كيف اتجاوزت الحب الحقيقي الاول ؟

Question

احكو تجربتكم مع الحب الاول وازاي تخطوه فكرة انه مكنش فيه نصيب

Mango_35754 🇪🇬 · Answer

مستحيل أنا مش عارفه لحد دلوقتي أتجاوز شايفه أن الحل الوحيد أن الواحد يتجوز يمكن يعرف يتجاوز هذا الحب مهم الواحد يعمل عشان يمنع نفسه مش ها يعرف لان انت بضحي بنفسك ومشاعر وكل حاجه فيك حرفين الحب حاجه سيء جد أنا بشوف أن الحب علاقه توكسيك علاقه كله عذاب وازا نفسي

Kiwi_37064 🇪🇬 · Answer

مش عارفه الحب الاول دي عايده على مين حب المراهقه ولا الحب اللي بيكون بجد بعد ما بنكتشف نفسنا بس حب المراهقه بيعدي عليه فتره و بيموت بس في حد بيكون سحب روحك و دا بيكون بالنسبه لك الاول فعليا احنا مش بنتخطى احنا بنتعود على وجعه

Biscuit_37062 🇪🇬 · Answer

مفيش حب اول و حب تاني 
بس ف حب بيجي بيطلع كل الجوانب الحلوه المستخبيه اللي فيك العيوب اللي الناس بتشوفها هو بالنسباله مميزات زي جنانك بس حد مش هيحبه بس الشخص ده هيحبه و شايفه من مميزاتك 
بتنسي معاه الدنيا و مشاكلك بتحس انك طاير كانك رجعت عيل صغير تاني 
ده الحب اللي فعلا مش بيتنسي

Nutella_37085 🇪🇬 · Answer

كان اول حب في حياتي وكانت مرحلة وحشة جدا بجد اتبهدلت جدا عقبال ما فوقت وخرجت من المرحلة دي 
كان نفسي اعرف عقلي فين وانا بيداس عليا وعلي كرامتي وقلبي وأكمل في علاقة توكسيك وفاشلة زي دي 
كرهني في الحب وسيرته يلا ربنا يسامحه

Apple_30484 🇪🇬 · Answer

متجاوزتهوش لحد دلوقتى والله الحوار داخل ف ال ٥  سنين بس المشكله معرفش هو بيحبنى اصلا ولا لا بس عمرى مجربت اكلمه اصلا ومش عايزه اخسر ثقة اهلى وثقة ربنا فيا ف انا سايبه الموضوع يمشى على حسب ما ربنا عايز وهو بيختار الخير

Marshmallow_31427 🇸🇦 · Answer

كان حب طفولة نقي ، كل اللي بيني وبينه نظرات من بعيد لمدة ٦ سنوات تقريبا وانا كل يوم بحلم فيه وبفكر فيه واشتاقله ، رغم اني بعرف انه مش الشخص المناسب ، لا اخلاقه بتسمح ولا اوضاعه وكل واحد فينا عايش ببلد وتطول القائمة ، ومهما حاولت انساه واقنع نفسي انه مش مناسب بيصعب علي ، لحد مابيوم من الايام حبيت شخص تاني فجأة ، وبيوم وليلة نسيته ، حب ٦ سنين اتنسى في ثواني مستوعبين؟ واكيد بعد التجربة هاي حتى الشخص الثاني مش متعلقة فيه كثير لانو ممكن حب تالت ينسيني ياهم كلهم😂 
وعالعموم فكرو في دراستكم ومستقبلكم وحتى لو حبيتو بيوم خلوه حب من بعيد لبعيد ولا تعصو الله بإنكم تحكو قبل مايكون في اي شي رسمي وبس والله❤️‍🩹

Coffee_32060 🇪🇬 · Answer

الواقع إن شخص اقدر اقول شاكر جدا إن في يوم قابلتها هو الحب في حياتي كانت مرحلتين الأولى كانت اعجاب ناحية بنت و مكلمتهاش خالص لحد ما دخلت جامعة و كان الطريق نفسه هو اللي فرقنا و ده فضل ١١ سنة 
ايوا ١١ سنة حقيقي 
الثانية بقى هي كانت انها تخليني افضل 
كنت في وقت كره الحياة و الدنيا و كل حاجة 
قد ما كانت هي علاقة حب بعيدة المدى قد ما كنا مخططين ان يحصل جواز لكن في نفس الوقت كل شئ كان ضد ده و مع الوقت حصل الإنفصال قد ما انا راضي 
إن ده القدر و تدبير من ربنا و إنها كانت علاقة محرمة بسبب إن مفيش شئ رسمي بس الإنسان دائما و ما يهوى 
ازاي إتجاوزت مقدرش اقول حصل تجاوز لكن هو الرضا باللي حصل و حاليا بدعي ليها بالرحمة و الرزق و السعادة لإن مش عارف هي لسه عايشة او لا لانها في لبنان و حاليا في حرب  
لو حد عايز يستفيد من ده متتعلقش بشخص مفيش شئ شرعي بينكم لو إتعلقت ممكن تدعي تكون من نصيبك لكن دايما لازم ترضى بالنصيب  و بس ♥️

Strawberry_34440 🇪🇬 · Answer

لحد دلوقتي مش تجاوزته كان في دايما بينا نظرات بس لمدة 7 سنين حتي الان بحبه و اكتشفت ان هوا كمان بيحبني و كان يلمحلي بس كنت الغبية ما تفهم و افكر انو ما يحبني و انو من طرف واحد بس عرفت من الشعر اللي بيكتبوا انوا كان بيحبني وانو كان بيلمح بس بعد آخر شعر كتبه دخلتله من حساب فيك و كلمتهة ع اساس معجبة باشعاروا وكذا ولما سالتوا الشعر دا لحدا قال يعني بكتب اللي حاسس فية و مريت بيه مو اكتر و سكرت الموضوع ع كذا و هوا لايعرف انو انا اللي دخلتلة من حساب فيك دلوقتي هوا بجامعة وانا بجامعة وكل واحد بتخصص و بتمني من الله انو يجمعنا بالحلال

Coffee_35055 🇪🇬 · Answer

تعبت واتخنقت  وياما بكيت وحسيت اني قلبي هيقف وكرهت كل حاجه في حياتي وفقدت الثقه بكل حاجه حواليا ...... بس ادركت انها مش نهايه الدنيا 
وعلي قد ما حبيت علي قد ما هتعب وهتألم ...بدات اتعامل مع الناس تاني 
وكل ما احس بالالم احط ايدي علي قلبي اقول لنفسي معلش .. الوجع ده طبيعي بكره هتبقي كويس وهتنسي لحد ما في يوم صحيت ولقتني خفيت من الالم والوجع ده اكنه محصلش  والحكايه كلها بقيت ذكري نادرا ما افتكرها

Apple_34290 🇪🇬 · Answer

الحب الاول اخد مني 7 سنين من عمري كانت احلي حاجه ف حياتي وكنا بنقرب اكتر واكتر ووصلت اني كنت هتقدملها عشان مش شايف غيرها معايا
بس النصيب كان اي دور تاني
سبنا بعض وعشت اصعب ايام بس الواحد تخطي من الوقت بس مش قادر انساها ونا مرتبط حاليا بس برضو ف بالي مش عارف اعمل اي بجد
هي مش عارفه ترتبط من بعدي بس انا قدرت 
بتمنالها كل خير وربنا يوفقها ف حياتها

Corn_37904 🇪🇬 · Answer

بص اول حب مستحيل يتخطي بعد الانفصال فضلت 7 سنين متعلق ومستني اليوم اللي ترجع فيه واتجوزت ودلوقتي معاها طفلين ربنا يباركلها فيهم برغم الكلام اللي اتقال عني بس برضو دي الحب الطفوله تاني حب مش قادر اتخطاه بنت شوفتها ف حفله التخرج سلمت عليها اهلا اهلا انا محتاج رقم ابوكي نتكلم اخطبك اتكلمت انا وهي واتقدمت رسمي فجاه باباها رفض قال ابعت بنتي سوهاج وانا من المنيا فعلا مش عارف انساها لحد الان والحمدلله

Olive_29055 🇮🇶 · Answer

مستحيل اقدر اتجاوزو و لا قدرت اتجاوزو الحب الاول صعب الواحد يطلعو من راسو و من قلبو قد ما غلطت بحقي و دمرت حياتي النفسية و خلتني ادخن و اعمل شغلات بحالي بس عمري ما كرهتها و لحد اليوم اتذكر من قبل ست سنين كيف تعرفت عليها و حياتي صارت احلا بعدها قلبت جحيم بس ضلت تلعب بمشاعري لان عرفت انو نقطة ضعفي هيا و ضليت معها لست سنين جريت السم و ما قدرت اطلع حبها من قلبي بس هلقيت تركتها و حظرتها من كل المواقع لان اذتني كثير بس لساتني بحبها

Chocolate_34252 🇲🇦 · Answer

انا مش قادرة اتجاوزه محتاجة حل انا بحبو كتير مش قادرة انساه او احب غيرو حرفيا مش قادرة اخرجو من دماغي حاسة انو عايش جوايا شاغل تفكيري و حياتي عايزو انساه بس مش قادرة الموضوع صعب جدا و المشكلة انو في انسان بيحبني كتير هو حلو  و مهدب بس  انا مش قادرة احبو او اعطيه فرصة لان قلبي و عقلي مع انسان تاني بدعي انو يكون من نصيبي و سعات بدعي اني انساه والله العظيم اخساس صعب مقرف و بيقهر

Potato_38217 🇪🇬 · Answer

مش عارف لو هتفهموا حاجه بس انا معدتش بفتره تخطي اصلا يعني انا محستش باي حاجه حرفيا لدرجه ان انا شكيت ان عندي تبلد في المشاعر يعني ولا زعلت ولا فرحت لدرجه التفكير هو انا كنت بحب بجد ولا لا علي ان اللي بينا كان اكتر من 7 سنين

Avocado_29715 🇪🇬 · Answer

انا كنت بحبو من واحنا فى 6 ابتدائى من اول يوم عرفتو حبيتو
الحب اللى مابينا كان اكتر من 7 سنين ولما اتكلمنا فضلت احبو بس نظرتى اتغيرت ليه اكتشفت ان اسلوبو مختلف تماما وانت نرجسى وفيه صفات كتير وحشه ومش راضى يغير فيها حاجه 
اتأذين منو كتير نفسيا بس للاسف كنت بحبو 
جت عليا فتره مكنتش مستحمله اسلوبو وانو شايف نفسو وكمان فى حوارات مابينو وبين بنات الدفعه كلها وحتى سمعتو بقت اسوأ من الاول ف سبتو 
سبتو بس بجد كنت بحبو بس غصب عنى ولحد النهارده لسه بحبو ورغم ان الفتره اللى كلمتو فيها اتأذيت نفسيا الا انها كانت احلى ايام حياتى 
مش عارفه اتخطاه ابدا بس برضو عمرى ما هرجعلو

Apple_33761 🇪🇬 · Answer

انا متجوز بقالي ١٠ سنين و مراتي بحبها جدا من وحنا اطفال فوق ٢٥ سنه ....بس المشكله من ايام الكليه و في وحده زميلتي معجب بيها و مصرحتهاش عشان خفت اخصرها كا صحبه..من كتر ما بفكر فيها  الموضوع صعب و ديما في بالي 
لدرجه كل ما اجي اصلي اجي ادعي ربنا يشيل حبها من قلبي الاقي نفسي بدعي ربنا يجمعني معاها في الجنه ..انا في الكاله
 ديه بقالي ١٣ سنه و ٨ شهور

Strawberry_39101 🇪🇬 · Answer

اتأذيت اوي بسببه ومش قادره انسى ولا اعيش حياتي كويس معتش عارفه احب حد مش قادره بجد حالياً اهلي بيضغطو عليا عشان اوافق على العرسان اللي بتتقدم بس هما مش فاهمين حاجه 
وهو حالياً اتجوز وعاش حياته ونساني وانا مش عايشه حياتي ولا عارفه اعيشها

Coffee_39025 🇪🇬 · Answer

مقدرتش اتجاوز 
اتجوزت بقالي تلت سنين ولسه بفكر فيه ومش قادره انساه 
مع اني اتأذيت منه بس مش عارفه اشيله من قلبي 
بحاول اتأقلم واعيش بس حياتي مش سعيده بسبب اني دايما فاكراه ودايما بقارن افعاله ب افعال زوجي حاليا

Strawberry_39121 🇪🇬 · Answer

اقوي صدمه ختها ف حياتي من اول حب ليا كان وعدني ب الزواج وللأسف مجاش اتقدم منعا لظروفه كان لسه بيدرس ويشاء القدر بعدنا من 2019 وانا بعدها ب سنتين اتخطبت وفشكلت واتخطبت تاني وكان استغلالي وحب مصلحه منه وفشكلت بردو كنت بدور علي اول حب ليا في صفاته وأخلاقه ورجولته وكان كل فتره يطمن عليا كنت يفهمه أن ف شخص ف حياتي وانا مخطوبه واحتراما ليه مينفعش نتكلم واعمل بلوك 
ولما فشكلت رجعت كلمته وفرح جدا وبعدها ب كام شهر قالي أنه مسافر برا يشتغل ويكون نفسه 
ولما فتحت معاه موضوعنا قالي أنه لسه بيحبني ومحتفظ ب هديتي من 2019 ل دلوقتي 
بس مش هينفع ياخد اي خطوه دلوقتي عشان لسه عليه اقساط وقالي لازم اعيشك في مستوي يليق بيكي 
وعلي الأقل قدامي سنتين او 3 سنين عشان افكر أخطب 
ومش عايز اعلقك بيا تاني لأن مكنتش صادق معاكي في الوعد الاولاني وشايف نفسي مش راجل ومش عارف اسامح نفسي ومش هعرف احط عيني في عينك غير لو علي التنفيذ وابقي خلاص جاي اتقدملك 
خلينا صحاب عادي وانتي عارفه أن محترم ومش بتسلي بيكي لحد ما ربنا يكرم طبعا اتقدملي اكتر من شخص 
وكنت برفض عشانه 
لحد ما بلغته أن ف عريس اهلي شايفينه مناسب وكل حاجه وان اوافق عليه
قالي طيب اعمل اي اقول ل ابوكي وانا مش معايا حاجه ومديون هيقبل دا ازاي
انا لو حد شبهي اتقدم ل أختي وهو مش جاهز هرفض 
خت منه موقف وبقيت مش برد عليه كان بيتجنن وكل شويه يبعت 
دلوقتي انا اديت فرصه للشخص اللي اتقدملي وحاليا قرينا فاتحه واتخطبنا في اقل من اسبوعين
هو اه شقته موجوده هو بيت عيله ومستواه المادي كويس وشغال في مكان كويس بس طفل في نفسه جدا
بعد ما اتخطبنا ابتديت اشوف مواقف غريبه جدا
يبقي قاعد بيأكل يوقع علي هدومه عصير او اكل
ياكل كتيير
كيس بلاستيك بتقطع الاقيه بيربطه ويعمله شنطه تاني
واحد شتمه بعتلي أنه شتمه وشتيمه مينفعش انا ك بنت اشوفها
يجي يدخل الحمام يستأذن ويرفع أيده زي ما يكون في الفصل
يجي يمسك اي حاجه سخنه لازم يفضل يقرب أيده ولو لسه سخنه يتخض منها
امشي معاه انا ابقي من ناحيه العربيات وهو اللي من جواه
يجي يضحك يقعد يضحك كتيير بعبط كدا
يقعد يخبطني ف كتفي كتير ولما اضايقيت قالي اصل بنكشك 
مش واثق من نفسه 
وعشان للعلم كل الحاجات دي ظهرت بعد ما اتخطبنا عشان محدش يقولي وافقتي ليه من الأول 
يجي حد من اهلي يقدم أي حاجه يجري ياخدها من غير ما حد يقوله اتفضل 
ممكن يبقي ماشي جنبي ويلف حوالين نفسه 
لدرجه شكيت أنه يكون نشاط زائد أو مشكله عنده 
وللأسف مش مرتاحه نهائيا حاسه ان معايا طفل مش راجل انا مسؤوله منه يعني انا هخلي بالي منه ولا من ولادنا في المستقبل 
يقعد يقولي ياريت تحبيني زي ما بحبك ويبصلي كتير لحد ما خوفت منه 
تنصحوني اعمل اي !!!!!!!!
انا مش عارفه احب تاني بعد اول حب ليا وأنه حاسس بالذنب ناحيتي دي حاجه مطمناني 
افشكل خطوبتي واستناه ؟؟
ولا افشكل خطوبتي ومرجعش ل اول حب ليا ؟؟
ولا اكمل مع خطيبي دا في حين عمري ما هعرف احبه بالمواقف الغريبه اللي بتحصل منه ؟؟؟

Cherry_39204 🇪🇬 · Answer

مش عاىفه اتجاوز خالص... وعمرى ما نسيت بس كملت حياتى واتجوزت وخلفت... بس المضايقنى مش عارفه انسى ومش عارفه اسامح.. رغم جالى وانا مخطوبه.. ورفضته... عشان مظلمش زوجى... ولما زواجى يبقى فى مشاكل واختلاف فكر ووجهات نظر ومفيش مشاعر اصلا... بتلاقيكى تلقائيا بتقولى ايه ال عملته فى نفسى دا😑😑

Marshmallow_34153 🇹🇷 · Answer

مقدرش اقول انني تجاوزت ولا اني متجاوزتش..
ممكن اكون اتجاوزت الشخص و عرفت انه مش الانسان الصح ليا بس بنفس الوقت مقدرش اتجاوز ذكرياتنا عشان جربت كل حاجة الاحضان البوس المشاعر كلها لاول مرا معاه.
و بنفس الوقت شعور الذنب اللي بحسوا اني كنت صغيرة 19 سنة و معرفتش اتعامل مع العلاقة بشكل صح كنت عبيطة فكرتوا جد حبني متخيلتش حيقدر يسبني فكنت بلوم نفسي لفترة طويله ع كل كلمه او تعبير غلط طلع مني خلاه ينعجب فيا بالبداية و بعد مقربنا طفش و مش بلوموا عشاني تغيرت و عرفت قد ايه كانت شخصيتي مش جاهزة لعلاقه كان عندي Insecurities كثير بنفسي بعيلتي و كان واضح عليه بس حمدلله تغيرت و تصالحت مع نفسي.
تجربتي معاه قوتلي شخصيتي كنت انطوائيه مبخرجش من البيت معنديش غيروا بقيت منفتحه اكثر و اتكلم مع الناس و اضحك هو صح سابني بس فوقني علمني ازاي اعيش حياتي و انبسط 
فضلت سنتين استناه يرجع و كنت عارفه انه حيرجع و رجع
بس برضوا كنت غبية خلال السنتين دول كان مع بنت ايرانية كان يعمل معها حاجات غلط والله اعلم و كانوا بيسهروا و ديسكوات و عارفين الحاجات دي..
المهم بعدما رجعلي بسنتين معرفش ازاي استعبطت وقتها قلي انه هو عاوزنا نبقى صحاب فرضيت بعد كدا معرفتش اجيبوا السكة ازاي بقولوكوا استعبطت قولت اجيبوا زي الايرانية معملت عشان هو ليومنا دا بيحبها موت فغلطت معاه غلط كبير عملنا سكس سطحي زي كدا مجرد شلحنا و كان اسوء يوم بتاريخ حياتي فضلت يومين ببكي و اليوم التالت اكتشفت انه رجع للاكس بتاعتوا الايرانية بس مكانش عارف اني دريت فكتبتلوا انه مش عايزة اتواصل معاه تاني و مش عيب الانسان يغلط بس عيب حد يستمر بالغلط و تركتوا 
بس قلبي فضل مجروح و كرهت نفسي و حسيت بذنب كبير بعد 6 اشهر كدا كنت لسى مجروحة و زعلانة ع نفسي ازاي اشوفوا مبسوط مع الايرانية من 3 سنين مرتبط فيها وانا ازاي هونت عليه و يترك و يرجعلها فشلت التلفون بهدلتوا و دعيت عليه و قام هو كمان انفعل و من وقتها بقى خربت الشيطان دخل بيناتنا كنت بنت بريئة نظيفة حبيتوا و اول حب بحياتي و تخيلت اتجوزوا و رغم تركني سامحتوا بس معرفش ازاي وصلت لكل دا 
دلوقتي لو كنت بحبوا او مبحبوش او تخطيتو او متخطيتهوش مبقاش يفرق عشان مش حينفع بعد كل دي المشاكل نعيش تحت سقف واحد بحبو جدا بس مبأمنش ع نفسي معاه عشانو مش بيصون العشرة و هونت عليه اوي

Kiwi_38874 🇪🇬 · Answer

عمري م هنساه ولا حتي انساه علمه عيني ونا معاه واخلاص في حبو ومش هقول ان اتخطيت بس بحاول ظيا افكرنفسي ق اي انا شخص يتحب وفيا حجات لوه كتير وربا اكي هيعوضني عشان هو كده كده إلي خسارن كفاي ان شفت نفسي واختارتها لاول مره في حياتي

Popcorn_39432 🇪🇬 · Answer

عمري ما اتجاوزت و عمري ما هتجاوز لدرجة إني ارتبط كذا مره يمكن مرتين او تلاته و مع ذلك برضو مش عارف انساها مش عارف احب حد تاني غيرها مش عارف اتخيل نفسي مع حد غيرها مش عارف اطلع من الانستا بتاعها و كل يوم بعيط و مبنامش اصلا غير بالعافيه و كنت باكل كتير اوي زمان دلوقتي بقيت باكل عشان اعرف اكمل اليوم مش عشان جعان لا و مروحتش لدكتور نفسي و مش هروح لإن دا غباء كبير جدا لما ادفع فوق ال 1000 جنيه في الجلسه عشان واحد لابسلي بالطو و ورق و قلم و يكتب و انا احكي و يكتبلي ادويه تتعبني اصلا كل يوم و مبتعملش اي نتيجه طب ما الصاحب بيعمل كل دا الفرق بس إن الصاحب بيكون موجود و خدمته ببلاش و يسمعك و يقولك تعالا انا اونلاين في اللعبه اللي انتا بتحبها أو تعالا نخرج خروجه حلوه او تعالا عندي ليك حجز كوره يعني الصاحب افضل ب 100 مره من الدكتور صح مبيكتبش ادويه بس هو عنده العلاج منغير اي عياده و سكرتيره و اي خرا من دا بس المشكله بقا إن الصاحب دا نادر جدا و مستحيل تلاقيه ف بعيط لدرجة الدم عليها و محدش شايف ولا عايز يشوف اصلا حتى اهلي مش مقتنعين بفكرة إن ابننا مكتئب و مش عارف ايه و مفكرين.إن دا دلع و انا بموت اصلا انا بحتضر من جوه انا تعبت ولله العظيم

Chocolate_39988 🇸🇦 · Answer

قصتي مع الحب الاول غريبة شوية 
كنت صغيرة لسه عيله فاعدادي و هوا اكبر مني ب ٨ سنين كان فاضله سنه و يتخرج و حبينا بعض جدا برغم فرق السن و مستواه الاجتماعي كان اقل لكن ماديا كويس كنت بحبه جدا بس مازلت صغيرة جدا كلم اهلي ان يحصل خطوبة و نتجوز اول مدخل الجامعه طبعا اهلي رفضو و بعد٣ سنين ارتباط فجأه حسيت ان مش مالي عيني و مش هوا دة اللي بحلم بيه فسيبته و هوا انهار و دخل مستشفي و تعب جدا و حتي مامتي قالتلو دي طفله و طبيعي تتغير بس هوا مكنش عارف يتخطاني و اتصالات شوية بكرهك و شويه ارجعيلي و شوية هدمرك و شويه بحبك لحد منسي و خطب و انا فرحتله بس قبل فرحه بيوم اتفاجئ بيكلمني و يقولي عمري ما هاحب غيرك و لو رجعتيلي هفركش الفرح طبعا قولتله لأ قفل فوشي و اتجوز و عدت السنييين تقريبا ٦ سنين و انا اتجوزت و سافرت مالبلد خالص و اما شاف صورتي لقيته باعتلي مسج انتي احلي حاجة حصلتلي فحياتي عملتله بلوك و الي الآن حاسه اني عايشة بذنبة لانه معرفش يتخطاني كل السنين دي

Watermelon_34372 🇨🇦 · Answer

حبيتو الفرق لي بينا بس 5 سنين، انقطع التواصل بينا لمده سنه و بعدها رجعنا نتكلم و نتمشكل و نرجع تاني، و احنا الاتنين كنا متاكدين من حبنا لبعض ولا حد فينا شك انه ممكن نخون بعض، بعد سبعه سنين من الحب و الإخلاص لي كان مني طرفي أتوقع. ف يوم تخريجو و انا انتظرو يكلمني و نفرح سوا كنت في الفيس أتصفح طلعلي حساب بنت و لقبها بقي عيلتو، ادخل الحساب و أنصدم من الصور كلها حب و غرام فيه من سنه و هما مخطوبين، والله إني كنت اقولو لو مافي نصيب خلينا نبعد قبل م يتاخر الوقت و لما واجهتو قالي أي أنا مش واعدك بزواج ولا شي 9 شهور مرت و هوا انفصل عنها مشاكل لأنو م يحبها و هيا ما تحبو و طلب مني نرجع و نبدأ من جديد بس رجعنا لأسبوع م قدرت أتحمل و تركتو مو قادره أسامح. احس إني لسه أحبو كيف أنسى؟اشتاق اكلمو 😭😭
اكلمو؟ م احس أني بحب احد زيو ف حياتي 
مساعدة

Strawberry_38537 🇪🇬 · Answer

لما هتتجوزي وتخلفي مع اول طفل هتشفيه هتحسي أن هيا دي الدنيا الصح وان كل اللي فات زمان ما هو إلا عك ومفيش حب اول ولا اخر فيه حب حقيقي حب الاسره والاولاد والحياه اللي فيها امان وسكينه 
الحب الاول ده فتره مراهقه ممكن تعدي ألمه من خلال دراسه تجهزي نفسك للمستقبل وتشغلي تفكيرك بحياتك تحفظي قران تعملي انشطه اي حاجه غير التفكير ومع الوقت هيروح

Strawberry_38537 🇪🇬 · Answer

حكايتي  مع الزمان 
حبي الاول كان من اعدادي كدا كنت بحب جاري كان ولد كويس جدا وكان كل اهلنا عارفيين أننا هنتجوز فاجأه جه واحد جارنا تالت ابن حرام كدا فضل يوقع بينا وعمل مشاكل قد كدا لحد منا اللي مردتش ارجع لحبي لكبرياءي أنه شك فيا وظلمني وفكرني خونته وانا والله عمري ما خنته .. المهم انفصلنا 3 سنين حاول يرجع فيهم أنا لا ومستحيل لحد ما دخلت كليه  وحد اعجب بيا ودي كانت أسوأ قصه في حياتي  واحد مريض نفسي اناني من بيءه واطيه والله اهله فلاحين بس خبث الله اكبر  اعمال او حاجه الله اعلم المهم ولصنا للخطوبه وجبنا الشبكه والمشاكل ولعت بينا قلت لا شكرا من اولها بس كنت حبيته وكان في بينا تجاوزات  للاسف دي ازبل حاجه عملتها ف حياتي بس هوا كان شيطان علمني كل حاجه زباله  ولما فقت لنفسي انفصلت  وربنا أراد اتجوز واخلف واستقر واتقي الله ف جوزي وبيتي بس الشيطان ده موجود زن واتصالات ورسائل كأنه بيطمن عليا وانا والله مانعه نفسي من اني اقعد في نفس الغلط وديما بلوكات وربنا يسامحني علي اللي حصل زمان مني ويحافظلي علي اولادي وبيتي

Pineapple_25718 🇪🇬 · Answer

بصراحه مش عارف اناتجاوزت حبي الاولي لا لا بس اعتقد الي حداً ماا انا تجاوزت انا الحمدالله خطبت وبحب خطبتي جداً وان شاء الله قريب هنتجوز بس اوقات بفتكر اللي كنت بحبها 
وبتمني ربنا يسعدها ف حياتها ويوفقها

Blueberry_44194 🇪🇬 · Answer

انا حياتي ادمرت 
كل حاجه في حياتي باظط
هحكاكم انا حبيت وحده وارتباط بمعرفت امها وعلتي وامها قالت خطوبه بعد 5سنين 
وانا عندي 16سنه وهي 15 تمام وانفقنا وكني بنحب بعض فاتلقيت درستي هتاثر على علاقتنا فا اتخليت عن المدرسة عشان اقدر اشتغل اكتر عشان ابقا جاهز وبعدين انا كنت تعبان وكان العلاج غالي فا انا كنت بقول مش مهم العلاج اهم حاجه البت اللي انت بتحبها لدرجه اني تعبت وصاحب الشغل مشاني عشان عرف اني تعبان وبعد ما صاحب الشغل مشاني باسبوع سبتني وقلتلي انا مش بحبك ومتكامنيش بعد حب 4سنين قبل دلوقتي يعني انا اعرفها من 2021 وجيه تقلي هبعد عشان انا في حياتي مشاكل ومش عيزاك تتعلقبي وانا دلوقتي مدمر ولا دراسة ولا شغل ولا حب

Blueberry_40482 🇪🇬 · Answer

الحقيقه و بعد خمس سنين سايبين بعض و بعد م رجع ظهر في حياتي تاني السنه اللي فاتت و بعد م اكتشفت انه خطب و هو بيكلمني و كمان قرايه فتحته كانت قبل عيد ميلادي بيومين لحد دلوقتي مش عارفه اتخطاه كل فتره بقول خلاص الموضوع انتهي بنسبالي و هو خطب و مبقاش نصيبك ترجع ذكري تيجي في دماغي او انه يظهرلي في الحلم زي انهارده فاكتشف اني واقفه عند نفس النقطه من يوم م سيبنا بعض مش عارفه هتخطاه امتي او امتي قلبي هيقتنع انه خلاص مبقاش لينا و انه بيبني حياته مع واحده تانيه دلوقتي و ان بقي في واحده تانيه مكاني و بتخطط معاه لكل حاجه بدالي… لو هتمني حاجه واحده هي اني اتخطاه

Croissant_45902 🇪🇬 · Answer

لسة لحد انهاردة بحبه حتى بعد ما اتجوزت وخلفت مفيش حد دخل حياتي حسسني بالامان اللي انا حسيته معاه .. الكلام ده عدى عليه ١٣ سنة ولسة مشاعري له زي ما هي ومش قادرة اشوف حد احسن منه وهو اتجوز وخلف وطلق وعايش حياته بس لسة بيلف الدنيا وبيرجعلي تاني.. حقيقي انا في دوامة عمرها ما هتخلص ومش عارفة ولا قادرة اتخطى الشخص ولا حبي له