جراح الماضي

Mango_74635 🇪🇬

منذ أسبوع واحد

شعور غير مكتمل

موضوع:

ازاي قدرت تتعافي من علاقه سامه

مش عارف اتعافى للاسف بس اتغيرت 😅 بقيت فارغ بدون مشاعر 🙂 يعني الي هو انا ممكن اتصرف كل التصرفات اني بحبك و بتهم وكل الكلام الجميل و الفراشات الي بتطير بس انا فعلا مش حاسس بحاجة خالص ربنا يسامحهم الي كانوا السبب

Marshmallow_58489 🇪🇬

منذ شهر واحد

شعور مكسور القلب

بجد عدي 19 سنه كنت في اولب ابتدائي وكانوا عاملين لوحة شرف للطلبة الشاطرة وحطوا صورنا والميس قالت اوحش صورة هيا صورة فلانة ال هو انا .. ورجعت بنت تانيه قالتلي نفس الجملة تاني وعيط دلوقتي كبرت واتخرجت واشتغلت وكل مافتكر احس بوجع في قلبي مهما يتقالي انتي جميلة عمري مابصدق.. عمري ماكنت واثقه في نفسي معر

Marshmallow_60066 🇪🇬 انتي دلوقتي ف عمر المُدرسه الي قالتلك كدا واكيد شخصيه انقي وانضف منها مليار مره، افتكري بقي انها مجرد واحده ملهاش لازمه متستحقش كل التأثير دا وانك جميله فعلا

عرض الكل 7 نصيحة

Guava_49832 🇪🇬

منذ شهر واحد

شعور محبط

عبّر عن شعورك بشكل مجهول

فاكرة وانا صغيرة لما معلمة اخويا فى الحضانة كلمت امى وقالتلها ان اخويا محتاج اهتمام نفسى زيادة شوية لانه ديما زعلان ومنطوى وان المفروض نحسسه بالاهتمام 
يومها امى اخدتنى وقالتلى اقرب منه وابطل ازعله عشان ميتعبش وان كلنا هنعمل كدة سوا ويومها كان اول يوم اتعلم ان الكلام سهل 
فى نفس اليوم امى زعقتله وضربته جاامد نش فاكرة السبب بس ايه اللى ممكن يعمله طفل فى حضانه يستاهل الضرب بالشكل دة 
لما كبرت وبدات انا اللى اتعب نفسيا كنت بحاول ديما اظهرلها زعلى من تصرفاتها وفااكرة كتيير انى متحكمش فى نفسى واعيط قدامها عينى فى عينها وتطنش... مكنتش باخد اكتر من كسرة الخاطر وبس 
لما بفتكر موقف اخويا دة دلوقتى بفتكر ان كان المفروض اتعلم ان الطبع مبيتغيرش وان كل الهبل اللى كنت بعمله دة فى الفاضى 
اناا عارفة كويس اوووى انهاا بتحبناا وان احنا هدفها فى الدنيا دى كلها بس غصب عنى ما انا مش ملاك ولا رب عشان ادخل جوا قلبها واتعامل باللى جواه 
طبيعى هتعامل باللى بشوفه منها.. مفيش تفاهم سيطرة وتحكم بس.. مش سهل ان يبقى حضن امى بالنسبالى سجن بيخنقنى وانى اكون فى عز ضعفى وتعبى لو حضنت المخدة وعيط هحس بامان اكتر من حضنها 
لو فى حاجة واحدة بسعى ليها دلوقتى انى مكنش زيها ولا اعامل ولادى زيها.. وانى اتعلم المعادلة بين ضغوطى كام اللى انا بنفسى قررت اتحملها وبين حبى لولادى اللى مش هقصر فى انى اظهره ليهم واحسسهم بيه وانى عمرى ما اوصلهم فكرة انى مجرد مرحلة بجهزهم عشان يتجوزوا ويبعدوا عنى
لازم الاهل يكونوا الرابط والدعم الدائم لولادهم 
🍃🌿❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_66877 🇪🇬

منذ شهر واحد

شعور مكسور القلب

موضوع:

عندك مشكلة في التعبير عن مشاعرك؟

Ice Cream_63106 🇪🇬 ابعدي عنه وركزي انتي كمان في حياتك ولو رجع مترجعيش لانه شكله عارف نقطه ضعفك وهيقعد يستغلها طول عمرك

عرض الكل 6 نصيحة

عبّر عن شعورك بشكل مجهول

هو مش مشكلة في التعبير بحد زاته لاكن انا مبعرفش اثق بحد بسهولة بسبب مشاكل حصلت في عيلتي خلتني اتعلم ان تتوقع اي حد يسيبك في اي وقت و بعد الي حصل لما حبيت لاول مرة اتعلقت بيه و وثقت فيه بس الثقة مش كلها عشان حساه هيسبني في اي وقت و دا اتسبب في مشاكل و المشكلة انه عنده مشاكل في التعبير مبيحبش الكلام كثير و كان بيختفي مرة واحدة فكنت بقلق و مشاعرى تقصر عليا و احس انه هيسبني هو كان سيبني لدماغي و مبيطمنيش ف الاخر حصل مشاكل ما بينا بدل المرة ٤ و في الاخر بيقول عليا زنانة و ملحة في الاخر مش عارفة كدا سبنا بعض و لا اي لاكن لما لقيته بيكلم معايا بالاسلوب دا زعلت جدا و مشيت بعد كل الي حصل نفسي نرجع تاني , مشكلته انه مشغول ومش فاضي و دلوقت هو مركز علي مستقبله و فعلا ربنا معاه وعارفة ان دي اهم حاجة في حياته دلوقت بس كان بيحسسني اني زيادة و خلاص باني لو جيت في يوميه هبقي ضفط و خلاص عايزة افهمه ان مستنياه و اني لسة بحبه و ان المشاكل الي مابينا مفرقش معايا حاجة منهم هو الي فارق معايا و ان لو اتقابلنا بعد ٣ سنين احب نتعرف تاني و مش عيزاه يبقي مجرد ذكري في حياتي و خلاص عيزاه يبقي جزء من يومي مع انه بجد المرة دي جرحني مخليني اكلم معاه واني هبقي ثقيلة بعد كل دا مش عارفة اعمل اي انا مستنياه هو الي يكلمني .

Strawberry_66877 🇪🇬

منذ شهر واحد

شعور محبط

Coffee_67127 🇪🇬 من كلامك واضح انه كان شخص محترم بس فقط مضغوط فى شغله . اعتقد انه بيحبك كمان ولكن ممكن كرامته نقحت عليه . ممكن تبعتيله عادى معلش خليها عليكى المرة دى . وهوا هينسى اللى فات لان الرجالة طيبين والله

عرض الكل 5 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_54476 🇪🇬

منذ شهر واحد

شعور عاطفي

أنا بحب واحد و هو كمان بس الفكرة انو دايما متردد لأنو كان خاطب قبل كدا و التجربة اثرت في و بقا حاسس انو مش قادر يعيد الموضوع دا تاني بس أنا متاكدة انو عندو مشاعر من ناحيتي و بيحاول يبعد افكار انو ممكن يتوجع تاني من دماغو بس هو لسا خايف او متردد مش عرفة ازاي اخلي مش خايف او اطمنو ازاي اخلي يحس انو م

Pineapple_61746 🇪🇬

منذ شهر واحد

شعور مكسور القلب

ازاي إنسان يعيش كأن كل حاجه كانت امبارح أربع سنين بتعافي من حد كان بيطعن فيك كنت شايفه حاجه وانتً متمسك بيه وبتكدب العالم من كتر اللي شوفته معاهه من ذل واهانه بقيت حد تاني خالص إنسان مش قادر يتعرف ع نفسه سرق منك كل حاحه حلوه حبك للحياه و لنفسك اديته كتير بالمعني الحرفي كان حاطط ليك السم ف العسل كدب

Onion_60760 🇪🇬

منذ شهرين

شعور محبط

موضوع:

ايه اكتر شعور حسيت بيه ولايمكن تنساه أو تنسى الموقف؟

هو ممكن يكون حاجه تافهه بالنسبة لناس كتير بس الموضوع اثر ف نفسيتي لحد دلوقتي انا حاليا ٢١ سنه بس وانا عندي تقريبا ٥ او٧ سنين كنت ف مره عملت حاجه غلط وكنت متعود ديما امي بتضربني وابويا هو اللي كان بيدافع عننا ف ابويا وقتها مكانش ف البيت وكانت الدنيا شتا ف انا طلعت اجرب من ماما و نزلت الشارع فضلت قاعد

Orange_60541 🇪🇬 الموضوع طبيعى يبقى حساس يا صاحبى بس سؤال معلش ..، انت محتاج تثق ف الناس ليه ، انا شخصيا بقيت احسن بمجرد ما أدركت ان محدش ليه لازمه ولا حتى الأهل والله دا واقع ، بص انا مش عايز اقول كلام فلسفة وكده بس والله الناس مش حاجه فعلا ، انا عن نفسى والدتى اللى هى اقرب حد ليا مش فاهمانى ولا عارفه تتعامل معايا بس انا مش مهتم بده اصلا ، خليك مع ربنا وفى كل سجده ادعى ربنا أنه يهديك اكتر واكتر

عرض الكل 8 نصيحة

Mango_58735 🇪🇬

منذ شهرين

شعور مكسور القلب

موضوع:

ايه اكتر شعور حسيت بيه ولايمكن تنساه أو تنسى الموقف؟

احساس الظلم من اقرب الناس ليا يعني مظنش ان في حد شاف ظلم قدي في دايرتي علي الاقل من اهل دايما وقت ما اشوف حنيه الاهل لعيالهم مش بعرف يعني اخبي حزني علي الي وصلتله معاه مش هقدر انسا يوم ما كانت خالتي وامي بيقولولي في وشي من وانا صغيره انتي مش حلوه زي فلانه فلانه احلا منك فلانه هتتجوز حد كويس وانتي لا

Cherry_46314 🇪🇬 ربنا يطبطب على قلبك❤️‍🩹

عرض الكل 5 نصيحة

Mango_56566 🇪🇬

منذ شهرين

شعور مرتبك

الشائع إن البنات الكائن الكيوت اللطيف اللي مش بيعرف يأذي انا شاب ٢٧ سنه حاليا كنت مرتبط ببنت وانا سنتي ١٥ سنه ايام المراهقه واتعلقت بيها جدا وحبيتها وتخلت عني وهي دلوقتي متجوزه ومعاها اولاد وعايشه حياتها انا مش هقول متجاوزتهاش لا انا تجاوزتها بس مبقاش عندي ثقه اسلم قلبي وانا كبير وناضج كده حد يعمل

Cheese_28254 🇪🇬

منذ 3 أشهر

شعور متوتر

أكبر ظلم ممكن تعمله في حق نفسك إنك تشوف كل الناس بعيون اللي اذاك مش كل حد تقابله هيجرحك، ومش كل القلوب سودا زي اللي وجعتك. فيه ناس تعرف تصون العشرة، وتصلح اللي غيرها كسره، وتحب بصدق من غير ما تأذي. مش كل الوجوه اللي بتشبه بعض جواها نفس السواد... زي ما فيه شر، فيه خير، وزي ما فيه اللي يكسر فيه اللي

Potato_41049 🇪🇬

منذ 9 أشهر

شعور عاطفي

عبّر عن شعورك بشكل مجهول

أنا مريت بفترة اكتئاب صعبة جدًا من حوالي 4 سنين كل اللي اقدر اوصف بيه الفترة دي اني كنت شخص ميت، الحمد لله تخطيت المرحلة دي وأكتر ناس ساعدوني كانوا عيلتي سواء عملوا دا بشكل مباشر أو غير مباشر مقدرش أبدًا أنكر فضلهم عليا، لكن أي حد ناضج هيبقى عارف ان لو الدنيا كلها وقفت تساعدك وانت مبتساعدش نفسك مش هتقوم، في أسباب كتير للحالة اللي انا كنت فيها دي ومن الأسباب دي كانت عيلتي وأصحابي وأحلامي وماضي مش قادرة اتحرر منه لحد دلوقتي لكن انا اتعلمت أتعايش معاه، بواجه دلوقتي أو خليني أقول من أول ما بدءت أتعافى وأقوم على رجلي مشكلة مع ماما وهي ان لما بييجي ذكر الموضوع دا أو الحالة اللي أنا كنت فيها دي بتتكلم كأن أنا المشكلة كانت عندي أنا وبتقول دايما انت لازم تفكري وتفهمي اللي انت كنت فيه دا علشان متقعيش فيه تاني كلامها طبعا صح أنا مش بستنكره لكن هي بتنكر كل الأسباب اللي وصلتني لدا بتنكر ان هي كانت جزء  من المشكلة وإن وضع حياتنا كان جزء من الشكلة وإن علاقة أغلب الناس بيا ف الوقت دا كانت مؤذية ليا، أنا مكنتش بواجه كل اللي أنا فيه دا out of nowhere, هي مش قابلة أبدًا تعترف بدا، وشايفة دايما ان هي اللي طلعتني من اللي انا كنت فيه واني معملتش حاجة علشان أقوم هي بس اللي قومتني، ماما أكتر حد ساعدني بطرق يمكن كانت قاسية شوية لكن هو دا فعلًا اللي انا كنت محتاجاه وقتها،لكن أنا كمان كان ليا دور كبير أنا كمان عملت حاجة ولسه بعمل وببذل جهد كبير مع نفسي علشان مقعش، ماما تعتبر أهم شخص ف حياتي وأكتر شخص كلامه بيفرق معايا وبيأثر فيا ، مش عارفة اتعامل ازاي مع الموضوع دا وفعلا كل مرة بنخوض نقاش من النوع دا احنا مبنتخانقش ولا بنصطدم ببعض لكن أنا بكون حزينة جدًا من كلامها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_38537 🇪🇬

منذ 10 أشهر

شعور مستنزف

موضوع:

كيف اتجاوزت الحب الحقيقي الاول ؟

حكايتي مع الزمان حبي الاول كان من اعدادي كدا كنت بحب جاري كان ولد كويس جدا وكان كل اهلنا عارفيين أننا هنتجوز فاجأه جه واحد جارنا تالت ابن حرام كدا فضل يوقع بينا وعمل مشاكل قد كدا لحد منا اللي مردتش ارجع لحبي لكبرياءي أنه شك فيا وظلمني وفكرني خونته وانا والله عمري ما خنته .. المهم انفصلنا 3 سنين حا

Coffee_27700 🇪🇬

منذ 10 أشهر

شعور غاضب

موضوع:

عمرك سكت لما كان لازم تتكلم؟

أيوة كتييييييير. سكت لما كان والدي بيضربني ظلم واجي أدافع عن نفسي يقوم ضاربني أكتر ويقولي متردش عليا. سكت لما عيلتي كانوا بيتنمروا على وزني الرفيع وهما كل واحد فيهم وفي أولادهم كرشه مترين قدام. وسكت كتير وانا كبير لاني مبقتش بقدر أدافع عن نفسي بسبب ترومات الطفولة.

Avocado_35473 🇪🇬 يعمرررررى 🥺 حقك عليا انا والله متزعليش نفسك انتى بس الدنيا مش مستاهله زعلك والله هنعيشها كام مره ل الزعل دا كلو حقك ربنا هيجبهولك حاولى تعدى وتفكك وتخلى نفسيتك حلو عارفه ان كلامى ممكن يعصبك علشان انتى فيكى المكفيكى ويمكن يفرح وانا نفسى اكلم معاكى اكتر والله بس نعمل اى بق المهم خلى بالك من نفسك ومتزعليش نفسك عل كل حاجه حقك عليا انا 🥺 تانى

عرض الكل 90 نصيحة

Biscuit_30146 🇪🇬

منذ 10 أشهر

شعور مرتبك

نفسي احكي الي جوايا ده بقالي كتير اوي بس انا مكنتش معترفه بيه وحتى حسيت محدش ممكن يفهمني صح لاني جربت احكي وتفهمت غلط انا كان ليا صاحبه بقالنا اكتر من 10سنين صحاب المهم جت فتره وحصلنا مشاكل كتير جدا وخناقات وهي بعدت عني وقالتلي كلام وهي بتقطع معايا كفيل انو يخليني اتعالج طول حياتي ومع ذلك كنت بفكر ا

Mango_11276 🇶🇦 أنا آسفة أولاً على اللي حقوله، بس أنا مش قصدي حاجة وحشة، بس انتي كده كلامها حسسك بالنقص، وبقيتي عايزه تملي عينها بأي طريقة وتقنعيها بعكس كلامها، وده غلط جددددداً، انتي قمر ومهمة فحياة ناس كتير، وفي ناس كتير بتحبك، متركزيش في النقطة السودة وتسيبي الحيطة البيضة كلها عشان النقطة دي، ارضاء الناس غاية لا تدرك أبداً، والبنت دي وصلت للي عايزاه بأنها تحسسك بالنقص، المهم نفسك ثم نفسك ثم نفسك مفيش حد تاني

عرض الكل 3 نصيحة

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع