النضج

Lemon_33155 🇪🇬

منذ أسبوعين

شعور مرهق

دلوقتي و بحس أن انا كبرت اوي و شكلي اتغير و انا عندي ١٤ سنه اصلا بس بخاف اطلع بنت مش كويسه أو ابدأ ابقي كده و اكتشفت كده لما كنت بعمل ڤيديو الي هو تريند و يجيلك شكلك من كام سنه و شكلك دلوقتي بعد معملت الفيديو و ببص عليه قلبي اتقبض حسيت انا غريبه و خايفه ابقي مش كويسه و ف صرتي لما كبرت كنت حاجه ميكب

Mango_69841 🇪🇬

منذ 3 أسابيع

شعور فخور

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

هكرر نفس كل حاجه بالتفصيل لو خلعت من حاجه هفضل طول الوقت شايفها احسن حاجه في العالم في مقوله قريتها ان الحياه هتفضل تديك نفس الدرس كل شويه لحد ما تتعلمه ف في دروس اخدتها في الخمس سنين دول مسيري كنت هاخدهم كدا كدا ف خلصت منهم اتعلمت منهم نشوف الدرس الي بعده ومنطولش فيه عشان هيفضل يتعاد

Coffee_67966 🇪🇬

منذ 4 أسابيع

شعور مكتئب

الواحد ف فترة العشرينات الشباب الناضجة فكريا وانا واحد منهم باقيت عايز اعيش في سلام واتجوز زوجة صالحة وبيت اسري كدة ويكون ليا وظيفتي اكيد مش هبقا عايش حيات الموظفين من البيت للشغل ومن الشغل للبيت اجي اكل وانام واصحي ع الشغل اكيد هيبقي في وقت عايز اتبسط وابسط اللي حواليا يعني اكون كويس ف شغلي ومعيش

Durian_52455 🇪🇬

منذ شهر واحد

شعور آسف

ازاى تحب وانت مش عارف تحب نفسك ؟ ليه تتعلق وتعلق اللى معاك على شماعة مكسورة ؟ انا جوايا أسف كبير ناحية كل شخص فكّر إنه يصاحب/يرتبط/يخطب/يتجوز علشان يلاقى سبب يهرب فيه من نفسه خلى بالك.. كل مابيعدى الوقت عليك كل ما كان الرجوع لنفسك أصعب وياترى لو رجعت لذاتك.. هتعرف تسامح نفسك على اللى فات ؟ لو سمحت

Mango_65673 🇪🇬

منذ شهر واحد

شعور مكسور القلب

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

بابا سنه كامله وهو بعيد عني متخطتش ولا نسيت بس تعايشت لاني مدركه انه ف مكان احسن مكنتش هحب اشوفه تعبان وبيتعذب قدامي اتعب انا ف فراقه ارحم عندي من تعبه قدامي وانه بيتألم رحمه الله عليك يافقيد قلبي غير فيا ايه غيرني انا ظهر لي حقيقة ناس كتير وبقيت بتعامل علي تعاملهم ومنهم الاهل واشتغلت لاول مره ف حي

Banana_64336 🇪🇬 احترامي لتربية الوالد الله يرحمة وليكي

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

ممكن اسالكم سؤال وتجاوبوني بجد
انا بنت من بين ٤ اخوات بنات معرفتش راجل في حياتي الا ابويا عندي شوية خبرة في العلاقات من اخر سنتين في حياتي انا ٢٥ سنة واكتشفت فيها اني مكنتش فاهمة الرجالة خالص ولا طبعهم ولا تفكيرهم
قعدت اقرا كتب واسمع قصص ولحد دلوقتي بسمع قصص وساعات بستغرب الفجوة الكبيرة اوي اللي بين تفكير الراجل والست وازاي دول ممكن يعاشروا بعض
انا ٢٥ سنة وبابا وماما منفصلين من قريب 
كنت طول حياتي فاكرة انهم مثاليين لحد ما اكتشفت انهم كانوا بيمثلوا قدامنا وعايشين مع بعض "عشان الاولاد" زي ما المسلسلات بتقول
طول عمري عايزة اتجوز راجل زي بابا لحد ما كبرت وشوفت عيوبه وانه مكنش بيعرف يقول كلام حلو ولا كان حنين مع ماما وكان راجل عملي بزيادة مكنش بيظهر مشاعره ولا بيطبطب ولا اي حاجه من حاجات الازواج الطبيعين وانا كنت فاكرة انه ده طبيعي لكن اكتشفت انه مكنش بيحب ماما او معرفش يحبها ازاي
غير كده هو شخص كريم جدا طيب وهادي ومتفهم ومهتم بينا احنا بناته الاربعة لاقصى درجة لكنه ساب ماما وراح اتجوز عليها من ورانا كلنا وعرفنا بالصدفة
دي كانت اكبر صدمة في حياتي منه ومن النموذج المثالي اللي كنت رسماه عنه هو عنده ٦٠ سنة انا فكرت انه عند السن ده خلاص الرجالة مش بتفكر في علاقة ولا جنس لكن اكتشفت انه اتجوز بس عشان "احتياجاته" زي ما بيقول
دماغي اتلغبطت مبقتش فاهمة هي الرجالة فعلا مبتعرفش تحب؟ سهل عليهم فعلا عشرة ٣٠ سنة يسيبها ويتجوز غيرها بدل ما يحل مشاكلهم؟ هي الرجالة شهوتهم بتحركهم للدرجة؟ يعني كل الحاجات دي كانت اسئلة في دماغي خليتني احس اني مش عايزة اتجوز
لو فضلت اقدم طول حياتي تربية ورعاية وبصونه وبصون بيته وفي الاخر كله يهون طب ليه؟ ليه الرجالة مش بتحب بجد زينا؟ هم بيتعلقوا زينا وبيكونوا مخلصين فعلا؟ ولا كل همهم الجنس والشكل الخارجي؟ انا بحب القراية وعملت ماجستير وأكاديميا انا شاطرة ومقدرش اقول على نفسي مثقفة بس بقرا كتب.. ليه بحس الرجالة بتخاف من البنت المثقفة؟ ليه دايما بيدوروا على الهبلة الصغيرة في السن اللي اعرف اضحك عليها والعب في دماغها؟ هم كلهم كده طيب؟ عايز واحدة تدلعه من غير ما تكون بتفهم؟ بس مكنة تطبخ تغسل تنام معايا ومتفكرش كتير؟ ليه بقيت احس انه الجواز ده فخ 
الفخ ده بيدخلك فيه ويستغلك لاقصى درجة وبعدين يلا باي هتجوز عليكي اصلك مش مكفياني اصل شهوتي اصل حقي..
بقيت خايفة بجد خايفة من الرجالة بقرا عشان افهمهم عشان معنديش حل تاني عايزة اتجوز واحد سوي عايزة اعرفه اصلا يعني هو موجود ولا لا؟ كل الرجالة اللي حواليا بيقولوا انه مش موجود من تجارب صحابي لتجارب الناس عموما
الرجالة بتحس زينا؟ بيعرف يبقى حنين بس عشان اللي بيحبها ولا عشان شهوته؟ بيعرف يقدم بدون مقابل؟ يبذل مجهود بس عشان اللي بيحبها؟ 
اللي قابلتهم كلهم مش عايزك تشتغلي..  طب ليه؟ عشان الشغل هيتعبك وبلا بلا وهو كل همه بس واحدة تطبخ وتغسل وتنام معاه وتبقى فضياله هو وبس بس هو عنده صحابه وشغله وحياته بس هي تبقى ١٠٠/١٠٠ متاحة لحضرته.. هي دي مش انانية؟ ليه متسبنيش اعمل اللي انا بحبه وعايزاه؟ ليه كراجل بتفكر في نفسك بس؟
ليه مقابلتش راجل ناضج عاطفيا بيعرف يواجه بيعرف يقولك متزعليش ويطبطب مش اول ما يقابل مشكلة يلا باي واما تفكي تعالي نتكلم واه طبعا لما نرجع نتكلم مش عايزك تتكلمي في المشكلة اللي بيننا عشان كده هتبقى نكدية وست وحشة اكبتي في روحك وبلاش نحل خالص وفي الاخر نوصل لحيطة سد احسن عشان بس انام وانا بالي مرتاح واه متنسيش واحنا زعلانين لو متجوزين طبعا ليا حق عليكي مش مهم هتعمليه وانت روبوت وانت متضايقة مش مهم المهم افرغ وابقى تمام وحلو
واه صحيح لو في عيال اللود كله هيبقى على الست عشان انا بشتغل وبجيب فلوس مش كفاية يعني ولا ايه؟ تربية لا رعاية لا ابوة لا انا فقط روبوت هيشتغل وانت شيلي الليلة كلها ربي وكبري ونضفي واطبخي وودي المدرسة وذاكري ونيمي وكله كله هي دي مش انانية؟

هو ده الجواز وهي دي الرجالة بجد؟
على ايه كل ده؟
حد فاهمني؟؟🙃🙃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_61368 🇪🇬

منذ شهرين

شعور متعب

موضوع:

حاجه فيك عاوز تغيرها ؟

الصفة دي هي" الإتكالية" الاعتماد علي الغير ، انا شخصية مش بتحمل المسؤولية امي بتعمل كل حاجه بالبيت بساعدها في حاجات بسيطه وبالعافية، عشان اتربيت كده اني مش بعمل حاجه ولما كبرت ،ع ايزة الحال يفضل زي ما هو ، عندي ٢٠ سنه مش عابزة اكبر تاني ،ع ايزة ارجع صغيرة من غيرك مسؤوليات وهم.

Hazelnut_52786 🇪🇬 ابدئي تعتمدي على نفسك في حاجة بسيطة كل يوم حتى لو كباية مية أو ترتيب سريرك، واعمليها بإرادتك مش لأن حد قالك. كل مرة تهربي من المسؤولية هتفضلي في نفس الدوامة، بس كل خطوة صغيرة نحية الاعتماد على النفس هتخليكي أقوى وأريح نفسيًا. كبرنا يعني حرية واختيار، مش بس هم، فا استقبلي التغيير بحنية على نفسك، مش كأنه عقاب

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chocolate_52337 🇪🇬

منذ 3 أشهر

شعور لا مبالٍ

حاجه حابب اقولها مش اي حد مر بظروف صعبه او اتولد في بيئه صعبه او ايا كان الي مريت بيه ايه مش مبرر يخليك وحش اصل دلوقتي اي حد زباله يفضل يجيبها في الظروف هي الي خلتني كدا والشغل دا احنا عندنا عقل وكلنا مرينا بحاجات كتير واكيد عندنا افكار وحشه بس عارفين الصح من الغلط مش بنسيب نفسنا لدماغنا وشهواتنا وا

Tofu_28797 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

كنت دايما فاكرة ان الحب كفاية اللي بيحب هيعمل هيسوي عشان اللي بيحبه و اكيد مش هيزعله مش هيأذيه و مش هيعمل حاجات كتير و خلاص مادام في حب و اهتمام ف العلاقة دي ناجحة و موت و اوعا هلاص هنعوز تاني ايه ، اما اتحطيت ف حب او علاقة عامة و بدأت تظهر المشاكل بينا و ابقي بكلمو و اشرحلو و انا زعلت ف كذا و انت عملت كذا و الردود تبقي باردة او ميحاولش يحل ميحاولش يحس بيا حتي يواسيني بل بالعكس يلوم و يقولي انتي غريبة بعد اما كنت بالنسباله بيرفكت كنت بستغرب اوي و بدأت اسكت و هو لما مبقتش احكي و اخاف اعاتبو يحصل مشكلة يقولي خلاص براحتك كنت بستغرب ليه هو انا كنت مغفلة للدرجة ده انا خدت و قتي و حاسة اني اختارت صح و لكذه سبب علفكرة ، ادركت دلوقتي ان فيه حاجة اسمها "" نضج عاطفي ايه الهبل ده فيه حاجة كده طلع اه ان اللي قدامك يعرف يحتويك و يتعامل مع مشاكلكو ب عقل و يحل و يواجه ميتهربش و يركن و يعرف يحس بيك و يفهمك ب عمق مش مجرد مشاعر سطحية او كلام يهاودك بيه و طلعت مش بالسن ولا ب الذكاء ولا انه ناضج لا في في فرق بين انه نضج بشكل ما ف حاجة تانية و بين النضج العاطفي و الذكاء مش دايما سبب كافي لأن في فرق بين الذكاء ف العموم و الذكاء الاجتماعي و العاطفي و كل ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_25498 🇪🇬

منذ 5 أشهر

شعور متعب

كل يوم يقسو العالم على قلبي و تجعلني حياة النضج لست أنا كل يوم أُعاني مِن قسوة الرحلة، التفكير، القلق، الذكرى، النهايات، الأشخاص، كب طريق لم يكتمل. كل يوم أشعر بِعدم الإنتماء لي، ولما أنا عليه، و أكره الإستمرارية في طرق تستنزفني، و لكن فرضها الواقع علي.. مع أن يداي حنون

Coffee_26256 🇪🇬

منذ 5 أشهر

شعور غبي

انا كنت ومازلت يعني بشكل ما اصغر واحدة في عيلتي عيلة بابايا وعيلة امي وحتى أسرتي ف أتعودت اني انا الصغيرة بيتعاملوا معايا كلهم على أني صغيرة ولاد وبنات عمي لأن أصغر ابن عم ليا الفرق بينا ١٠ سنين مثلا و ولاد وبنات خالتي اه قريبين مني وفيه فروق بسيطه بس بردو انا الاصغر ف اتعودت اني صغيرة فعلا حاليً

Coffee_41372 🇪🇬 اعتقد البنات كلها بتحب تبقي صغيره وبتحب تتعامل ع انها صغيره بس لازم تقتنعي فعلا انك ع الاقل مش كبيره بس تقتنعي انك بقيتي دلوقتي انسه وشابه وكده يعني لكن مش طفله فيه فرق بينهم وتفوقي لنفسك قبل ما العمر يجري بيكي ها عشان وقتها هتحسي باحاسيس صعبه سيكا عندك انا مثلا في شغلي بردو بيتقالي يا استاذ وبتعامل احترام من كله وكله بيشهد بحسن تصرفي في مواقف معينه واني اقد أتحمل المسؤولية ١

عرض الكل 6 نصيحة

Strawberry_11964 🇪🇬

منذ 6 أشهر

شعور لا مبالٍ

بجد أصعب حاجه ف حياة الكبار إنك بتتحول من طفل معتمد علي غيره لشخص مسئول عن نفسه ، لإنسان مسئول عن نفسه وغيره ، لإنسان محتاج يتحكم ف إتزانه النفسي مش عشانه لأ،عشان الحاجات الا مسئول منها / عنها ، عشان كدا بكون مش مدركة إني كل ما أكبر " مفروض عليا " أكون قادرة ل كل دا وإن بيتحول دور ماما وبابا الا كان

Cherry_44151 🇪🇬

منذ 8 أشهر

شعور ممتن

موضوع:

ايه النصيحه اللي كان نفسك حد ينصحهالك لما كنت صغير؟

حبي نفسك. تربطيش سعادتك بشخص، حتى لو كان علاقتك بيه علاقة دم. اكتفي بنفسك. اشتغلي على نفسك و شخصيتك تكون قوية قدام الكل. تعلمي تقولي لأ. مش كل حد قالك كلمة حلوة، يبقى دة حب يا هبلة. متدخليش في علاقة حب قبل ال٢٤.

Coffee_28231 🇪🇬 كلام جميل مش ناقصه غير ان شخص يطبقه

عرض الكل 8 نصيحة

Pineapple_46004 🇪🇬

منذ 9 أشهر

شعور ممتن

موضوع:

ازاي تقبلت الواقع اللى انت عايشه؟

طبعا الموضوع لما كنا صغيرين غير لما بنكبر قبل النضج عايزين كل حاجه حلو من غير تفكير ان ممكن اللي احنا فاكرينو وحش دا هو الخير وطبعا بنقنع نفسنا ان احنا راضيين بس عايزين التغيير بعد النضج الموضوع اتغير علشان بقي في ثقه ان ربنا الكريم مش بيختارلنا حاجه وحشه ولو من وجهه نظري وحش فا ان الله يبتلي من يح

Coffee_74353 🇪🇬

تعالوا نملأ وقت الفراغ مع رجالة الجيزة والهرم

طب بما ان المعظم بيعاني بسبب ان عندهم وقت فراغ ٠٠ طب ما تيجو نملا وقت الفراغ ٠٠ تعالو نتفق نحجز ماتش كورة ٠٠ أو نلعب بادل ٠٠ أو نتقابل نلعب بلايستيشن ٠٠ أي activity ونعمل جروب نتفق فيه ٠٠ يعني الناس اللي قريبين من الجيزة والهرم وفيصل نتجمع وكده ٠٠ رجالة بس طبعاً 😃✌🏽 ...عرض المزيد

0 الدعم

2 نصيحة

Croissant_21327 🇸🇦

مش مرتاحة مع اخت جوزي رغم الشبه

انا مش ببقا مرتاحة أبدا لما بتكلم مع اخت زوجي أو لما نتقابل هيا مختلفة عني اوي فحاجات كتيير رغم ان يبان اننا شبهه بعض فحاجات بس بروض مختلفين جداً فمواضيع جوهرية انا بحاول اتكلم معاها لما يصادف اننا سوا او اشوفها بس عشان خاطر جوزي والله، لكن بجد ببقا مش مرتاحة أبدا وهيا موجودة ولا بفهم هزارها ولا كلامها و بحس اني مش على طبيعتي عكس مثلا لما ابقا انا و جوزي و حمايا و حماتي بس! هوا دا طبيعي! ...عرض المزيد

0 الدعم

6 نصيحة

Lemon_74922 🇪🇬

بقدرش أقول إني تعبان أو أعيط عشان أنا راجل

اعمل اي لو انا بقدرش اقول ان انا تعبان او زعلان ومهما كنت تعبان بقدرش احكي لحد او حتي ان انا اعيط عشان طبعا الراجل بيعيطش ودي كانت بييئه التربيه اللي اتربيت فيها محتاج مساعدتكم بجد اعمل اي ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع