الأسرة

Apple_77975 🇪🇬

منذ يوم واحد

شعور محبط

انا صيدلى متجوز وعندى ٣ اطفال شغلي واخد اغلب يومي حرفيا برجع ع النوم المدام شايله طلبات البيت والاولاد بس انا ولا في اهتمامتها وعلى طول انا متهم بالتقصير واني مش قد المسئولية ومن ناحية تانية اهلى مبيسألوش علينا وكمان متهمني انا والمدام اننا مقصرين ومش بنسأل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_77536 🇪🇬

منذ أسبوع واحد

شعور وحيد

عبّر عن شعورك بشكل مجهول

انا عندى 23 سنة أنا طول حياتى عمرى ما كان عندى صحاب بنات ولا أعرف بنات مفيش غير واحدة حبيتها و مرتبطناش خالص و قعدت سنتين أحاول معاها و كان حب من طرف واحد و هى محبتنيش بس كانت حابة فكرة ان حد بيديها أهتمام مش أكتر فا بعدت عنها و عملتلها بلوك من كل حاجة و الكلام ده من 6 سنين و لغاية دلوقتى عمر ما كان ليا صحاب بنات ولا فى المدرسة ولا الجامعة،  بس مليش الصراحة فى شغل أرتبط بدى شوية و نسيب بعض بعديها ارتبط بحد تانى انا معنديش الكلام ده انا بالنسبالى لو هرتبط بواحدة يبقى اتقدملها رسمى و من غير حاجة من ورا أهلها أو حاجة مش رسمية و التعارف يبقى فى الخطوبة و لو أنا عملت غير كده هبقى قليل فى نظر نفسى أوى أنا عارف أن اللى حبيتها فى الأول دى عكس الكلام اللى انا بقوله و الحاجات حاططها لنفسى بس ده كان أول واحدة أحبها و كنت صغير لسه و حاولت اشيلها من دماغى معرفتش فا عشان كده رحت اتعرفت و قربت منها و اتعلمت، بس حاليا من اللى بشوفه أن كل البنات لازم أرتباط و ينزلو ديت و الكلام اللى مش عاداتنا ولا ديننا بيقولو عليه(مع انى مش اللى هو شيخ و كده انا واحد عادى) بقيت خايف أقضى طول عمرى لوحدى و ملاقيش واحدة كويسة، ده انا حتى فى بوستات من بنات على الفيس بيتريقو على اللى بيتقدم رسمى و يضحكو عليهم اللى هو انا لما بشوف الحاجات دى انتو فين أهاليكو ولا ايه تربيتكو دى، و ازاى اصلا ارتبط بحد و اسيبه و ابقى عادى كده ولا كأنه فارقلى و اشوف حد غيره بالنسبالى الأفكار دى كلها مش مقبولة خالص، حالياً بقالى فترة كبيرة يمكن سنين عندى أكتئاب و أحساس بالوحدة رهيب شايف كل اللى حواليا و صحابى و قرايبى اللى بيخطب و اللى مرتبط حرفيا 99 فى المية منهم ماعدا أنا خايف أفضل طول عمرى لوحدى و ملاقيش حد بسبب أنى كده و عكس الناس كلها دلوقتى، ده حتى صحابى و أهلى بيفضلو يقولولى انت هتتجوز ازاى ولا هترتبط ازاى انت متعرفش ولا واحدة الكلام ده بيبقى تقيل عليا أوى، و اللى بيوجع أكتر بقى أنو بيجى من أهلى، و اللى بيزود الوحدة و الأكتئاب انى عمرى ما حسيت أن فى بنت معجبة بيا أو بصتلى حتى مع انى على كلام اللى يشوفنى و اللى يعرفنى شكلا كويس جدا و كذا حد من اللى بيشوفنى أول مرة بلاحظ انهم بيركزو فى وشى و يفضلو باصين شوية، و اجتماعى و الحمدلله بس المشكلة دى مخليانى خايف أقضى عمرى لوحدى و افضل علطول وحيد و مكتئب. انا عارف انى طولت و بعتذر بس بطلع اللى جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_75894 🇪🇬

منذ شهر واحد

شعور غاضب جدًا

حاسس انى وحيد طول عمرى برغم من انى عندى ٤ أخوات بس المشكله انهم ولا من سنى ولا من تفكيرى وحتى بيحسوا وابويا وامى عايشين بس عمرى ما حسيت بحننهم ولا عطفهم عليا واى حد بتعامل معله بيقول عليا انى عصبى وكشارى بس عمرى ما شوفت نفسى كده

Guava_49832 🇪🇬

منذ شهر واحد

شعور مرهق

عبّر عن شعورك بشكل مجهول

من فترة مش قريبة كنت قاعدة مع خالتو وبنتكلم عادى وبدانا نتكلم عن امى وابى وعن مشاكل فى بداية جوازهم وكدة 
وحكتلى ان ابى كان طلق امى وانا عندى سنة 
دى كانت اول مرة اعرف الموضوع ده ومحدش من اخواتى يعرفه ولا حتى امى وابى يعرفوا انى عارفة 
خاالتو قالتلى ان امى رجعت وقتها عشانى 
سااعاات كتيير بقول ياريتها ما رجعت ،وساعات اقول طيب لو هى مرجعتش كان هيكون وضعنا ايه دلوقتى ..كانت اكيد هتتجوز ..طيب الراجل دة كان هيكون طيب ولا لا 
غصب عنى انا مش بحس ناحيتها بحب ،انا حتى مش عارفة احبها ازاى ..هى مضغوطة والضغط اللى عليها بقا يتنقل لينا بشكل سلبى اووى وماثر علياا بغبااااء 
بحس بالذنب لما بحس انى مقصرة معاها برغم انها بتضحى كتييير عشانى وساعات الموضوع مش بيكون فارق 
وساعات بردو اى خناقة بين ابى وامى او حتى لو حوار عادى وبدا صوتهم يعلى بحس انهم هيتطلقوا تانى ..خصوصا ان سبب طلاقهم الاول حرفيااا مش سبب ..هما اتطلقوا من غير سبب تقريبا 
التفكير انهم يتطلقوا تانى بعد ما كبرنا ونكون فاهمين او انهم يخيرونا بينهم هيبقى صعبب اوووى ...خصوصا انه مش مبنى على حب انا مش هختار حد فيهم عشان بحبه لا ..احساس بالذنب مش اكتر 
عااارفة ان كل دة باذن الله مش هيحصل وانهاا كلهاا افكار بس ساعات بحس انى لازم احكى
علاقتى بابى بردو سطحية جداا ممكن نتكلم مع بعض عادى مش بخااف منه مثلا الا اوقات بسيطة بس عمرى مثلا ما هروح احكيله لو زعلانة او كدة 
بحاول مفكرش فى اى حاجة سلبية بس ساعات غصب عنى دماغى بتدور

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_74741 🇪🇬

منذ شهر واحد

شعور مستنزف

انا عندى ٤٠ سنة بشتغل وعندى أسرة بس مشكلتى انا معايا مؤهل متوسط ودى يعتبر عملالى ازمة فكرت ادخل ثانوى عام من اول وجديد أو اكمل جامعة مفتوحة بس كل الناس اللى حواليا عارضت علشان بنتى تانية ثانوى هى اولى بكل قرش يتصرف انا بحب مجال علم النفس مش عارفه اخد كورسات واتعمق فيه ولا ادخل ثانوى عام من غير مااقو

Sugar_74427 🇪🇬

منذ شهر واحد

شعور مستنزف

ايام كتير بتعدى عليا رمادى ، لا هى ابيض ولا هى اسود شعور انى بكمل اليوم عشان اليوم يعدي ويجي اللي وراه، شعور انى مش لاقيه نفسي، بهرب ف حاجات لا تفيد عشان مفكرش ، لدرجة انى بقيت بطبق الصمت والانعزال مع اهلي معظم الوقت، وهم لاحظوا دا ولامونى فيه.. من كتر تجاهل شعورى وهروبي بقيت بعيدة عنهم منكرش ان

عبّر عن شعورك بشكل مجهول

ايام كتير بتعدى عليا رمادى ، لا هى ابيض ولا هى اسود 
شعور انى بكمل اليوم عشان اليوم يعدي ويجي اللي وراه، شعور انى مش لاقيه نفسي، بهرب ف حاجات لا تفيد عشان مفكرش ، لدرجة انى بقيت بطبق الصمت والانعزال مع اهلي معظم الوقت، وهم لاحظوا دا ولامونى فيه..

من كتر تجاهل شعورى وهروبي بقيت بعيدة عنهم 
منكرش انى كدا مرتاحة تجنبا للمشاكل والمشاحنات اللى مش بتخلص، بس ف نفس الوقت بأنب نفسي علي تقصيري ف حق اهلي وهروبي من تواجدي معاهم حتى ف الاوقات الكويسة 
كأني معنديش طاقة ليهم .

من زمان اوي وانا اسرتي مش اسرة سوية، كان في خلافات لا تعد ولا تحصي بين بابا وماما وكنت بشهدها بصفتي الكبيرة وسمعت وشوفت كتير،
 وكنت لانى مش عايزة افكر بتجاهل دا واكتم اي زعل جوايا  وعادى ،
وكبرت والمشاكل مش بتقف والازمات مش بتخلص وشعورى انى غريبة ف بيتي بيتفاقم، توفي بابا الله يرحمه  وحزنت فترة بس بعد كدا بقيت بتجاهل شعور الحزن دا  
بقيت بتجنب افكر فيه او اشوف صوره او حتى اروح ازوره 
بتجنب اي حاجة توجعني لما افكر 
كبرت وانا حسة انى لوحدي

ودلوقتي عندي اصحاب بس بردو حسة انى لوحدي،
مكنتش متعودة احكى مشاعري لحد لانى عمري ما حسيت اني استاهل اتسمع 
كنت ومازلت الركن الامن لصحابي واسمع مشاكلهم واحلها من قلبي، بس اتكلم عن شعور ملازمنى وخانقني لا مبعرفش 
شعور متعب بأنك متستحقش تكون متشاف، اصل هتتشاف ع اي وانت من جواك فاضي

انا مش عارفة انا بكتب دا ليه، بس حسيت انى عايزة اتكلم وخلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_74203 🇪🇬

منذ شهر واحد

شعور مرتبك

معظم الوقت بفكر فى اللى انا فيه وليه خرجت لحياتى بالترتيب اللى البيت والمجتمع حطه ليا دايما بقول ليه بعد ما اتخرجت بحوش للجواز بس ليه مفكرش افتح مشروع الاول وحاجه زى كده الاهل مش هيتقبلوها لان انا فى جمعيات معاهم وهما شايلنلى الفلوس بصراحه هما محافظين عليها بس انا دلوقتى عايز اخد سكه انى افتح مشروع

Plum_62202 🇪🇬

منذ شهر واحد

شعور متوتر

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ود

عبّر عن شعورك بشكل مجهول

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة
دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات

المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة

بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة

وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند
ده عملى مشكلة نفسية بس عادي
ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني

انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه

انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30

سنه وانا وهي 22
ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر

الفكره انا اهلى بيقولو انت معکش ای حاجه دلوقتي ف كلمو

وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوزاعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي

علشان تقف معايا وتتكلم أهلها تقول اي

محتاج حلول او اراء

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73151 🇪🇬

منذ شهر واحد

شعور مرهق

انا عندي مشكله او مش عارف هتتحسب مشكله ولا ايه انا حياتي كلها عباره عن مشاكل مع الاهل دي مش المشكله. اي مشكله معاهم و غالباً بتكون بسبب الدراسه المهم كل مشكله من المشاكل دي بتأثر ع نفسيتي وانا مش بعرف اتكلم ولا احكي ل حد بفضل اني اقفل ع نفسي بابي و مع نفسي هل ده هيضرني قدام ك تراكمات و كدا ولا اي

Orange_61088 🇶🇦

منذ شهر واحد

شعور مكسور القلب

موضوع:

امتى حسيت بالخذلان العميق؟

اهلى..طول عمرهم خاذلينى مش قصدى بأهلى ابويا وامى لا بقصد العيلة الكبيرة الخال والعم والخالة والعمة والاخت كمان مؤخرا علمونى ان القريب ممكن يكون افضل بكتير من حد من دمك بتمنى الحال يتغير للافضل بس مستبعدة

Strawberry_71540 🇪🇬

منذ شهر واحد

شعور مستنزف

عبّر عن شعورك بشكل مجهول

قصه حياتي لو اتعملت فيلم الفيلم هيتهاجم هجوم شديد جدا بسبب انو هيتقال عليه خيالي علمي زياده عن اللذوم او بيستخفو بعقل المشاهد هحكيلكم من علي وش القفص
انا والدي ووالدتي انفصلو ووالدي راح عاش بعيد جدا واتجوز الكلام ده من ٩ سنين لحد الان اقسم بالله انا معرفش عنه اي حاجه في 2021 انا والدتي اتوفت (اسألكم الدعاء فضلا)وبقيت عايشه مع اختي اكبر  مني واخ اكبر واحد (واخت اصغر مني دي اجمل وألطف حاجه في حياتي)بس عندها مشاكل من الاخر من ذوي الهمم 
نبدأ الخيال بقا اخواتي مع بعض او معايا عايشين بمبدأ اللهم نفسي يعني مثلا انا لو تعبانه ونايمه ف السرير مبتحركش محدش هيجي يتف ف وشي لو جعانه وبموت من الجوع والقبض اتاخر ومعيش فلوس مينفعش اروح اخد منهم حاجه او اطلب منهم حاجه مش بقول اني ملاك انا كمان بقيت بتعامل معاهم بنفس معاملتهم . اختي الصغيره زي ماقولت فوق هي من ذوي الهمم متقدرش تعمل حاجه لنفسها هي تعتبر كبيره شويه بس لحد الان بتلبس بامبرز عاوزه اقول انهم بيقولوها في وشها انهم بيقرفو منها ومبيحبوش انها تقرب من حاجتهم او تقعد ع سرايرهم ومحدش بيسأل فيها حرفيا غيري انا الي شيلاها ومسؤله منها بشكل تام (لتاني مره مش بقول اني ملاك انا كمان وحشه في حاجات كتيره) ف انا عندي ٢٢ سنه لحد الان في سنه ٣ كليه متخرجتش بسبب اني مش عارفه اكمل في الكليه ولا اركز في شغلي الي ضهري اتقطم جواه مع ان اي بنت في سني عايشه حياتها عاوزه اقول حاجه كمان اه😂 انا والله بيجي عليا اوقات بمشي ب اعزكم الله كوتشي مقطع ومبعرفش اجيب غيره عشان اصرف علي نفسي وعلي اختي بدفي اللحظه الي بتكلم فيها دي معنديش حرفياً غير بنطلون واحد بروح بيه كل مشاويري بس ميغركوش بلبس اي حاجه وبطلع اخر شياكه😎 من فتره حد اتقدملي وكلم اخويا عشان يتقدم رفضو بدون اي سبب وقلهالي في وشي انو مش عارف يجوز نفسه عشان يجوزني وانو ملهوش دعوه. طبعا مش هكلمك علي الضرب والإهانة والشتيمه عمال علي بطال بس هو برضو هو حقه اصل هو يعني لما يعمل كده مين هيقفلو او يقولو ان كده حرام وبتاع 
( للتوضيح انا ولا بتستعطف حد ولا اقصد اكون اتنشن او مثلا بشحت عشان قولت الكلام ده كلو الفكره بس كنت عاوزه اتكلم واقول حاجه جوايه وفكره الابلكيشن عجبتني ف ربنا يريح بالي وبالكم كلكم وياريت محدش ينساني من دعواته واسفه اني طولت)❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_58980 🇪🇬

منذ شهر واحد

شعور مرتبك

هو طبيعي ان ابقي عايزة اتجوز اي بني آدم لمجرد مثلا انه مبرمج او مهندس برمجيات؟ انا عندي ٢٢ سنه و بحب البرمجة اوي و عايزة اتعلمها و اتخصص في ال ai و دا هياخد فترة طويلة بس بحاول ادرس بكل طاقتي و اوفق الدراسه مع الشغل و المشكله ان اللي عايزة اتجوز نفسي يبقي أهدافه نفس أهدافي مش عايزة اتجوز حد تاني بحس

Chocolate_64110 🇪🇬

منذ شهرين

شعور ضائع

موضوع:

تجربة غيرتك 180 درجة

Lemon_69130 🇪🇬 اب قذر والاسوء انه عمل كدة يوم عيد ميلادك وكنتى طفلة كمان 13 سنة ، عمتا ربنا يهديه او ياخده ويهديلك حالك وعايز اعرف معلش انتى عندك كام سنة دلوقتى عشان نعرف حالتك ينفع تتعالج ولا لا

عرض الكل 8 نصيحة

عبّر عن شعورك بشكل مجهول

ان انا ابويا من و انا اقل من عشر سنين لحد دلوقتى و هو كانت بيتحرش بيا و حاول يغتصبنى قبل كده يوم عيد ميلادى و انا ١٣ سنة و انا كنت اشتكيت لامى و هو لما عرف بطل يصرف على البيت لغاية دلوقتى . و امى كانت فى الاول بتحمينى و مش بتخلينى ابقى معاه لوحدى ابدا لكن دلوقتى مبقاش زى الاول كانه نسيت الى حصل ده انا حرفيا بخاف استحمى و هو قاعد فى الصالة .. لازم امى او حد من اخواتى يبقى قاعد و فى نفس الوقت انا ممنوع عليا انى احكى لاى حد .لان حتى امى لما حكتلها بطلت تهتم بالموضوع . حرفيا من طفولتى و انا فاقدة شعور الامان و ان يكون ليا اب و كل م بشوف حد من اصحابى من ابوهم بزعل قوى مش لانى بحسدهم بس لانى فاقدة الشعور ده و لحد دلوقتى مش عارفة اثق فى حد تانى ابدا حتى امى مش بحكيلها اى كلمة حرفيا .. اهلى ميعرفوش عنى حاجة خالص . بقيت بحاول كل الطرق انى اشتغل و اعيش لوحدى عشان اخلص من كل ده . ده طبعا غير انى حؤفيا معنديش خصوصية خالص فى البيت حرفيا باب الاوضة عمره م بيتقفل عليا و كأنى هقتل حد .. ف انا بحاول اخد قرار انى ابعد عنهم باى طريقة حتى لو كانت دراسة المدرسة دى فوق قدراتى . لانى حرفيا مش متخيلة ان الناس بيتعبوا عشان يروحوا مدرسة للمتفوقين عشان هما فعلا متفوقين و انا بعمل كده بس عشان اهرب من اهلى مش اكتر

Ice Cream_70019 🇪🇬

منذ شهرين

شعور فخور

موضوع:

تجربة غيرتك 180 درجة

رحلة بنت صغيرة نحو القوة بابا وماما اطلقوا وكل واحد فيهم راح لحياته الجديدة أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة من يومها وأنا بقيت أم وأخت… وأحيانًا زوجة كمان. كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل،

Coffee_70641 🇪🇬 إنتي مش مجرد بنت شالت مسؤولية، إنتي مصنع إنسان. كبرتي قبل وقتك، ودي مش خسارة… ده وسام. كل لحظة تعب عشتيها، بتبني فيك عمق مش موجود عند غيرك. إنتي دلوقتي مش بس “بتعملي أكل حلو”، إنتي بتزرعي أمان، بتعملي حياة. ‏اللي واجهتيه في أولى إعدادي، ناس في التلاتينات متعرفش تشيله. فما تستهينيش بنفسك… إنتي مش محتاجة جايزة، وجودك بالشكل ده هو الجايزة

عرض الكل 11 نصيحة

عبّر عن شعورك بشكل مجهول

رحلة بنت صغيرة نحو القوة

بابا وماما اطلقوا وكل واحد فيهم راح لحياته الجديدة 
أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة

من يومها وأنا بقيت أم وأخت… وأحيانًا زوجة كمان.
كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل، وأكنس.

ومع بابا… كنت بعمل له كل حاجة 
أكوي له لبسه، أرتب هدومه، أظبط طلباته، وأتأكد إن الأكل جاهز قبل ما يرجع من الشغل.

كنت لسه في أولى إعدادي… سن المفروض أكون فيه بتعلّم، بتدلع، وباخد من الدنيا أكتر ما بديها 
لكن أنا كنت بدّي كل حاجة، وباخد الصبر من ربنا.

كنت محتاجة حب واحتواء، لكن ما لقيتش… فادّيت أنا الحب ده لإخواتي.
التجربة دي كانت قاسية، الأيام فيها كانت تقيلة، لكنها صنعت مني إنسانة جديدة.
علمتني إزاي أكون صامدة، حتى لو جوايا مكسورة.

كبرت وأنا بعرف أعمل كل حاجة، وأطبخ أكل يخلي كل اللي حواليَّ يقولوا:
"يا بخت عيالك وجوزك… هتطبخيلهم كل يوم."
تعلمت إزاي أتصرف في مصاريف البيت، وأدبر الموجود مهما كان قليل.

حتى بعد ما ماما وبابا رجعوا لبعض… أحيانًا بابا بيعتمد عليا أنا في مصاريف البيت، ويديني أنا الفلوس، عشان عارف إني بعرف أظبط كل حاجة وأحسبها صح.

لسه بيحبوا أكلي، ولسه أختي الصغيرة بتعمل فرح في البيت لو عرفت إني أنا اللي هطبخ.

يمكن لو ما كنتش مريت بالرحلة دي، ما كنتش هطلع بالقوة والشطارة دي 
الحمد لله… على الابتلاءات اللي بتكشف جوانا أجمل الحاجات ❤️‍🩹

Strawberry_76847 🇪🇬

مش عارفة ده طبيعي ولا لأ... محتاجة أفضفض

مش عارفة ده طبيعي ولا لأ، بس حقيقي محتاجة أفضفض… أنا بنت، وعندي مشاعر يمكن مش المفروض أقولها، بس خلاص تعبت من كتمها. فيه جار لينا، مش وسيم، مش جذاب، حتى طريقته في الكلام بتضايقني. بس رغم كده، كل مرة بشوفه بحس إني بتشد ليه… مش كشخص، بس كجسم، كوجود. ببص عليه من شباكي وأنا مش معجبة بيه أصلًا، بس في حاجة جوايا بتتحرك كل ما عيني تلمحه. حاسه إن تفكيري بقى كله في اتجاه واحد، يمكن جسمي بقى سابقني، أو يمكن فيّ حاجة مش مفهومة. مش بحب حد، ومش مرتبطة، بس في إحساس مسيطر عليا… مش عاطفي، أكتر من كده. ولما الليل يجي واحس اني عايزة حضن… لمسة… قرب… بس مش لحد معين، هو مجرد احتياج عام، مش مرتبط بشخص. وده بيخليني أسأل نفسي كل ليلة: هل أنا كده طبيعية؟ فيه بنات غيري بتحس كده؟ ولا أنا فيا حاجة غلط ومش قادرة أفهمها؟ الموضوع بقي بيشتتني أوقات، خصوصًا وأنا بحاول أركز في مذاكرتي أو دراستي… بلاقيني سرحت، وفكري راح في حته تانية خالص، وده مأثر عليا من غير ما حد يعرف. حاسه إني بتخنق من إحساسي، وبخاف أتكلم عشان الناس تفهمني غلط. لو حد مرّ بحاجة شبه كده… ياريت يقول. بس لو هتحكموا، بلاش تردوا. ...عرض المزيد

3 الدعم

35 نصيحة

Apple_74635 🇪🇬

مشاكل طفولتي بتحكم فيّ وولاد بيفكروا وحش

انا نزلت مشكلتي امبارح في نفس الوقت دا تقريبا قلت ان عندي مشاكل من الطفولة و ازمات كتير بمر بيها وحاسة اني وحشة على طول بسبب التصرفات الكتير الغلط الي بعملها انا بحاول افضفض لحد بس الكلام تقيل اوي اني اقوله بس اكتر حاجة ضايقتني ان معظم "الولاد" او كلهم يا داخل عاوز يشقطني يا اما بيتكلم بقلة ادب علشان اجي معاه سكة ودا اثر في نفسيتي اكتر مش علشان انا عملت حاجات وحشة اني افضل على طول وحشة و همشي معاكوا في الطريق دا ربنا يسامحكوا . انا بجد محتاجة بنت تسمعلي لو سمحتوا بلاش ولد يدخل يكلمني بنية وحشة ارجوكوت ...عرض المزيد

4 الدعم

28 نصيحة

Plum_65277 🇪🇬

مشرفه السكن شتمتني قالتلي يا شرموطه!

السلام عليكم انا دلوقتي ف سكن ابويا بيحسبني ازي فريز يفصل ونتي متخديش بالك ف دلوقتي فيه وحده مشرفه غيري مسكت السكن بقولو انا ماالي انا زيي زيهم قالي انتي رجعتي تتشرمطي تاني يا شرموطه دا دلوقتي يترد يتقاله اي دا!! ...عرض المزيد

2 الدعم

27 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع