ازاى تحب وانت مش عارف تحب نفسك ؟ ليه تتعلق وتعلق اللى معاك على شماعة مكسورة ؟ انا جوايا أسف كبير ناحية كل شخص فكّر إنه يصاحب/يرتبط/يخطب/يتجوز علشان يلاقى سبب يهرب فيه من نفسه خلى بالك.. كل مابيعدى الوقت عليك كل ما كان الرجوع لنفسك أصعب وياترى لو رجعت لذاتك.. هتعرف تسامح نفسك على اللى فات ؟ لو سمحت خلى نيتك سليمة وقلبك نضيف وبلاش تلعب بـ بنات الناس كـ إنهم وسائل ترفيهية ربنا مبينساش لو انت نسيت وكملت فى اللى بتعمله واللى منك هيتحط فى نفس الموقف سواء بعلمك او بدون علمك لو عايز تفرغ طاقتك… قبل ماتفرغها اعرف قيمة نفسك الأول وقدرها بدال ما انت مرخصها كدة انا خايف عليك لإنى كنت مكانك فى يوم ورجعت.. ولسه آثار الشخص الوحش موجودة. موجودة لكن بدأت واحدة واحدة مع نفسى.. ولسه مكمل واحدة واحدة.. مش بستعجل علشان الصبر بيخلينى اقوى نفسيًا حتى لو بتحسن بنسبة بسيطة جدًا (بس بتفرق فى التركيبة، وتكوين شخصيتى اللى انا بتمنى اكون عليها)

3

3