اول قصة حب في حياتي كان عندي ١٢ سنة ، يدوب في ٦ ابتدائي ، كنت معجب بواحدة معايا في فريق المزيكا ، قعدت بحبها ومخبي لغاية سنة اولي كلية ، والمضحك في الموضوع اني عمري ما قولتلها حتي سلامو عليكم 😅 ولا لساني خاطب لسانها للاسف بنيتلها شخصية في خيالي ما اعرفش اذا كانت شبها اصلا ولا لا ، وكنت مقتنع ساعتها اني لو اعترفتلها بحبي هنخسر بعض لاني كان نفسي اتجوزها مش العب بيها وخوفت انها تفتكر كدة 😁 كنت كل ما اشوفها بتلجم وما اعرفش انطق كلمة ، ولما اتشجعت بعد ٦ سنين اعترفتلها بحبي في رساله ع الفيس ، عملتلي بلوك , حقيقي اتكسرت وحسيت اني مرفوض من كل اللي حواليا مش هي بس ، ومن بعدها وانا بخاف وبترعب من الرفض ، عشان كدة مش بعرف اعبر لحد عن اللي جوايا ، بعد فترة عرفت انه كان طبيعي انها تعمل كدة ، بس انا حسيت نفسي اتوجعت منها لانها رفضتني من قبل ما تعرف قد ايه كان حبي ليها ،

1

13