اهلي بيستهترو بتعبي وبيتريقو عليا

Coffee_65379 🇪🇬

منذ شهر واحد

شعور مرتبك

موضوع:

لما اللي حواليك يقللوا من تعبك

اهلي هما الي بيقولو يالو من كل حاجه بيستهترو بتعبي بقيت اخاف اقلهم اني تعبانه يسمعوني كلام ملوش لازمه وبجد انا تعبت بيعيروني بكل حاجه اني طيبه وهبله واني جسمي ملان كل حاجه ويحكو لناس وبيتريقو عليا

تعبت من سوء الفهم مع أهلي ومش عارف الحل

السلام عليكم منورين جميعا كل اللي موجودين في البرنامج انا هنا جديد وحبيت اقول في حد زي بيواجه صعوبه في التعامل مع الاهل زائد سوء الفهم انا مش عارف المشكله فيهم ولا فيا حاولت بكل الطرق اني حتى احاول في مواضيع بسيطه اتكلم فيها ان ما كنتش عملت اللي هم عايزينه ابقى واد عاق وحش وتربيه شوارع لا وايه غضبانين عليا كمان بقى اسهل حل السكوت ارجع من الشغل مهدود وتعبان ومتدغ واروح البيت عشان ارتاح فيه بلاقي الدنيا هاديه ومستقره لمده خمس دقائق لمجرد ان يتطلب مني حاجه بسيطه ازاي انزل اشتري لي حاجه او شيل حاجه انا نفسي ما بعترضش بس برمي كلمه اللي هو يعني انا جاي متدمر وتعبان طب ما قلت له ليش ليه وانا بره اسمع كميه تنمر واهانه وكلام بالنسبه لهم عادي ولكن بيبقى سم لدرجه ان انا ببقى كارههم انا مش عارف اعمل ايه وايه الحل ...عرض المزيد

4 الدعم

4 نصيحة

مش عارفة أرضي مرات أبويا المتسلطة.. أعمل إيه؟

أولا انا مستعدة ارد على كل الأسئلة اللي ممكن تسألوها بكل صراحة عشان احاول اوصل لحل عشان بجد جربت كل حاجة و تعبت أنا عندي مشكلة كبيرة في حياتي ومش عارفة أتعامل معاها. أنا عايشة مع مرات أبويا بقالي سنين طويلة، ومن وأنا صغيرة وهي متحكمة في كل تفاصيل حياتي. أي حركة صغيرة مني تتحسب عليا. مرة اتعاقبت عشان عملت ماسك لبشرتي، ومرة اتعاقبت عشان اشتريت كيس شبسي، ومرة اتعاقبت عشان حلقت شعري الزايد. أي حاجة بعملها لنفسي تتحول لجريمة غير كده، هي طول الوقت بتقلب أبويا والعيلة عليا. تقول كلام عني محصلش، تفبرك قصص وتكررها لحد ما يصدقوها، وتخليني دايمًا قدامهم "المشكلة" أو "اللي مش متربية". حتى لما بحاول أتكلم وأدافع عن نفسي أو أرد على كلمة بتزعقلي بيها، تلاقيني متصنفة إني "ردادة" و"قليلة الأدب". ولو سكتت خالص ومردتش، تبقى دي برضه مشكلة وتقول إني "بتجاهلها" و"مش محترماها". يعني في كل الحالات أنا غلطانة هي كمان بتقول إن كل الناس شايفاني مش محترمة ومش كويسة، وإن كلهم بيكرهوني وبينتقدوني. وتقول إن إخواتي كمان شايفيني كده. ساعات تدخل في المقارنات بجيراننا وتقول: "بصّي على بنات الجيران، كلهم متربيين عنك". مع إن ده كله مجرد كلام منها، يعني بجد بنات الجيران هما بنفسهم اللي بيقولولي انهم مش بيعملوا اي حاجة في بيوتهم و أمهاتهم شايلين كل حاجة، أنا مش غيرانة منهم أنا عارفة أن البنت لازم تشيل مسؤلية و تتعلم عشان بيتها بس أنا بعمل اكتر من ده بكتير وكلامها مش منطقي بس بيوجعني وبيديني إحساس إني أقل من الكل اللي بيوجعني أكتر إنها قدام الناس بتمثل إنها بتحبني وبتخاف عليا، وتبان إنها ست حنينة. لكن في البيت أنا بشوف الوش التاني: صراخ، تحكم، تقليب، وكلام بيهدّني من جوا. حتى كلمة "معاكي حق" لو قلتها، تلاقيها بتتقلب ضدي بعدين. بقيت ساكتة معظم الوقت، خايفة أفتح بوقي، خايفة من أي كلمة تتحسب عليا أنا بجد مش عارفة أتعامل. أنا عايزة أعيش بسلام، عايزة أعرف إزاي ممكن أرضيهم. إيه اللي ممكن أعمله عشان يبطلوا يشوفوني إني المشكلة؟ هل في طريقة أخليهم يغيروا نظرتهم ليا؟ ولا مهما عملت عمري ما هرضيهم؟ أنا تعبت من إني أعيش عشان أرضيهم، بس مش لاقية غير السؤال ده: أعمل إيه؟ ...عرض المزيد

2 الدعم

15 نصيحة