الأسرة

Plum_62202 🇪🇬

منذ 23 ساعة

شعور متوتر

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ود

عبّر عن شعورك بشكل مجهول

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة
دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات

المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة

بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة

وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند
ده عملى مشكلة نفسية بس عادي
ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني

انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه

انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30

سنه وانا وهي 22
ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر

الفكره انا اهلى بيقولو انت معکش ای حاجه دلوقتي ف كلمو

وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوزاعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي

علشان تقف معايا وتتكلم أهلها تقول اي

محتاج حلول او اراء

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73151 🇪🇬

منذ 5 أيام

شعور مرهق

انا عندي مشكله او مش عارف هتتحسب مشكله ولا ايه انا حياتي كلها عباره عن مشاكل مع الاهل دي مش المشكله. اي مشكله معاهم و غالباً بتكون بسبب الدراسه المهم كل مشكله من المشاكل دي بتأثر ع نفسيتي وانا مش بعرف اتكلم ولا احكي ل حد بفضل اني اقفل ع نفسي بابي و مع نفسي هل ده هيضرني قدام ك تراكمات و كدا ولا اي

Orange_61088 🇶🇦

منذ 5 أيام

شعور مكسور القلب

موضوع:

امتى حسيت بالخذلان العميق؟

اهلى..طول عمرهم خاذلينى مش قصدى بأهلى ابويا وامى لا بقصد العيلة الكبيرة الخال والعم والخالة والعمة والاخت كمان مؤخرا علمونى ان القريب ممكن يكون افضل بكتير من حد من دمك بتمنى الحال يتغير للافضل بس مستبعدة

Mushroom_29289 🇪🇬

منذ 6 أيام

شعور مرتبك

عبّر عن شعورك بشكل مجهول

جماعة انا في سن أقل من سن الجواز شويه اللي هو دفعتي في كتير منها اتخطب والناس اللي مكنوش ثانويه عامة مخلفين كمان المهم أنا خايفة من فكرة الجواز جدا مع اني حابه فكرة اني اتخطب واحب حد وحد يحبني بس انا من وانا صغيرة فعلا مش بيكملي علاقة صداقة ابدا يعني بتعرف على واحده مثلا وبحبها جدا ويبقى مبهورة بشخصيتها وكل حاجة وفي نهاية السنه الاولى من صحبيتنا المثالية ببدا اشوف عيوبها لدرجة أن لحد دلوقتي مفيش اي علاقة صداقة بتستمر معايا اكتر من سنه ونص انا عارفة أن مفيش انسان كامل بس في كل مرة ببقى العيوب دي مش قادرة اتحملها لدرجة ان الصداقة المثالية دي بتتحول تلقائي لكره من طرفي للشخص التاني ومهما كانت الصداقة دي اكتر من واحده او واحده بس ديما بعد سنه واقل كمان ببقى مش قادرة اكمل 
المهم أنا خايفة اني اتخطب أو اتجوز ويحصل نفس الموضوع ونطلق وفعلا انا نهيت علاقات كتير في حياتي بكامل إرادتي عشان خلاص فعلا ببقى مش طايقة الطرف التاني خلاص 
حاجة تانيه اني مش بعرف اخد على الناس بسهولة انا اه بحكي حاجات بسهولة وممكن اول مرة اقابل فيها حد اعد احكيله حاجات مينفعش تتحكي الا في علاقة واضحه (انا بقول علاقة بس بيبقى قصدي صداقة بين بنتين او اكتر بس ) بس مع اني حكيت الحاجات دي ممكن نتقابل تاني مرة وانا هبقى مش مرتاحة وهحكي برده حاجات عشان مش بحب الصمت بين الطرفين  ومش هبقى مرتاحة الا لو الطرف التاني كان مصر أننا نتعرف ونتصاحب وهتعود عليه بعد فترة وانا متربية على اني مش بتعامل مع ولاد حتى صحاب اخويا عمري م اتعاملت معاهم وقرايبي الولاد كان في خلافات بنا (قصدي بين العائلات) ف برده متعاملتش معاهم يعني ابن عمي مثلا اللي في سني ومعايا في نفس الكلية ودلوقتي مبقاش في اي خلافات بس خلاص مش هعرف اتعامل معاه انا ممكن اعد اتكلم مع بنت في أول مرة نتقابل إنما ولد اول مرة نتقابل زي قرايبي بيبقى صعب جدا اتعامل وفي الغالب ببقى قاعده ساكته ف مش فاهمه حته أن شخص يكون جاي يتقدم عشان مثلا سال عني ودي بنت كويسة ومناسبة واتقدم او عاجباه مثلا كشكل وسأل وجه اي كان وبابا واخويا سالو وده شخص كويس وانا قعدت معاه وصليت استخارة وارتاحت اني تاني يوم بعد الخطوبه اني اكلمه عادي جدا كاني عارفاه بقالي كتير واحكي مثلا يومي طبيعة دراستي أو شغلي صحابي اخواتي هبقى فعلا مش عارفة اتكلم ولا حتى اتناقش في مواضيع عادية هدي موافقتي وخلاص في الموضوع حتى لو مش موافقة عشان محرجة انا بشوف الناس اللي اتخطبو بيبقو عادي جدا كأنهم عارفين بعض بقالهم كتير انا مش هعرف ابقى كده 
بمناسبة الاحراج بما اني متعاملتش مع أي ولد قبل كده ف الاحراج هيبقى بطريقة غريبة لدرجة اني أصحاب المحلات اللي كل علاقتي بيهم أنهم بيتعاملو كويس بس وانا بحتاجلهم عشان اشتري اي حاجة انا حتى في دي بتحرج اتعامل معاهم وفعلا مثلا سوبر ماركت روحته مرة وعادي مفيش اي حاجة بس انا مجروحة اروحه تاني مش عارفة ليه حتى وبلف كل المحلات لحد م خلاص ببقى مضطرة اروحله تاني محل مثلا زي محل موبايلات كل اللي شغالين فيه بيبقو رجالة بتحرج جدااااا ادخله الفكرة أن وانا صغيرة في الفترة اللي قبل م ادخل فيها الابتدائي والدي اتخانق مع اخواته واحنا اللي كان عندنا الحق بس كل اخواته مرة واحده قاطعونا وبعدها والد مامتي ميت من قبل م مامتي تتجوز بكتير جدا وكان عندها اخوات لسة معهومش بطايق حتى ف اتفقوا أن الورث مش هيتوزع الا م جدتي تموت ويبقو الاتنين مع بعض  ف بعد م هي اتجوزت جت في فترة كانو محتاجين  فلوس جدا ف ماما طلبت ورث والدها ف اتخانقت هي واخواتها ال 7 والموضوع كان كبير اوي وجابو ناس كبيرة تشوف الموضوع وتحله وفعلا ماما خدت جزء من ورثها اللي كانت محتاجاه بس قصاده اخواتها ال 7 قاطعونا برده بعيالهم بكل حاجة ف برده فترة الابتدائي لحد م كبرنا انا متعاملتش مع أي ولد + أن اخويا ما شاء الله هو صحابه ما شاء الله كتير حوالي عشرة كده بس كلهم محترمين ف لما بيتجمعو بيختارو واحد معندهوش اخوات بنات عشان ميضايقوش حد في بيته ولا يعملو فتنه بينهم وكده وانا موافقاه مش بلومه + تحذيرات ماما الشديده جدااااااا ليا لما كنت صغيرة عن الولاد ومينفعش لدرجة اني عندي 20 سنه مش بعرف اتعامل مع ولد خالص حتى لغرض وخلاص الموضوع يخلص حتى دفعتي عمري م اتعاملت مع ولد الا لأسباب شديده جدا أو حد يبقى فارض أني اتعامل معاه في موقف وخلاص 
في سبب كمان مهم جدا اني غير اني بتحرج اني بخجل لدرجة أن الجو حر ناار وفي البيت مش بلبس حتى بنص كم انا متعوده على كده وده كان لبسي وانا صغيرة ف كبرت على كده لازم البس بكم وواسع  ولو اضطريت البس بنص كم ببقى مش مرتاحة خالص ويتصرف واجيب هدوم بكم حتى لو من دولاب ماما 
في حاجة كمان أن ماما تعد تتكلم في الموضوع ده وتقول هتتجوزي ازاي والحاجات دي ديما تقولي لازم تبقي مثالية وخفيفة في كل حاجة في الطبيخ الترويق الحاجات بتاعت البيت عامة وكل ده ليه عشان اعجب الشخص اللي المفروض اتجوزه مش عشاني ولازم تعملي كذا عشان ميطلقكيش ولازم كذا عشان ميرجعكيش غضبانه وتطلقي والحوارات دي كلها وفعلا مفيش جملة تجيب فيها سيرة الجواز الا وتجيب سيرة الطلاق ملازماها مع أن مامتي نفسها مش عايشة الحاجات دي كلها يعني بابا شخص محترم وماما عمرها م غضبت عند اهلها بقالها حوالي 25 سنه متجوزه ومفيش خلاف بيعد اكتر من نص يوم الحمد لله وبابا عمره م ضربها ولا هانها ولا الحوارات اللي ماما بتهيقهالي دي وطبعا الكلام بتاع الهزار البايخ اللي هو انتي هتتجوزي وترجعي بعد نص ساعة والكحك بتاعك مش هيلحق يتوزع والكلام البايخ ده وتعد تقولي انتي مفكرة الحياة بعد الجواز ايه ساعات بتبقى من قلة الماية اللي بشربها يطلعي علامات تمدد مع اني مش تخينه ولا حتى بتخن بس علامات عادي ماما في مرة شافتها قعدت تقولي انتي هتتجوزي ازاي جوزك هيقرف منك والكلام ده ودايما بقى تقعد تقولي مفيش جوز بيساعد مراته انتي لازم تعملي كذا ولازم ولازم مليون لازم ومليون مسؤولية وانا بس اللي شيلاها وهو المفروض يجي من شغله يلاقيني جيت من شغلي (كليتي ليها تكليف) والبيت متروق والأكل جاهز وكمان بربي العيال انا طبعا مش زي البنات اللي تعد تقول لازم يساهم وهو بيشتغل وانا بشتغل والحوارات دي انا بس كل اللي بطلبه أن حد يكون بيراعي أني جايه من الشغل لسه بطبخ وانا بروق وبغسل الهدوم وبسكت في العيل ده وباكل ده كل اللي عاوزاه أنه مثلا يجي يسكت عيل أو يعمل اي حاجة في أوقات ببقى تعبانه وللاسف التعب ده كل شهر مش على فترات متباعدة عشان الرحم عندي معكوس(حاجة زي اللي بيكتب بايده اليمين واللي بيكتب بايده الشمال) ودي مش هتبقى مشكلة في الخلفة أو حاجة ده كل الموضوع أن الحمل هيبقى صعب وكمان البيريود لما بتجيلي بتوجع اوي لدرجة أن أول يومين ببقى طول اليوم نايمه تعب ووجع وباخد مليون مسكن الفكرة ان الدم بيمشي مسافة كبيرة وبطريق معكوس عشان كده الوجع التقيل ده وده كلام دكتورة حتى مش كلامي ماما بقى تعد تقولي والأكل والشغل والعيال والترويق وووو كتييييير انا فعلا ببقى مش بتدلع زي م بتقول انا حتى لو شربت بق ماية أو كلت أي حاجة برجع 
في حاجة كمان اني ديما بشوف اخويا ديما بتشرط على اي حاجة وبيرفع صوته وبيتخانق معانا بسهولة جدا ولما بنتخانق انا وهو فعلا بنعد حوالي شهرين تلاته مش بنتكلم ومتجنبين بعض ف خايفة برده الشخص اللي المفروض جوزي يبقى كده عمري م هعرف اننا نبقى متجوزين في نفس الوقت كده 
في حاجة كمان اني كل م تيجي سيرة الجواز في البيت اقول انا عاوزه خطوبه سنتين عشان اول سنه انا هبقى مبهورة بيه وشخصيته وكل حاجة زي اي واحده كانت صاحبتي وبعد فترة هبدا اشوف عيوبه ف انا بقول يبقى سنتين عشان اصلا هاخد فترة كبيرة على م اعرف اتعامل معاه وكمان على م اشوف عيوبه وأشوف ايه اللي هعرف اتعامل معاه وايه اللي خلاص ننهي الموضوع يرفضو رفض قاطع وبزعيق على احنا معندناش خطوبه اكتر من سنه ومينفعش والحوارات دي 
مش عارفة بصراحة أنا محتاجة نصيحة على ايه بالظبط بس انا خايفة عموما وزهقت من كتر م بفكر في الموضوع ده لوحدي واقدم اقتراحات لنفسي ف قولت اتكلم 
اسفة جدااا على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_71540 🇪🇬

منذ أسبوع واحد

شعور مستنزف

عبّر عن شعورك بشكل مجهول

قصه حياتي لو اتعملت فيلم الفيلم هيتهاجم هجوم شديد جدا بسبب انو هيتقال عليه خيالي علمي زياده عن اللذوم او بيستخفو بعقل المشاهد هحكيلكم من علي وش القفص
انا والدي ووالدتي انفصلو ووالدي راح عاش بعيد جدا واتجوز الكلام ده من ٩ سنين لحد الان اقسم بالله انا معرفش عنه اي حاجه في 2021 انا والدتي اتوفت (اسألكم الدعاء فضلا)وبقيت عايشه مع اختي اكبر  مني واخ اكبر واحد (واخت اصغر مني دي اجمل وألطف حاجه في حياتي)بس عندها مشاكل من الاخر من ذوي الهمم 
نبدأ الخيال بقا اخواتي مع بعض او معايا عايشين بمبدأ اللهم نفسي يعني مثلا انا لو تعبانه ونايمه ف السرير مبتحركش محدش هيجي يتف ف وشي لو جعانه وبموت من الجوع والقبض اتاخر ومعيش فلوس مينفعش اروح اخد منهم حاجه او اطلب منهم حاجه مش بقول اني ملاك انا كمان بقيت بتعامل معاهم بنفس معاملتهم . اختي الصغيره زي ماقولت فوق هي من ذوي الهمم متقدرش تعمل حاجه لنفسها هي تعتبر كبيره شويه بس لحد الان بتلبس بامبرز عاوزه اقول انهم بيقولوها في وشها انهم بيقرفو منها ومبيحبوش انها تقرب من حاجتهم او تقعد ع سرايرهم ومحدش بيسأل فيها حرفيا غيري انا الي شيلاها ومسؤله منها بشكل تام (لتاني مره مش بقول اني ملاك انا كمان وحشه في حاجات كتيره) ف انا عندي ٢٢ سنه لحد الان في سنه ٣ كليه متخرجتش بسبب اني مش عارفه اكمل في الكليه ولا اركز في شغلي الي ضهري اتقطم جواه مع ان اي بنت في سني عايشه حياتها عاوزه اقول حاجه كمان اه😂 انا والله بيجي عليا اوقات بمشي ب اعزكم الله كوتشي مقطع ومبعرفش اجيب غيره عشان اصرف علي نفسي وعلي اختي بدفي اللحظه الي بتكلم فيها دي معنديش حرفياً غير بنطلون واحد بروح بيه كل مشاويري بس ميغركوش بلبس اي حاجه وبطلع اخر شياكه😎 من فتره حد اتقدملي وكلم اخويا عشان يتقدم رفضو بدون اي سبب وقلهالي في وشي انو مش عارف يجوز نفسه عشان يجوزني وانو ملهوش دعوه. طبعا مش هكلمك علي الضرب والإهانة والشتيمه عمال علي بطال بس هو برضو هو حقه اصل هو يعني لما يعمل كده مين هيقفلو او يقولو ان كده حرام وبتاع 
( للتوضيح انا ولا بتستعطف حد ولا اقصد اكون اتنشن او مثلا بشحت عشان قولت الكلام ده كلو الفكره بس كنت عاوزه اتكلم واقول حاجه جوايه وفكره الابلكيشن عجبتني ف ربنا يريح بالي وبالكم كلكم وياريت محدش ينساني من دعواته واسفه اني طولت)❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_58980 🇪🇬

منذ أسبوع واحد

شعور مرتبك

هو طبيعي ان ابقي عايزة اتجوز اي بني آدم لمجرد مثلا انه مبرمج او مهندس برمجيات؟ انا عندي ٢٢ سنه و بحب البرمجة اوي و عايزة اتعلمها و اتخصص في ال ai و دا هياخد فترة طويلة بس بحاول ادرس بكل طاقتي و اوفق الدراسه مع الشغل و المشكله ان اللي عايزة اتجوز نفسي يبقي أهدافه نفس أهدافي مش عايزة اتجوز حد تاني بحس

Chocolate_64110 🇪🇬

منذ أسبوعين

شعور ضائع

موضوع:

تجربة غيرتك 180 درجة

Lemon_69130 🇪🇬 اب قذر والاسوء انه عمل كدة يوم عيد ميلادك وكنتى طفلة كمان 13 سنة ، عمتا ربنا يهديه او ياخده ويهديلك حالك وعايز اعرف معلش انتى عندك كام سنة دلوقتى عشان نعرف حالتك ينفع تتعالج ولا لا

عرض الكل 8 نصيحة

عبّر عن شعورك بشكل مجهول

ان انا ابويا من و انا اقل من عشر سنين لحد دلوقتى و هو كانت بيتحرش بيا و حاول يغتصبنى قبل كده يوم عيد ميلادى و انا ١٣ سنة و انا كنت اشتكيت لامى و هو لما عرف بطل يصرف على البيت لغاية دلوقتى . و امى كانت فى الاول بتحمينى و مش بتخلينى ابقى معاه لوحدى ابدا لكن دلوقتى مبقاش زى الاول كانه نسيت الى حصل ده انا حرفيا بخاف استحمى و هو قاعد فى الصالة .. لازم امى او حد من اخواتى يبقى قاعد و فى نفس الوقت انا ممنوع عليا انى احكى لاى حد .لان حتى امى لما حكتلها بطلت تهتم بالموضوع . حرفيا من طفولتى و انا فاقدة شعور الامان و ان يكون ليا اب و كل م بشوف حد من اصحابى من ابوهم بزعل قوى مش لانى بحسدهم بس لانى فاقدة الشعور ده و لحد دلوقتى مش عارفة اثق فى حد تانى ابدا حتى امى مش بحكيلها اى كلمة حرفيا .. اهلى ميعرفوش عنى حاجة خالص . بقيت بحاول كل الطرق انى اشتغل و اعيش لوحدى عشان اخلص من كل ده . ده طبعا غير انى حؤفيا معنديش خصوصية خالص فى البيت حرفيا باب الاوضة عمره م بيتقفل عليا و كأنى هقتل حد .. ف انا بحاول اخد قرار انى ابعد عنهم باى طريقة حتى لو كانت دراسة المدرسة دى فوق قدراتى . لانى حرفيا مش متخيلة ان الناس بيتعبوا عشان يروحوا مدرسة للمتفوقين عشان هما فعلا متفوقين و انا بعمل كده بس عشان اهرب من اهلى مش اكتر

Orange_58015 🇪🇬

منذ أسبوعين

شعور مرهق

عبّر عن شعورك بشكل مجهول

مساء الخير انا بنت عندي 20 سنه من حوالي 5سنين كدا بدات اكبر واشيل شغل البيت مع ماما انا بحب شغل البيت ووقفه المطبخ جدا وليا لمسه في كل حاجه بعملها في البيت سواق ترويق او طبيخ من سنتين كدا ماما بدات تعتمد عليا كليا في كل حاجه تسافر وتسيبني تخرج مع صاحباتها وتسيبني وانا طبعا اللي بشيل الليله ترويق وغدا وغسيل وكله انا عندي اختين بنات 24/14 سنه واخ ولد 13سنه  الولد عشان بيحبني ف اي حاجه بقوله اعملها بيعمل معايا بس مبحبش اكتر عليه زياده او اخليه يعمل حاجات كتيره ف برضو بشيل الليله ورجلي كانت مكسوره قبل كدا وملحمتش وبتتعبني لما بعمل مجهود وبجد والله كتير بنام معيطه من الالم والاحساس بالظلم اني بعمل كل دا لوحدي اه انا بعمل في بيتي ولبيتي بس كتير عليا 6 افراد في البيت بغسل ليهم وبطبخ لهم وبروق مكانهم وغير كدا ان هما مش منظمين ف البهدله بتبقا اضعاف الناس التانيه ف دا مجهود اكبر وانا مبحبش اطلب حاجه من حد او الاصح اني بطلب منهم يعملو معايا ومحدش بينفذ اللي بتكبر دماغها واللي تفضل تءفءف في وشي وبجد منتهي الاستفزاز وغير كدا انا بشتغل ف برجع من الشغل اشوف البيت اخلص انام اصحي للشغل لا منتبهه لدراستي ولا مستقبلي ولا اي حاجه بقالي قد ايه بقول هبدا حاجات ومش عارفه كتير بقول مش هعمل واسيب الدنيا تضرب تقلب بس بيصعب عليا ابويا الراجل الغلبان اللي بيجي بيبقا عايز اي لقمه يتعشي بيها وخلاص والله ما بيبقا عنده مانع ياكل اي حاجه وبيصعب عليا يكون شغال بال12 ساعه ويجي يلاقي البيت مبهدل ف يحس بخنقه او امي تزعق قدامه ف يدايق 
انا مش عارفه اعمل ايه زهقت من الوضع دا يومي مفهوش غير شغل وشغل بيت وانا والله تعبانه اوي سواء نفسيا او من رجلي واخواتي معندهمش دم خالص مش عارفه اتصرف معاهم ازاي اختي الكبيره بتشتغل وبترجع الساعه 3.5 بتفضل ماسكه الموبايل لغايه م تيجي تنام الساعه 1 ولا 2 ولا بتحط ايدها في اي حاجه وامي خلاص معتمده عليا كتير ولما معملش تزعق وبيبقا يوم نكد ومايعلم بيه الا ربنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_70019 🇪🇬

منذ أسبوعين

شعور فخور

موضوع:

تجربة غيرتك 180 درجة

رحلة بنت صغيرة نحو القوة بابا وماما اطلقوا وكل واحد فيهم راح لحياته الجديدة أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة من يومها وأنا بقيت أم وأخت… وأحيانًا زوجة كمان. كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل،

Coffee_70641 🇪🇬 إنتي مش مجرد بنت شالت مسؤولية، إنتي مصنع إنسان. كبرتي قبل وقتك، ودي مش خسارة… ده وسام. كل لحظة تعب عشتيها، بتبني فيك عمق مش موجود عند غيرك. إنتي دلوقتي مش بس “بتعملي أكل حلو”، إنتي بتزرعي أمان، بتعملي حياة. ‏اللي واجهتيه في أولى إعدادي، ناس في التلاتينات متعرفش تشيله. فما تستهينيش بنفسك… إنتي مش محتاجة جايزة، وجودك بالشكل ده هو الجايزة

عرض الكل 11 نصيحة

عبّر عن شعورك بشكل مجهول

رحلة بنت صغيرة نحو القوة

بابا وماما اطلقوا وكل واحد فيهم راح لحياته الجديدة 
أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة

من يومها وأنا بقيت أم وأخت… وأحيانًا زوجة كمان.
كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل، وأكنس.

ومع بابا… كنت بعمل له كل حاجة 
أكوي له لبسه، أرتب هدومه، أظبط طلباته، وأتأكد إن الأكل جاهز قبل ما يرجع من الشغل.

كنت لسه في أولى إعدادي… سن المفروض أكون فيه بتعلّم، بتدلع، وباخد من الدنيا أكتر ما بديها 
لكن أنا كنت بدّي كل حاجة، وباخد الصبر من ربنا.

كنت محتاجة حب واحتواء، لكن ما لقيتش… فادّيت أنا الحب ده لإخواتي.
التجربة دي كانت قاسية، الأيام فيها كانت تقيلة، لكنها صنعت مني إنسانة جديدة.
علمتني إزاي أكون صامدة، حتى لو جوايا مكسورة.

كبرت وأنا بعرف أعمل كل حاجة، وأطبخ أكل يخلي كل اللي حواليَّ يقولوا:
"يا بخت عيالك وجوزك… هتطبخيلهم كل يوم."
تعلمت إزاي أتصرف في مصاريف البيت، وأدبر الموجود مهما كان قليل.

حتى بعد ما ماما وبابا رجعوا لبعض… أحيانًا بابا بيعتمد عليا أنا في مصاريف البيت، ويديني أنا الفلوس، عشان عارف إني بعرف أظبط كل حاجة وأحسبها صح.

لسه بيحبوا أكلي، ولسه أختي الصغيرة بتعمل فرح في البيت لو عرفت إني أنا اللي هطبخ.

يمكن لو ما كنتش مريت بالرحلة دي، ما كنتش هطلع بالقوة والشطارة دي 
الحمد لله… على الابتلاءات اللي بتكشف جوانا أجمل الحاجات ❤️‍🩹

Corn_70158 🇪🇬

منذ أسبوعين

شعور متعب

عبّر عن شعورك بشكل مجهول

انا تعبان انا مرهق ومش قادر انام بقيت باهيت وبتصنح الضحكه والكلام وانا جوايا ميت
انا كنت طالب فكلية سياحه وفنادق 
وروحت قدمت جيش مع الكليه عشان اخلص واسافر 
وانا ف الجيش امي تعبت جدا وكان لازم اقعد معاها لأنها محتاجه دا لان انا الوحيد اللي شايل همها وانا الوحيد اللي شايل البيت مع اني انا اصغر واحد ووالدي توفى من 2020 من وقتها انا اللي شايل البيت الفكره بقى ان والدتي تعبها زايد او مستمر وما فيش حد غيري راضي يشيل الهم عندي اخ وعندي اخت بس الفكره ان هم مش شايلين الهم زي ما انا شايله هم شايفين ان في ان في حد شايل المسؤوليه فخليه يكمل انا ضحيت بالجيش وانا عارف ان في عقوبه شديده سجن حربي وتقريبا كده الشيف ضحيت بالكليه لان السنه دي انا تقريبا هسقط انا ما حليتش كويس خالص في الامتحانات من كتر الضغط اللي عليا ومن كتر التعب من كتر التفكير وانا مش عارف اعمل ايه حرفيا حاسس ان انا في دنيا تانيه في عالم ثاني دي مش دنيتي ولا ده انا ولا ده الواقع بتاعي يعني كثير فكرت في الانتحار ورغم كل ده انا عندي انتكاسه في حياتي او ذنب بمعنى اصح بحاول اطلع منه بحاول وغير كل ده انا نفسي في يوم من الايام ان انا اطلع بره البيئه بتاعتي دي واعيش بره عايزه اشتغل واعمل حياه طول عمري وانا بحلم بالاستقراريه بس ما اعرفش ليه وصلت المرحله دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_57717 🇪🇬

منذ أسبوعين

شعور متعب

ياجماعه انا عايش في اسره مبيعرفوش يعملوا علاقات خالص دايما ببقي خايف من رد فعلهم وبخاف اعرف اصحابي عليهم دايما مبيعرفوش يتصرفوا مع الناس وبياخدوا كل حاجه علي خاطرهم ويعملوا مشاكل وخناقات ونخاصم الناس وخلاص انا عشت في الموال ده مقاطعين الناس كلها وشخصيتي بقت ضعيفه وباجي علي نفسي واي علاقه مع اي حد ب

Mushroom_68043 🇪🇬

منذ 3 أسابيع

شعور مستنزف

انا اهلي ضاغطين عليا بسبب اني سايب دقني وبيقولولي شكلك ارهابي واخواني وهتعملك مشاكل، انا مربيها اتباعًا لسنة النبي صلى الله عليه وسلم مش عشان حاجه تانيه والموضوع زاد اوي وبقا يهددوني يقولولي مش هتروح معانا المصيف عشان دقنك وهكذا، فهل الموضوع فعلًا كدا ولا دي مبالغة منهم مش اكتر

Grape_65258 🇪🇬 من ترك شيئا لله عوضه الله. خيرا منه وجبت عليك طاعتهم في كل شئ الا امور الدين وممكن تهذبها بحيث يكون شكلها لطيف وتبقى نيتك خالصه لاتباع النبي صلى الله عليه وسلم

عرض الكل 10 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_67016 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

اتجوزت غصب عنى بعد وفاة جوزى من راجل عندة 85سنةةبضغط من أعلى وكان عندى49سنة وماخلفتش عشان مااترميش فى الشارع لانواهلى المرحوم جوزى كانوا عايزين الشقة وهى الورق واختى رفضت تخلينى اعيش معاها واخويا اكل ورثى واخد الشقة اللى طلعت بيها من الدنيا بالمكر والحيلةولقيت نفسى مابين اختيارين أما الشارع أو الزواج فاضريت اتجوزه بدون اى حقوق اخواتى كانوا عايزين يخلصوا منى فلم يطلبوا اى شؤ لى المؤخر الف جنية وبدون قائمة أو مهر أو شقة رحت بشنطة هدومى ولم اعرف سنه الحقيقي الا فى يوم الصباحيه  لأن لايظهر عليه السن وكان بيقول على المعاش حاولت اتاقلم واعيش عشت معاه سنتين كان بيمثل أنه انسان شريف وعارف ربنا اخواتى عشان ياكلوا حقوقى كانوا بسبب أزمة حصلتلى كاونو ا بيقنعوتى انى مريضة نفسية وذهبوا بى إلى الطبيب وعشت سنين اتعالج وكنت اعيط بالساعات قدامه وهو عارف انى بروح لدكتور حتى مايفكر يسالنى انتى مالك كل اللى همه اعيط بصوت واطى عشان ماافضحهوش قدام الجيران وفجأة حصلت لى مشكلة فى المدرسة اللى بشتغل فيها ولقيتوالكل بيتكاتر علية وبيحاول ياذينى لجأت له لم يعمل لى اى شئ بل ضربنى لول مرة فى حياتى بعد سنتين زواج بدل مايقف جنبى ويدافع عنى ضربنى واتلكك عشان حاجة عبيطة وفصل ضرب فى وطلقنى  رحت اشتكيت لاخويا قفل فى وشى السكة استنجدت باختى رفضت تكلمنى استنجدت بجوز اختى رفض يجى ينقذنى  اختى استلفت قبلها متى مبلغ من المال بحجة تدفع ضرائب شقة ورث انا بعت ورقي فيها من ابويا من 8سنين وقالت حترجعهم  قلتلها عايزاهم قالتلى انا خصمت نصهم ضرائب على الشقة كانوا من 8سنين وهى باعت الشقة من شهرين ووزورت وصل ضرائب عشان تاخد الفلوس ولما قلت لجوزى انت مش طلقتينى ادينى مستحقاتى وسبنى جاب اختى وقالتلى حتعيشى معاه غصب عنك ولما رفضت هجمت على عشان تضربنى دافعت عن نفسي ووشيلت كرسى وحطيته سد عشان ماتهجمش على تضربنى أصرت تدخل تضربنى راح الكرسي كسرلها النظارة راحت قالت لجوزى ارميها فى الشارع  ورفضت ترجع لى فلوسي أو تدافع عنى وسالت البلد ورجعت بلدى الاصلى هى وجوزها وباعت الشقة وخسرت فيها اكتر من مائة ألف جنيه غير مصاريف النقل عشان لاتعطينى 15الف جنية الفلوس اللى اخدتهمزمتى فلوس ورثى من جوزى المرحوم اللى وقفت يوم مااخدتهم وهددتنى لازم ابعتهم لاخويا فى البنك على حسابه عشان لااضيعهم بحجة انى مجنونه واخدهم والان ليس معى اى شؤ حتى الدبلة التى اشتراها زوجى سرقها منى واخى باع بيته واشترى بيت اخر حتى لا اعرف مكانه وأطالب بفلوسى وشقتى وانا يتيمة من الاب والام وليس لى أهل ولا اعرف اخد فى هذة البلد استغل زوجى الحالة دة وكل ما اتكلم مع هويضربنى حتى مصر قدمى وعرفت أنه باع الشقة التى اعيش فيها والدكان التى يملكها بيع وشراء لابنه حتى يحرمنى من الميراث وحين اشتكيت ابنه ذلتى وقالى مالكيش حاجة عندنا ورحى اشتكى فى البوليس احنا بإشارة منا نخرج من القصة ونسجنك صالحته ورحت اتعالج اخدت علاج شهر ودفعت كل مرتب ى فى العلاج وطالبته بالفلوس قالى حيبقى يدفع طيب ادينى فلوس أو رجع الشقة باسمك اوحتى اكتب لى قائمة عشان لما يموت لا اعيش على البلاط قالى بعد 6شهور ابقى افك وديعة واعطيكى غير الذل والبهدلةولوواتكلمت معه لا يسمع بل يضرب ولا احد يدافع عنى زهقت كدة كدة حعيش فى الشارع وكدة كدة رافض يعطينى حقوقى وقالى حطلقلك وارميكى فى الشارع طيب هات مستحقات المطلقة النفقة وغيرها والتى تصل إلى مية الف جنية قالى ابقى روحى اشتكيتنى فى المحاكم حطلع من اى قضية لأن ولاده ناس مناصب فى البوليس تعبت اعمل اية طلبت الطلاق مانا كدة كدة حعيش فى الشارع اعمل اية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_65356 🇪🇬

منذ 3 أسابيع

شعور متعب

جماعه انا عندي 27 سنه بس لحد دلوقتي ولي خطبت ولي عملت حاجه لمستقبلي معا اني شغال شغلانه تبان كويسه قدام الناس بس للاسف يدوب بجيب مصريفي بلعفيه و غير كدا موضوع الارتباط و الحب و الخطوبه مش عارف اخد في خطوه يعن ايه اكون شغال شغل مكفيه احتيجاتي بلعفيه و الاقي الي بيحسدوني و مفكرين عشان شغال في السياحه

Watermelon_73322 🇮🇶

ازاي ارجع طبيعي بعد ما ميولي اتغيرت؟

مساء الخير . ازيكم يارب تكونوا بخير انا عندي مشكلة و عايز حد يسرح لي السبب و ادخل ايه و ياريت من غير تريقة او تأنيب ضمير .. انا شاب عندي ٣٦ سنه عازب ميولي كانت طبيعية جداً لحد من سنة و مريت بكل مراحل المراهقة و الشباب بطريقة طبيعية من مشاهدة افلام لعلاقات لسكس شات كل حاجة عملتها و جربتها . من سنة تقريبا حسيت بزهق و بدات اتفرج علي افلام ولاد مع بعض بعدها قولت اجرب و من ساعتها و انا ميولي اتغيرت و بقيت انجذب ناحية الولاد اكتر و للعلم انا جربت مرتين بس . بس كل شوية الفكرة تجيلي تاني . ازاي و ليه واشمعني و ازاي ارجع زي الاول ...عرض المزيد

0 الدعم

2 نصيحة

Chocolate_57478 🇪🇬

نصيحة حياتية أتمنيت أسمعها من زمان

لو هتدوني نصيحة من واقع خبرتكم في الحياة وكنت تتمنوا تمشو بيها من زمان هتبقي ايه ... ااااااااالللللللااااااااا أااااااااااااااااااياثااثاثاثاقااااااااااااا ااااااااالللللللااااااااا أااااااااااااااااااياثااثاثاثاقااااااااااااا ااااااااالللللللااااااااا أااااااااااااااااااياثااثاثاثاقااااااااااااا ااااااااالللللللااااااااا أااااااااااااااااااياثااثاثاثاقااااااااااااا ...عرض المزيد

0 الدعم

0 نصيحة

Avocado_59145 🇪🇬

الظروف ما سابتش حد فينا ما غيرتوش

الظروف ما سابتش حد فينا ما غيّرتوش كلنا اتغيّرنا، أولوياتنا اتغيرت مفاهيمنا اتغيرت أسلوبنا اتغيّر دعواتنا اتغيّرت حتى مقامات الناس في حياتنا اتغيرت الكام سنة اللي فاتوا دول اتكفلوا بتغيير كل حاجة في حياتنا لغاية ما وصلنا للنسخة اللي إحنا عليها دلوقتي واللي مع الوقت هتتغير برضو " ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع