دروس حياتية

Strawberry_29889 🇪🇬

منذ شهرين

شعور ضائع

درس اتعلمته مؤخرا أن محكمش على حد تماما ولا اقول دا وحش أو حلو لمجرد قاعده بسيطه معاهم اتفاجئت بناس وتصرفات منهم بعد سنه تقريبا بأن أنا كنت غلط لما حكمت عليهم وقتها اتعلمت احرص بس محكمش على حد نهائي ولا بالوحش ولا بالحلو مهما كان مين من الاخر اللي هتقول عليه طيب اوي انت اللي هتطلع غلبان اوي والله

Apple_64761 🇪🇬 احسنت/ى

عرض الكل 1 نصيحة

Croissant_52708 🇪🇬

منذ شهرين

شعور مكسور القلب

عبّر عن شعورك بشكل مجهول

طول عمري كنت فاكر إن فقدان الناس معناه إني خسران… كنت بربط وجودهم في حياتي بالأمان والراحة، ولما كانوا بيبعدوا، كنت بحس إن الدنيا بتقفل في وشي، وكأن ربنا بيحرمني من حاجة كنت محتاجها.
مع مرور الوقت والمواقف، اكتشفت إن القصة مش كده خالص… ربنا كان بيعمل لي فلترة، بيبعد عني ناس أنا شايفهم أمان، لكنهم في الحقيقة كانوا قنابل موقوتة، وجودهم على المدى البعيد كان هيكسرني أو يضرني.
أوقات كنت أرتاح لحد لأن تصرفاته أو كلامه فكرني بحد قريب مني بحبه، أو لأن فيهم حنية ظاهريًا… لكن الحنية دي طلعت مجرد قناع، واللي وراها كان فراغ أو نية مش صافية.
حتى في الشغل، كنت ألاقي نفس النمط بيتكرر… نفس الشخصيات، نفس الأسلوب، نفس الطريقة اللي تخليك في الأول تحس إنهم معاك، وبعدين تكتشف إنهم ضدك. لكن الغريب، إن في الآخر كلهم مشيوا من حياتي، وكأن ربنا بيقول لي: "خد بالك، أنا بحميك".
المواقف دي علمتني درس غالي: مش كل اللي بيشبه الأحباب يبقى أمان، ومش كل اللي بيبان حنين يبقى قلبه نضيف. أحيانًا التشابه بيخدعك، وأحيانًا الطيبة المبالغ فيها بتبقى ستارة بتخفي وراها مصلحة أو نية مش خير.
دلوقتي لما حد يخرج من حياتي، حتى لو كنت متعلّق بيه، ببص لفوق وأقول: "الحمد لله… أنت شايف وأنا مش شايف، وأنت بتكتب لي الخير حتى لو أنا مش فاهمه دلوقتي".
بقيت مؤمن إن ربنا مش بس بيحميني، لكن بيختار لي الناس اللي وجودهم هيكون نعمة، وبيشيل من طريقي أي شخص وجوده ابتلاء أو ضرر. وده بالنسبة لي مش خسارة… ده مكسب عمر ما كنت هعرف قيمته إلا بعد ما عديت من التجربة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_28254 🇪🇬

منذ 5 أشهر

شعور مهتم

عبّر عن شعورك بشكل مجهول

1/6/2023
الساعه 8  الصبح....
جايز تفتكروا يوم كان حلو او مميز يمكن فرح أو معاد مشوار كان نفسي فين 
لكن والحقيقه ذي إنهارده وفي المعاد دا كنت فأقصي أقصي مراحل الألم والخوف إتوجعت أوي ساعات بستغرب نفسي بصراحه ليه أعمل ذكري ليوم كان بشع كدا ليه افتكروا أصلا؟؟؟؟؟
 والله معارفه بس يمكن مالاقتش الحلو اللي يمحي الذاكره البشعه لذلك كل ماترسخ جوايا كان بس الوحش 
أربع شهور...
أربع شهور إتعلمت فيهم الدرس صحيح ربنا كان قاسي أوي عليا وهو بيديني الدرس بس بردو كان لطيف بيا علمني إن مش لازم نتعود علي النعم كأنها شيئ مسلّم بيه ولازم يكون موجود وقالي كل اللي انتِ فكرتيه عادي أنا أسحبه منك فطرفة عين بس علمني معني كلمة "الحمد لله" عز الوجع والتعب علمني إن حتي وانا مش عارفه حكمه إللي بيحصلي أصبر واحتسب واقول "يا رب" حتي وانا فعز النقم علي أنا فيه 
عشان كدا أو كدا هيحصل إللي هو عايزه  
كمان وراني ناس مكنتش اتخيل فيوم يستحملوني وهما مش مرغومين علي دا وراني اصلهم فعز شدتي وكمان وراني إللي المفروض كنت الاقيه جنبي مكانهم ومكنش موجود غير للواجب ومش حاجه تانيه وراني حاجات كتير اوي
كل سنه في الشهر دا دروس ربنا ليا بتكون بتوجع أوي يارب أنا بجد مش حمل درس السنادي .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_28254 🇪🇬

منذ 9 أشهر

شعور محبط

صباح الخير أو مساء الخير حسب هتشوفوا البوست ده إمتي النهارده حابة أشارك درس جديد اتعلمته وأضيفه صفحه لكتاب حياتي، درس عمري ما فكرت فيه قبل كده. زمان كنت فاكرة إن أنا اكيد الاختيار الأحسن لأي حد، وده مش غرور ولا نرجسية، والله أبداً، بس كنت حاسة من جوايا إن اللي هايختارني أكيد مش هيخسر، لإني هساعده

عبّر عن شعورك بشكل مجهول

صباح الخير أو مساء الخير حسب  هتشوفوا البوست ده إمتي

النهارده حابة أشارك درس جديد اتعلمته وأضيفه صفحه لكتاب حياتي، درس عمري ما فكرت فيه قبل كده. زمان كنت فاكرة إن أنا اكيد الاختيار الأحسن لأي حد، وده مش غرور ولا نرجسية، والله أبداً، بس كنت حاسة من جوايا إن اللي هايختارني أكيد مش هيخسر، لإني هساعده بكل طاقه عندي وكنت كمان متأكدة إني لو اتحطيت مكان أي حد في موقف صعب، هعرف أتصرف وأحل المشكلة.

لكن من كام يوم، أدركت حاجة مختلفة تماماً... اكتشفت إن المواقف الوحشة اللي بنمر بيها مش دايماً حاجة سيئة، بالعكس، أحياناً بتكون فرص نتعلم منها دروس مهمة. وللأسف،او خليني اقولك الحمدلله الدرس اللي اتعلمته كان إن أنا مش دايماً الاختيار الأحسن، ولا حاجة!

زعلت؟ أكيد زعلت... وسألت نفسي سؤال: ليه عمري ما فكرت في العكس؟ ليه ما حطيتش في اعتباري إن ممكن أكون أنا مش الشخص المناسب لحد معين؟ ليه كنت دايماً مقتنعة إني هعرف أحل أي مشكلة؟ ليه مفكرتش إننا مختلفين، وإن الطريقة اللي أنا شايفاها الحل الأمثل ممكن تكون بالنسبة لغيري مش الحل الصح، وإنه ممكن يكون في حل أحسن مفكرتش فيه؟

أسئلة كتير جداً دارت في دماغي، وإجاباتها مش عندي، بس اللي متأكدة منه دلوقتي إن الدرس ده خلاني أعذر ناس كتير ما اختارونيش، لأن ببساطة... يمكن أنا فعلاً ما كنتش الاختيار الأحسن ليهم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_51296 🇪🇬

منذ 10 أشهر

شعور مستنزف

عبّر عن شعورك بشكل مجهول

من الحاجات المحزنه جدا ف حياتي ، اني حبيت ف سن صغير مع اني مع فكرة احفظي قلبك ل شخص واحد ومتحبيش غيره وداعمه جدا للنقطه دي ، بس انا مقدرتش اعملها ، حبيته وفعلا كان شخص تحفه ف حاجات كتير بس برضو بفكر حاليا بكتشف ان علاقتنا كانت سطحية جدا وكمان زي م قولت كنت صغيره واول مره اكلم ولد مكنتش عارفه اتكلم ولا افتح مواضيع ولا اسال عملت ايه وروحت فين والكلام دا نهائي بس فعلا كنت بحب اتكلم معاه جدا ، مع ان انا السبب ان العلاقه دي تنتهي او بمعنى اصح هو كان سبب وانا خت خطوة البعد بس كانت خطوة غير موفقه تماما مش عشان حاجه معينة ، عشان انا بعدت من غير اما افهم ليه كل دا حصل ، ومع ان انا اتخطيت الشخص دا تماما ومعنديش ليه حاليا اي حب ودا بعد سنه حاولت فيها اموف اون الا اني لما بسمع اغنية سمعناها سوا او بشوف فيديو شفناه سوا بحن جدا للفتره دي ، بس برضو مش زعلانه وحبيت الخص شوية حاجات اتعلمتها من العلاقه دي __ بلاش بلاش بلاش حب ف سن صغير __ كلنا بيبقى لينا اولويات ف العلاقه سواء كنتي عاوزه تعيشي عيشة مرتاحه ماديا او يكون بيشاركك حاجات انتِ شيفاها مهمه فبلاش تسغني عن الحاجات دي نهائي ولو ملقتيهاش موجوده ابعدي __ اتعلمي تتكلمي ف اي حاجه مضيقاكي من الشخص اللي بتحبيه روحي اشكيله وافهمي منه معظهم ممكن يكون مش متفهم بس بلاش بلاش تسيبي نفسك ل دماغك خدي اجابه صحيحه من الشخص نفسه ودا ف اي علاقه ف حياتك عموما 
(وحاجه اكشتفتها مؤخرا حطوها ف بالكو علطول الحب الاول مستحيييل يتنسى سوا كان شخص كويس او لأ اه هتحبو شخص تاني وممكن اكتر بكتييير اوي من الشخص الاول دا بس اول واحد ليه متعه خاصة تماما احساس اول مره بتحسي بيه ، ف بلاش تختارو غلط اختارو اللي شبهكم الحنين عليكي اللي يفهمك من الاخر )
و"حاجه اخيرة المفروض كنت احطاها ف الاول ان كل الحاجات دي حرام حرام ومش هتخدي منها اي حاجه غير وجع القلب وخسراتك ل برائتك اللي بتروح تماما لما بتحبي وتتكسري مش عشان حاجه بس بتحسي نفسك كبرتي اوي"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_49762 🇪🇬

منذ 10 أشهر

شعور آسف

النهارده حصل موقف وحش اوي معايا و اتعلمت منه اني استر على الشخص الي شتم حد حتى لو هو غلطان، كنا في الجامعه عاظي ف احنا قاعدين ف الاستراحه ففي واحده جت وشوشتني قالتلي عارفه البنت نقول مثلا اسمها جنى، قالتلي عارفه البت جنى دي دي واقفه مع واحد نفترص انه اسمه يوسف و قالتلي جنى دي اصلا *كلمه عيب* ف انا م

Sugar_25534 🇪🇬

منذ 11 شهرًا

شعور مرهق

موضوع:

ايه تجربتك مع أصحاب السوء ؟

Ice Cream_34427 🇪🇬 عايزه اقلك برافو عليكي بجد و على قراراتك من الواضح أن سنك مش كبير ولكن تفكيرك ما شاء الله جميل متزعليش على حد كان مصدر اذي ليكي واختاري الناس كويس واعرفيهم قبل ما تديهم الامان ومتثقيش ف اي حد ل مجرد انه خلاكي تشوفي الوش ال هو عيزك تشوفيه لسه يقلبي الدنيا هتعلمك ولسه هتشوفي ناس ابشع واوحش من كده بكتير اوي اهم حاجه متغيريش مبادئك وحافظي عليها الا صاحب السوء ده بجد اكتر حاجه ممكن تندمي عليها

عرض الكل 4 نصيحة

عبّر عن شعورك بشكل مجهول

صاحبت واحدة من سنتين ظنا مني انها حد محترم وهيي كانت دايما تقولي انها من عيلة متدينة وان اخواتها الولاد مركزين معاها والكلام ده خدت بالي في بداية صحوبيتي ليها انها كانت بتشتم من تحت لتحت وتجاهلت الموضوع لاني كنت بحبها وخدت بالي كمان ان نظرة الناس ليها انها الحد الضايع اللي مش فارق معاه حاجة وتجاهلت ده برضو لحد ما جه يوم عرفت انها وصحابها سمعتهم وحشة انهم الشلة الضايعة البلطجية وضربت بنت قبل كده وقعدوا يتنمروا عليها ويقولولها يا ام ضب وسمعتها بتشتمها بأهلها شتيمة ولا مرة سمعتها بتشتمها (بالاهل) وانا كمت واقفة في مكاني مش مصدقة انها قالت كده المهم جت اجازة السنة ومكلمتهاش خالص رغم اننا كنا بنتكلم ٢٤ ساعة وجيت قبل ما تبدأ سنة جديدة كلمتها وقطعت علاقتي بيها وكتبتلها كلام كتير وردت عليه بكلمة واحدة بس(ماشي) بعد ما بعدت عن البنت دي عرفت بعدها بفترة انها فضلت سنة كاملة تقريبا هي وصحابها بيتكلموا عليا وعرفت انها اتكلمت عليا في بيت واحدة صاحبتنا تانية قدام اهلها وقالتلها فلانة دي( اللي هي انا) خبيثة وبتحب تظهر وبس(لاني كنت بذاكر وهي لا وكان مستوايا اعلى منها دراسيا فكانت شايفاني بذاكر لمجرد اني ابان جامدة) وشتمتني بأهلي واهل صاحبتي كانوا سامعين وكل ده انا لما سمعته اتصدمت ازاي اتقلبت ١٨٠ درجة لمجرد اني بعدت عنها وطلعت شخص تاني وبمجرد اني نهيت علاقتي بيها طلعت كل الوحش اللي جواها من ناحيتي هل انا ندمانة اني قطعت علاقتي بيها؟ لا ولكن احيانا بفتكر صحوبيتنا كانت جامدة ازاي وازعل اني بعدت عنها بس بمجرد ما بفتكر كلامها عليا بتأكد ان اللي عملته كان الصح دي قصة واحدة من قصتين
القصة التانية ان صاحبتي اللي كتبت فوق ان البنت اتكلمت عليا في بيتها كانت صاحبتي جدا بعد ما قطعنا مع البنت دي وكنا قريبين اوي رغم الحاجات اللي كانت بتضايقني فيها وكنت بتجاهلها لان محدش كامل كده كده ولكن مع الوقت وان شخصيتها واسلوبها الحقيقي بدأ يظهر بقيت فعلا اتضايق واتخنق منها ومن الحاجات اللي كانت بتضايقني انها طلعت حد بيشتم كتير لما خدت راحتها في الكلام معايا وكانت بتشتم بالاهل وتقعد تقولي شوفتي فلانة بنت الكذا عملت فولو لفلان وهي صوتها عالي ولما بتشتم الناس بتاخد بالها وبيبصولنا وببقى انا في شبهة اني مش محترمة لاني معاها علطول وكانت حد كثير التعليق على كل حاجة بتحصل كل ما مدرس يشرح حاجة تتريق عليه او على اللي قاله او ايا كان بس مينفعش تفضل ساكتة زي باقي الناس وكانت بتتكلم على ناس انهاردة وبكرة تاخدهم بالحضن وكانت حاجة لاحظتها فيها جدا وسبب تاني وده كانت اكتر حاجة بتخنقني منها انها دايما حاطة نفسها في سباق ومقارنة معايا وتضايق جدا لو كنت اعلى منها في درجاتي مثلا وتقولي عاش وبصتها كلها انها متضايقة جدا وتقعد تسألني جبتي كام وهي متقولش درجتها وصلتي فين في المادة الفلانية وهي متقولش برضو هي وصلت فين بتداري على شمعتها بس انا لا ازاي واختها واختي كانوا ثانوية السنة اللي فاتت فسألتني على نتيجة اختي وقولتلها وسالتها على نتيجة اختها توهت وبعدها قالتلي لا لا بس حلو فقولتلها اعلى من ٨٠ اكيد (قولت كده لانها كانت قايلة كتير ان اختها شاطرة جدا) فقالتلي اه اعلى من ٨٠ المهم بعدها عرفت من واحدة تانية ان اختها جايبه اقل من ٨٠ وكده كده الموضوع ميفرقليش في شيء ولكن مكنش ليه داعي التحوير لانه فعلا ميهمنيش وغيرها من المواقف الكتير اللي بتضايقني منها فبعدت عنها من غير ما ابرر لان لما بررت قبل كده دافعت عن نفسها وبس فبعدت بهدوء المرة دي جت سألت عن السبب وبعتتلها وقعدت تتكلم كتير وتقولي انتي بتطلعيني فيا عيوب وانتي لا ومش عارفة ايه فقولتلها انت سألتي عن السبب وانا قولت مش اكتر ولا اقل فقالتلي اني متكبرة وانا بنقي الناس اللي من مستوايا وكلام كتير كده المهم جت في مرة عرفت انها كانت بتتكلم عليا مع واحدة صاحبتي ولما جينا نمشي اخدتني بالحضن وسلمت عليا واستغربت جدا ازاي الانسان ممكن يكون بوشين للدرجة ؟ لسة كانت جوا بتتكلم عليا مع واحدة ولما طلعنا خدتني بالحضن؟!!! 
وكانت بتبعت لواحدة صاحبتي كلام كتير عني وتقولها انا ممكن امسح بيها الارض(بيا انا يعني) وفي نفس ذات اللحظة بتبعتلي انا ده انا كنت بحبك ومش عارفة ايه !! 
ولحد الان الموضوع مخلصش ولكن خلاصة الموضوعين اوعوا تقربوا من حد لدرجة كبيرة لان معظمهم الا من رحم الله هيطلعوا دروس يعلموك متثقش في الناس تاني وابسط مثال هما الاتنين دول كانوا معايا بوش واول ما اديتهم ضهري كان ليهم وش تاني

Ice Cream_26876 🇪🇬

منذ سنة واحدة

شعور مرتبك

ازاي بتتعاملوا مع الناس التوكسيك ، اللي مضطرين تتعاملوا معاهم و ازاي تفكوا التعلق بهم لو حصل ؟وازاي نعلمهم درس نرد كرامتنا به ؟

Strawberry_27416 🇪🇬 طول م بتتعاملي مع الشخصيه دي حقيقي هتستنفذي كميه طاقه حتي لو بتتعاملي زييه ابعدي اسلم حل')

عرض الكل 12 نصيحة

Strawberry_19840 🇮🇹

منذ سنة واحدة

شعور لا مبالٍ

تقريبا بسبب ال app ده كلنا اتلعمنا دروس تفيدنا في حياتنا الواقعه ، كان ايه درسك...........

Strawberry_18088 🇪🇬

منذ سنة واحدة

شعور محبط

ايه اكتر حاجه اتعلمتها الفتره اللي فاتت ؟؟

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_15386 🇪🇬

منذ سنة واحدة

شعور Great 🤩

ركزي في نفسك ركزي في دراستك ركزي في Building yourself متزعليش علي حد خرج من حياتك بالعكس اتعلمي وخديه درس انك تقفي علي رجلك متعتقديش انك اللي عرفتيه وانتي صغيره وموقفه حياتك ومش عارفه تذاكري عشانهم ان الناس دي هتفضل في حياتك لما تكبري دا مش معناه ان الكل مش هيكمل البعض بيكمل دا معناه اني مش هوقف حيا

Strawberry_11964 🇪🇬

منذ سنة واحدة

شعور Okay 😐

كنت قرأت جملة من فترة كبيرة أوي بتقول ‏"لن تعرف أبدًا مدى قوّتك حتى تسامح شخصًا لم يعتذر، وتقبل إعتذارًا لن تتلقاه أبدًا." يااه بجد مفهمتهاش غير من يومين تقريبا بعد محاولات كتيرة مع نفسي بقنعها قدا اي الشخصيه دي أذيتني ومن غير سبب وأنا أي ذنبي لكل دا وإني معملتش حاجه تستحق الأذى دا كله ليا وغيره وغي

Coconut_11548

منذ سنة واحدة

شعور Good 😁

ليه مش بنتعلم من اول مره ✨

Banana_10357

منذ سنة واحدة

شعور Okay 😐

ايه اكتر حاجه غلط عملتوها في حياتكم وندمتو عليها

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع