ضرب أهلي خلى مش عارف أثق في حد

Question

هو ممكن يكون حاجه تافهه بالنسبة لناس كتير بس الموضوع اثر ف نفسيتي لحد دلوقتي انا حاليا ٢١ سنه بس وانا عندي تقريبا ٥ او٧ سنين كنت ف مره عملت حاجه غلط وكنت متعود ديما امي بتضربني وابويا هو اللي كان بيدافع عننا ف ابويا وقتها مكانش ف البيت وكانت الدنيا شتا ف انا طلعت اجرب من ماما و نزلت الشارع فضلت قاعد ف عز السقعه والشتا وانا خايف اطلع عشان عارف اني هضرب وبقول مش مشكله شويه وابويا هيجي واول ما هشوفه هطلع معاه وكده مش هيحصلي حاجه 
ف بعد ما فضلت ساعات حرفيا قاعد ف الشارع لوحدي جه اخيرا ف جريت عليه قالي اي مقعدك ف الشارع كده قلتله عملت كذا كذا وخايف ماما تضربني قالي متخافش خلاص تعالى معايا ومش هتضربك ف رحت معاه وصلنا البيت بابا قال لامي خلاص بقا متضربيهوش قالتله ده عمل كذا كذا واتعصبت راح ابوه اتعصب عليا وضربوني هما الاتنين وانا مصدوم كل ده انه مش بيدافع عني ده ببضربني معاها معرفتش انطق ومن ساعتها عندي ترست ايشوز مخلياني مش عارف اثق ف اي حد ف الدنيا وبحس ديما كل ما اثق ف حد انه هيجيلو وقت ويبيعني عادي جدا ومش هفرق معاه 
(اتمنى محدش يتريق عشان الموضوع حساس فعلا)

Orange_60541 🇪🇬 · Answer

الموضوع طبيعى يبقى حساس يا صاحبى بس سؤال معلش ..، انت محتاج تثق ف الناس ليه ، انا شخصيا بقيت احسن بمجرد ما أدركت ان محدش ليه لازمه ولا حتى الأهل والله دا واقع ، بص انا مش عايز اقول كلام فلسفة وكده بس والله الناس مش حاجه فعلا ، انا عن نفسى والدتى اللى هى اقرب حد ليا مش فاهمانى ولا عارفه تتعامل معايا بس انا مش مهتم بده اصلا ، خليك مع ربنا وفى كل سجده ادعى ربنا أنه يهديك اكتر واكتر

Orange_60541 🇪🇬 · Answer

اكتر حاجه ممكن تساعدك فعلا انك تتنهد كده كانك بترتاح وتفضى عقلك خالص ، ثقتك ف نفسك لازم تزيد برضو وده ليه كذا طريقه زى الجيم مثلا ، الطريق مفتوح والله مش اخر الدنيا

Carrot_60760 🇪🇬 · Answer

شكرا يصاحبي بجد انا بالفعل بروح جيم يعني وجسمي مش وحش يعني الحمدلله 
بس شكرا والله نصيحتك دي انا حاسس بيها بجد❤️

Banana_60772 🇪🇬 · Answer

لما تكبرى اكثر وتتجوزى وتخلفى وتشوفى كميه الضغوط اللى بتكون على الاب هتعرفى انه معزور فقد عقله بلحظات من كثره الضغوط ، احنا بمجتمع يكفر الانسان عن عقله لانه صغوط بكل مكان شغل وشارع واصحاب حياه بكل تفاصيلها اعذرى باباكى انا اب وبكلمك من واقع الحياه ، وبلاش فقدان الثقه دى لانها هتدمرىشخصيتك فى تعاملك مع الناس

Strawberry_61232 🇪🇬 · Answer

الصدمات اللى بتبقى ف الطفوله عمرها ما تنسى وخاصه ان الطفل ف السن دا بيكون مصدر امانه وثقته الوحيده هى الأهل ولما تيجى الصدمه منهم طبيعى متعرفيش تتأقلمى مع العالم الخارجى بس انتى لازم تقرأى كتير عن انك ازاى تتخلصى من الموضوع دا لو مش متاح معاكى تروحى لثيرابست وعادى دا موضوع بيحصل فعلا مش مجال للتريقه

Strawberry_61232 🇪🇬 · Answer

مفيش مبرر للضغوط أنها توصل طفل للمرحله دى الامان بيكون نفسيا ومعنويا قبل ما يكون ماديا هو اللى ينشوفه ف الشارع دا من فراغ كله بيكون راجع لفقدان الامان والحنان من الأهل من وهما صغيرين

Carrot_60760 🇪🇬 · Answer

شكرا يفراوله انا حاولت الصراحه احجز مع دكتور نفسي كلمته واتفقنا ع السعر وإن شاء الله لما هقبض هبقى احضر جلسات ❤️

Strawberry_61232 🇪🇬 · Answer

صدقينى الموضوع بيفرق جداااا وربنا يريح بالك دايما♥️