الرأي

Apple_52036 🇪🇬

منذ شهرين

شعور لا مبالٍ

حرية الرأي هي أحد أهم حقوق الإنسان، فهي تمثل صوت الفرد في التعبير عن أفكاره ومعتقداته دون خوف أو قيد. لا يمكن لمجتمع أن يتقدم بدون احترام الآراء المختلفة والنقاش البنّاء. اختلافنا لا يعني عداوتنا، بل هو طريقنا لفهم أعمق وتطور أعظم. ✊

Coffee_20290 🇪🇬

منذ 3 أشهر

شعور لا مبالٍ

لو حد عارف حل لعدم الخشوع في الصلاه يشاركني بالله وجزاه الله خير وجعله في ميزان حسناته ومحتاج اخد رايكم في ميعاد تنزيل البوستات عشان حاسسها مش بتتشاف بدانا في سلسله صفه صلاه النبي صلى الله عليه وسلم كنت بفكر انزلها كل يوم بعد الفجر ولا بعد التراويح شاركوني كدا رايكم ولو حد عنده استفسار عن اي موضوع د

Apple_51214 🇪🇬

منذ 5 أشهر

شعور شاعر بالملل

عبّر عن شعورك بشكل مجهول

طيب انا هتكلم معاكو بكل صراحه لانى جبت اخرى بجد و شبه هعيط الوقتى 
انا عندى تفكير مفرط مش لازم اكتبها بالانجليش عشان مليش خلق 
الموضوع ده ابتدا معايا من زمان اوى بس زاد فاول السنه الى فاتت تمام بسبب موقف حصل معايا و كنت غلطانه فيه تمام ..الوقتى ف اواخر السنه دى الموضوع زاد اوڤر يعنى بجد خلاص دماغى هتنفجر بسبب حاجه انا عملتها و انا غلطانه فيها و مش كلام ولاد ولا حاجه بس هى حاجه مش حلوه يعنى و من ساعتها و انا اقسم بالله ندمانه انى عملت كده و نفس امسك شخص معين و اقوله انا اسفه والله سامحنى انا مش كده بس دماغى الى غبيه و انا كنت بعيده عن ربنا اوى و مكنتش بصلى الفتره دى و اللهم لكل الحمد والله كله بفضل ربنا بقالى شهر و نص منتظمه فالصلاه و ربنا يدمها عليا نعمه و ميزلهاش ابدا لانه الموضوع بجد ضياع اوى المهم انا بعد ما غلط الغلط الى من كام شهر ده من ساعتها و دماغى وكلانى طب هو الشخص ده بيفكر ايه الوقتى طب هو قال لحد و لو قال قاله ايه طب هو اضايق منى طب قال ايه عليا طب في ايه بجد ..والله يارب انا توبت و ارجع افتكر مواااااااقف لا نهائيه حصلت معايا فى طفولتى و اقول ايه الغباء ده ايه العبط ده ايه القرف ده ايه الى انا كنت بعمله ده او الناس الى شافو الى عملته قالو عليا ايه وقتها او لما بيفتكرو بيقولو ايه عليا اقسم بالله دماغى تعبانى و كله مش ضد الناس لا ده كله ضدى انا.. دايما شايفه نفسى شخص حقير مع انى مش كده دايما شايفه نفسى شخص ميستاهلش ..دايما شايفه نفسى انى لا انا غلط انا مكنش المفروض اعمل كده انا غلط فحق ده و ده و ده انا بكرهه نفسى حرفيا انا اقسم بالله نفسى امسك كل شخص قولت عليه كلمه وحشه او اضايقت منه نفسى احضنه ابوس رجله اعمل اي حاجه عشان يسامحنى حتى لو مكنش مضايق منى و بيحبنى بس والله العظيم انا بلوم نفسى اربعه و عشرين ساعه كل ثانيه بلوم نفسى مش قادره ابطل تفكير عن راى الناس فيا دايما بكون حريصه فالكلام جدا دايما بكون متردده اخد خطوه جريئه فحيات دايما كده انسان متردده و ضعيفه و بلوم نفسى على طول لدرجت انى ممكن اذل نفسى عشان الشخص ده يسامحنى و اوقات بتمنى ان شخص معين يموت او انا اموت عشان همى يروح و اقسم بالله الى عارف الى جوايا هيقولى عندك حق بس ده مش صح مش صح خالص انا والله توبت يارب والله العظيم توبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_45139 🇪🇬

منذ 6 أشهر

شعور لا مبالٍ

ياجماعه أنا مش عارفه إذا كان ده طبيعي ولا لا بس أنا مش بحترم الرأي الآخر ولاحظت الموضوع ده يعني لو نقاش سياسي أو علمي أو اجتماعي أو أي حاجه من دي أنا مقتنعه أني أنا الصح وعلى إستعداد أن أفضل أبحث عشان أثبت صحة كلامي وبطلع صح ف الآخر وبنفعل فعلا ف الجدال عشان أثبت أني الصح والناس بتزهق أحيانا بس فعلا

Sugar_38508 🇪🇬 متهدريش وقتك وطاقتك على واحد جاهل تمام الجاهل هيفضل جاهل والله فضلتي تقنعيه بالحاجة 100 سنة هفضل قافل مخة وجاهل برضو وبعدين في حاجة اسمها تسمعي وتطنشي مش كل حاجة لازم تثبتي انك انتي الصح ولا عشان تثبتي هما صح ولا غلط اسمعي وطنشي طلامة عارفة الصح من الغلط

عرض الكل 10 نصيحة

Marshmallow_35015 🇩🇿

منذ 7 أشهر

شعور مرتبك

احيانا بحس نفسي مش عارفة نفسي... ممكن انا نتيجة المجتمع.. قراراتي ستايلي حياتي اهتماماتي كلها نتيجة المجتمع لي حولي و الاشخاص لي حولي.. حتى افكاري احيانا بناقض نفسي... و اوافق الاشخاص كلهم عافكارهم كانها افكاري بس بعدين ما اعرف اذا ذا صح او غلط...... و لما تتضرب افكار الاشخاص اللي حولي ما اعرف احس

Strawberry_29654 🇪🇬

منذ 7 أشهر

شعور عاطفي

هاي عايزة اخد رايكم ف حاجة انا بحب ولد بقالي ٨ سنين تقريبا من طرفي انا بس وهو يعتبر كان صاحبي واخته اصلا صحبتي وبنتقابل علي فترات انا وهي، فبعد تفكير طوييل فكرت اني اقولها مشاعري تجاهه يمكن تحاول تساعدني وتقرب بيننا او حتي تخلية يخرج معانا لما نيجي نتقابل لاني مش بشوفة بقالي سنة بس بتقابل مع اخته بس

Mango_33001 🇪🇬 لو انتي بتثقي ف صحبتك دي اوي ومتأكده انها هتفهمك ممكن تصارحيها وتقوليلها مشاعرك لكن لو العكس بلاش وادعي ربنا كتير اووي ف صلاه الفجر ولو في بينكو خير هيجمعكو اكيد ♥

عرض الكل 2 نصيحة

Apple_31211 🇪🇬

منذ 7 أشهر

شعور محبط

عبّر عن شعورك بشكل مجهول

أنا خاطب من سنه ونص ، جهزنا جزء كبير من الشقه وكان فاضل شويه حاجات صغيره زي ستاير والاهل علي علاقه ببعض من قبل خطوبتي من البنت ف بحكم العشره والعلاقه بينهم حصل حوار بين امي و ام البنت ان الحاجه هتجهز امتي بحكم ان بينا اتفاق ان اشيل معاهم النص بالنص وقولت تمام ف لقيت ابوها اتكلم و قال أنا جاهز اي وقت يلا بينا 
اتفاجئت تاني يوم انه اتفق مع واحد علشان يجي الشقه و يرفع مقاسات وبعت صور لامي و اتفق و رتب معاها من غير ما يبلغني اي حاجه سواء أنا او والدي ، طبعاً اعترضت ع النقطه دي انه ازاي يلغي وجودي أنا و ابويا و يتفق من غير ما يرجع لحد فينا اصحاب الشأن ، طبعاً كلمت خطيبتي وبتكلم معاها ف شديت معاها ف الكلام زي اي 2 مخطوبين ، لقيت بعديها ابوها بيكملني و بيشد معايا ف الكلام ع الموضوع دا روحت أنا كمان مزعق معاه و اتكلمت معاه بنفس طريقته و أسلوبه 
لقّيت بعديها البنت بتكلمني و بردو شدينا مع بعض بس المره دي الموضوع كبر شويه و فضلنا اسبوعين مش بنتكلم ومنعرفش حاجه عن بعض لحد ما كلمت ابوها و روحتلهم البيت علشان نقفل الصفحه دي ونعدي الدنيا وكل واحد فينا اتكلم وطلع اللي جواه وانا اتكلمت وخلاص الموضوع قولت اتقفل والدنيا تمام و هنرتب مع بعض كل حاجه 
لحد ما لقيت البنت فجاه مش بترد ع المسدجات بتاعتي ولا مكالمات و عايزه تفكر ف الموضوع إذا كانت تكمل او لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.