الثقة

Tofu_19483 🇪🇬

منذ ساعة واحدة

شعور غاضب

عبّر عن شعورك بشكل مجهول

عندي مشكله كل ما أحاول أتخطاها معرفش لأنها بتخليني عصبيه معظم الوقت ألا وهي إن فيه تفريق ف المعامله من أمي بجد،دائمًا شايفاني آخر أولوياتها ف كل حاجه ودائمًا شايفه احتياجاتي تافهه وملهاش لازمه،من وأنا صغيره ودائمًا بتتعامل معايا كأني بنت البطه السوده لدرجة إني وأنا طفله فكرت إني مش بنتهم بجد وإنهم لقوني على باب جامع زي ما بيقولوا،يعني مثلا من وأنا صغيره كانت تقول لأختي اللي أكبر مني أنتِ جميله ومتقوليش وده كله قصادي مش من ورا ضهري يعني،ومره قالت إن واحده صاحبتها قالتلها إن أختي اللي أكبر مني أجمل مني وقدامي برده!..مع إني فيه ناس كتير بتقولي إني جميله وكنت لما حد بيقولي كلمه حلوه ببقى فرحانه وبروح أقولها ماما صحابي قالولي إني حلوه النهارده أو فيه طنط شافتني وقالتلي إني جميله كانت تقولي بيضحكوا عليكِ متصدقيش نفسك ولا تتغري ف نفسك كنت بقولها بتقولي كده ليه كانت بتقول علشان متتغريش ف نفسك!ف حين إنها كانت دائمًا تقول لأختي اللي أكبر إنها جميله وحلوه وبيضاء وده كله علشان أنا مش بيضاء ومش سوداء ولا حتى قمحاويه يعني معرفش لون بشرتي ايه لكن مش بيضاء عمومًا ف كانت كل شويه تقعد تقولي أنا عايزه أعمل ايه حاجه علشان تبقي بيضاء شوفي أختك بيضاء ازاي!.. وأشياء كتير من هذا القبيل وكانت بتقلل مني قدام الناس زي إني كنت رفيعه جدًا كانت قدام الناس تتعمد تقلل مني وتتكلم عن إني رفيعه خالص وكان ف وشي حبوب كتير كانت تيجي برده قدام الناس تقولي ايه القرف ده ومش بتأكلي ومش عارفه ايه وتقلل مني لدرجة إني جالي اكتئاب وأنا كنت لسه صغيره ف إعدادي واتعرضت لتنمر كتير بسبب إني حتى مش واثقه ف نفسي ومش حاباها..ولحد الآن رغم إن الكل بيقولولي إني جميله مش بصدق وبيستغربوا ازاي مش مصدقه إني جميله وبقولهم والله ما شايفه نفسي جميله وبيتصدموا !..وصلت لمرحلة إني مش واثقه ف نفسي بربع جنيه..نيجي بقه ل إنها جابت دهب لأختي الصغيره وأختي الكبيره وأنا لا!..صدقوني أنا مش باصه للدهب أنا مش بحبه أصلا بجد لكن أنا فارق معايا فكرة إني على الهامش!!..لما كبرنا بقه أختي الكبيره عندها صحاب وبتخرج معاهم وبيتفسحوا وأنا ممنوعه علشان لو خرجت هتخطف وأنا بنت ومينفعش !.. أختي الكبيره تشتري اللي عاوزاه وأنا لا علشان ده تبذير وتفاهه!.ده غير بقه وأنا صغيره كان أخويا بيضربني طول الوقت وعادي كانت بتقولي ده أخوكي !..ولما كنت بزعقله كانت بتبهدلني لدرجة إني للأسف دلوقتي بكره أخويا ومش طايقاه لأنه مره ضربني وأغمى عليا وكنت بنزف دم وأنا صغيره ومقالتلوش أي حاجه ولا زعقتله حتى وكان دائمًا كده وبتستغرب دلوقتي أنا مش طايقاه ليه !..كنت محتاجه علاج لشعري علشان باظ ووقع م الكيماوي مجابتهوليش ف حين إنها ادت فلوس لأخويا اللي ما شاء الله بيشتغل وبيقبض علشان يشتري لنفسه شوز وكروكس!..لما كنت ف فترة الكيماوي أنا بتعالج ف محافظه واحنا عايشين ف محافظه تانيه أصلا بس أخويا وأختي بيشتغلوا ف المحافظه اللي بتعالج فيها ف كنت قاعده أتعالج معاهم ماما مجاتليش خالص من أول ما اكتشفت إني عندي كانسر طول الفتره دي مجاتليش غير قبل العمليه بيوم وقعدت معايا يومين بعد العمليه وسافرت،ف حين إن مره أختي الكبيره كان عندها دور برد ومهبطه والله العظيم سافرتلها مخصوص أقسم بالله!!وأنا اللي عندي كانسر وطول فترة الكيماوي والفحوصات والقرف مشوفتهاش غير قبل العمليه بيوم..وبتعيط من قسوتي معاهم كلهم!!
وبتعيط من عصبيتي غصب عني!!
أنا بقيت أجبر نفسي أتعامل معاهم بحنيه علشان رضا الوالدين وعلشان مبقاش عاقه 
بس أتمنى لو فيه أهالي هنا وبيشوفوا كلامي بلاش تتعاملوا كده مع عيالكوا لأنكوا هتكونوا سبب ف إنهم ميبقوش طابقين بعض بعدين ومش كره ومش حقد لكن فعلا انتوا بتزرعوا ده جواهم 
وف النهايه أي حد هيرد على كلامي يرد باحترام لأنها أمي ف الأول وف الآخر ومش هسمح لحد يقول أي حاجه تقلل منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_65402 🇪🇬

منذ 17 ساعة

شعور ضائع

بحس انى دايما اى حاجه بتتقالى مش بعارض عليها لو من اخواتى و اهلى دايما شايفه أنهم صح ورايهم صح وبعمل بيه دايما مش بتمسك بحاجه واجرب بنفسي انا كدا شخصيتي ضعيفه ؟ لأن هما بيقولوا أن دى حاجه وحشه فيا انى مش بعارض ع حاجه بس عشان حقيقي بيبقوا معاهم حق حتى لو ليا صحبتك دى موقفها معاكى مثلا مش حلو بتقفل من

Orange_51919 🇪🇬

منذ يوم واحد

شعور عاطفي

أنا مضايقة جدًا ومشاعري ملخبطة. مش عارفة أكمّل في العلاقة ولا أسيبها، حاسة إني محتارة ومتشتتة ومش مرتاحة. نفسي أحس إني غالية عند نفسي، مش بجرب وخلاص، مش بسيب قلبي يتعلّق عشوائي. بقيت عندي لا مبالاة، حتى لما الموضوع بقى جد وخطوبةخوفت حسيت إني لسه صغيرة ومش جاهزة لكل ده. حاسة إني بجري ورا مشاعر مش شب

Banana_65737 🇪🇬

منذ يوم واحد

شعور مرهق

السلام عليكم انا مشكلتي كبيره اوي انا كنت متجوز بقالي 8 سنين صالونات والحمد لله خلفت 3 اطفال ومن اول الجواز وعندي مشاكل معاها وكل شويه اقول هتتغير او هتكبر وتنضج وربنا يهديها لكن مفيش فايده كنت عايش مع انسانه طماعه ونرجسيه واخر المشاكل رفعت عليا قواضي نفقه و قايمه وهي عايشه معايا ف بيتي و بعد الكلا

Coffee_65721 🇪🇬

منذ يوم واحد

شعور مرهق

بقاوح دايما ان مش محتاجه حد مش عاوزه صحاب او اى حد لكن الحقيقه انا خايفه خايفه اكون تقيلة عليهم خايفه ميحبونيش خايفه ميفهمونيش خايفه من حجات كتير لدرجه ان اتحولت من شخص اجتماعى جدا لشخص انطوائي للغايه مش عارفه اغير ده ولا عارفه اتغرف ع حد ولا بقيت عارفه ادخل فى اى علاقه تحت اى مسمى

Marshmallow_56042 🇪🇬 انتي من جواكي محتاجه تشوفي نفسك انك حلوة ومش تقيله لازم تثقي في نفسك الاول علشان الكل فعلا يشوفك احسن واحده واحده وحاولي تقربي من ناس شبهك نفس اهتماماتك وميولك علشان تحسي انكم شبه بعض ومبسوطين بالتواصل مع بعض حاولي تكسري الحاجز ده

عرض الكل 4 نصيحة

Blueberry_65602 🇪🇬

منذ يومين

شعور محبط

انا بقرف من الناس المجتمع بقي فاسد انا بطلت اقعد مع حد او انزل من البيت حتي الاصحاب بعدت عنهم باخد علاج نفسي عشان اعرف اعيش ومفكرش كتير ومش عامل تاثير انا مش مرتبط ولا عاوز ده لانه مشروع فاشل في البلد دي وفي نفس الوقت مش عاوز اسافر

Banana_65230 🇪🇬

منذ يومين

شعور مكسور القلب

عبّر عن شعورك بشكل مجهول

انا اتعرضت لصدمات عاطفيه كتير جدا علي مدار 8 سنين اخرها بنت كنت معجب بيها بسبب اسلوبها و طريقتها معايا في الكلام و ابتسامتها ليا دايما و سؤالها عني و كانت بتقولي كلام اكتر من كده و حبتها بس بيني وبين نفسي وافتكر اني كنت كل يوم ادخل المحل اللي هيا بتشتغل فيه عشان اشوفها واسلم عليها واسال عليها و اعمل نفسي بشتري حاجه من المحل عشان محدش يقول ده جاي عشانها المهم عدت فترة كبيرة وانا بحبها بيني وبين نفسي وافتكرت اني ليا قيمه كبيرة عندها زي ما هيا ليها قيمه كبيرة عندي و عدت الايام لحد ما جه يوم اللي انا فيه كنت عايز اصارحها واعرفها اني عايز اخطبها ف اول حاجه لقيت وشها متغير في اليوم ده و لقيتها اسلوبها و طريقتها متغيره معايا مش زي كل مره و قالتلي كلمه كسرت قلبي قالتلي قبل ما تفكر تحب حد اتاكد الاول اذا كان بيحبك ولا لا انا وقفت بعدها زي المشلول مش عارف انطق ولا اتحرك ولا حتي افكر اخدت الصدمه من هنا و لقيت ناس دخلت المحل و لقيت في بنات موجوده ف مسكت نفسي بالعافية و حبيت اظهر بمظهر القوي او المتماسك ف قولتلها طيب اشوفك علي خير ان شاءلله وكنت بقولها ب إبتسامه و بعد ما خرجت من المحل كنت بمثل قدام الناس اني زي الفل و تمام اول ما روحت البيت و دخلت اوضتي قفلت علي نفسي الباب و فضلت اعيط واكلم نفسي لمده اكتر من 7 ساعات متواصله و الحكاية دي اتسببتلي في مشكله نفسيه كبيرة جدا خلتني اخدت قرار اني مش هحب تاني ولا هتجوز وهعيش عمري كله لوحدي وعلي فكره دي مكنتش اول مره اتصدم فيها ويتكسر قلبي دي المره المليون بس انا عارف ان كل البنات مش عايزاني ليه يمكن عشان انا مش احسن حد في الشكل ولا غني ومعايا فلوس ولا احسن حد في الجسم و اكيد دي الاسباب اللي انا اتسابت لوحدي واتكسرت عشانها في كل علاقه حب دخلتها في حياتي انا بجد وقتها ملقيتش حد احكيله و كمان مكنتش قادر احكي او اتكلم من كتر الحزن بس انا دلوقتي خايف اقرب من اي بنت عشان عارف ان اخرت الحب هو كسره قلبي و كسره خاطري تاني و اهانه لكرامتي انا عارف ان مفيش حد عايزني ولا بيحبني انا بقول ان الزمن ده مبقاش فيه خير و البقاء لله في الحب عشان مبقاش موجود اصلا في الزمن ده💔😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_64917 🇪🇬

منذ يومين

شعور محبط

جماعه انا فقدت الثقه تقريبا في البنات اني الاقي واحده محترمه بجد وتقدر تشيل المسؤوليه و تكون سويه نفسيا انا عرفت كذا بنت وكلهم في الاول بيعملو دور الشرف بس طبعا مش بيدوم كتير و بيتكشفو أنهم مش محترمين اخرهم واحده عمري مكنت اتوقع انها ليها في الكلام دا طلعت غرقانه بدماغها انا مش عارف اثق فواحده تاني

Strawberry_33105 🇪🇬

منذ يومين

شعور ضاق ذرعًا

انا بجد محتاج مساعدة انا كنت بحب بنت جدا من ايام الكليه وهي اول معرفتي بالبنات وطول الوقت كنت عايز اخطبها رحت اخطبها ومحصلش نصيب وبعد كدة لقيتلها فيديو مش كويس ومن ساعتها وانا هتشل انا كنت 24 ساعة معاها ع الفون بشوفها فين ودلوقتي انا فاقد الثقة فالصنف كلو بجد مش عارف اعمل ايه وحاسس اني عايز انتحر

Guava_65081 🇪🇬

منذ يومين

شعور مكسور القلب

مفيش أصعب من إني اكون أمان لحد.. ووقت ما احتجته يطمني.. اختارني اسكت وجنبي يعدي... وساعتها سكتت.. مش ضعف.. بس لأن الوحدة أرحم من اللي ما بصش جوايا.. حتى وانا موجوع… وأسوأ خذلان هو لما اللي حبيته تجاهلني كأني مش موجود.. وخلى جرحي يكبر من غير كلام... والأصعب.. إني فضلت حاسس إني السبب.. وإني لو كنت ك

Mango_58735 🇪🇬

منذ 3 أيام

شعور مكسور القلب

موضوع:

اهلك عملوا معاك ايه مش هتعمله مع عيالك؟

هخالي عيالي يثقوا في نفسهم وعمري ما اقلل منهم قدام حد ولا ااذيهم نفسيا عمري ما أميز بين عيالي عمري ما اقارنهم بحد عمري ما احسسهم وبذات في سن صغير ان في علاقه .. بتحصل بيني وبين وباباهم واذيهم نفسيا بسبب الايحاءات الي ممكن يشوفوها هربيهم علي الحب وهبين ليهم حبي قدام الكل مش هحسس عيالي باحراج بسبب قسو

Olive_61802 🇪🇬 ده صح بس خلي بالك التربية الإيجابية ليها برضوا سلبيات مش كلها ايجايه انهم لما بيطلعوا بيشوفوا الواقعةمن الناس والمعامله والطبع بيتصدموا ومنها سلبيات تانيه

عرض الكل 3 نصيحة