تعبت من تعلقي المرضي وخوفي من ضياع أي حد

Question

أنا بنت عندي ٢١ سنه عندي تعلق قلقي و ده بسبب حجات كتير حصلتلي زمان أنا دلوقتي بخاف اوي اني اي حد يبقا معايا و يمشي ف ده بيخليني أتنزل عن كل حاجه علشان بس ميمشيش أنا طول الوقت خايفه و بتعلق ب اي حد و مستنيا دايما اي حد يطمني و طبعا مفيش راجل مش بيستغل ده و انا مش بعرف اقول لا بذات لو ل راجل في حياتي أنا تعبت مش قدره افضل كده و مش قدره ابعد بيستغلني اسواء استغلال بيخليني اعمل حاجة مش شبهي بس علشان ارضي و علشان ميمشيش أنا عارفه اني ده غلط و حرام و كل مره باخد قرار مش هعمل كده تاني بس أنا مش بعرف اقولو لا

Carrot_71203 🇪🇬 · Accepted Answer

اسوء استغلال هو الاستغلال النفسى والجسدى والعاطفى ، حاولى تبعدى بقدر الإمكان عن اللى بيستغلك لأشياء محرمه ، حاولى تقربى وتتدعى للربنا أنه يعوضك ويحميكى ويحفظك ،  حاولى تسيطرى على عواطفك ومشاعرك لأنك شكلك بتتضعفى ، خافى على نفسك ،

Orange_63919 🇪🇬 · Answer

بطلي تكلمي حد في علاقة غير شرعية وحاولي تتعافي بعلاج نفسي ♥️

Banana_63629 🇪🇬 · Answer

بتعرفي تقولي لا لكن الخوف من الوحدة اقوي ف اقضى ع الوحده هتعرفي تقولي لا و تمشي الدنيا زي ما انتي عايزة مش مجبرة

Avocado_75906 🇪🇬 · Answer

مش كل الرجاله كده و بعدين انت لسه سنك صغير اوي انك تعرفي رجاله و تتكلمي معاهم و كده و معظم الرجاله بيحبوا فعلا يستغلوا الموضوع ده

Sugar_75973 🇪🇬 · Answer

بصي مش هكلمك في منطقة حلال وحرام بس لو هنتكلم ف الصح مافيش راجل لو حب واحده بيستغلها ومبيراعيش ربنا فيها 
فكرة انك بتتعلقي بيهم دي عاديه مش مشكله بس اتعلقي براجل ويكون الراجل الصح 
كل الي عرفتيهم مش رجاله ومحدش فيهم  راعي ربنا فيكي أما انتي نيتك كويسه فا اصبري وهتلاقي الي يراعي ربنا فيكي

Orange_63919 🇪🇬 · Answer

ع فكرة غلط لان البني آدم راجل او ست بيحب عشان الجنس
حتى لو بدون تصريح او بدون وعي من الشخص
فالأفضل اننا ننصح بالبعد عن العلاقة مش ندور ع حد بيحبنا بجد من غير جنس لان مفيش حب بدون جنس

Sugar_75973 🇪🇬 · Answer

مفيش حاجه اسمها بيحب عشان الجنس الجنس دا مش حاجه دائمه ف حياتنا ممكن اي حد ف الطرفين تحصله مشكله صحيه تخليه مش هيعرف يتعامل تاني كا جنس هل دا ينهي الي مابينهم؟؟
العلاقه مابين اي اتنين لازم يبقا مليانه تفاهم وأنهم ناضجين فكريا ومراعيين ربنا ف نفسهم
وأنهم يكونو شارين بعض بجد 
لو حصل اي للتاني عمر مهيتخلو عن بعض 
عشان لو لقيت أنك مش هتعرف تعيش غير مع الشخص دا حتى لو مش قادر جنسيا هتقول طز

Coffee_75931 🇪🇬 · Answer

محتاجه تقدري نفسك اكتر من كدا و تحبيها لان محدش يستاهل غيرها استغتي عن اي حد يفكر بس انو يستغلك الحياه عمرها ما هتقف علي حد ركزي الحياه عمرها ما هتقف علي حد اي شعور بتحسي بيه مع حد ف علاقه ف دا شعور كداب انت بتقنعي نفسك بيه و دا غلط فوقي  انت تستاهلي احسن من كدا الف مرا و متاكد من كدا انسي الي فات و ركزي ف الي جاي حتا لو هتخسري كل الناس و تبقي لوحدك هيكون دا الصح و الله هتلاقي بعدها الي يقدرك فوقي

Marshmallow_70594 🇪🇬 · Answer

جربي تحبي نفسك اكتر وتدي الأهميه لنفسك اكتر وتفكري في نفسك الأول و واحده واحده ابدأي قولي لاء لحاجات بسيطه في الأول عشان تتعودي و بعدها أول مره تقولي فيها لاء لحاجه فعلا هتيجي على نفسك وكرامتك طبعا هترجعي في الأول بس بعدها صدقيني هتفرحي إنك قدرتي تختاري نفسك ولو لمره واحده ، و نصيحه بلاش بلاش بلاش علاقات مُحرمه .

Grape_75988 🇪🇬 · Answer

كنت اعرف وحده زيك كدا وكنت بحاول اخليها تعدي ده وتحاول تقوله لا بس فعلا كنت كا مره بستغرب ازاي حد قادر يخلي حد كدا 
مش حب ولا تعلق ده حب جلد ذات

Banana_65230 🇪🇬 · Answer

انا مريت بنفس تجربتك وتخطيت المشكله

Ice Cream_75885 🇪🇬 · Answer

ازاي

Ice Cream_75885 🇪🇬 · Answer

كلامك كلو صح بس مش سهل حولت و مش قدره أنا بخاف من الوحده بخاف ابقا لوحدي بترعب

Chilli_48447 🇪🇬 · Answer

المشكله كلها انك لوحدك ومفيش حد جنبك ومعاكى ومتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى اى قرار

Ice Cream_75885 🇪🇬 · Answer

طب و المفروض اعمل ايه

Ice Cream_75885 🇪🇬 · Answer

الموضوع صعب لدرجة اني ممكن ابقا عارفه انو بياذيني و مكمله معاه بس علشان مش قدره ابعد و صعب علي اي حد مش جوه يتقبله او يفهمو

Chilli_48447 🇪🇬 · Answer

لو حبه ان اكون جنبك ومعاكى واتابع معاكى يومك واسمعك أنا معاكى ومتقلقيش مش هزهق منك 😊
ده لو حبه

Ice Cream_75885 🇪🇬 · Answer

حبه اكيد ❤️