سخرية

Strawberry_49071 🇪🇬

منذ أسبوع واحد

شعور مرتبك

كنت بسمع يوتيوب فسمعت فيديو اسمه كوم الزباله فاكتشفت اني ف كوم الزباله ومش حاسس يعني اي كل اللي انا فيه دا وصلت لكوم الزباله كنت بتريق ع الناس ازاي يعملو دت او ازاي دا يحصل بس زي مايكون اي حاجه اتريقت عليها حصلت فيا وباوحش ماكنت اتخيل كوم الزباله محوطني من كل مكان

Almond_30144 🇦🇺

منذ أسبوع واحد

شعور متعب

عبّر عن شعورك بشكل مجهول

اهلا لي فترة مو بسيطة يجيني هالشعور، ومع الايام تصير لي مواقف تخليني اتاكد ان حقيقة وموشي أنا أتخيله.
ما أعرف إذا ذا الشي طبيعي ولا بس أنا اللي أواجهه، بس احس اني شخص غير مرغوب فيه في اي مجموعة اكون فيها. مهما كانت مجموعة الاصحاب اللي اكون معهم يجيني شعور ان وجودي وعدمه ما يسوي اي تغيير، وبعض الاحيان حتى احس ان الكل بيكون مرتاح اكثر لو اني ما كنت معهم. دايما اما اكون محور ضحك و سخرية الناس اللي حولي، او انهم يجاملون ويتعاملون باحترام زايد بطريقة تبين انهم مو مرتاحين في تصرفاتهم. وفي الحالتين الشعور أبدا غير مريح.
بديت اقتنع ان شبه مستحيل يكون في توازن بين "الاحترام" و "الميانة" بين الاصحاب، لازم تضحي باحدهم حتى تحصل الثاني، وذا أبدا مو مريح. نفس ما ان ودي اكون بين ناس يتصرفون بأريحية معاي في نفس الوقت ما ودي انهم يقللون من احترامهم ويسخرون ويهينوني كشخص، خاصة لما المزح يكون فيه ألفاظ او تصرفات قد تكون ثقيلة وصعب بالنسبة لي اني اتقبل انها شي طبيعي.
في نفس الوقت بديت الاحظ ان اغلب الشباب ما عاد يعاملوني مثل قبل، بتعذرون من الطلعات او ما يرسلون و يسولفون نفس ما كانوا، ادري ان هالشي سببه هو الحدود اللي جالس احطها بس ما احس ان الحدود ذي غير منطقية. ودي اطلع و اكون شخص اجتماعي و عنده اصحاب وكل شي، بس ما ودي اكون في مكان وجودي غير مرغوب فيه او إذا كنت فيه بيتم التقليل من قيمتي كشخص.
ما اعرف كيف المفروض اتعامل او التصرف في الحالات هذه، ادري ان العزلة ما هي الخيار الصح، وادري ان المشكلة مني أنا عالاغلب لاني جالس ألاحظها مع اكثر من مجموعة مختلفة من الاصحاب, بس فعليا ما اعرف ايش المفروض اغير من نفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_76022 🇪🇬

منذ شهر واحد

شعور منزعج

الناس بتستفاد ايه من حوار التنمر يعني فيه لسه واحد فضل يتريق على واحد ومراته ان مراته جميله وهو شكله مش كويس كشكل فا تقريبا الراجل سمع وحسيت في نظراته بكسره وعشان معاه مراته مش هينفع يرد لكن بجد لو حتى ع سبيل الهزار بتستفادوا ابه ؟

Strawberry_74955 🇪🇬

منذ شهر واحد

شعور محبط

عبّر عن شعورك بشكل مجهول

السلام عليكم
هكيلكم عن فترة صعبة عديت عليها وهي فترة الثانوية الازهرية 
انا كنت عام وكنت متفوقة ولقيت بابا اقترح عليا ان انا أحول وحولت وانا كنت دفعة السنة ال فاتت ٢٠٢٥ ، قولت هعتبرها زي اي سنة وأعمل ال عليا ،مكنتش حاطة حاجة او حلم غير ان انا أجيب مجموع عالي وافرح أهلي وكدة كدة أيا كان أكيد هيكون خير ليا 
بداية السنة كنت حساها الموضوع ماشي والدنيا حلوة وبعد كام شهر الدنيا بدأت تصعب وغير كم المواد الواحد بجد مكنش ملاحق حاجة 
اكتر الأوقات كنت بنام ع الارض علشان لو نمت ع السرير ممكن يروح عليا نومة ،اليوم كله كان عبارة عن دروس وكنت ببدأ ايام الساعة ٥ الفجر وايام ٧ الصبح حرفيا كانت مرمطة جدا جدا ، أغلب الوقت كنت بمشي وانا بذاكر علشان لما كنت بذاكر ع المكتب كنت بنام وحاجات من دي كتير باختصار كان تعب نفسي قبل ما يكون تعب جسدي وفي الآخر ... لم أوفق في المجموع أنا رضيت بمجموعي وحمدت ربنا أكيد دا خير ليا ، اهلي كانوا شبه راضيين ، زعلانة جدا حاسة انهم معندهمش ثقة فيا خالص ، سمعت كلام من عيلتي جارح جدا م هنساه بجد مثل : انتي مجموعك مقوي قلبك ، مفيش كلية ليكي ،م هتلاقي حاجة ، يارب التنسيق ينزل علشان تلحقي اي حاجة ، غير النظرات و الضحك والسخرية ، من ناس ملهمش علاقة بحياتك اصلا ، ومجموعي ٧٦ انا كنت راضية ايوا ومازلت والحمد لله بس ليه الكلام ال يكسر القلب دا ، حرفيا بقيت بكره حياتي والناس ، ممكن تنصحوني او تدعولي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_65342 🇪🇬

منذ شهر واحد

شعور مزعوج

مكنتش أعرف إن الاعمال ركن من أركان الاسلام. انتو متخلفين فشخ. اهلي زعلانيين منى لانى رافض اؤمن بالهطل ده. يلا بينا نرد مطلقات بالمرة بدل الملل ده 😂😂 ومحدش يرد الرد الاهبل "اصلها ذكرت في القرآن" انتو مكانكم مستشفى الامراض العقلية. يلا هسيبكم عندي ديت مع جن لابسنى. باى

Orange_72864 🇪🇬

منذ شهر واحد

شعور مكتئب

عبّر عن شعورك بشكل مجهول

الدنيا بقالها فترة واخداني ميمز ماتيريال هايل! وبصراحة لما بختلي بنفسي وبفكر بالعبث الي في حياتي سواء الي حصل او الي بيحصل حاليًا بضحك.
السخرية الي بقالي كم سنة بتعامل بيها مع اي موقف في حياتي حرفيًا بتخليني اضحك، وفي نفس الوقت افكر لو المواقف دي اتعرضلها بطل في رواية من الروايات الي معروف ان في اخرها البطل هينتصر على الاشرار وحياتو هتبقا حلوة الكاتب هيتعامل ازاي مع هذا القدر من العبث والبؤس؟ 
المهم اني ببص كـ طرف ثالث وبرا المعادلة.. ع امل اني لاقي حل مثلا او الاقي ان العيب عندي وانا الي مش عارف اتعامل..
وهنا دماغي بتقرر تتدخل بـ افشخ واعظم واحلى واجمل واجمد self defense mechanism وبتفصلني عن الواقع تمامًا لو انا في مكان ماينفعش انام فيه... ولو انا في البيت فبترديني قتيلاً وبنام لحد ما تشاء دماغي اني اصحى... 
ليه بقول دماغي الي بتشاء؟ عشان لو صحيت ولسا دماغي مش عايزاني اصحى ببقا سامع وشايف بس مش قادر اتحرك... 
والموضوع مش شلل نوم، لا إطلاقًا بس الحركة الي في العادي بتحركها بكل بساطة بتطلب اضعاف مضاعفة من المجهود، بالاضافة الى ان المجهود ده اصلا ما بيبقاش موجود.. افتكر من فترة كنت طالب اوردر ومستنيه، المهم اني حسيت على التليفون وهو بيرن.. انا شايف التلفون قدامي، وشايف التروكولر مطلعلي ان ده الاوردر، بس مش قادر امد ايدي اخد التلفون وارد.. وفضل الحال كدة لساعات طويلة.. والموضوع ده مش جديد يعني..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_68922 🇪🇬

منذ شهر واحد

شعور متوتر

السلام عليكم ورحمة الله وبركاته، أزاي مبقاش شخصية حساسة بتبكي من أقل شيء.. مببقاش قادرة أتحكم في دموعي نظرًا لضغوطات نفسية كثيرة أتعرضت لها طول حياتي.. اليوم أخي لما لقاني ببكي بسبب موقف ما حصل بينا لقيته بيقول بنبرة سخرية أني على طول ببكي بدون سبب حسيت بالدونية، وأني ممكن أكون فعلًا مجرد شخص بيبال

Grape_21235 🇪🇬

منذ شهر واحد

شعور متوتر

امبارح نزلت تدريب ف مجالى بعد تخرج اربع سنين جامعه ..وانا راجعه اخر اليوم حسيت بيأس شديد انى خبرتى قليله وتكاد تكون منعدمه وسط ناس واخدين خطوات وشاطرين. ..ناس اصغر منى بسنين بس اعلى منى خبره وتعليم وتعامل وذكاء ...ده غير المواقف الل اتعرضتلها وانا بقول لنفسى ليه الحظ مش محالفنى ولو مره ..ليه ظروفى

Strawberry_71236 🇪🇬

منذ شهرين

شعور لا مبالٍ

ممكن يبان موضوعى تافه بس دا بجد انا معنديش اى مشكله ان حد مبيحبش القطط او بيخاف منهم بس ليه كل م تشوفينى تضحكي و تقولى يعع انتى ازاى مربيه قطه ازاى مبتقرفيش و تحب تزودي دا لما يكون فى ولاد فى المكان بتعملى كدا ليه الله اعلم الهدف من اللى بقوله دا ان كل واحد يحترم التانى انت مبتحبش حاجه خلاص عرفنا و

Carrot_70253 🇪🇬

منذ شهرين

شعور غاضب جدًا

موضوع:

نهاية مؤلمة لعلاقة صداقة

والله كنا سنتين سوا أنا و هي ، و كانت جاية جديد للمدرسة و كانت انطوائية كونها لسه مش عارفه كله ، لكن أنا قربت منها والله فضلنا حتى اكتر من ٣ سنين سوا و حبيتها جداً ، بس بعدها اول م ٣ ثانوي بدأت قربت من الشطار زي ما بيقولوا و بدأت تتجاهلني و تعاملني وحش رغم إن الناس التانية دي كانت بتعاملها وحش برضه

Mango_67775 🇪🇬 احمدي ربنا والله إن ربنا بعدها عنك لأن الشخصيات دي سامه و لو كانت كملت في حياتك زي الاول تقعد تقيم كليتك و تقيم التخصص و تقيم شغلك اللي هتدخليه و تقيم جوزك و حاجات كتير كانت هتبقى مرهقه و مقرفه لو كملت معاكي ف الحمدلله أن ربنا بعدها عنك و لو تقدري تعملي لها بلوك اعملي و ريحي دماغك منها ❤️

عرض الكل 1 نصيحة

Marshmallow_62476 🇴🇲

منذ شهرين

شعور مرتبك

انا عندي 21 سنه الحمد لله ملتزم شويه في حياتي وفي صلاتي كمان يعني بالنسبالي الصلاه قبل اي حاجه في اي مكان الحمد لله الصلاة شي اساسي في الشغل بسيب الشغل واروح اصلي نايم لازم منبه يقومني لصلاه الفجر كدا يعني ، عندي بقا الدايره الاجتماعية اللي حواليا قرايبي سننا قريب من بعض بيفضلو يتريقوا عليا زي طبعا

Coffee_68523 🇪🇬

منذ شهرين

شعور غاضب جدًا

في حاجه كده دايما تضحكني من بابا 🤨 مع إني دارسه علم نفس بس مش عارفه اشخصه حالته. بس المهم، آكتر حاجه بيضحكني إن ساعات بحس إن هو حاسس إنه وحش معانا و فجأة بلا هدف الاقيه من العدم يسألني يقولي 'هو أنا بتقل عليكي يا بنتي' لا خالص ده حتي مش مخليني عايزة انتحر مثلا أو اهرب من البيت خالص 🙂 (مع العلم إن

Sugar_59203 🇸🇦

منذ شهرين

شعور لا مبالٍ

عبّر عن شعورك بشكل مجهول

بجد بحسد الناس الي عندها القدره أنها تحول اي مأساه أو مصيبه في حياتها لشئ ساخر يضحك عليه يزعل شويه لكن سريع الشفاء بيقدر يعالح اوجاعه ويصلح نفسه من جوه . الفكره أن الناس دي هيا اكتر ناس بتعرف تستمعت بالحياه لانها مش عايشه دور المظلمه ولا دور أن الحياه جايه عليا وانا الضحيه والخ... قبلت ناس من النوع دا لقيتهم في عز مشاكل وضغوط الحياه عندها القدره أنها تضحك من قلبها وتبستم وتقف في وجه الريح وتفتح أيدها مسلمه لقضاء الله وعندنا ثقه في ربها كبير مش بيحسب معاه كام ولا صرف كام لانه عارف انه الي رزقه النهارده هيرزقه بكرا " حولت اقرب الناس دي واشوف طريقه حياتهم السلسه الي مش معقده لقيت أن. حياتهم صعبه باطنيا لكن ظهريا هما مازالوا قدرين يستمتعوا بالحياه. لما طبقت الموضوع دا علي نفسي فعلا حياتي اتغيرت كتير وبقيت شخص تاني ، بقي عندي القدره علي التخطي والمواجهة وعدم الاستسلام بقيت قادر احول المأساه لضحكه ونكته بقيت شخص مش متصنع مش خايف من نظره الناس مش خايف من الفروقات الاجتماعيه ولا رأي الناس عني بدام انا حيا ارزق إذا فمن حقي استمتع بحياتي.... استمتعوا بحياتكم عشوها صح . غير التشوهات الي فيها برسومات مليانه طاقه ايجابيه اضحك وانبسط رغم همك وحزنك وضغط الحياه ليك . خلي الاكتئاب والحزن والغم الد اعدائك . عيش حياتك صح واستمتع بكل لحظه حلوه لأنها هبه من الله 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_66133 🇪🇬

منذ شهرين

شعور متوتر

يقول الكاتب والمؤرخ الإنجليزي الشهير هوراس والبول: «العالم مأساة بالنسبة لأولئك الذين يشعرون، لكنه كوميديا بالنسبة لأولئك الذين يفكرون». وليس ذلك لأن العقلانيين يفتقرون إلى المشاعر، بل لأنهم يدركون عبثية الحياة وبساطتها، ويعون أن ما نواجهه من تعقيدات وأزمات إنما هو من صنع الإنسان ذاته، وأن التعامل م

Coffee_65379 🇪🇬

منذ شهرين

شعور مرتبك

موضوع:

لما اللي حواليك يقللوا من تعبك

اهلي هما الي بيقولو يالو من كل حاجه بيستهترو بتعبي بقيت اخاف اقلهم اني تعبانه يسمعوني كلام ملوش لازمه وبجد انا تعبت بيعيروني بكل حاجه اني طيبه وهبله واني جسمي ملان كل حاجه ويحكو لناس وبيتريقو عليا

Banana_65139 🇪🇬 بصي هو الموضوع مؤذي نفسيا بس هما غالبا مش فاهمين كده انتي شوفي أقرب حد ليكي فيهم واتكلمي معاه وعرفيه انتي متدايقه من ايه وهو هيكلم الباقي وصدقيني الموضوع بيتحسن هما فاكرينك متقبله الهزار البايخ ده بس لو عرفوا انه مزعلك هيسكتوا

عرض الكل 5 نصيحة

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع