توقعات

Sugar_65376 🇪🇬

منذ 10 ساعات

شعور مستنزف

موضوع:

تحت مسمى متغلطتش غلطتي ؟

انا كنت بتمني أحلامي بوهم انها اتحققت كنت بتعشم بزيادة وبصدق بزيادة وبتعب بزياده مبقتش ادخل في اي حاجه بزياده حسيت ان التوقعات لو قلت لو حصل حاجه اكتر من الاقل بفرح الحزن برضه ميكونش بزياده لو عيشتي في دايرة الحزن هتبقي في دوامه ومش هتعرف تخرج منها بجد بس انا حاليا مش عارفه اخرج منها اكتشفت ان اص

Pineapple_62201 🇪🇬

منذ يوم واحد

شعور غاضب جدًا

موضوع:

مشاكل فهم اهلك ليك

مش المشكله في أن هما يفهموني أو لأ. الفكره أن أبويا وأمي عايزيني أبقى روبوت وامشي على رغباتهم هم وأنا شخصيتي تبقى صفر. عايزيني أدخل كليه تجاره مش أي كليه تانيه ولما اتخرج ما اشتغلش في اي مكان غير في بنك، واتجوز بنت خالتي عشان عندها ارض وهتورث. حصل إني قعدت فتره من غير شغل وكنت لما بكلمهم بيقولوا لي

Blueberry_64580 🇪🇬 هل انت كويس دلوقتي

عرض الكل 10 نصيحة

Pineapple_62201 🇪🇬

منذ 4 أيام

شعور غاضب

موضوع:

لما اللي حواليك يقللوا من تعبك

لما رحت اشتغلت في شركه خدمه عملاء وترقيت مرتين في خلال أربع سنين. قلت لابويا على الترقيه الثانيه عشان افرحه قال لي إيه لازمه الترقيه طالما أن أنت مش عارف ترتبط بواحده وتخليها تحبك عشان تتجوزها وتبقى زي بقيه الناس التانيين؟! وبعدها باسبوع قال لي أن أنت ما فيش حاجه عدله عملتها في حياتك لمجرد أن أنا لس

Orange_63919 🇪🇬 واجهه و قفه عند حده وخليك قوي فهمه ان دا مسار ودا مسار وان نجاح الشخص في الحياة العملية مالوش علاقة بالحياة الاجتماعية وان الارتباط او الجواز مش نجاح او انجاز دي حاجة طبيعية الناس بتعملها بالفطرة وارضى بنفسك زي مانت

عرض الكل 5 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

ممكن اسالكم سؤال وتجاوبوني بجد
انا بنت من بين ٤ اخوات بنات معرفتش راجل في حياتي الا ابويا عندي شوية خبرة في العلاقات من اخر سنتين في حياتي انا ٢٥ سنة واكتشفت فيها اني مكنتش فاهمة الرجالة خالص ولا طبعهم ولا تفكيرهم
قعدت اقرا كتب واسمع قصص ولحد دلوقتي بسمع قصص وساعات بستغرب الفجوة الكبيرة اوي اللي بين تفكير الراجل والست وازاي دول ممكن يعاشروا بعض
انا ٢٥ سنة وبابا وماما منفصلين من قريب 
كنت طول حياتي فاكرة انهم مثاليين لحد ما اكتشفت انهم كانوا بيمثلوا قدامنا وعايشين مع بعض "عشان الاولاد" زي ما المسلسلات بتقول
طول عمري عايزة اتجوز راجل زي بابا لحد ما كبرت وشوفت عيوبه وانه مكنش بيعرف يقول كلام حلو ولا كان حنين مع ماما وكان راجل عملي بزيادة مكنش بيظهر مشاعره ولا بيطبطب ولا اي حاجه من حاجات الازواج الطبيعين وانا كنت فاكرة انه ده طبيعي لكن اكتشفت انه مكنش بيحب ماما او معرفش يحبها ازاي
غير كده هو شخص كريم جدا طيب وهادي ومتفهم ومهتم بينا احنا بناته الاربعة لاقصى درجة لكنه ساب ماما وراح اتجوز عليها من ورانا كلنا وعرفنا بالصدفة
دي كانت اكبر صدمة في حياتي منه ومن النموذج المثالي اللي كنت رسماه عنه هو عنده ٦٠ سنة انا فكرت انه عند السن ده خلاص الرجالة مش بتفكر في علاقة ولا جنس لكن اكتشفت انه اتجوز بس عشان "احتياجاته" زي ما بيقول
دماغي اتلغبطت مبقتش فاهمة هي الرجالة فعلا مبتعرفش تحب؟ سهل عليهم فعلا عشرة ٣٠ سنة يسيبها ويتجوز غيرها بدل ما يحل مشاكلهم؟ هي الرجالة شهوتهم بتحركهم للدرجة؟ يعني كل الحاجات دي كانت اسئلة في دماغي خليتني احس اني مش عايزة اتجوز
لو فضلت اقدم طول حياتي تربية ورعاية وبصونه وبصون بيته وفي الاخر كله يهون طب ليه؟ ليه الرجالة مش بتحب بجد زينا؟ هم بيتعلقوا زينا وبيكونوا مخلصين فعلا؟ ولا كل همهم الجنس والشكل الخارجي؟ انا بحب القراية وعملت ماجستير وأكاديميا انا شاطرة ومقدرش اقول على نفسي مثقفة بس بقرا كتب.. ليه بحس الرجالة بتخاف من البنت المثقفة؟ ليه دايما بيدوروا على الهبلة الصغيرة في السن اللي اعرف اضحك عليها والعب في دماغها؟ هم كلهم كده طيب؟ عايز واحدة تدلعه من غير ما تكون بتفهم؟ بس مكنة تطبخ تغسل تنام معايا ومتفكرش كتير؟ ليه بقيت احس انه الجواز ده فخ 
الفخ ده بيدخلك فيه ويستغلك لاقصى درجة وبعدين يلا باي هتجوز عليكي اصلك مش مكفياني اصل شهوتي اصل حقي..
بقيت خايفة بجد خايفة من الرجالة بقرا عشان افهمهم عشان معنديش حل تاني عايزة اتجوز واحد سوي عايزة اعرفه اصلا يعني هو موجود ولا لا؟ كل الرجالة اللي حواليا بيقولوا انه مش موجود من تجارب صحابي لتجارب الناس عموما
الرجالة بتحس زينا؟ بيعرف يبقى حنين بس عشان اللي بيحبها ولا عشان شهوته؟ بيعرف يقدم بدون مقابل؟ يبذل مجهود بس عشان اللي بيحبها؟ 
اللي قابلتهم كلهم مش عايزك تشتغلي..  طب ليه؟ عشان الشغل هيتعبك وبلا بلا وهو كل همه بس واحدة تطبخ وتغسل وتنام معاه وتبقى فضياله هو وبس بس هو عنده صحابه وشغله وحياته بس هي تبقى ١٠٠/١٠٠ متاحة لحضرته.. هي دي مش انانية؟ ليه متسبنيش اعمل اللي انا بحبه وعايزاه؟ ليه كراجل بتفكر في نفسك بس؟
ليه مقابلتش راجل ناضج عاطفيا بيعرف يواجه بيعرف يقولك متزعليش ويطبطب مش اول ما يقابل مشكلة يلا باي واما تفكي تعالي نتكلم واه طبعا لما نرجع نتكلم مش عايزك تتكلمي في المشكلة اللي بيننا عشان كده هتبقى نكدية وست وحشة اكبتي في روحك وبلاش نحل خالص وفي الاخر نوصل لحيطة سد احسن عشان بس انام وانا بالي مرتاح واه متنسيش واحنا زعلانين لو متجوزين طبعا ليا حق عليكي مش مهم هتعمليه وانت روبوت وانت متضايقة مش مهم المهم افرغ وابقى تمام وحلو
واه صحيح لو في عيال اللود كله هيبقى على الست عشان انا بشتغل وبجيب فلوس مش كفاية يعني ولا ايه؟ تربية لا رعاية لا ابوة لا انا فقط روبوت هيشتغل وانت شيلي الليلة كلها ربي وكبري ونضفي واطبخي وودي المدرسة وذاكري ونيمي وكله كله هي دي مش انانية؟

هو ده الجواز وهي دي الرجالة بجد؟
على ايه كل ده؟
حد فاهمني؟؟🙃🙃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_62530 🇪🇬

منذ أسبوع واحد

شعور عاطفي

موضوع:

بعدت عن حد قبل كده وهو بيحبك?

معتقدشي لان للشخص لو كان بيحبني بجد مكنتش هبعد عنه احنا بنبعد لما نحس أن الطرف التاني مش بيبادلنا الشعور ذاته أو ممكن برضه سقف توقعاتنا من الشريك بتبقي اوفر شويه أو بنقيس باللي ممكن نقدمه ونتوقع منه المثل في الغالب مش بنلاقي دا فبننسحب بهدوء ويبقي هو الضحيه واحنا السيئين برضه في روايه أحدهم 😄

Banana_62593 🇪🇬

منذ أسبوعين

شعور مرهق

انا مريض تفكير بفكر ف الحاجه بتحصل وهتحصل ازاي ومن كل جوانبها السلبيه والاجابيه لدرجه اني ساعات مش بعمل الحاجه اصلا بسبب التوقعات اللي ببنيها ف دماغي انها ممكن تحصل حاسس اني خلاص تعبت وجبت اخري دماغي هتنفجر م كتر التفكير دا

Carrot_62530 🇪🇬

منذ أسبوعين

شعور رائع

موضوع:

اتخدعت ف حد قبل كدة؟

كتير لكن اكتشفت أن السبب هو سقف توقعاتنا الحقيقة في الناس فاتعلمت متوقعشي حاجه من اي حد ومنتظرشي منه شئ لأنه مش ملزم ببساطه وأحط مسافات بيني وبين الناس واسطح العلاقات علي قد ماقدر ودائما اسيب الباب موارب بمعني أن مثقش في حد اوي لدرجه اني اكون مش متخيل أنه يخذلني أو يخوني لا عادي قشطه كل شئ وارد 😄

Pineapple_51151 🇪🇬 ديماً المتعشم ف الناس خسران

عرض الكل 4 نصيحة

Avocado_47020 🇪🇬

منذ 3 أسابيع

شعور مكسور القلب

Mango_51796 🇪🇬 ربنا معاكم يوفقكم جميعاً وتخلصو علي خير

عرض الكل 4 نصيحة

عبّر عن شعورك بشكل مجهول

(ثانويه عامه ) فاضلي امتحانين بس كيمياء و احياء و هما صعبين بالنسبه لي مذاكرتهمش كويس ... مكنتش احسن حاجه في المذاكرة السنادي بسبب مشاكل شخصيه ذاكرت قبل الامتحانات ذاكرت كتير بس بغلط ... في العربي عندي 7 غلط قولت عادي هعوض في الفيزيا كنت تعبانه في اللجنه كنت بحل بالعافيه و طلعت بدعي انجح بس حسبت يمكن انقص بتاع20 درجه يمكن اكتر الانجليزي بقا ذاكرت كويس حليت كويس لحد القطع المراقب اتهمني لن معايا سماعه و ربنا العالم اني حتى ما باخد كلمه من حد عشان يبقا معايا سماعه انهرت في اللجنه مش عارفه كملت حل ازاي عندي حوالي 9 غلط انا كان نفسي اجيب في التسعينات كل امتحان ادعي اني اقفل و برضو بنفص كتير و لسا هنقص في الكيمياء الاحياء غير انهم بيجيو صعبين اصلا يعني تخيل كم الدرجات اللي نقصته في الامتحانات اللي فاتت و هي كانت سهله اصلا انا بضيع حرفيا حاسه ان كل مجهودي في حياتي التعليميه راح و اهلي متوقعين حاجه تانيه لان كله عارف انا مستوايا عامل ازاي و درجاتي عامله ازاي مش عارفه اعمل ايه كنت عامله حسابي في اسوء الحالات مش هقل عن 85 دلوقتي بتمنى اجيبها بس منقصش عن كدا حاسه بيأس و انهزاميه فظيعه حاسه احلامي ضاعت شكلي وسط الناس حاسه اني فشلت انا مؤمنه ان حسابات ربنا احسن و ان اي شئ بيحصلي خير ليا بس انا عاوزة اجيب مجموع افرح اهليه بيه على الاقل مش مهم انا 😭😭😭😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_52542 🇪🇬

منذ 3 أسابيع

شعور شاعر بالملل

جماعه عندي بعض الاسئلة للبنات عشان عايزه اعرف ان هل كل البنات كدا ولا انا بس اللي بفكر كدا ؟ انا ممكن اعجب ب اكتر شخص مستحيل يبقى بينا حاجه لا حلال ولا حرام ولا حتى لو بالاعمال ولا اي حاجه و ابدا اتخيل حياتي معاه واحيانا بفصل شخص في دماغي و اركب عليه شكل واحد حلو انا بحبه واجمع فيه كل الصفات اللي نف

Pistachio_56152 🇪🇬 قدمي في ورشه تمثيل واستفادي بموهبتك

عرض الكل 22 نصيحة

Strawberry_60725 🇪🇬

منذ 4 أسابيع

شعور متوتر

موضوع:

اى اكتر حاجة بتكرهها في نفسك؟

اني مبشوفش اني كفايه وان الي بعمله كفايه ف اي حاجة ..امس شفت فيديو كان بيقول احذر تركض ركض يلهيك عن كل حاجة ف لما ينتهي عمرك تكون لا منك حققت كل حاجة ولا منك استمتعت بالرحلة ..ودا حقيقي ..دايما خايفه من نظرة الناس واني لازم اكون قد توقعاتهم ..دايما بستصغر نفسي ..ومهما عملت مبرضاش ومشوفش الي عملته ..

Orange_60633 🇪🇬

منذ 4 أسابيع

شعور آسف

موضوع:

اى اكتر حاجة بتكرهها في نفسك؟

اني ببقي ضعيفة قدام تلناس ال بحبهم حتي لو جم عليا مش بعرف لخد موقف قوي ضدهم وبتراضي بسرعة وبفتكر اني مكانتي عندهم زي مكانتهم عندي بس بكتشف اني لا وبزعل بس مش عاوزة ابقي لوحدي وانا بستغل لمصلحتهم مع اني بحب اراضيهم بس مش بتراضي زي ما براضيم وتوقعاتي بتنزل في الارض

Chocolate_60641 🇪🇬 كنت كدا بس دلوقت مبديش حد اي قيمه ، الا لما ألاقي أن أفعاله معايا تستاهل ، راضي نفسك محدش يستاهل

عرض الكل 7 نصيحة

Mango_58124 🇪🇬

منذ شهر واحد

شعور وحيد

تايه ومليش سند حقيقي محتاج احس اني محبوب زي ما انا بدي مشاعر حب للي حواليا على قد ما اقدر كل ما احس اني لقيت الانسانه الصح تطلع مش شبهي او انها متبادلنيش نفس الحاجة اللي كنت متعشم فيها او متوقعها منها لحد ما بطلت اتعشم او افكر اني ارتبط اساسا زي ما تقول كده اتقفلت بس نفس الوقت ناقصني شعور ان حد معاي

Blueberry_55506 🇪🇬

منذ شهر واحد

شعور مرتبك

ازاي الواحد يوازن بين اختياراته وحياته الشخصية وما بين أهله وتوقعاتهم منه في أي حاجه وكل حاجة حرفيا في ابسط الاشياء خصوصا بعد م جربت العيشه لوحدي فتره ورجعت تاني اعيش معاهم في نفس البيت

Sugar_51832 🇪🇬

منذ شهرين

شعور ضائع

The ugly truth اكتشفت ان أزمه علاقاتي بناس كتير هي اني بستنى منهم يتصرفوا زي مانا هتصرف لو انا ف نفس موقفهم بتوقع منهم يحبو ويقدرو ويعبرو ب نفس القدر وحتى لو مش هيبادلوني نفس المشاعر على الاقل يقدروها بس مع الوقت اتأكدت ان محدش يقدر يختار يخلي ال قدامه يحبه ازاي وان ال expections ال بنحطها للناس

Coffee_27429 🇪🇬

منذ شهرين

شعور لا مبالٍ

السلام عليكم عندي سؤال هو بجد يعني لو انا مثلا صحيت مش كويسة ومش قادرة اكلم حد قومت بعت للناس اللي عارفة انها هتقلق اني هقفل الموبايل النهارده مثلا ومقولتش اي حاجه تاني وقفلت انا بجد عايزة اعرف ليه ممكن حد يلومني في دا مع انهم ممكن يختفوا عادي بردو ليه بينتظروا مني انا دايما تبرير او مثلا ليه لازم

Durian_52455 🇪🇬 وعليكم السلام، من حقك تضايقى وتزعلى جدًا راحتك النفسية وسلامك الداخلى ممكن ميكنش هيتحقق الا لما تاخدى Break من السوشيل ميديا والجهاز كله. كون إنك وضحتى للناس القريبة إنك هتقفلى الموبايل خوفًا من قلقهم عليكى بعد كدة.. فـ ده فى حد ذاته تقدير كبير منك ليهم ولإحساسهم.. لازم اشكرك عليه بالنيابة عنهم ❤️

عرض الكل 5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع