اكتشفت إني عمري ما اتوكلت على الله

Question

د. عماد رشاد عثمان عمل سلسلة فهم الإدمان انا تفرجت عليها لحد الحلقه 6 بيقول فيها انك المفروض تسيب نفسك عشان مش هتعرف تتحكم في كل الامور وان الميه هترفعك انك تكون متوكل وان فيه قوي عظمي بتاخد بالها منك . الحته دي اثرت فيا عشان انا عمري ما سبت نفسي علطول عندي توقعات ليا علطول في زي السيناريو لازم يتنفذ ولما بتحصل حاجه خارج السيناريو بحس ان حياتي اتقلبت وان كل حاجه بتنهار اكتشفت اني عمري ما اتوكلت . لو اي حد عرف يتجاوز الخطوه دي ياريت يفيدني

Cookies_56544 🇪🇬 · Accepted Answer

اعمل دورك و المطلوب منك بس ، ملكش دعوه بالنتيجة ، متركزش ع الخطه كلها ركز ع دورك فقط ، واعمله ع اكمل وجه و سيب الباقي ع ربنا ، ف اسوء السيناريوهات انت مش هتلوم نفسك وقتها لانك مقصرتش بشئ و النتيجة كانت من اختيار الله و قوتك العظمي ، و اللي بالمناسبة هي افضل النتائج بس احنا اللي مش بنكون شايفين الحكمه منها وقتها

Cookies_58332 🇪🇬 · Answer

عشان الكلام ببلاش دا صعب اوي بالنسبالي

Chocolate_66918 🇪🇬 · Answer

التوكل و التسليم لله مش معناه عدم المحاوله احنا بنحاول و بنتعب كمان و بنبذل اقصى جهد و ربنا بيكرم حصل عكس اللي عايزينه منخفش لانه ربنا هو اللي بيقود حياتنا مش احنا هو دا التسليم و خلي بالك انه حياة التسليم دي اللي بيعرف يعيشها بيعيش تجربة من احلى و اريح التجارب ف حاول واحده واحده تفهم نفسك انه زي ما خرجك من اي مشكله او موقف صعب حصل قبل كدا هيخرجك ف المستقبل برضو ف لا داعي للتوتر و الحزن

Coconut_61647 🇪🇬 · Answer

انا زيك نفس الحوار ببق متوقع حاجة ولازم نحصل بالشكل الا عاوزه ولما ماحصلش بخش في صراع بق 
بس لاسف مش عارف قلة الثقة ديه وكثرة السيناريوهات واحلام اليقظة ديه بسبب شخصيتي وله بسبب اعراض ادمان وماشي في اعراض انسحاب  
عادة سرية واباحية مستوي سادس  
مش عارف فهمتني وله لا

Cookies_56544 🇪🇬 · Answer

محدش قال إنه سهل اصلا ، هو صعب فعلا لكن مش مستحيل ، التوكل على الله و الرضا بالنتيجه من أصعب الحاجات فعلا ، لكن هتعيش تجربه روحانية مفيش احلي منها بدون توتر أو تدخل ف الأمور ، التعافي كله صعب لكن ممتع ، الجنه الوصول ليها بيحتاج تعب و جهاد وكذلك التعافي