مبسوطة جدا من ردى على شخص معين كان فى حياتى.... كان فى شخص فى حياتى وحصل بينا مشاكل وفجأة اختفى من حياتى ولسة اليومين دول بالصدفة اشتغلت فى المكان اللى هو شغال فيه ومكنتش اعرف بجد أنه بيشتغل ف نفس المكان وفى البريك جالى وكلمنى بيقولى خسرتينى قولتله خسرتك!! راح قالى ايه اللى خلاكى تشتغلى فى المكان اللى انا بشتغل فيه انا رديت قولتله صدفة والله راح ضحك ضحكة سخرية كدة لما لاقيت الايجو بتاعه عالى قولتله عارف لو كنت اعرف انك بتشتغل هنا كنت عملت ايه؟ قالى مكنتيش هتيجى اكيد قولتله لا عادى كنت هاجى دى فرصة حلوة جدا أن اشتغل ف مكان زى ده اكيد مش هضيع الفرصة دى عشانك مثلا وعشان انت شخص عادى يعنى مش حوار وضحكت.. راح قالى بس والله خسرتينى مهما تقولى بردو خسرتينى .. رديت وقولتله كنت شر ليا ومش خير ..تخيل كدة انت من الحاجات اللى بحمد ربنا عليها انها مش ليا ومش ف حياتى وبحمد ربنا أن الأدعية اللى كنت بدعيها عشان تكون من نصيبى متقبلتش تخيل انت كدة لما الواحد يحمد ربنا من قلبه بيبقا فى سلام وارتياح مش طبيعى راح بصلى كدة وفضل ساكت ومش عارف يرد روحت قولتله عن اذنك بقا البريك تقريبا خلص ومشيت انا على فكرة لسة بحنله بس بردو فى برود من ناحيتى ليه بس انا عايزة اقولكوا ياجماعة أن مهما تكون حاسس بايه لازم تبين انك عادى خالص ولا فارق معاك ده ف حد ذاته هيخليك فعلا مش فارق معاك وهيخلى الشخص اللى قدامك يعرف قيمته كويس ويهدى كدة على نفسه شوية

1

6