تعلق مرضي

Marshmallow_39520 🇪🇬

منذ يوم واحد

شعور مكسور القلب

عبّر عن شعورك بشكل مجهول

أنا من أربع سنين حياتي باظت واتغيرت أوي وعرفت بنات غيرتني وحصل حاجات كتير واتعرضت لصدمات أنا مقدرتش أستوعبها ولا أصدقها واتعرضت لصدمات من صحابي دول برضو كانت الدنيا كل شوية تعملي حاجة وتزود عليا وأهلي طبعا طول الفترة دي كانو متضايقين مني وكنا في مشاكل على طول لأني برضو كانت تصرفاتي غريبة أنا اتغيرت كليا كنت من وأنا في كي جي شاطرة ومتفوقة وسنين الابتدائي كلها وكذلك. اعدادي بس بعد كدا حياتي اتشقلبت وشخصيتي تدريجيا اتغيرت المهم إن ماما خدتني لثيرابي ومن ثيرابي لثيرابي وكنت باخد أدوية كتير أوي وفيهم واحد ربنا يسامحه كان عايز يدخلني مستشفى انا الموضوع دا مأثر فيا لحد دلوقتي المهم إني شوفت حاجات كتير اوي أوي وكنت تعبانة فعلاً اول ما قعدت من اخر واحد دا انا كان تليفوني مسحوب ومكنش معايا طبعاً طول الفترة دي ولا كنت بنزل الشارع غير للدكتور دا واهلي معايا وارجع بس كدا ومكنتش بتكلم مع اهلي حتى ولا حاجة كنت في سريري طول الوقت بعد ما قعدت كانت بداية تالتة ثانوي ليا ف خدت الفون ووعدتهم اني مش هعمل حاجة غلط وهبدا  السنة مذاكرة بجد وهجيب 98% وكان نفسي فيها أوي والله والله والله ما كان في دماغي اني أعمل حاجة غلط بالصدفة حصل حوار ما مع اختي واضطريت أبعت لشخص ما هو كان أصغر مني أصلاً كان اصغر مني بسنة بعتله وقولت الي قولته وخلاص اتكلم معايا كلام عادي جدا قعد يومين بيتكلم عن مشاكل حصلتله في المدرسة وكدا وأنا كل دا مش في دماغي حاجة والله وشايفاه اصغر مني يعني ف اكيد مش هيفكر في حاجة وكنت برد عليه بعدين تليفوني جاب شاشة وكنت هصلحه ف قولتله ميبعتليش وأما يتصلح هبعتله انا اتصلح ومبعتش حاجة بس بعد كام يوم مش عارفة بعتله واتكلمنا عادي ووكل دا مكنش في نيتي حاجة ولا في تفكيري حاجة وكنت فاكرة هو كمان كدا برضو بعد شهرين من كلامنا واحنا صحاب واخوات لاقيته بدأ يسألني أسئلة مباشرة زى اني بكراش عليه أو معجبة كدا يعني عندي مشاعر هو كان الوحيد الي في حياتي حتى مكنش عندي صحاب بنات ولا حد قريب مني لأن بعد الي حصلي كنت بعدت عن كله وكنت قعدت شهور في البيت معرفش الشارع عامل ازاى ولا اعرف الناس خوفت اخسره وافقت نرتبط احنا اتكلمنا في شهر 8 ارتبطنا في 10 وفي عيد ميلادي الي كان في حداشر عرفت أنه اصلا مصاحب بنت وخايني انا كنت واخدة عنه فكرة حلوة اوي اوي اوي وكان ليصلي ومحترم وانا عندي صدمات من موضوع الخيانة دا انا بترعب لما بسمع أن واحد خان مراته بترعب انا مس هعرف أفسر اكتر من كدا بس عندي فوبيا زبتخنق من الموضوع دا انهارت وفضلت اعيط واصرخ واعمل حاجات غريبة واتحايلت عليه ميبعدش معرفش ليييه دا هو الي غلطان وعملت تصرفات تانية بعد الموقف دا وغلط فيا وفي حقي وطبعا مذاكرتي معرفتش اذاكر من مليون سبب ومدخلتش امتحاناتي كلها دخلت شوية والسنادي شوية وحاليا نتيجتي قربت ومرعوبة مجيبش مجموع يدخلني الكلية الي نفسي فيها 
بعد سنتين قضيتهم معاه أستحمل حاجات مؤذية وغيرني كل ما كان يعمل حاجة وحشة كنت بستحمل لحد ما بقيت مقدرش استحمل ف أعمل ردة فعل تلذيني انا بقيت نسخة سيئة مني بعمل حاجات مش شبههي 
أنا عملتله بلوك من يومين و النهاردة اليوم التالت بس أنا عندي تعلق مرضي انا قعدت الفترة دي كلها بسبب التعلق انا بتوجع أوي وخايفة أضعف وأرجع أكلمه وهو معندهوش قلب أنا مش عايزة رجالة أقسم بالله أنا بترعب منهم بس عايزة أفك التعلق دا أنا مرعوبة أضعف وأكلمه ومرعوبة من نتيجتي أنا أهلي بقو شايفيني وحشة وتعبتهم معايا اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_64489 🇪🇬

منذ 4 أيام

شعور مرهق

"كنت فاكرة إني دراما... لحد ما اتشخصت بوردرلاين." بقالي ٣ سنين عايشة مع اضطراب الشخصية الحدية. عديت بحاجات صعب تتفهم… إلا لو كنت شبهي. قررت أشارككم رحلتي بصدق، من غير تجميل: هكلم عن الألم، التقلّب، التعلّق. وعن اللي مش بيتقال في الكتب، ولا على السوشيال ميديا. وهسمعك لو إنت زَيّي… أو حتى بتحاول تفه

Mango_62652 🇪🇬 فرحت لما شوفت البوست لأني بوردر لاين بردو و نفسي نتكلم

عرض الكل 5 نصيحة

Carrot_56637 🇪🇬

منذ 5 أيام

شعور ضائع

Pineapple_64357 🇪🇬 ربنا يغار من تعلقك بأحد غيره تعلقي بالله عز وجل وبكتابه و كلها أقدار و ابتلاءات لتكون في ميزان حسناتنا ان رضينا وان لم نرضي نفس الاقدار لكن ساخطين ومعترضين علي قضاء الله ولا يكتب لنا ثواب الرضا و الصبر علي الابتلاء ومحتاجه انك تتعودي تكوني وحدك وتقوي وتحبي نفسك اكتر و تتذكري ان ليس للانسان الا ما سعي فاسعي فكتابه كتابك أمام الله ف حبه و الرضا عن أقدار و ابتلاءته وادعي الله ان يجمعكم ف جنة الخلد

عرض الكل 6 نصيحة

عبّر عن شعورك بشكل مجهول

السلام عليكم ورحمه الله وبركاته 
انا قبل كدا اتكلمت عن مشكلة التعلق اللي يواجهها اينعم الحمدلله معالجتهاش لسه بس الموضوع اتطور 
انا بخاف من الفقد بدرجه رهيبه زي المرض لما بفكر أن حد من اهلي بالذات امي أو ابويا ممكن لا قدر الله يحصلهم حاجه بحسني هموت و بخاف و ببكي من جوايا عشان مبينلهمش كل ما افكر احكي مع حد بصد نفسي عشان عيلتي بالصلاة ع النبي آخر ناس ممكن افضفض معاهم 
عندي عم كبير في السن هو و مراته أنا لسه منقوله لبيت العيله جديد مكنش ليا علاقه قوية بيهم قبل كدا و عامة مش بحتك بيهم دلوقتي يعني بسبب مشاكل بين بابا و عمي زمان بس اتحلت بدري دلوقتي لما بابا سافر الخارج و احنا هنا قاعدين لوحدنا عمي بقي بيجيلنا دايما و كويس معانا لما فكرت أنه ممكن لا قدر الله في يوم ييجي أجله خوفت و دعيت ربنا يطول في عمري خالص هو و مراته مبحبش جو الفقد اللي بيلف العيله لما حد بيموت بيبقي خنقه واحيانا بحاول اقرب من مامتي اكتر عشان بخاف ييجي اليوم دا و اقول ياريتني كنت قريبه منها و حاسه اني متضايقه التغيير أو الموت سنة الحياة بس انا مش بقبل دا خالص حاسه ان الموضوع بسبب صدمة تعلقي بالبيت القديم و اني اتنقلت فجأة عملتلي عقده بقت مرضية في النهاية ....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_64052 🇪🇬

منذ 5 أيام

شعور لا مبالٍ

Orange_64176 🇪🇬 وانتي بتصلي دايما ادعي يارب متعلقنيش بحاجه هتضرني وتبعدني عنك وطالما انت ندمت دي اول طريق التوبه ابعد عن عمتك خالص ومتحاولش تفكر فيها باي شكل أو بأي جانب وان شا، الله ربنا هيغفرلك ويبعدك عن السكه دي وخد هدنه واعرف واحده من سنك أو أصغر شويه واخطبها تكون بنت حلال كويسه ومتقارنهاش بصفات عمتك يعني شوف صفاتها هي ايه وشوف هتعرف تتأقلم معاها ولا لا عشان متظلمش بنات الناس

عرض الكل 4 نصيحة

عبّر عن شعورك بشكل مجهول

انا شاب عندي 16 سنه اخدت فتره كت معجب بعمتي ومصارحتهاش لاكن مع الوقت حبتني وكانت ليا جانب دعم وحب أكتر من اي شي تاني لاكن بعد فتره وخصوصا بعد انتكاسه ماديه واكادميه بقيت بتقارن أكتر وتطلب مني احاول أكتر ويعمل حاجات أكتر بشكل اوسع بحجه اني راجل ولازم اتحمل المسؤليه مبقيش فيها الطبع اللي حبيتها عشانه،  (رقتها ودعمها تحت اغلب الظروف)  وده خلاني اخد خطوه حقيقيه عشان اظهرهلها سيئاتها فـ طلبت منها صفات مش موجوده فيها فقالت لا حبني زي مانا والصفات دي تلاقيها في مراتك ان شاء الله في الوقت ده حسيت بنوع من النفي وعرفت انها كات لحظه دعم ناتجه عن شفقه وخلصت   ،  الاكيد اني مكنتش بدور علي حب كنت بدور علي ام او اخت تمثلي الجانب اللين في عيلتي واللي كان ناقص بشكل واضح  المشكله ان العلاقه منتهتش بدون خساير زي ما بدأت تقريبا خسرت اهلي سنه دراسيه كامله و جزء كبير من نفسي لاني مقدرتش اوضح انا مين واعرف اعمل ايه قصاد حد فاهمني في الاغلب اكتر من اي حد غريب وده اللي خلاني احس اني بدأت احارب لحد بدافع النشوه اللي كانت وقتها مش بدافع ان هدفي فعلا احققله اهدافه لاكن لان شوفت نظره فرحه وفخر كنت محتاجلها فكملت فحاجه اول مره اعملها العلاقه كانت سامه ووحشه بكل الاشكال من اول اني اتعلقت بحد من محارمي عشان يعوضلي حاجه ناقصه عندي من البدايه لاكني حاسس بنقص رهيب فيا حاسس اني اي علاقه مش هتكون موزونه حتي لو استقريت في دراستي وشغلي بعد كده والاوحش اني هايف ادور علي صفات عمتي في حد اصغر يشرع علاقتي بعد كده وميبقاش فيه استقرار لاني بدور علي حد مش من حقي وعرفت اني خالفت حدود ربنا وقت لما قال ﴿ وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَٰجٗا مِّنْهُمۡ زَهۡرَةَ ٱلۡحَيَوٰةِ ٱلدُّنۡيَا لِنَفۡتِنَهُمۡ فِيهِۚ وَرِزۡقُ رَبِّكَ خَيۡرٞ وَأَبۡقَىٰ ﴾
سورة طه – 131 آية 
انا  غلطت اكتر بكتير منا متصور لاكن نفسي بجد ارجع باي شكل لوقت قبل ما اتعلق بيها ولشغلي ولمستويا في دراستي ولعله خير ويريت اللي يقراه رسالتي يدعيلي دعوه المؤمن الاخوه المؤمن فيه ظهر الغيب مستجابه ولكم بالمثل إن شاء لله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_62236 🇪🇬

منذ أسبوعين

شعور مكسور القلب

كنت مخطوبة لشخص نرجسي سام و طبعا كلكم فاهمين اي نرجسي بيستغلني عاطفيا و معنويا و جسديا و بيستغل كل حاجه فيا و لو قولت لا او اشتكيت بيقلب التربيزة عليا و عندي تعلق مرضي بيه لاننا مع بعض من زمان فوق ال٢٠ سنة مع بعض و دلوقت كل واحد راح لحالو بس هو كل شوية يدخل يكلمني و يشقلب حياتي بعد ما ببقي عايشة عاد

Avocado_62141 🇪🇬

منذ أسبوعين

شعور غاضب

حاسه اني شخص مريض دايما عايزه الشخص الي معايا في علاقه يكون خاضع ليا وينفذ الي بقوله وعيزاه ليا لوحدي وبضايق لما يروح يعمل حاجه لأهله أو يخرج مع صحابه ولما يلاحظ أنه بيفضي وقت لحاجه غيري بغضب وبكون زي المجنونه وبقعد اشتم وازعق واقوله غور من وشي وحاجات شبه كدا و مش قادره اتخيل أنه قالي لا مش هنكمل وأ

Orange_61947 🇪🇬 بصي عادي ممكن تكون مشكله نفسيه من و انتي صغيره اكيد فيه موقف حصل معاكي و انتي حاليا مش بتحسي ان ليكي مكانه غير لما تعملي كده صح؟ بس حاولي تقرأي كتب عن الصدمات النفسيه وابحثي لان وارد جدا مواقف حصلت معاكي وانتي صغيره هي السبب و رينا يارب يكرمك

عرض الكل 14 نصيحة

Coffee_57918 🇪🇬

منذ 3 أسابيع

شعور مكتئب

بكره أي وداع أياً كان، وبكره النهايات كلها نهاية مرحلة في حياتي نهاية سنة دراسية نهاية صداقة نهاية فيلم أو مسلسل نهاية كتاب أي نهاية بتدمرني ومش عارفة أعمل ايه ومش عارفة أعيش والله بتعلق تعلق مرضي بأي حاجة وأي حد حتى الأماكن والأفلام والأغاني وكل حاجة كل حاجة ولو رجعت مثلاً لمكان أو فيلم أو أي حاجة

Apple_61829 🇪🇬

منذ 3 أسابيع

شعور آسف

عندي مشكله التعلق المرضي .. بجوزي حاجه متعبه جدا لينا احنا الاتنين وهو كمان مش بيحبني درجه حب كافيه فما بالكو بقا لما يكون بيحبني قليل اصلا وانا عندي تعلق مرضي ! نفسي اتعافي ومش عارفه الموضوع صعب ويقبل علي نفسي ضرب واهانه وجسمي يرزق من الضرب واهمااااال وحاجه والله متعبه 💔 وان اروح لدكتور نفسي مت

Grape_61821 🇪🇬 اتفرجي على سلسلة التعافي لدكتور عماد رشاد

عرض الكل 7 نصيحة

Coffee_57918 🇪🇬

منذ 4 أسابيع

شعور مكتئب

عندي تعلق مرضي بجد بأي حاجة، أشخاص أو أماكن أو حاجات،أي حاجة حرفياً بتعلق بيها سواء حاجة كويسة ولا وحشة عايشة دايما على ذكرى الماضي، رغم وأنا عايشاه كنت متضايقة وبتألم، ودلوقتي بعمل كده في الوقت الحالي، بتألم وبعاني وعندي حنين للماضي، ولما الوقت يعدي هيبقى عندي حنين للفترة دي رغم إني بعاني أهو وبضيع

Coffee_57918 🇪🇬

منذ 4 أسابيع

شعور مكتئب

Chilli_60208 🇪🇬

منذ شهر واحد

شعور محبط

موضوع:

اى اكتر حاجة بتكرهها في نفسك؟

اني لما بتعلق بحد عاطفيا ببدأ اخسر نفسي وحياتي تبوظ من كتر تفكيري فيه وغالبا بتعلق تعلق مرضي وحياتي كلها بتتمحور حواليه وببدأ افقد نفسي وتركيزي في حياتي واحدة واحدة لحد ما اكره نفسي واتحول لنسخه سيئة مني وبالتالي طبيعي اللي قدامي يزهق مني وبكره نفسي لما اصر على اختيارات غلط برغم من اني عارفة انها غل

Apple_59652 🇪🇬

منذ شهر واحد

شعور متعب

انا عندي عقده من التعلق لان من سنتين كنت متعلق بحد من صحابي اوي و حصل مشكله و طلع شخص وحش و انا فضلت ست شهور بروح لدكتور نفسي بسبب الحوار ده و ققعد لحد فتره قريبه مبتعلقش بحد و كل حياتي بحدود لحد ما دلوقتي انا اتعلقت بحد تاني انا عارف ان التعلق مرض و حاجه وحشه بس انا بتاقلم بس الفكره ان دلوقتي انا م

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا 33 سنة اتعرفت على حد من حوالى 13 سنة كنت لسه بدرس و كنا اصحاب ف البداية و فضل يتقرب منى بكل الطرق لغاية ما حبيته و كنا بنعمل علاقة كاملة و حملت منه مرتين و سقطت كنا بنتخانق كتير و نسيب بعض و نرجع لحد من سنتين قررنا نرجع بس المرادى رجوعنا كان مختلف و اتخطبنا و بردو كنا بنعمل علاقة و دى كانت المرة التانية اللى احمل فيها منه طبعا انهرت و كنت ف اسوء حالاتى النفسية انا حامل من واحد الدنيا كلها عارفه اننا مع بعض بس مقدرش اخلى الحمل ده و بما انى ف بلد و هو ف بلد وحصل الاجهاض ده عن طريق انى اخدت حبوب تنزله فضلت انزف لمدة اسبوعين و طلبت منه ييجى اشوفه و هو قالى انه عنده ظروف و مش هيقدر يسافرلى مع العلم ان المسافه بينى و بينه ساعتين مش اكتر بعد ما فوقت من اللى انا فيه عاتبته انه مجاش لقيت رده هو ده اللى عندى و انا كدة و دى ظروفى و ان بعد كده لما نتجوز وارد جدا تولدى و مكنش انا موجود و ابقى ف شغلى طبعا الكلام ده جرحنى جدا و رديت عليه رد جرح رجولته و لما هديت حاولت اصالحه و ارجعه و روحتله لحد عنده بس هو نهى الموضوع مع اهلى و سابنى مع العلم انه من اول الخطوبة و هو مش عاوز يكون ليا رأى ف اى حاجة حتى ف بيتنا اللى هنتجوز فيه و لو أخد رأيى ف التفاصيل بيبقى عاوزنى اوافقه رأيه بس و حتى لما جه و خطبنى اهله مكانوش معاه لأنهم شايفينه عيل و مش مسئول و مش هيشاركو ف الهبل اللى بيعمله ده عارفه انى غلطت و انه استغلنى لكن انا مش قادرة اتخطاه و للأسف لسه بحبه و لسه مستنياه يرجع عملت كل حاجة عشان انساه و مش عارفه و انا ادام الناس قوية و جامدة و مش هاممنى بس والله انا بموت مش عارفه ايه الصح انا أجبرت انى امشى و انساه لكن مش قادرة اتخطاه و اقلب الصفحة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_60081 🇺🇸

منذ شهر واحد

شعور مرهق

Mango_59444 🇺🇸 اولا كل الى حصل دا كان مكتوب يحصل يعنى مش انتى السبب فيه وبعدين رب الخير لا يأتى الا بلخير أدى فرصه للشخص الكويس وربنا يقدم الى فيه الخير

عرض الكل 4 نصيحة

عبّر عن شعورك بشكل مجهول

انا حاسه بحاله اكتئاب واني منهاره تماما انا مش عارفه ابدء منين الاول انا اتعرفت علي حد من السوشيال وهو مصري بس برا مصر المهم نزل مصر وقالي عايز نتقابل ف انا قلتله انا معتديش الكلام دا والي عايز يجي يشوفني او يقعد معايا ف يجي لبابا الاول ودا اخر كلامي ف المهم انه وافق وجه يكلم بابا واتفقنا ع سيناريوا يقوله لبابا منطقي علشان لو عرف انه من السوشيال هيحصلي مشاكل المهم جه وبابا نزله وطلع وشه باهت وملمحه متغيره وعرفت انه قاله ان عرفني من السوشيال وبقا يتهمني واسمع بيقول لماما ان التعارف ع السوشيال والكلام بيبقا عن ال**س وشكك فيا وف اخلاقي ودا كسرلي قلبي بشكل بشع انا مرضتش ومقبلتش انزل ويشوفني علشان احافظ على نفسي لكن لقيت من بابا رد فعل تعبني وبابا وقتها بعدها ب اسبوع او اتنين تقريبا جتله جلطه وعمل تلت عمليات ربنا شاهد وقتها  ان انا رنيت  97 مره علي الشخص دا علشان محتاجاه وهو مردش عليا وبعدها بتلت ايام رن يقولي انا عارفه ان باباكي فالمستشفي انا كنت بصيف وبعد اسبوعين جدي اتوفى ولقيته بيرن عليا وبيقولي انتي جتك اتوفى مع ان اقسم بالله انا معرفش ازاي عرف ولقيته بكل برود و وقاحه بيقول جدك مات امتي قلتله الفجر قالي لا جدك مات 7 الصبح اصل خروج الروح بياخد تلت ساعات تخيلو قد ايه هو مريض كان قايلي انه دكتور وطلع مش متعلم كان بيكدب فسنة قايلي 20  وطلع 24 سنة عارفه اني غلط اني اقوله كلم اهلي وانا معرفش حقيقته بس  انا كنت طفله وقتها كنت لسه 16 سنة وبالنسبالي لازم يجي علشان حرام ومكنتش فاهمه انا دماغي علي ايه ولا رايحه فين وقتها انا جالي زي تروما وانعدام امان وتعلق تجنبي غير ان انا بقيت شايفه ان مرض بابا وعملياته دي انا الذنب فيها وتغيره بعد العمليات واكتئابه ورفضه للشغل والمشاكل الي بينه وبين ماما كل حاجه كل حاجه حرفيا حاسه ان انا السبب فيها بقا عندي 20 سنة ومش قادره ابطل الاحساس دا وعلاقاتي بالاشخاص بقت غريبه بقيت بتعلق تعلق مرضي بقيت منهكة نفسيا مش قادره اتعايش ولا ابقا زي الاول حاليا انا فعلاقه مع حد من زمايلي فالدراسه والشخص دا وعدني انه هيتقدم كمان سنتين لما نتخرج وهو خلاني اكلم مامته واخته وهو بيكلم اهلي برضو وللامانه مبشوفش منه حاجه تخليني اقول انه وحش بس مش قادره اديله الثقه حقيقي مش قادره انا بقالي شهر كل يوم بعيط لدرجه اني تعبت دا كله علشان نزل شغل وكلامنا قل ف التروما وانعدام الامان وتفكيري المفرط هلكوني وشغلين فدماغي انا معرفش انا يمكن كلامي مش مترتب بس محتاجه نصيحه منكو  ودعوه حلوه بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_52373 🇪🇬

منذ شهر واحد

شعور لا مبالٍ

فى حد عنده dismissive avoideant attachment و عرف بتعامل مع ده ازاى؟ بأختصار...ده مرض نفسى اسمه المتعلق الرافض يعنى انت بتتعلق بحد اوى بس اول متحس ب ده و ان هو كمان اتعلق بيك بتبعد اوى و تحط بينكم مسافه كبيره و ف نفس الوقت بتبقى خايف يبعد عشان انت اتعلقت بيه و بمجرد مافعلا يبعد و يبدأ يتجاهلك بترجع ت

التجربة أفضل عبر التطبيق

حمّل تطبيق توهيل على هاتفك لتجربة أسرع