي غيرانة مني مووت وواضح غيرتها اكتر من بنت خالتي وهي أصلا اللي زرعت الغيرة في قلبها وكانت بتقول لي انتي لي بتروحي الجيم وتعملي كل دة امال لو كنتي طخينة كنتي عملتي ايه وانا بحاوبها بعفوية ان أنا عايزة يبقي جسمي زي الأجانب وبطني مسطحة وكدة المهم ألاقي نفسي بعد كام مررة جاء لي ارق وبدات اخد أدوية ووزني زاد بشكل اوفر وطلع لي بطن وطلعت لي حبوب في كل وشي وجاء لي الضغط واكتشفت ان عندي ضعف في العضلات وبقيت كسولة خالص وكانت جات لي اكزيما في كل جسمي حرفيا وكل الناس كانت بتخاف مني وبعدت عني إلا القليل وكأنو بياخدوا حذرهم مني بقالي علي الوضع دة تسع سنين مش عارفة انزل بطني او اودي الحبوب وطبعا الضغط مرض دايم وضعف العضلات ملهوش علاج والحمدلله علي كل حال طبعا دة غير الكسل اللي مش طبيعي اللي متمكن مني وبقيت أنا اللي بتبوظ يدي بنفسي من كتر الكسل

Ice Cream_34427 🇪🇬 · Answer

كنت اشطر شخص ف العيله دراسيا وديما متفوقه ومن الاوائل لحد ما شخص قال جمله ف وشي من ٣ سنين و من يمها لحد دلوقتي حالي اتقلب وبقيت تعبانه وبخد ادويه ومستويا نزل ف الدراسه بشكل غريب ٣ سنين علي الحال ده بسبب كلمه اتقالت حسبي الله ونعم الوكيل.

Waffle_52693 🇪🇬 · Answer

واحده حسدت امي علشان والدي متوفي وقالت ليها يابختك عايشه من غير  ما زوج ينكدويتحكم فيكي😒

اااااااااااااااااااااااااااااااااااااااااااااااااااااااااااااااااااااااااااااااا

Cookies_35975 🇸🇦 · Answer

أنا عارفه ان الحسد موجود و انه مذكور في القران بس مكنتش أتوقع ان الحسد ده شئ مؤذي جدا لحد ما عيشته الحمد الله طول عمري شاطره في مذاكرتي  عشان عارفه ان ده مستقبلي وان محدش هيتعب او يخاف على مستقبلي غيري و اتربيت على ده من صغري و كبرت كده السنه الي فاتت كانت اول سنه ليا في ال IGCSE (الثانويه البريطانية) الي ميعرفش نظامها بيمشي ازاي ف أنا مجموع ال 3 سنين بتوع الثانوي كلهم بيتحسبوا عشان ادخل الكليه الي نفسي فيها يعني هعيش ضغط الثانويه العامه 3 سنين ورا بعض اول سنه ليا الي هي السنه الي فاتت كنت ملتزمه جدا مبنزلش من البيت غير كل كام شهر على طوووول بذاكر ف مكنتش بخرج مع ماما و صحابها كتير زي زمان واحده منهم كل ما تشوف ماما تقولها هي مش هتبطل شويه هي ايه مش بتتعب هي على طول مركزه كده المهم السنه دي عدت على خير جيت السنه التانيه الي أنا فيها حاليا والله العظيم ان أنا حالي اتشقلب من شهر 1 ولا بذاكر و لا عارفه اركز زي الأول عملت أسطرة قلب جالي صداع نصفي و أدوية الصداع النصفي متعبهههه ده غير التعب النفسي و الخنقه الي كنت فيها كل ما كنت اروح لي شيخ يرقيني يقولي ده حسد طب ايه علاجه طب أنا عايزه حالي يتعدل طب أنا عايزه بس الخنقه الي عندي دي تروح عيشت و لسه بعيش اسواء أيام حياتي بسبب الحسد مش عارفه ازاي ممكن حد يحقد على حد بالشكل ده كدا و الأسواء انه يمثل قدامه انه بيتمناله كل الخير 
انتظموا على الأذكار و ربنا يبعدكم عن الحسد