تحدي النفس

Watermelon_71556 🇪🇬

5 months ago

Feeling Emotional

بقالي فترة مش طويله هنا واكتشفت انه مش بس انا اللي عندي مشاكل..مش بس انا اللي نفسيتي مش احسن حاجه..الناس كلها عندها مشاكل محدش حياته صافيه زي ماكنت متخيل! في نفس الوقت محدش وقف عند مشكلته ووقف حياته كلنا مكملين في يومنا وشغلنا وحياتنا بشكل عام الخلاصة ان المشاكل جزء من حياتنا وجزء لا يتجزأ من وجود

Potato_60111 🇺🇸

7 months ago

Feeling Happy

Topic:

اتغلبتو ازاي علي الوسواس القهري الخاصة بالنظافة

انا كنت بعاني من الوسواس القهري الخاص بالنظافة والترتيب لكن اتغلبت عليه عن طريق اني كنت اشوف الحاجة مش مترتبة واسيبها قاصد حتى لو كان الموضوع يضايقني وده اللي خلاني اتغلب عليه من غير ما اروح لاي دكتور

Sugar_58083 🇺🇸

7 months ago

Feeling Thankful

Topic:

ثانوية عامة غيرت فيك ايه؟

Express your Feeling anonymously

اخيرا هقدر اتكلم في الموضوع دا 😭💔
ما علينا المهم، من وانا صغيره وانا معتمده علي نفسي، انا الكبيره ف اخواتي ف كان كل الاهتمام بيروح للي بعدي لدرجة اني حسيت ان الموضوع عادي ومش لازم يهتمو بيا (ملحوظه عندي فاينال كمان كام ساعه وقاعده بحكي في احزاني😭وربي معرف كلمه ف الماده ) نرجع تاني، معرفتش قيمة الاهتمام غير ف ٣ث او من قبلها بشوية كانو صحباتي دايما يحكولي ماما بتعمل معايا كذا وبابا بيعاملني كذا ف طبيعي ابدا ابص لحياتي والتعامل فيها بيكون ازاي، دا بعيدا عن اللي مريت بيه في حياتي عامة، نيجي بقي لموضوع ٣ ، صراحة كنت بادئة صح دروس بحضرها مزاكره بزاكرها ، مفيش مواد متراكمه مش بسيب فرض، علاقتي بربنا كويسه، مفيش علاقات محرمه و و و و.... الخ بقي. 
طبعا كنت متوقعه معامله تانيه من اهلي، ويكون في اهتمام بقي، لكن لا مفيش اي دعم معنوي نهائي ارجع من الدروس تعبانه وهلكانه مفيش عملتي اي حصل حاجه انهارده، في حاجه مضيقاكي، دا لدرجة ان ساعات كنت برجع هموت من الجوع وملاقيش ماما عملالي اكل، وفي نفس الوقت اخويا اللي بعدي ييجي من برا تكون مجهزاله الاكل والشاي وكل حاجه، كل تصرف نتج منهم كان بيأثر فيا جامد وكان بيشكل حاجه جديده في نفسيتي، لدرجة اني بدات ادور علي الاهتمام من مدرسيني، الحمد لله كنت متميزه دايما ومتفوقه، ومدرسيني كلهم عارفيني ودي كانت اكتر حاجه مشجعاني او بتخلي عندي ثقه بنفسي، ف وصلت لمرحلة اني بزاكر علشان المستر يقول عليا كذا لا ويشكر فيا ويتباها بيا قدام السنتر كله، ولو دا محصلش او اتباها او شكر ف حد تاني كنت بزعل جدا ونفسيتي بتتأثر اوي (السبب اللي ضيعني ف ثانويه اخيرا اعترفت بيه) جيت لحد نص السنه كدا قبل نهاية الترم الاول كنت ضايعه فيزيا حرفيا ضايعه واكتر ماده كنت بهتم بيها وازاكرها احياء في الوقت دا كنت انا وكذا حد من صحباتي المهم بدانا نغير السنتر والمستر اللي كنا بنحضر عندهم البيست فريند راحت عند اتنين مختلفين واتنين تانيين من صحباتي راحو عند مدرس تاني والكل اتفرق عند مدرس شكل وانا اختارت اني اخد اونلاين، الحمد لله الموضوع كان ماشي معايا فل وقدرت الم جزء كبير من اللي كان ضايع مني لدرجة كان المستر في الفصل الرابع وانا كنت لميت الاول والتاني ونص التالت وكمان يومين ولا حاجه هكون وصلت للرابع حرفيا مكونتش بنام، بس جينا بعدها اتجمعنا في سنتر تاني البيست سالتني عامله اي ف الفيزيا قولتلها كل اللي حصل بقي قالتلي بقي انا باخد درسين ومش عارفه المها وانتي بتاخدي اونلاين ولمتيها والحمد لله من بعدها وعينك متشوف الا النور فضلت اسبوع مفتحش فيزيا والمستر كان وصل للسادس وانا خلاص حرفيا ضعت حتي اللي لميته اتنسي اختارت اني انزل سنتر تاني بقي ونزلت وفضل الحال كما هو عليه ودخلت امتحان فيزيا ثانويه عامه بفصل اول وتاني وجزء بسيط من الحديثه 😂 تخيلو فيزيا ثانوية عامة انا قادره بالله بس الحمد لله عديت فيها وكنت خايفه لاشيلها بصراحه بس الحمد لله. 
هحكيلكم موقف تاني برضو عن اللي كانت البيست دي، كان علينا ف يوم شامل احياء المهم كان في باب الهرمونات مش مظبوط معايا اوي وفي الامتحان في سؤالين وقفو معايا من الباب دا ف راجعتهم معاها طلع واحد صح والتاني عدلته منها وقت النتيجه بقي انا جبت اعلي منها قالتلي بنفس النص كدا -يعني انا اغششك وتجيبي اعلي مني؟- اليوم دا كان الفيصل بيني وبينها وقررت اني اقطع معاها مع ان كان في مواقف زباله كتير قبلها بس كنت بعدي علشان بجد كنت بحبها اكتر من نفسي وبعتبرها زي اختي بالظبط، بس في المقابل عي كانت معتبراني عادي اه قريبه بس مش اللي هو انتي ، كدا يعني . 
ندخل بقي للترم التاني بدات اراكم كتير ومبقتش اروح سنتر الانجلش والدنيا كلها باظت معايا حتي الاحياء اللي كنت محافظه عليها من اول السنه جيت عند ال DNA, RNA وراكمت والدنيا باظت علي الاخر  ، جيت بقي علي اخر ٣ شهور قعدت من معظم الدروس او كلها وتابعت اونلاين، العربي كان ضايع من اول السنه الحمد لله لميته كويس اوي ف ال ٣ شهور دول وجبت فيه ٧٢ من ٨٠ والكيميا نفس النظام بالله كنت بقول هشيل كيميا طول السنه بس اخر ٣ شهور لميتها و جبت فيها ٥١ ازاي انا مش عارفه بس كرم  ربنا والله ، والمواد الباقيه بقيت بمشي الدنيا كدا والموضوع عدي بكل اللي مريت بيه في السنه دي واللي محدش يعرفه او حس بيه غيري واللي ربنا شاهد عليه واني جيت علي اخر شهر قولت مش عاوزه اجيب حاجه بس اخلص منها بالله نفس اللفظ كدا، نيجي بقي ليوم النتيجه بالله يوم يضحك 😂 كان يوم فرح بنت عمو كنا ف القاعه وانا عامة قاعده قلقانه عارفه ان النتيجه هتظهر ومكانش معايا داتا والله 😂 بفتح الداتا بالصدفه لقيت في نت والاقي واحده من صحباتي بعتتلي النتيجه والحمد لله مكانتش حلوه بس حمدت ربنا طبعا ورضيت، بابا لما عرف قال يلا نروح وكانو زي اللي ميتلهم ميت، هقول دلوقت اكتر حاجه جرحاني في حياتي ومش ممكن اتخطاها ابدا، لما روحنا احنا طلعنا وبابا كان بيركن العربيه كنت قعدت وهديت وبدات اشوف الدنيا طلع مسالنيش عن نتيجتي لا سالني عن نتيجة واحدة صحبتي (صحبتي دي كانت البيست بتاعتي في اعدادي و١,٢ كنت برتب اعلي منها جت هي ف ٣ طلعت الاولي ع المدرسه وانا مرتبتش،ف من يومها وبابا مش شايف غيرها) المهم كان مجموعي اعلي منها ف متكلمش وقال يلا نامي، حكمة ربنا لو بجد كانت جابت هي اعلي مني كانت هتبقي حياتي جحيم اكتر ما هي اصلا، معاملتهم ليا بقت وحشه اوي بقيت بحسهم بيكرهوني،ماما طول السنه كانت بتفضل تقولي لو مجيبتيش مجموع هعمل واخلي واسوي فيكي،حتي وقت الدراسه كانت ساعات بتخليني اساعدها كانت رافضه بتاتا اني معملش حاجه واجي مثلا اخد بريك او افصل وامسم الفون تزعقلي وتقولي بدل ما بتلعبي قومي ساعديني،وبابا يقولها هي اصلا مكانتش بتزاكر (اللي هو يجماعه انتو متعرفوش حاجه عني غير اني بنتكم،المواد بتاعتي مكانوش يعرفوها السناتر المدرسين مواعيد دروسي كل دا بالله مكامو يعرفو حاجه عنه،حتي الدعم مفيش غير الدعم المادي ) اهلي قصرو؟! اه قصرو من وجهة نظرهم هم صح ومقصروش في حاجه بس هم ميعرفوش غير الجانب المادي،انا حاليا كارهه حياتي بسببهم وبسبب تفكيرهم وعاداتهم وتقاليدهم (مش عاوزه ادخل في الجانب دا دلوقت خلينا نرجع للي حصل بعد النتيجه)مش هنكر اني كنت زعلانه بس حق ربنا منزلتش دمعه واحده لاني نفسيا كنت زعلانه لكن عقلي كان رافض يصدق دا وكان دايما بيبينلي اني تمام، لغاية ما النفسيه بينت الحقيقه وشي باظ وشعري باظ وجسمي باظ كل حاجه اتدهورت ، جه معاد الرغبات، انا الحمد لله طموحي مكانش طب بس كنت عاوزه علشان بابا واهلي وكدا، كنت حابة ادارة الاعمال من زمان اوي ودايما كان نفسي اني اكون بيزنيس وومان وكل اللي يعرفوني عارفين كدا الا اهلي سبحان الله،حتي لما جيت علشان اختار الكليه ماما قالتلي انسي الخاص مع ان نقدر عليه عادي، حرفيا اصحابي كلهم دخلو طب خاص اللي دخل صيدله واللي دخل اسنان واالي دخل بشري واللي دخل علوم صحيه و و و،بس باين كدا اني ف نظرهم مستحقش بس الحمد لله دخلت تجاره ولقيت قسم جديد فيها متخصص محاسبه وادارة اعمال بس ف دخلته مع انه مكانش في خطتي بس طبعا ترتيب ربنا (هبقي اتكلم عن الكليه بعدين ) 
الخلاصه اللي عاوزه اقولها، ان ثانويه عامة بالنسبالي كانت مدرسة الحياه عرفت نفسي كويس اوي وبنيت شخصيه كويسه اوي ومبقيتش اشوف غير نفسي اتأذيت اه اتأذيت بس نتيجة الأذي حاجه حلوه ف في النهاية حابه اقول الحمد لله ❤

Blueberry_49608 🇪🇬

1 year ago

Feeling Stressed

Topic:

بتعرف تقول لأ ؟

يمكن دي اصعب حاجه ممكن اكون بمر بيها في حياتي لاني مبوظالي كل حاجه حرفيا اني مش بعرف اقول لا حصلتلي مشاكل كتير بسبب الموضوع ده مع ناس ومع نفسي ممكن اكون مش عايزه اعمل الحاجه دي خالص وهفضل الوم نفسي بس كل ده عشان مقولش لا الموضوع صعب اوي ومش سهل زي ما ناس كتير فاكره بس هو الشخص الي مش بيعرف يقول لا د

Strawberry_49842 🇪🇬 فعلا مش سهلة خالص زي ما البعض فاكر +براڤو اوي حاجه كويسه انك بتحاولي و مره مع مره هتوصلي ل لا الصريحه و تكوني راضيه من الداخل . وكده هتعملي لكل الناس حدود معاكي .

View all 7 Advice

Avocado_27290 🇪🇬

1 year ago

Feeling Disappointed

تحديات الحياه دي حاجه كلنا بنعدي بيها مفيش حد مرتاح دايمًا في حاجه وقفه في طريقنا بس المهم إننا نبقى دايمًا أقوى ونفضل نحاول كل يوم نتعلم حاجه جديده ونقاوم ونعافر الدنيا مش هتديك حاجه بالساهل بس دايمًا افتكر إنك قدها

Watermelon_27719 🇲🇦

1 year ago

Feeling Thankful

Topic:

ازاي عرفت او حددت هدفك أو حلمك؟

Cheese_27727 🇪🇬 مشاء الله ربي يوفقك يارب انتي مثال للاجتهاد واختيار الحلم المناسب

View all 1 Advice

Express your Feeling anonymously

ضيعت3 سنين من حياتي فتخصص مبحبهوش و مكنش مستوعبة ده و كنت فاكر اني غبية بس و فاشلة في الدراسة و ده لي خلاني اسيب التعليم و أقعد في البيت سنتين مبعملش حاجة غير شغل البيت. 
نفسيتي بقت في النازل. 
في السنة التانية من قعدتي في البيت فكرت ان انا احسن الإنجليزي بتاعي الي ماشتغلتش عليه من 4 سنين من أيام الثانوي ( في المغرب الدراسة بعد الثانوي بتبقا بالفرنسي مش الإنجليزي ) 
فأخدت كورسات من النت و بدأت أتعلم و كنت بحب الوقت ده من يومي جدا. 
و لما اكون مع اهلي و تطلع أخبار او وثائقي او برنامج بالإنجليزي كان بابا يقولي ترجمي . و كنت بعمل كدة و أقعد أترجم و انا جوايا فرشات .
في مرة كنت بسكرول على التيك توك و لقيت واحد بيقول " لو عايز تعرف شغفك و تلاقي حلمك . إسأل نفسك . ايه الحاجة لي شايف نفسك قادر تعملها كل يوم للآخر يوم فحياتك حتى لو بلا مقابل "
و أول حاجة جت فبالي وقتها قعدتي جنب بابا و انا بترجملو الأخبار 
قفلت بعدها الموبايل و بدأت ادور
-ايه هي الترجمة و انواعها 
- ازاي ابقا مترجم
-فين اقدر ادرس الترجمة .....
دورت لساعات و انا جوايا فرحة متتوصفش 
زي لما تبقا تايه فصحرا كل لي حوليك رمال و مش عارف فين الشرق من الغرب من الشمال من الجنوب .. الإتجاهات كلها داخلة فبعضها 
فجأة تلاقي صوت عربيات جاي من بعيد و طريق ظهر قدامك ...
لقيت عوائق كتير بس زي العسل على قلبي 💗 
اولها ان لازمني شهادة بكالوريا ( ثانوية عامة) أدبي بدل العلمي . أضطريت اني اعدي إمتحان الثانوي تاني .. عديتو و نجحت 
و عملت كلية لغات و دلوقتي انا بدرس فيها عشان احصل بكالوريوس أدب إنجليزي و أعمل ماستر ترجمة فورية 
أدعولي ❤️❤️❤️

Pineapple_15705 🇪🇬

1 year ago

Feeling Not great 😕

عاوزه اتعلم اخد موقف ومرجعش فيه تاني رغم بيصعب عليا نفسي واللي قدامي اعمل ايه !!

Apple_13643 🇪🇬

1 year ago

Feeling Good 😁

أكتر حاجة بقيت بحاول اعملها دلوقتي اني كل يوم ابدأ يومي وأنا بخطط لنفسي هدف جديد و اكون سبب تشجيع نفسي و اني اتحدي نفسي في حاجة جديدة و احاول متسرعش في اخد اي قرار مهم في حياتي و ادي اولوية لحياتي و مستقبلي اللي عايزاه و بعد كدا اشوف اي حد تاني و بجد اي نعم مش بحقق انجاز كبير بس بقي عندي رضي عن نفس

Lemon_12041 🇪🇬

1 year ago

Feeling Okay 😐

احساس إن الواحد يكون فيه شوية جرأة دا حلو اوي بجد ، بغض النظر عن إني موصلتش لسا لل ليفيل اللي انا عايزاه بس فخورة جدا بنفسي إني قدرت اتخطي شوية من الرهاب الاجتماعي، انا اه لسا بترعب بس أصبح فيه ناس مبخفش منهم

Apple_13643 🇪🇬

1 year ago

Feeling Great 🤩

اكتر قرار فرحانة اوي اني اخدته في حياتي هو اني بدأت اشجع نفسي و اطور منها و بقيت مكتفية اوي بنفسي و بعمل حاجات جديدة و بشوف ايه يفرحني و اعمله مش بستني اي حد هو اللي يعملي كدا و بقيت بتحدي نفسي اكتر من الاول و بجد الحمد لله من كل قلبي انا راضية يارب الحمد لله 😍♥

Coconut_13759 🇲🇦 أحسن حاجة ❤️❤️ما شاء الله لازم تفتخري بنفسك انا فخورة بيكي مع اني معرفكيش

View all 9 Advice

Potato_11214 🇪🇬

1 year ago

Feeling Okay 😐

ليس هُناك وحشٌ في انتظارك بالخارج إذا كنت تعتقد أن الأمور السيئة تحدث لك فقط، وأن العالم باستمرار يندفع نحو إيذائك، فأنت تعيش في عقلية الضحية، في بعض الأحيان تحدث الأمور بشكل خاطئ، ومهمتك أن تجد في تلك التحديات فرصة للنمو العقلي، فالحياة عادة تجبرنا على الارتقاء إلى المستوى الأعلى♥️.

Avocado_12469

1 year ago

Feeling Good 😁

قدرت تتخطى ولا لا؟!

Apple_56646 🇪🇬

انا لوحدي اللي مخنوقه ويوم الخميس؟

انا لوحدي اللي مخنوقه ؟ ويوم الخميس ؟ llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll ...see more

0 Supports

25 Advice

Strawberry_89657 🇪🇬

هل الحجاب فعلاً حماية للبنت؟ سؤال محير

هل الحجاب فعلا حمايه للبنت؟ اااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاا اااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاا ...see more

0 Supports

18 Advice

Apple_56646 🇪🇬

مش عارفه ومش فاهمة ومش حاسه

مش عارفه مش فاهمة مش حاسه llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll ...see more

0 Supports

15 Advice

It’s better in the app

Download Toheal on your phone for faster experience.