مش بحترم الرأي الآخر.. هل ده طبيعي ولا أنا أوڤر؟😂

Question

ياجماعه أنا مش عارفه إذا كان ده طبيعي ولا لا بس أنا مش بحترم الرأي الآخر ولاحظت الموضوع ده يعني لو نقاش سياسي أو علمي أو اجتماعي أو أي حاجه من دي أنا مقتنعه أني أنا الصح وعلى إستعداد أن أفضل أبحث عشان أثبت صحة كلامي وبطلع صح ف الآخر وبنفعل فعلا ف الجدال عشان أثبت أني الصح والناس بتزهق أحيانا بس فعلا هما جهله الصراحه وبيتكلموا من غير معرفه وبيحرقوا دمي وبعدين بفقد الشغف من الناس دي لأني محبش حد يكون تفكيره غيري هل ده طبيعي ولا أنا أوڤر😂 بس لو بحثت واكتشفت أنهم كانوا صح بتقبل الوضع عادي برضو

Sugar_38508 🇪🇬 · Accepted Answer

متهدريش وقتك وطاقتك على واحد جاهل تمام 
الجاهل هيفضل جاهل والله فضلتي تقنعيه بالحاجة 100 سنة هفضل قافل مخة وجاهل برضو 
وبعدين في حاجة اسمها تسمعي وتطنشي مش كل حاجة لازم تثبتي انك انتي الصح ولا عشان تثبتي هما صح ولا غلط اسمعي وطنشي طلامة عارفة الصح من الغلط

Watermelon_32587 🇶🇦 · Answer

مافهمت انتي في البدايه كتبتي ان ماتحترمين الرأي الآخر وفي الاخير كتبتي ان تتقبلين🤔😅? احيانا نشوف طبع في نفسنا ومانعرف سببه مثلا نفس هاذي المشكله ممكن يكون سببها هو ان في حد تعامل معاك نفس الشئ وانتي طفله مثلا فيعني تعودت عليه ولما كبرتي تطبعتي فيه؟

Watermelon_32587 🇶🇦 · Answer

بعدين لما نتناقش حتى لو كنا صح او غلط ايش يعني. مو لازم نفوز في كل نقاش. وحطي في بالك مثل ما انتي تبغين تثبتين نفسك عن طريق النقاش الطرف الآخر يفكر نفس تفكيرك. انا عارفه ممكن تكون في شخصيات تحرق الأعصاب مثل ماقلتي 😅بس يعني لو حبيتي تقدرين تعودين نفسك عشان تخففين من العصبيه عشان نفسك

Orange_37755 🇪🇬 · Answer

الصراحه انتِ اوڤر ممكن تاخدي الناس ع قد عقولهم وكبري دماغك ولو حد خالفك الرأي ممكن تقولي رأيك براحه ولو مقتنعش متشغليش دماغك وكمان الانفعال ممكن يقلل من كاريزمتك وممكن يخلي الناس ينفروا منك بمرور الأيام و باللي انتِ بتعمليه دا كدا بتخالفي الطبيعه البشريه اللي هي اختلاف الآراء ومن أهم الحاجات ف العلاقات مع أي شخص هي احترام الرأي الاخر

Tofu_45139 🇪🇬 · Answer

مش بحترمه أقصد أني بتعصب لو حد جادلني ف حاجه أنا متأكدة منها ومش معاه دليل 
..بس لو جاب دليل مقنع ف احتمالية أني أقبل...مش عارفه الصراحه بس الحكايه أني مش بحب حد يكلمني وكأنه خبير وهوا غبي ولا يفقه شيء

Tofu_45139 🇪🇬 · Answer

معاك حق بس ف أشخاص ارائهم لا تحترم الصراحه هما بيبدأو انفعال وأنا بنفعل أنا كمان أكتر...بس بحاول أني مشغلش بالي لو شفت حاجه زي كده لأن زي ما قلت الموضوع هيخليهم ينفرو مني

Orange_37755 🇪🇬 · Answer

ايوه اهم فن لازم تتقنيه  هو البرود عشان تتعايشي لو حد انفعل ما تبادليهوش الانفعال وقوليله ماشي انت صح او اللي انت شايفه بس برضه بطريقه كويسه عشان ميحسش أن فيه تقليل منه أو ممكن تحاولي تشرحي وجهة نظرك ولو مقتنعش خلاص مفيش حاجه اتغيرت في العالم

Strawberry_49842 🇪🇬 · Answer

ولا أڤر ولا حاجه طالما رأيك بيكون صح +انفعالك ده بقي مش صح الافضل انك تهدي في النقاش و لو الناس اللي. قدامك مش مقتنعين ب رأيك اقطعي الحوار براحه و انسحبي افضل من انك تنفعلي .

Sugar_47357 🇪🇬 · Answer

ااه .. لازم يكون عندك فكره تقبل الرأي الاخر ومتصغرش افقكعلشان كده انت متعصب ومش بتقتنعد برأي حد غير نفسك حتي لو كان غلط

Broccoli_47609 🇪🇬 · Answer

ده علشان محيطك كله ضعييف وبدون وعي
وانت الألفا فيه

جرب تقعد مع ناس ذو عقليات مفُكرة (بس مفكرين بجد) مش مجرد مُثقفين
هتلاقي نفسك صغير اوي وسطهم
وهتضطر تتقبل الرآي الاخر بدون جدال عبثي
لانه كلامهم يتسند على الحجة والمنطق حتى في أبسط الحديث