ذكريات الطفولة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Carrot_62530 🇪🇬

منذ أسبوعين

شعور متعب

موضوع:

الفلاش باك الي بيجي فجأه

ع طول بيجيلي فلاش باك ولغايه دلوقتي بيجيلي علي حين غره كدا واحيانا يجبلي ذكريات ومواقف عدي عليها وقت كبير او من ايام الطفوله حتي اعتقد السبب أن المواقف دي احنا بنتجاهلها عشان نتجاوزها في وقتها لكن الحقيقه احنا بنهرب منها بس عشان مش قادرين نواجهها أو نواجه نفسنا ممكن عشان كدا بتتخزن في سراديب مغلقه ك

Cheese_28254 🇪🇬

منذ شهر واحد

شعور مكسور القلب

عبّر عن شعورك بشكل مجهول

بقالي كتير مجتش هنا يمكن بس اهو اديني رجعت تاني 
انهارده كان يوم عادي لحد الساعه حداشر وبعدها توالت الصدمات فكرة انك تكون شايف شخص من مجرد كام ساعه وفجأه يختفي ! يختفي من الوجود شعور بشع..
انهارده جارتنا توفت من غير إنذار من غير اي حاجه فجأه كدا عرفنا الخبر صدمه ومن بعدها توالت الذكريات وكأني كنت محتاجه الصدمه دي عشان افتكر لما كانت بتلعب معايا وانا صغيره لما كانت تطلع تقعد معانا لما ماما كانت تسبني عندها وتروح مشوار كنت عايزه الصدمه دي عشان اعرف قد اي انا بحبها رغم اني مش بتعامل معاها بس انا دلوقتي مش قادره اصدق اني مش هسمع صوتها تاني بتنادي علي ابنها اللي فوقيها بدور بدل ما ترن عليه  واني لما اطلع مش هلاقيها فاتحه باب شقتها واقولها إذيك يا طنط حاجات كتير اوي وحشتني من انهارده صدمه حتي مش مخلياني عارفه اعيط 
 اللي صعبان عليا اكتر اولادها انا نفسي مش متخيله أني أكون نايمه اصحي علي خبر ذي دا ولو ربنا يحققلي حاجه واحده بس من كل حاجه بتمناها منه يبقي أنه مايدوقنيش مراره الشعور دا ابدا الموت علينا حق لكن مرارة فراق حد حتي ولو كان بيوسيئ إليك لكن فلاول  والأخر مُر ربنا يرحمها ويغفرلها ويسامحها ويسكنها فسيح جناته ربنا يرحم موتنا وموتي المسلمين أسألكم الدعاء ليها بالرحمه واسفه لو طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_46125 🇪🇬

منذ شهر واحد

شعور Okay 😐

السلام عليكم ابن خالتي بيحبني وانا بحب بس هوه سيبني ولما جيت سالت السبب مردتش عليا وملحوظه انا وهوه مع بعض من الطفوله ولما كبرت حسيت بيحاول يثبت انه احسن مني في كل حاجه حته الدارسه وانا في كليه وهوه خد دبلوم وخلص انا بحاول انساه الحمدلله بس رغم ان حصل مني حاجه مش حلوه وسامحني وبعدها قعدنا فتره كو

Popcorn_52587 🇺🇸 الحل ببساطة هو إنك تتقبل اللي حصل وتبدأ تركز على نفسك وحياتك بعيدًا عن المقارنات. ممكن ابن خالك يكون عنده أسبابه الخاصة اللي مخلياه يتصرف بالطريقة دي، وده مش بالضرورة بيعكس أي حاجة تخصك أنت. حاول تسيب الماضي وتهتم بتطوير نفسك، دراستك، ومستقبلك. العلاقات بتتغير، وأوقات البعد بيكون فرصة للراحة والنضج. الأهم إنك تفضل شخص نقي وتحافظ على طاقتك الإيجابية. 💙

عرض الكل 8 نصيحة

Hazelnut_52786 🇪🇬

منذ شهرين

شعور مرتبك

موضوع:

الفلاش باك الي بيجي فجأه

فاكرين اغنيه هشام عباس اللي اسمها زمان وانا صغير بحلم ابقي كبير أنا مواليد الثمانينات أقولكم بصراحه أنا بتمني ارجع صغير الواحد حاسس انو في حلم صغير نام وصحي بقي كبير نام طفل صحي واحد عندو فوق الأربعين أنا كل يوم بتحسر علي اللي يفتكرو من سعاده كنت شايفها وانا مش دارى كنت ملك من غير فلوس كنت بنزل الشا

Hazelnut_49757 🇪🇬 كل حاجة في حياتنا مؤقتة واه بنحس بالحنين لايام زمان ممكن دوبامين حياتنا بقينا بنستهلكه بإفراط علي الميديا ودا الي بيخلينا مش لاقيين السعادة في اي حاجة بنعملها في حياتنا اليومين دول بس القرب من ربنا لوحده سعادة حتي لو معندناش شغف اننا نكمل علي الاقل لازم يبقي عندنا دا عشان نقرب من ربنا

عرض الكل 3 نصيحة

Hazelnut_52786 🇪🇬

منذ شهرين

شعور مكسور القلب

Coffee_52917 🇪🇬

منذ شهرين

شعور لا مبالٍ

Hazelnut_52786 🇪🇬 عزيزتي الماضي ليس بكل هذا السوء الذي تتحدثين عنه انه أشياء عاديه كملي في خطواتك . ومستقبلك مع من تريدين ولا تتحدثي عن اي سئ في الماضي انتي مش مذنبه

عرض الكل 4 نصيحة

عبّر عن شعورك بشكل مجهول

سفرت الخليج و انا صغيرة و رجعت كبيرة  تانية ثنوي كنت متعلقه بكل حاجة هنا بيت تيتا و اكلها و العيش بتاع عمتي و لمة الخميس العائلية  بتاعتنا كل اسبوع و شارعنا و يوم العيد الي كله لعب و تنطيط لما رجعت مصر لقيت كل حاجة اتغيرت الا حاجة واحده لمتنا رغم وفاة تيتا الي اول مره اعرف يعني ايه موت بعدها لقيت ابن عمي لما عرف اني استقريت هنا جه قالي انه بيحبني و بكل اندفاعية قولتله لازم الناس تعرف و رضيت انه يقول لاخته بس عشان مصعبهاش عليه مكملش شهر و جاي يبعتلي بيعتذر عشان خايف من ظروفة و لما قولت انا ميهمنيش ظروفك رد ب3 نقط الحقيقة كنت اتعلقت بيه و حبيته بجد و كانت مشاعري قوية جدا نحيته رغم انه مكنش بيقدم اي حاجة غير البديهي لحد ما عرفت انه ارتبط كنت ف تالته ثنوي ادمرت و مكنتش شايفة قدامي بعدت عن كل حاجة تفكرني بيه حتى بيت اهلي و تلف الايام و يبقى حد عادي جدا و بعد ما خلاص هتخرج من الجامعة اكتشف ابن عمتي صاحبه طلع بيحبني جدا من واحنا اطفال و مكنش بيعرف يكلم بنات بسببي كنت بحس كتير انه في حاجة ناحيتي بس كنت بقول عادي احنا اهل و هو قريب مني كصاحب و في حاجات كتير بنا مشتركة و بنحترم بعض جدا بس مرة وحده لقيته بيلمح كتير و لما ضغطت عليه حكالي انه من زمان اوي و احنا اطفال بيحب يقعد معايا و كان فاكر انه جو لعب عيال لحد ما جيت مصر و لقي مشاعرة قوية لدرجة انه بيتعامل مع البنات بحده و يتجاهل اي بنت و انا الحقيقة حبيته و متفاهمة معاه جدا و بنحترم بعض جدا بس مش عارفة احكيله على ابن عمي الي هو ابن خاله و صحبه و الموقف الي حصل و لا لا خايفة يشيل منه و يبعد عنه و يخسرة لانه ابن عمي دا اكتشفت انه كان عارف بحب ابن عمتي ليا و  لان في حد قريبنا تالت هو شايف و حاسس انه بيحبني فبعده عني و هو بعد عنه خاالص و في نفس الوقت مش حابه اخبي عليه الي حصل قبل كدا مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_34758 🇸🇦

منذ 4 أشهر

شعور لا مبالٍ

موضوع:

هو في حد عاش موقف مرعب أو غريب مع الجن و الشياطين

قبل 8سنوات ، وانا عمري 9 سنين لما كنت ف السودان ف جن دخل فيني وبقى بتحكم ف تصرفاتي و كلامي لمدة اسبوع بعديها اهلي لاحظو و ودوني ل شيخ طلعه مني ، م بقدر اتذكر اي حاجة ف الاسبوع داك بس اهلي قالو لي كنت بتتكلم ب طريقة غريبة و بتتصرف تصرفات غبية و كنت قريب من انت\\حر

Coffee_45454 🇪🇬

منذ 6 أشهر

شعور مكسور القلب

جده امي توفاها الله امبارح بعد كفاح طويل من ابتلاءات وامراض وكبر السن بس كانت صابره وحنونه وطيبه جدا مع كبر سنه اللي وصل لل ٩٠ مكانتش تنساني وكانت بتحبني اوي وانا كنت احب ازورها واقعد معاها بقالها سنين مريضه بالسكر حتى وصل الامر لبتر رجلها وبعد سنين بترت التانيه بردو كانت على طول في سريرها ومع صغر م

Coffee_21153 🇪🇬

منذ 6 أشهر

شعور لا مبالٍ

بجمله اني فتحت فالقديم معلش استحملوني بقا بعيد نشر حاجات كنت منزلها قبل كدا لعل حد يستفيد ومتنسوش جدودي الله يرحمهم من دعائكم هي مش قصه على قد ما هو موقف هفضل فاكره طول حياتي انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابوي

عبّر عن شعورك بشكل مجهول

بجمله اني فتحت فالقديم معلش استحملوني بقا

بعيد نشر حاجات كنت منزلها قبل كدا لعل حد يستفيد
ومتنسوش جدودي الله يرحمهم من دعائكم

هي مش قصه على قد ما هو موقف هفضل فاكره طول حياتي 
انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابويا طبعا ف الشغل الصبح مين هيوديني جدي الله يرحمه كان بيوديني المهم ابويا قاله ماشي هتفق مع سواق اسمه الجنايني هيقف كل يوم يستناكوا ع الطريق واركبوا ولما تخلصوا هرن عليه يجيلكوا انا كنت طفل وخايف ودا طبيعي رايح اشوف بلد جديده وناس جديده سواء طلبه او مدرسين كلها وشوش غريبه عليا وكنت خايف اوي بالذات ان ابويا مكانش هيبقا معايا ف موقف او وقت زي دا بس جدي الله يرحمه كانت حنيته تكفي بلد كامله حسسني بالامان ومحسسنيش ان في حاجه ناقصه كان بيحبني زي ابويا واكتر روحنا اول يوم مع السواق وكله تمام كنت متوتر شويه بس الامتحان عدي ع خير الحمدلله 
وابويا كان مروقني بسكوت وكيك وشوكولاته اول عياله بقا 
المهم جينا تاني يوم طالعين ع الطريق ومستنيين السواق كالعاده جه جدي بيسلم على واحد جارنا وانا شوفت السواق معدي سلم عليا ومشي مخدناش وانا مش عارف اي اللي خلاني ساعتها مقولش لجدي خلص سلام ع جارنا وبيقولي السواق اتاخر كدا لي قولتله دا لسه معدي من هنا وشاورتله بايدي 
قالي مقولتش لي وطلع يجري بيا لقدام على امل انه يلحقه بس هو طبعا كان مشي فالاخر جدي قرر ان احنا هنمشي شويه لقدام وبعدين نركب اي عربيه لحد هناك مشينا شويه وجت عربيه حمره وقفت لنا وانا ركبت وجدي كان تقيل شويه بسبب السن وكان بيطلع براحه ونزل تاني السواق ساعتها فكره ركب واتحرك وانا قاعد ساكت وعمال اقول بصوت واطي استنا استنا وطبعا محدش سامعني ولا حتى اللي راكبين حد فيهم فكر انه يتكلم وانا  جالي فكره كرييتڤ جدا وهي اني انط من الباب وفعلا نطيت من الباب واتشقلبت عشان متعورش  والسواق بعدها وقف وجدي كان بعيد عني بحاولي 50 متر كدا لقيته جري عليا فثانيه لقيته قدامي سبحان الله مش عارف جاب الصحه دي منين مع العلم انه ساعتها كان عنده 70 او 73 سنه من خوفه عليا جه جري وقعد بنظف هدومي هدومي ويقولي انت كويس اقوله اه حصلك حاجه اتعورت 
بها السواق بيقوله معلش يحاج مخدتش بالي تعالا اركب جدي طبعا هزقه وفرج عليه الشارع كله ومشاه وبعدها ركبنا عربيه تانيه واتاكدت المرادي ان جدي ركب قبل ما السواق يتحرك 
ودخلت الامتحان وحتى مش فاكر انا حليت كويس ولا لا بس اللي فاكره كويس ان جدي كان بيقعد يستناني ف الشمس ساعتين لحد ما اخلص الامتحان وخلصت وروحنا البيت 
ف النهايه حابب اقول ان انا عمري ما هنسا يوم 21/3/2024 دا يوم وفاه اغلى شخص واحن شخص عليا واكتر شخص كان بيحبني جدا وكان مصاحبني النهارده عدي 131 يوم على وفاتك وربنا يشهد ويعلم بدعيلك وهفضل ادعيلك قد اي ربنا يرحمك يغالي ❤
تعديل عدا 283 يوم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.