خيانة الصديقة

Coffee_57389 🇪🇬

منذ 14 ساعة

شعور مستنزف

Mango_57366 🇪🇬 اكيد هي النقطه في العمل، عليكم بسورة البقرة يوميا متتطفاش اصلا بصوت عالي والصلاة على النبي وخلي خطيبك وانتي كمان ملتزمين باذكار الصباح والمساء وربنا يفك العقبة دي ويجعل كيدها في نحرها

عرض الكل 3 نصيحة

عبّر عن شعورك بشكل مجهول

حكي حاجه حصلت ليا من اربع سنين ولحد دلوقتي مأثر فيا جامد 
كان ليا بنت صاحبتي اوي وكانت جارتي كمان ف كنا دايما سوا وقريبه اوي مني  ونا كنت بحكيلها كل حاجه عني وف نفس الوقت ابن عمتي كان بيحبني وعايز يخطبني ف حكيت ليها  وبالفعل انا وهو يعتبر بقينا مخطوبين وكل الناس عارفه 
ف بعتتله طلب صداقه ولما عرفني قولتله دي اختي وعادي اي المشكله🙂 شويه شويه بدأت تكلمه كتير    وكلام غريب بأسلوب اغرب  وف اقرب مشكله بيني وبينه راحت قالتله انها بتحبه وان هي احسن مني و ان انا معايا كل حاجه اني كنت شاطره في دراستي وكمان انسان كويس بيحبني وهي لأ وانها بتكرهني  وفي نفس الوقت قربت مني وبتحاول تجرني في الكلام وتسجل ليا وتبعتله عملت حاجات عمري ما قادره اتخيل انها تطلع من انسانه كانت قريبه مني اوي كدا  لحد لما قال لها انه بيحبني وانه مش شايفها غيره انها زي اخته  
قالتله انا موافقه انك متكنش معايا بس مترجعش ليها تاني وقالتله طول منا عايشه عمركوا ما هتكونوا لبعض 
انا وهو حالياً بقالنا ٦ سنين مخطوبين وكل لما نحدد معاد الجواز الموضوع يتعقد  
مع انها اتخطبت دلوقتي وفرحها ماشاءالله قرب بس لسه شاغله دماغها بيا والمشكله ان امها كانت مشاركه معاها في كل حاجه لدرجة كانت ترن على خطيبي وتقولي تعالى اقعد معانا عايزاك في موضوع وتفضل بقى تقوله دي ملبوسه 🙂 وكلام عبيط كدا

هتسألوني اي ردة فعلي  ناحية الموضوع 
والله ولا حاجه وقتها طبعاً تعبت وكل يوم كنت عند دكتور لما عرفت 
وبعدها كان فيا نار من اللي حصل معايا ولما افتكرت أيه "فإن عاقبتم فعاقبوا بمثل ما عوقبتم به ولئن صبرتم لهو خير للصابرين" 
وقتها  قولت تربيتي متسمحليش اني اعمل اللي هي عملته واخترت اني اصبر 
وخطيبي من وقت ما بعد عنهم ومعاملش اللي كان ف دماغهم وهو كل يوم عند دكتور شكل  وأمراض الدنيا كلها بقت فيه 
روحنا لمشايخ كتير وناس بتعالج بالقران قالت اني معمولي عمل بوقف الحال 
مش عارفه أقول غير حسبي الله ونعم الوكيل 
 ادعولنا ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_34439 🇪🇬

منذ شهر واحد

شعور مكسور القلب

موضوع:

تجربة خيانة الصديق

للأسف جربت النوع ده من الخيانه بعد صداقه ٦ سنين كنت بحبها اوي بنينا ذكريات كتير حلوه مع بعض كنت بحبها وللأسف ما زلت بحبها مش قادره ابعد عنها برغم الاذيه إلى بتعرض ليها وانا معاها قولولي ازاي اقدر ابعد عنها لان قربها بيتعبني بس من غير متعب من بعدها لأني لسه عايزاها معايا😔😭

Avocado_44816 🇯🇴 شوفي قبل شوي قرأت عبارة بتحكي انك ممكن تفكري حالك خسرتي كنز بس بالحقيقة أنتِ شلتي الحجر اللي كان على ظهرك .. وانا برأيي لو شعورك في العلاقة مش تمام فانسحبي وركزي على نفسك أكثر وانشغليي مع هواياتك واهلك ودراستك وحياتك الشخصية ، تذكري انك أنتِ الشخصية الرئيسية في حياتك وأنتِ اللي بتحددي للناس كيف يتعاملوا معك ، فلو أنتِ حاسه أنه العلاقة بتوخذ منك اكثر من ما بتضيفلك شيلي حالك واهربي 🙆🏻‍♀️

عرض الكل 6 نصيحة

Cherry_45133 🇪🇬

منذ 5 أشهر

شعور مكسور القلب

ممكن تقولوا ازى بنقدر ننسى شخص حبيناه ورسمنا معاه كل حياتنا.. دايما بشوف الحب ضعف وانا اختارته ابين ضعفى ليه جرحنى واتخلى عنى وفى الاخر شايف العكس انى انا اللى ظلمته ومتنازلتش علشانه هو عايش حياته هو وكل اللى حواليه انا اللى واقفه مكانى انا اللى اتصدمت فيه واتصدمت فى صاحبتى اللى كنت بعتبرها انتيمتى

Sugar_47756 🇪🇬

منذ 6 أشهر

شعور ضائع

انا لو كان عندي صحبه و كنت بقول عاليها اختي و بروح معاها في كل مكان و معرفاها كل اسراري و راحت حكت لامي و كانت هتخلني ابعد عن اكتر حد بحبه و خرجني من اكتئاب تلات مرات و بعدت عني يعني مبقتش صحبتي و حاليا هيا مشيا تسوء سمعتي في كل مكان انا ثانوي عام و الكلام ده بياثر عاليا و علي نفسيتي و امي بتقولي اق

Waffle_45201 🇲🇦 مكانش لازم تثقي بها حتى لو كانت اختك فعلا لازم نعرف وش لي نقول وش اللي مش نقولو و حاولي انك تبعدي عنها وتتفاديها وصراحة مافي حل لانك ما عملتي كنترول والله معك

عرض الكل 6 نصيحة

Cheese_46919 🇪🇬

منذ 6 أشهر

شعور شاعر بالملل

السلام عليكم انا كأنت واحده معايا في الفصل وي في الدروس المهم اتصاحبنا على بعض وبعد فتره حبنا بعض وقعدنا مرتبطين فتره طويله واكتشفت ان هي كانت بتكلم عليا والعيال جت قالت لي فالمهم اتخانقنا وابعدنا عن بعض وهي عايزه ترجع وعمل تكلمني بس انا مش عايز ارجع ورافض انا كده صح ولا اي

Apple_46900 🇪🇬 انت كدا صح علي وضعك

عرض الكل 6 نصيحة

Nutella_39839 🇪🇬

منذ 6 أشهر

شعور مكسور القلب

عبّر عن شعورك بشكل مجهول

انا كنت مخطوبة عن حب و الخطوبة من اول ما ابتدت و انا كان ليا صاحبة بقالنا 5 سنين مع بعض كانت حاضرة معايا و انا بجيب فستاني و ف الخطوبة و كانت هي و اللي كان خطيبي قدامي طول الوقت بينكشو ف خناق بعض اللي هو غيرانين عليا .. مكنتش فاهمة ان ده فيه وراه إنه  و انه مش طبيعي المهم مع الوقت صادفت مرة و كلمتها من عنده و فوجئت بعدها انه الاتنين سجلو الارقام و كل واحد فيهم بييجي يحكيلي هو قال اي و عاد اي   مكدبش عليكو انا مكنتش ابدا مخونه حد فيهم ليه لانه هو انا مفيش واحده قابلها ولا هيقابلها هتعمل معاه ربع اللي عملته عمر ما في واحده كانت هتقبل ع نفسها اللي شوفته معاه و تبقي بتدعم و تكمل و تعدي و تفوت و تروح تعاتبه و بعد ما وقفت جمبه بكل حاجة ف الدنيا و كل الالتزامات خلصت اول واحده استغني عنها هي انا ..   المهم نرجع للي كانت صحبتي دي انا طول مانا مخطوباله مشكتش ف حاجة لحد ما ربنا حط قدامي مواقف معينه كنت ابتديت اشك بقي و كذا حاجة بتأكد و كل ما اتلاشي الموضوع و اقول يارب بينلي يبانلي حاجات اكتر لحد ما ف يوم قررت اني مش هوتجهة بحاجة و روحت قابلته و اتلككتله ب واحده قريبته كان مكلمها واتس و قولتله متكلمش بنات خالص بما فيهم صحبتي عشان متقوليش صاحبتي لاء بلاش بنات خالص و جيت عملتله اختبار بسيط زي ما يكون ربنا الهمني اني اعمل كده بظبط مع ان دي مش طريقتي ولا تفكيري مبعرفش اتخابث زي البنات ولا فيا الطبع ده المهم كلمته و روحت سألته انه فيه واحده صحبتي مرتبطه و عاوزة تهادي اللي بتحبه و انت رأيك اي الهدايا اللي بتعجب الراجل وقتها هي صحبتي دي فعلا فعلا بتدور ع هدية تجيبها للي مرتبطه بيه ربنا الهمني اني اسألة فعلا   و سألته اي الهدايا اللي من رأيك مناسبة و جاوبني و بعدها قولتله تعرف صحبتي دي مين قال مين قولتله اسمها ساعتها   و كنت عايزة رد فعله بس هو اللي يجاوب حيرتي   و اتفاجئ بكلامه و انفعاله و هو بيقول اي القرف ده و انه قد اي بيكره البنات دي و انفعل بشكل مبالغ فيه لما عرف ان هي    مع انه منفعلش ان واحدة صحبتي و مرتبطه قبل ما يعرف هي مين انتو فاهميني اكيد    ربنا ساعتها ثبتلي فعلا انه فيه حاجة غلط و مع ذلك و معرفش ازاي بكل سذاجة و عدم وعي مني كملت معاه و مكنتش بفكر ف الموضوع خالص و هي كانت صحبتي و مبفكرش فيها وحش و مكملة لحد ما فشكلت زي ما حكيت فوق لسبب تاني غير انهم بيكلمو     و هي فضلت صحبتي عادي و مفيش حاجة و مش هقولكو انا كنت بعملها معاها اي والله و امي نفسها كانت بتعمل معاها كل خير و من ورايا  كانت بتيجي بيتنا تقعد بينا و بيت اخواتي و اعتبرتها اقرب من اختي ليا عمري ما توقعت الاذي ده كله من حد عمري ما اذيته .. لحد ما  الوقت عدي و لقيتها بتوقع بيني و بين صحبتي المقربة اللي هي صحبتنا التالته و هي اصلا صحبتي من قبل ما نعرفها  نبقي متخانقين تخش تبعتلي الكلام الوحش اللي قالته صحبتي المقربة عليا و هكذا و تروح بردو تبعتلها   لحد ما ف يوم المشاكل بينا بقت بتزيد و حوارات صحبتي الخاينه دي تكتر و نمت ف يوم حلمت برؤية هي فيها تفسير الرؤية ان هي بتلاحقني عشان تأذيني و ما زالت مش قادرة تتمكن مني و ان هي شخص وحش و كانت هيأتها وحشة ف الحلم اوي   صحيت مقبوضة و من بعد الحلم فسرت كل حاجة لوحدي زي ما يكون ربنا نورلي بصيرتي اللي معرفش ليه كنت قافلة عيني عنها رتبت الاحداث و فهمت ان هي الوحيدة اللي كانت السبب ف اكبر مشاكلنا انا و اللي كان خطيبي و ان هي اوس المصايب ف حاجات كتيير اوي و ان هي كانت بتحور علينا ف كل حاجة حتي ابوها بتشوه صورته و هو راجل كويس   لحد ما رتبت و فهمت هي ليه كانت بتخش تكلم علي صاحبتنا التالته معايا و انا كنت ي جماعة بجاريها ف الكلام عشان مش عاوزة اظلمها ولا اخونها ولا عاوزة اشيل ذنب اني ابقي حكمت عليها و عاوزة اعرف اخرها اي    بعد ما فسرت و بعدت عنها تماما  روحت لصحبتنا التالتة و حظرتها و حكتلها اللي حصل و وريتها بعنيها هي كانت بتتكلم عليها ازاي و بتقول اي و ورتها اني كنت برد عليها بنفس الردود اللي هي عاوزة تسمعها عشان تطمن و تحكي السواد اللي ف قلبها    صحبتي المقربة دي تفهمت ف الاول و جت بعد كام يوم قالتلي انا مش قادرة اتخيل انك قبلتي تسمعيها بتغلط فيا و تجاريها ف الكلام اكتر من مرة و مترديش غيبتي   حاولت افهمها كتير اوي انه مكنتش عاوزة اظلمها و اني كنت معميه عن حقي ف كل اللي عملته مع اللي كان خطيبي و اني لو وحشة كنت بعدت منغير ما احظرك منها   و اني ازاي هفضل بعاملها زي اختي و انا عارفة عنها كل ده   انا حقيقي والله العظيم كنت حاسة اني ف حلم حد رابط تفكيري و عقلي و متفتحش غير بعد الرؤية  انا والله مظلومة و مكنتش حمل اني اخسر صحبتي المقربة دي عشان حاجة انا مليش ذنب فيها انا اللي مش عارفة افوق من الصدمة بقالي كام شهر بفكر اني تخطيت ده بس مبيحصلش قلبي تعبان اوي  مش قادرة اصدق و استوعب  صحبتي المقربة عملتلي بلوك ع فيس و ماسنجر و مسحت رقمي ع الواتس بس منغير ما تعمل بلوك بقيت مجرد رقم غريب ف شاشة محادثتها   بعتلها اصالحها مردتش عليا 💔 فكرت اروحلها لحد عندها و هعمل كده    انا صعبان عليا نفسي اوي بجاول ابقي مش مزعلة حد و انا اكتر حد بيزعلوة 💔💔💔مش عارفة انسي كل اللي حصل زودو عليهم انفصال ابويا و امي و دي مش محتاجة شرح💔 اسفة اني طولت اوي كده و شكرا ل اي حد قرا مشكلتي للاخر و حاول يساعد و لو بكلمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_42512 🇪🇬

منذ 6 أشهر

شعور مكسور القلب

مخنوقه اووي ومحتاره مش عارفه اعمل اي بجد ازاي انسي الشخص الا كنت بحبو مع العلم انو دلوقتي سابني وبيحاول يرتبط ب صحبتي الا ماشيه معايا ولحد دلوقتي بيحاول معاها وانا مش عارفه اعمل اي نفسي اوي انسي الموضوع ده لانو عاملي عقده في حياتي تنصحوني بإي 💔💔💔💔

Sugar_25534 🇪🇬

منذ 7 أشهر

شعور مرهق

موضوع:

ايه تجربتك مع أصحاب السوء ؟

Ice Cream_34427 🇪🇬 عايزه اقلك برافو عليكي بجد و على قراراتك من الواضح أن سنك مش كبير ولكن تفكيرك ما شاء الله جميل متزعليش على حد كان مصدر اذي ليكي واختاري الناس كويس واعرفيهم قبل ما تديهم الامان ومتثقيش ف اي حد ل مجرد انه خلاكي تشوفي الوش ال هو عيزك تشوفيه لسه يقلبي الدنيا هتعلمك ولسه هتشوفي ناس ابشع واوحش من كده بكتير اوي اهم حاجه متغيريش مبادئك وحافظي عليها الا صاحب السوء ده بجد اكتر حاجه ممكن تندمي عليها

عرض الكل 4 نصيحة

عبّر عن شعورك بشكل مجهول

صاحبت واحدة من سنتين ظنا مني انها حد محترم وهيي كانت دايما تقولي انها من عيلة متدينة وان اخواتها الولاد مركزين معاها والكلام ده خدت بالي في بداية صحوبيتي ليها انها كانت بتشتم من تحت لتحت وتجاهلت الموضوع لاني كنت بحبها وخدت بالي كمان ان نظرة الناس ليها انها الحد الضايع اللي مش فارق معاه حاجة وتجاهلت ده برضو لحد ما جه يوم عرفت انها وصحابها سمعتهم وحشة انهم الشلة الضايعة البلطجية وضربت بنت قبل كده وقعدوا يتنمروا عليها ويقولولها يا ام ضب وسمعتها بتشتمها بأهلها شتيمة ولا مرة سمعتها بتشتمها (بالاهل) وانا كمت واقفة في مكاني مش مصدقة انها قالت كده المهم جت اجازة السنة ومكلمتهاش خالص رغم اننا كنا بنتكلم ٢٤ ساعة وجيت قبل ما تبدأ سنة جديدة كلمتها وقطعت علاقتي بيها وكتبتلها كلام كتير وردت عليه بكلمة واحدة بس(ماشي) بعد ما بعدت عن البنت دي عرفت بعدها بفترة انها فضلت سنة كاملة تقريبا هي وصحابها بيتكلموا عليا وعرفت انها اتكلمت عليا في بيت واحدة صاحبتنا تانية قدام اهلها وقالتلها فلانة دي( اللي هي انا) خبيثة وبتحب تظهر وبس(لاني كنت بذاكر وهي لا وكان مستوايا اعلى منها دراسيا فكانت شايفاني بذاكر لمجرد اني ابان جامدة) وشتمتني بأهلي واهل صاحبتي كانوا سامعين وكل ده انا لما سمعته اتصدمت ازاي اتقلبت ١٨٠ درجة لمجرد اني بعدت عنها وطلعت شخص تاني وبمجرد اني نهيت علاقتي بيها طلعت كل الوحش اللي جواها من ناحيتي هل انا ندمانة اني قطعت علاقتي بيها؟ لا ولكن احيانا بفتكر صحوبيتنا كانت جامدة ازاي وازعل اني بعدت عنها بس بمجرد ما بفتكر كلامها عليا بتأكد ان اللي عملته كان الصح دي قصة واحدة من قصتين
القصة التانية ان صاحبتي اللي كتبت فوق ان البنت اتكلمت عليا في بيتها كانت صاحبتي جدا بعد ما قطعنا مع البنت دي وكنا قريبين اوي رغم الحاجات اللي كانت بتضايقني فيها وكنت بتجاهلها لان محدش كامل كده كده ولكن مع الوقت وان شخصيتها واسلوبها الحقيقي بدأ يظهر بقيت فعلا اتضايق واتخنق منها ومن الحاجات اللي كانت بتضايقني انها طلعت حد بيشتم كتير لما خدت راحتها في الكلام معايا وكانت بتشتم بالاهل وتقعد تقولي شوفتي فلانة بنت الكذا عملت فولو لفلان وهي صوتها عالي ولما بتشتم الناس بتاخد بالها وبيبصولنا وببقى انا في شبهة اني مش محترمة لاني معاها علطول وكانت حد كثير التعليق على كل حاجة بتحصل كل ما مدرس يشرح حاجة تتريق عليه او على اللي قاله او ايا كان بس مينفعش تفضل ساكتة زي باقي الناس وكانت بتتكلم على ناس انهاردة وبكرة تاخدهم بالحضن وكانت حاجة لاحظتها فيها جدا وسبب تاني وده كانت اكتر حاجة بتخنقني منها انها دايما حاطة نفسها في سباق ومقارنة معايا وتضايق جدا لو كنت اعلى منها في درجاتي مثلا وتقولي عاش وبصتها كلها انها متضايقة جدا وتقعد تسألني جبتي كام وهي متقولش درجتها وصلتي فين في المادة الفلانية وهي متقولش برضو هي وصلت فين بتداري على شمعتها بس انا لا ازاي واختها واختي كانوا ثانوية السنة اللي فاتت فسألتني على نتيجة اختي وقولتلها وسالتها على نتيجة اختها توهت وبعدها قالتلي لا لا بس حلو فقولتلها اعلى من ٨٠ اكيد (قولت كده لانها كانت قايلة كتير ان اختها شاطرة جدا) فقالتلي اه اعلى من ٨٠ المهم بعدها عرفت من واحدة تانية ان اختها جايبه اقل من ٨٠ وكده كده الموضوع ميفرقليش في شيء ولكن مكنش ليه داعي التحوير لانه فعلا ميهمنيش وغيرها من المواقف الكتير اللي بتضايقني منها فبعدت عنها من غير ما ابرر لان لما بررت قبل كده دافعت عن نفسها وبس فبعدت بهدوء المرة دي جت سألت عن السبب وبعتتلها وقعدت تتكلم كتير وتقولي انتي بتطلعيني فيا عيوب وانتي لا ومش عارفة ايه فقولتلها انت سألتي عن السبب وانا قولت مش اكتر ولا اقل فقالتلي اني متكبرة وانا بنقي الناس اللي من مستوايا وكلام كتير كده المهم جت في مرة عرفت انها كانت بتتكلم عليا مع واحدة صاحبتي ولما جينا نمشي اخدتني بالحضن وسلمت عليا واستغربت جدا ازاي الانسان ممكن يكون بوشين للدرجة ؟ لسة كانت جوا بتتكلم عليا مع واحدة ولما طلعنا خدتني بالحضن؟!!! 
وكانت بتبعت لواحدة صاحبتي كلام كتير عني وتقولها انا ممكن امسح بيها الارض(بيا انا يعني) وفي نفس ذات اللحظة بتبعتلي انا ده انا كنت بحبك ومش عارفة ايه !! 
ولحد الان الموضوع مخلصش ولكن خلاصة الموضوعين اوعوا تقربوا من حد لدرجة كبيرة لان معظمهم الا من رحم الله هيطلعوا دروس يعلموك متثقش في الناس تاني وابسط مثال هما الاتنين دول كانوا معايا بوش واول ما اديتهم ضهري كان ليهم وش تاني

Marshmallow_38280 🇯🇴

منذ 7 أشهر

شعور وحيد

موضوع:

اكتر موقف خلاك مترجعش تثق فى حد

كان عندي صاحبة من المدرسة قريبة كثير وبحبها … بفترة وحدة ع الانترنت بعثتلي وطلبت نتعرف ونصير صاحبات ورحت حكيت لصاحبتي الي بالمدرسة وقالتلي اتعرفي عليها وشوفي شو بدها وفعلا كنت احكي معها ومرات كثير اشك انها صاحبتي نفسها .. بعد سنة وشوي صار مشاكل كبيرة واكتشفت صاحبتي هاي مش زي ما كنت افكرها .. وكانت

Lemon_34997 🇪🇬

منذ 7 أشهر

شعور شاعر بالملل

عبّر عن شعورك بشكل مجهول

كان عندي وحده صحبتي  كانت البست فرند كنا قريبين اوي من بعض  بندعم بعض في كل  حاجه بس انا وهي كان لينا صديقه تالته الصديقه التالته دي كانت بنت عمتي  انا وبنت عمتي اتعرفنا علي البنت دي اللي خليني اقول عليها ندي وبنت عمتي بسمه  انا كنت ناقله المدرسه جديد ومكنتش اعرف غير بسمه فا كنت معاها علي طول وبدات اتعرف علي زمايلي في الفصل واللي مكنش من ضمنهم ندي لانها كانت مش محبوبا اوي لانها بنت مدرسه وليها معامله خاصه شويه فا انا مخطلتش بيها اوي وكمان علشان كلام بنت عمتي عنها انها رخمه ومش كويسه وكده بس في يوم حصل مشكله مابين ندي ووحده قاعده جمبها في الدسك فا المس خلتها تقعد جمبي انا وبنت عمتي من ساعتها وانا بجد اتحولت من مبطقهاش ل انها بقد قريبا مني كنت انا وهي وبسمه صحاب بس بسمه مكنش عجبها الوضع وكانت من وراها بتكرهني فيها بصراحه مكنتش واخده بالي من النقطه دي بس انا لما كانت بسمه بتتكلم علي ندي كنت بدافع شويه لاني مش شيفاها وحشه فا لما فشلت تكرهني فيها بقت بتحاول تكرهها فيا وفعلا نجحة وتخاصمنا احنا التلاته وبقت بسمه وندي عليا عقدنا كتير مبنتكلمش تقريبا شهر وبعدين اتصالحنا تاني الكلام دا في فترت الاعدادي في تانيه عدادي احنا اتعرفنا في اولي عدادي واتخاصمت معاهم في تانيه اعدادي في اجازت تانيه عدادي كنت انا وندي بنتواصل مع بعض دايما لاننا كان معنا موبيلات وبسمه لا قربنا من بعض اوي ولما كنا في تالته عدادي كنا فعلا قريبين بس مبعدناش عن بسمه بلعكس كنا صحاب اوي احنا التلاته بس انا وندي كانت اهتماماتنا متشابها المهم عندت تالته عدادي بشويت مشاكل مبين اي صحاب وفي اولي ثانوي بداء الاكشن ندي حبت واحد وارتبطت بي انا وبسمه مكناش مشجعين الحوار دا بس مسبنهاش انا مكنتش مشجعه ندي خالص بس كنت بنصحها شويه واسكت شويه انا كنت معاها في كل حاجه من الاول مكنتش بتخبي عليا حاجه في الوقت دا بداء يبقا في مشاكل بين ندي وبسمه بسمه كانت شايفه انها غلط وبتهاجمها وبتزعقلها واسلوبها مكنش حلو في النصح وندي مكنتش بتتقبل من بسمه الكلام فا مبقتش بتحكيلها حاجه انا كنت محايده مبين دي ودي مش عايزه اخسر بنت عمتي بلرغم ان هي اصلا مش مفضله عندي بس علشان بنت عمتي وفي نفس الوقت مش عايزه اخسر صحبتي المقربه فاكنت  بهدي مابنهم بس بصراحه كنت متحيزه ل ندي قعدنا الترم الاول في اولي ثانوي كلها مشاكل لحد لما بنت عمتي فضلت تسخني علي ندي وتقولي انها هضر سمعتنا وتملي دماغي عليها وكانت بتهددني انها هتقول لمامتي ان انا بكلمها وانا عارفه انها بتكلم ولد انا كنت الاول بروح اقول لندي الكلام وكنا احيانا بنمثل عليها اننا مبنتكلمش علشان متقولش لمامتي فضلنا كده فطره طويل كل يوم مشكله مابين بسمه وندي لغات لما قدرة بسمه تغيرني علي ندي وقدرت تبعدنا عن بعض واتخاصمنا مع ندي وبقيت مع بسمه صالحت ندي تاني بمساعده من بنت خالي اللي كنت عرفتها علي ندي قبل كده ورجعنا نتكلم وكمان صالحتها علي بسمه وفضلنا شويه حلوين متصالحين لغايت لما قدرت بسمه تسخني عليها تاني وتسخن ندي عليا ومن الاخر كرهتنا في بعض واتخاصمنا تاني وفضلنا متخاصمين لغايت تقريبا نص تانيه ثانوي فضلنا متخاصمين سنه كامله سنه كامله ندي فيها بتحاول نصالحني بس انا اللي كنت غابيه ومسمعتلهاش في يوم خارجين من درس لقيت زمايلي بينادو عليا وعاملين دايره ولما رحت كانت في نص الدايره دي ندي ومعاها هديه ليا علشان عيدميلادي كان اليوم دا مقدرتش امسك دموعي ونهرت وحضنتها وكلمتها وتاسفت علي اللي عملتو وهي سامحتني بسس انا اللي مش مسامحه نفسي احنا مرجعناش زي الاول واكتشفت اني لما خسرتها دي كانت اكبر خساره ليا انا لغايت النهردا ندمانه علي اللي عملتو وانا عارفه ومتاكده ان انا ازيتها ويوم لما فكرت اضحي ضحيت باكتر. وحده حبتني وكانت فعلا ونعم الصديقه وقررت اكمل مع اكتر وحده ازتني في حياتي ومازالت ب تأذيني نفسيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40359 🇪🇬

منذ 7 أشهر

شعور مرهق

عبّر عن شعورك بشكل مجهول

انا مكتئبة بجد اتخذلت اكتر من مرك من اقرب صحاب ليا وانا مش دايما بقرب من الناس دايما لوحدي ، انا مش بتضايق لما ببقي لوحدي بالعكس عادي بس من فترة علاقتي ب اقرب صاحبة ليا مش حلوة وفيها توتر ومبقيناش زي الاول بسبب مواقف هي بتشيلها جواها مش بتحكيلي عليها انها اتضايقت وبتفهم وتفسر المواقف زي ما هي عايزة فبقت تتهمني بحاجات هي مش فيا واتناقشنا مرة وبعدين قولت ان معانا امتحانات نركز فيها وبعدين نشوف ف فترة الامتحانات دي كنا بنتعامل عادي ونطمن بعض بس برضو مش افضل حاجة يعني ف لما خلصنا ورجعت اتكلم قالتلي انتي مصممة تفتحي الموضوع تاني واحنا بنتكلم وبنتعامل عادي ليه تضايقينا ، بس هي قالت اني بغير عليها من ناس التانية اللي حوالينا ودا فعلا مش صح وقالت انها مبقتش مرتاحة لانها بقت تاخد بالها من كل حاجة وهي معايا واني بتضايق من اقل حاجة وانا بجد بجد معرفش ايه اللي خلاها تقول كدا احنا كنا دايما مرتاحين مع بعض وبنحب بعض بنفس الطريقة وكان وجودنا بيهون علينا كتير ودا كلامها مش كلامي ف انا متضايقة انها تفكر فيا بالطريقة دي، ف فضلت ابرر كتير وهي مش بترد علي مسدجاتي وفضلنا كدا كتير لحد م انا اتضايقت من نفسي من كتر الزن واني ابعت وهي متردش وقولتلها انا هبعد قالتلي براحتك انا قولتلك اني مش هتكلم في الموضوع تاني وانتي مصممة تفتحيه بعدها بكام يوم قولتاها انا اسفة علي زني وانا قفلت الموضوع وكنت متضايقة ومش حابة ابقا بالشكل دا قدامك واني حاسة اني مش فارقالك قالتلي انا مقولتش انك مش فارقالي بس انا زهقت من كتر الكلاك في نفس الحاجة وكل ما بنرجع نتكلم عادي بتفتحي الموضوع تاني وقولنا حصل خير وخلاص بعد كدا طول الاجازة مكانتش بتتكلم ولا عايزة تنزل معايا مع ان كنا بنزل دايما انا قولت خلاص مش مشكلة ومش لازم كل حاجة تبقا ليها علاقة بيا واسيبها براحتها وكنت بفضل ابعتلها اسأل كل يوم ويوم كدا ولما بطلت ابعت هي مش بتتكلم فضلنا فترة مثلا اسبوعين او حاجة ف قولتلها وحشتيني ومش بتتكلمي ليه قالتلي انتي اكتر قولتلها لو وحشاكي هتكلميني قالتلي متحسيبهاش كدا وهزرنا وكنا تمام الي حد ما واتفقنا لما ارجع من السفر ننزل مع بعض ولما جيت مبعتتليش انا قولت يمكن نسيت اني جيت في اليوم دا وبعتلها مردتش فقلقت وبعتلها اليوم اللي بعدو ردت قولتلها ننزل قالتلي تعبانة ومعلش خليها يوم تاني اليوم اللي بعده كان اول يوم في الجامعة وهي مكلمتنيش ولا حتي جاتلي المدرج او بعتت مسدج فروحتلها انا وكانت وحشاني بجد مش مصدقة اني اشوفها يعني بس هي قابتلني ببرود كأني كنت معاها امبارح ، اول اسبوع كنت بروحلها المدرج لما بنخلص عشان احنا في جروبين مختلفين * ملحوظة السنة اللي فاتت كنت بحضر معاها دايما في جروبها واكتب اسمي بس كنت ساعات بتاخد غياب وحصلنا احنا الاتنين دروب ونزلنا في مادة* بعتلها ان بابا كلم المسؤلة عن الاسامي وهتحولني لعندك بس مردتش علي المسدج دي وردت علي حاجات تانية المهم قولت عادي ونزلنا بعدها ف بقولها مش شايفاكي عايزاني معاكي في الجروب قالتلي لا عادي بس عشان كنا بنحاول كتير ف فقدت الامل يعني واتفقنا بعدها علي اني هروح معاها من بداية الاسبوع وكنت جايبلها هدية اديتلها يومها ف لما جه الاسبوع بقولها تستاني عشان مدخلش لوحدي المدرج لقيتها بتقولي انا حاسة كل واحد في جروبه احسن لينا واحنا مش بنركز واحنا مع بعض * ملحوظة هي لما كنا متخانقين وقالت انها مش مرتاحة برضو قالتلي مش عايرة ننزل كتير ونتكلم بالساعات زي الاول عشان الدراسة* انا برضو كنت متضايقة انها شايفة اني بعطلها بس معاها حق مكانش عندي مشكلة وان دا احسنلنا فعلا* ف انا بعتلها انا مش عارفة ليه انا دايما قصادك سبب ل اللي حصلنا في الدراسة وليه مش بنركز مع بعض واحنا من ثانوي سوا مردتش وعدا اسبوع مكناش بنتكلم غير في كام مرة كدا علي الجامعة فبعتلها عايزة نتكلم قالتلي نتكلم في ايه قولتلها لما ننزل نشوف بس معرفناش ننزا فبعتلها ان انا متضايقة وحاسة انك عايزة تبعدي ومش عايزاني حواليكي كتير ولو انا متكلمتش اني مش هتتكلمي ولو مجيتليس المدرج انتي مش هتسألي ولا تقوليلي تعالي واني مش هاجي علي بالك ولا هيفرقلك لو مسألتش وانك حاطة ما بينا حدود غريبة مكانتش بينا قبل كدا ومحسساني اني مفشلاكي وبقول يمكن انتي مش عايزة حد عشان تركزي ومش علشاني انا بس بشوفك مع بنات تانية في المحاضرات بتتكلمي وبتتعاملي معاهم ف وجودي انا اللي هيأثر علي تركيزك وفشلك؟ قالتلي موضوع الجروبات دا مش نافع وحاولنا كتير و احنا مع بغص مش بنركز نهائي والبنات دول صحاب جامعة مخرجتش معاهم قبل كدا زيك ولا حاجة اخرنا الجامعة ومش عارفة انتي عايزة كل حاجة نتكلم فيها بالشكل دا* تقصد اني عايزاها تكلمني طول اليوم زي ما كنا بنتكلم زمان* وانها مقالتليش متجيش بس انا بقعد مع نفسي ومش بتكلم مع حد غير لما تخلص المحاضرة او السكشن ، قولتلها انا مقولتش نتكلم ٢٤ ساعة واني زيك واحنا عارفين طباع بعض وان انا كمان مش بحب اقعد مع حد ودايما مع نفسي وانا مش هيفرق معايا الجروب بتاعي او الجروب تاعك انا لو هاجي هاجي علشانك ولاني حابة اكون معاكي لكن انا متضايقة ان انتي حاطة حدود ما بينا ومش عايزاني حواليكي مردتش ٣ ايام بعتلها ننزل عشان نتكلم قالتلي معايا مذاكرة مش هينفع قولتلها تمام بس ياريت متتجاهليش كلامي تاني لما اجي اعاتبك قالتلي انا مش بتجاهل بس اتكلمنا في دا كتير وقولت ردي علي كل دا قولتلها امتي اتكلمنا في دا وحتي لو اتكلمنا في دا انا باجي احكيلك عشان باقية علي اللي بيينا فانك مترديش كانك بتقوليلي عتابك واللي ضايقك ميهمنيش وانا عارفة اني بتعبك بس دا حب برضو مردتش عدا ٤ ايام وروحتلها المدرج بس كانت مخلصتش بعتتلي قالتلي في ايه كنت في محاضرة قولتلها هو لازم يكون في حاجة عشان اكلمك و ان انا متضايقة برضو قالتلي ماشي انا همشي علطول بعد نا اخلص عشان بابا مستنيني قولتلها تمام اليوم اللي بعدو بعتلها كنت هجيلك نتكلم بعد ما خلصنا جامعة قالتلي معلش انا هنام مش هقدر انزل قولتلها انا مجيتش اصلا وعارفة انك هتاكلي وتنامي عشان كدا مجيتش انا بس بعرفك اني عايزة اتكلم ردت بعدها بيوم انا مش حابة انزل ف اتضايقت وقولتلها اني متضايقة المفروض انتي اللي تحاولي تتكلمي يعني وبعتلها تاني اعاتبها لو متكلمتش مش هتتكلمي وعلاقتنا شبه مقطوعة لو انا مجيتش اكلمك واني متضايقة ومش عايزة دا ومش عارفة مالك وفي ايه مردتش برضو فرجعت ل اصل المشكلة اللي هي من بدري اللي بسببها مش عايزة تقرب مني كدا تاني واللي هو ان انا مش مريحاها بسبب اني بغير وانها بتاخد بالها مش كل حاجة وعلاقتنا مسببها ضغط واني بتضايق من اقل حاجة وكل دا حرفيا هي فاهماه غلط وعمره ما كان بينا اي حاجة زي دي ولا مواقف غيرة لان احنا مش حد في حياتنا غير احنا وبس ف انا هغير واتضايق من مين وكنا ٢٤ ساعة مع بعض ومن ثانوي ف ايه اللي مريحك دلوقتي واحنا كنا زي الفل وعمرها ما حسستني ان انا بضايقها ولا انها مش مرتاحة بالعكس كانت دايما تقول اننا بنهون علي بعض وربنا يخلينا لبعض وبرضو مردتش فبعتلها خليكي زي ما انتي مترديش ودا موضوع قديم اتكلمنا فيه ومش مهم انا ابعت واتضايق وكل دا بسبب حاجات بتشيلها وتفسرها علي مزاجها ومهما بقول بعدها مش بتقتنع ولما اتضايق من عدم كلامها تقوللي دا موضوع قديم قولتلها اه دا موضوع قديم وهفتحه وهفضل افتحه لحد ما دماغي يرتاح منه ودا اللي كان المفروض يحصل من الاول واني قفلته ساعتها لان هي مكانتش بترد علي كلامي وبفضل ابعت مرة واتنين وتلاتة لحد ما انا قرفت من نفسي وقفلته لكن انا من جوايا مش قابلة اي حاجة من اللي بتقوليها لاني مكنتش كدا معاها وهي عارفة كويس ان انا لما بغلط باجي بقول وبعتذر ولو كنت كدا برضو كنت هاجي وقولها انا كدا مش هخاف يعني انا مش حد بيتكسف من شخصتيه او عيب فيه واني بحاول دايما اتكلم ونتعاتب ونتفاهم بس انتي مش عايزة كدا وعايزك يبقا اخرنا سلام وطول ما انتي عايزة كدا انا كمان هبعد وبرضو مردتش وعدا يجي اسبوع وبنشوف بعض في الجامعة مش بتسلم ، انا اسفة طولت عليكم ياريت تقولولي رايكم وانا غلطانة ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_32369 🇪🇬

منذ 7 أشهر

شعور مكسور القلب

عبّر عن شعورك بشكل مجهول

كان عندي وحده صحبتي دي كنت بعتبرها اكتر من اختي كان عندها ولاد خاله اتنين والاتنين ف كليه عاليه وهي كانت بتحب واحد فالنفترض أن اسمو فرج وفرج ده مكنش معبرها كان معتبرها أخته الصغيره وهو مرتبط المهم انا كان عندي اك فيك علي الانستا قالتلي كلميه شوفي هيرد وكده ومردش راحت قالتلي كلمي اخوه هنفترض انو اسمو سليم ، سليم ده حبني اوي عشقني حرفيا وكنت بحس انها اوقات بتحس بغيره او بتستقتر حبه ليا وخوه مش معبرها المهم مامته مكنتش بتحبني خالص وبتكرهني عشان مفكره اني هاخده منها واعيشه ف المحافظه بتاعتي احنا فنفس البلد بس هو محافظه وانا محافظه فرق12 ساعه وهو كبير العيله بعد أبوه ف مكنتش بطيقني وكلمتني كذا مره عشان ابعد عنه عشان دراسه صعبه واركز انا كمان ف دراستي بس هو مكنش بيسيبني كان متعلق فيا حصل حاجات كتير تبين أنها مش كويسه بس كنت معميه وبقول اختي وصحبتي اكتشفت أن هي بتقول عليا كلام زي الزفت مع اخوه اني مش كويسه وكده وكنا متخانقين راحت قالت لسليم اني بخونه بس متقولهاش ف سليم جيه يتعارك معايا وبعديها عرفت وجمعت كلمتها براحه والله حتا وهي قالت عليا كلام زفت وقبليها اذتني بردو عملت دور الضحيه وراحت قالت لمامته اني مش كويسه ومش محترمه واني شمال حرفيا وحاجات كتير وحشه اوي وكانت بتاخد صور ليا من البيت عندها وبعتتها لمامته وقالت إنها بتبعتهالو وحاجات كتير وحشه هو كان هيقطع مع أهله عشاني وبيحبني اوي ومتعلق ومتمسك بيا بس اهلو قالو عليا كلام وحش اوي مش عارفه اعمل ايه ولا اجيب حقي ازاي مش قادره اسامحها كنت بضحك علي نفسي واقول هي متعملش كده وعملت حاجات كتير وحشه اوي ف حقي كله بيقول أنها عملت كده بدافع الغيره بس انا عمري محسستها ب ده انا كنت دائما بقولها انتي احلي واحسن عشان انا فعلا كنت احلي منها شويه من ناحيه الوش والجسم عمري محسستها انها قليله انا كنت بنقص نفسي ف الدرجات عشان تجيب اعلي مني ومتحسش اني احسن منها عايزه هل علاقتنا انا وسليم هتكمل وتبقا كويسه وهنعيش حياه هاديه هو بيعشقني بس انا خايفه من كل الحوارات دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_32972 🇪🇬

منذ 7 أشهر

شعور مكسور القلب

عبّر عن شعورك بشكل مجهول

انا كنت مرطبته بواحد هو الي دخل كلمني الاول انا كنت معجبه بيه قبل م يكلمني بس مش انا الي بدأت بالكلام المهم قالي بحبك والكلام ده كله وكنا مبسوطين جدا ومفيش اي مشكله فضلنا كدا قعدنا سنتين كله تمم لحد م كان ف تلت ثانوي اخر شهرين قالي مش هتعرف نتكلم الشهرين دول عشان الامتحانات وكدا قولت ماشي مع ان انا كنت مضايقه اوي ان نا مش هعرف أكلمه ده كله لحد م عرفت انا هو بيكلم اخت اعز اصدقائي صحبتي دي كانت تعرف أن انا وهو يتكلم بعض وتعرف انا انا كنت بحبه اوي ومع كدا اختها كلمته والمهم لما وجهته قالي انتي السبب انتي الي دايما يتنكدي وان احنا مش بنتكلم حلو لازم تنكدي وانا ف الآخر طلعت وحشه وسينا بعض وبعد اربع شهور رجع يبص عليا كتير وبداء يعلق علي الاستوري بتعتي بستوري منه ويعملي لايف وبعد اسبوع مش الكلام ده دخل كلمني وقالي انا اسف انا لسه بحبك وانا هسبها وانا محتجبك وانا وانا والكلام ده وانا للاسف صدقته ورجعت له وبصراحه كان كل شوي بيكلمني كان بيكلمني فعلا اليوم كله وكنا مبسوطين لشهر وبعد كدا انا قولت له أن احنا لازم نسيب بعض وانت تشوف عايز تكمل معايا ولا لا كنت مستنيه إن هو يمسك فيا اكتر من كدا بس زعق وقال انا بقولك عايزك انتي وانا بحبك وانا عايزك  بس برضو مش كلمته وبعدها بيومين رجعت كلمته وقولت له أنا اسفه عشان قولت كدا بس هو ده الصح وقالي خلاص وخلص الكلام علي كدا وبعدها بكام يوم كنت انا وصحابي بعدين ووحده من صحابي معاها رقم البت الي بتكلمه وقالولي تعالي نكلمها بس انا مش وافقت وسبتهم ومشيت وبعدها بكام ساعه دخل زعق فيا وقالي انتي بتكلمها ليه وزعق جامد انا جيت ابرر له زعق وكان بيقولي كلام وجعني ف قولت له خلاص فكك مني واكن مش دخلت حياتك اصلا وإنساني وانا هنساك قالي ماشي يستي برحتك وبعد شهر بداء بعملي لاف علي الاستوري بتعتي وانا مش عارفه اعمل اي وانا لسه بحبه ومش عارفه أنساه وبجد انا حبيته اوي ومش عارفه اتصرف ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_32126 🇪🇬

منذ 7 أشهر

شعور مستنزف

موضوع:

تجربتك مع العلاقات السامة ؟

صاحبت عمري كانت شخصية نرجسية وإتئذيت منها لاني انا عكس الشخصية النرجسية وكانت بتطلع نقصها كله عليا وكانت بتتلاعب بيا وتستبدلني كل شوية بواحدة وكانت تشوف ايه مش عندي وتشتغل عليه عشان تحسسني اني اقل منها واخر حاجه اكتشفت انها بتتكلم عليا ومع مين مع واحدة انا معرفاها عليها والمفروض الاتنين كانوا اقرب ص

Strawberry_32579 🇪🇬 ما دام انهم مش شايفين اتهم غلطانين مكن يبقي دا مؤشر علي انهم مشناويين يتغيروا والاعتذار من غير اعتراف بالغلط ملوش معني ركزي علي راحتك النفسيه والأشخاص اللي يقدروكي ويعاملوكي بالطريقه اللي انتي تستحقيها ربنا يعوضك بالأفضل منهم بس نصيحه ابعدي عنهم ومترجعيش

عرض الكل 6 نصيحة

Sugar_19253 🇰🇼

منذ 11 شهرًا

شعور مرتبك

عبّر عن شعورك بشكل مجهول

هاخد رأيكم في حاجه عشان أنا مش عارفه أنا اللي عملته ده صح ولا غلط 
أنا ليا صاحبه بقالنا ٨ سنين صحاب كنت بتأذي منها احيانا بس كنت بطنش حجات كتير زي تريقه احيانا محاولات لفت انتباه اللي حوالينا بانها تعلي صوتها تلبس ضيق لو القاعده فيها ولد تقصد انها تقعد جنبه عشان يبقى بينهم كلام مقدرش أقول انها وحشه بس مكنتش تقعد ف مكان غير وكان لازم كل الناس تتفرج علينا الرجاله بالذات لازم تتعاكس وتسمع كلام حلو عشان ترضي حاجه جواها
كل ده كان تمام بالنسبالي احنا صحاب وقريبين وبحبها اوي 
لحد ماقولتلها ان في حد في حياتي أنا وهو بنتكلم وفي بنا تلميحات وكيميا حلوه وانا مبسوطة وانا بكلمه 
عرفتهم ع بعض 
صاحبتي و صاحبي اللي لسه مفيش بنا حاجه غير شوية تلميحات 
و بدأت احس انها بتتصرف قدامه تصرفات غريبه 
تهزر قدامه هزار مش لطيف 
تدخل تكلمه وتتصل بيه وتقعد ترغي معاه 
نبقى ف كول مع بعض وتتقمص ع حاجه تافهه اتصل بيها بعدها فوق ال ١٠ مرات متردش اقولها في مصيبه ردي ترد ولما اقولها اسمعيني بقه تقفل ف وشي يقولي أنا هجرب اكلمها أنا ترد عليه من اول مره 
لحد مافي يوم جت قالتلي انه بيلعب علينا احنا الاتنين 
ده قالي أنا معجب بيكي 
قولتلها اذاي 
قالتلي هوريكي 
دخلته معانا ف الكول قالتلي قدامه رنا باركيلنا 
ع ايه 
أنا و فلان قولنا لبعض اننا معجبين ببعض 
قالها لا  احنا متفقناش ع كده 
وبعتلي هي قالتلي كده فعلا بس والله عشان محرجهاش لا قولتلها اه ولا قولتلها لا 
حصل حوار طبعا واتخانقنا ومن وقتها بقالنا تقريبا ٣ شهور مبنتكلمش وانا حاسه اني مغلطتش بس ساعات بتوحشني وبحس ان كان ممكن أتغاضى واعدي زي ماكنت بعدي كل حاجه زمان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع