أهل

Chilli_69499 🇪🇬

منذ يومين

شعور متعب

انا عاوز احكي مشكله حصلت معايا من فتره وأثرت جداً ف نفسيتي انا اعجبت ببنت سوشيال من فتره وحبيتها وحكيت لوالدي اني عاوز اتقدملها وهي من محافظة تانيه بعيده عني و وقتها كنت لسه طالب ف الكليه الحربية وكان باقي ع التخرج فتره قصيره وهو قالي متقولش انك كلها كام شهر وتبقا ظابط وقتها مفهمتش لي مقولش بس سمعت

Marshmallow_80801 🇩🇿

منذ 4 أيام

شعور مرهق

موضوع:

المشاكل الي اهلك كأنه سبب فيها و اثرت ازي عليك

ما عندي أهل ، ما عندي سند، انا لوحدي بالدنيا و الدنيا كلها جاية علي اهلي لو ماكان موجودين بالاصل احسن كثير ، وجودهم قتلني تعاملهم ، صراحة وصلت كرهت الحياة بسببهم تعبااانة كثييير ،عندي مشاكل كثير بحياتي و اهلي جايين علي مرضى نفسيين على الاغلب بس وين الحل ما بعرف

Blueberry_78247 🇪🇬

منذ أسبوع واحد

شعور ضائع

عبّر عن شعورك بشكل مجهول

انا فاشلة ف كل حاجة فاشلة اني اكون زوجة واكون أم.. انا متجوزة من 8 سنين وعندي 30 سنة معايا بنتين. جوزي بيسافر وسايبني قاعده ف بيت لوحدي بربيله العيال.. بينزل اجازات شهر فالسنه واحيانا شهر كل سنة ونص لو سنتين.. بارد ف مشاعره معايا عمره مسمعني كلمه او طيب خاطري ومع ذلك محافظة ع نفسي وبيتي واولادي.. مفيش حد من اهله بيسأل علينا ولا بيرفع سماعه التليفون وعمرهم ماتصلوا يسألوا ع ولادي وهو متقبل ودايما يغصب عليا انا اروح بالبنات ومقابلتهم بتكون اوسخ مقابلة وممكن يقوموا ويسيبوني قاعده لوحدي ومينفعش انا اشتكي يااما هبقي بكرههم ووحشة.. كان بيبعت مصروفي عليهم وحاجة ولادي عليهم يفتحوا ويتفرجوا وبعدين يبعتولي عملت مشكلة ومفيش حاجة اتغيرت بروح امد ايدي ليهم اخد حاجتنا منهم.. جه فترة حوش فلوسه فالدهب وعان معايا جزء ومع اخته جزء.. جيت مسافراله من شهر ونص قالي ابعتي الدهب عند اختي انا رفضت وقولتله داري ع نفسك يلاش تكشف كل اللي معاك قدام حد الواحد ممكن يحسد نفسه.. رفض وصمم اني اودي اللي معايا عندها وبعتلي عيل عنده 18 سنه ياخده مني ويحاسبني بالورقة والقلم ويقولي خدت منك كذا.. زعلت وحسيت بالاهانه قولتله اني زعلانه والموضوع ده هيشيلني منه وانا مسافرة.. سافرت والله والله كنت بحاول انسي اني زعلانه واعدي ايامي بس هو اللي واخد عالوحدة دايما ماسك الفون وبيزعق للبنات لما يلعبوا بصوت عالي وبدا يشتكي من المصاريف ومش هتكملوا معايا هتنزلوا بعد 3 شهور مع انه كان واعدني انه واخدني سنه.. كلامه اتغير المشاكل زادت ضربني وبدأ كل يون يضربني لحد مخدت علقة موت كسرلي فيها ضهرى.. وهو عمره ماامد ايده عليا.. بدأ يتصل ع اهلي يشتكي مني واني منكده عليه بسبب الدهب وان دي فلوسه هو وهو حر فيها.. واتصل ع اخوالي فضحني بصحيح العبارة شغل قلب ترابيزة وكدا.. عيشتنا طول الشهر ونص هم وغم وعياط وقرف ومكنتش لا انا ولا بناتي مبسوطين.. جه قالي انه حسد واصحابه بيحقدوا عليه بكلامهم.. جاله سفر ضروري الرياض شغل هناك حجزلي بعد شهر و 17 يوم بالظبط ونزلت مصر ف نفس اليوم اللي هو سافر فيه.. نزلت تعبانه جدا جدا وبقالي 10 ايام مريضة مش بتحرك وهو كل يوم بيتصل وهو مقموص ومش بيكلمني كويس من تحت ضرسه.. جيت النهاردة نتناقش اتفتح فيا وقالي كلام صعب اوي وبردو اني ماديه وبتكلم فالفلوس ودي فلوسه ومش هيرجعلي الدهب عندي.. مع انه كان قايلي قبل مااوديه اني هنزل اخده هو عاينه عندها بس عشان انا مسافرة.. غير كلامه وقال مش هبعتهولك وشتمني وقال اني روحت بوظت السفرية عليه وعليا طلبت الطلاق وقولت متنازلة عن كل حاجه بس سيبني لاني اتبهدلت معاك.. رفض وقالي لما ابقي انزل مصر وراح متصل ع بابايا وقاله كلام كتير محصلش.. بابايا مش برضي ادخله ف اي مشاكل بينا وميعرفش اي حاجه هو بقي دخله.. ونص كلامه كان كذب اقسم بالله مامتي كلمته وقالتله كلام كتير واني عايزة اطلق ومش هناخد منه حاجة هو رفض.. اهله دول بالنسباله احسن مني ومن عيالي.. مع ان والدته متوفيه انا بتكلم عن اخواته البنات..
بابايا طالب مني اسيب بيتي واروح اقعد عندهم لحد مانشوف هنعمل ايه وانا رافضة عشان مدارس عيالي ودروسهم وبصراحه بالرغم من كل ده الا اني بحب جوزي ومش عايزة اخسره هو بس محتاج يتغير وهو والله تعبني كتير اوي وجه عليا هو واهله.. فكرة ان اخته هي تعينله حاجة انا اللي بدفع تمنها من صحتي وشبابي وانا لوحدي ومفيش كلمه حنينه دي وجعاني اوي..
اسفة طولت عليكم بس بفضفض لان عيني ورمت من العياط تنصحوني اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_66736 🇪🇬

منذ أسبوع واحد

شعور محبط

دلوقتي انا كنت متقدم لبنت واول مرة ادخل بيتهم بدأو يتكلموا في المؤخر والقايمة. طبعا أنا موضوع القايمة بالنسبالي مرفوض تماما. انا هجهز كل حاجة وعندي شقتي الحمدلله في مكان كويس ومستوايا الاجتماعي والمهني والمادي كويس بفضل الله ولله الحمد. والبنت مستواهم أقل مني كتير بس حسيت منها انهم مش ماديين اوي كده

Strawberry_71160 🇪🇬 اهرببب

عرض الكل 16 نصيحة

Tofu_82037 🇪🇬

منذ أسبوع واحد

شعور قلق

متزوجه من سنه للمره التانيه زوجي شخص لطيف لكن هصبي ويقول الفاظ وايضا ضربني وفي مره طلقني وقال لي اخرجي من بيتي رغم انه عارف اني ماليش اهل ولا مكان اروح فين وانا بقيت بخاف منه جدا جدا وهو حاليا سافر وعاوزني اروح له بس انا خايفه منه مش واثقه فيه مع انه بيقولو اي انا عمري ما كنت هخلكي تخرجي لما قالي اخ

Apple_81221 🇪🇬

منذ أسبوعين

شعور محبط

تخيل تبقا بدون اب وام ولا اخوات يعني عايش حياتك بطولك اقسم بالله قمه الضعف وقت م تبقا محتاج حد جمبك ومتلاقيش حد يسندك رغم ان سني 28 بس حتي بيجي وقت وبحس اني مهزوم محتاج حد يزوقني لقدام وبجد بدور ع اهلي مبلاقيش وببقا مخذول وضعيف جدا في اللحظه دي

Jackfruit_78744 🇪🇬

منذ أسبوعين

شعور مرهق

موضوع:

ازاي قدرت تتعافي من علاقه سامه

للأسف اي حد بيخش علاقه سامة و مصاحب حد سام ده بيبقي عنده مشاكل نفسية من و هو صغير و سببها كبير اوي بيبقي من الأهل فا اول طريق العلاج انك تعرف المشكله فين و تعرف هو سام في اؤ او شخصيته نرجسية او من شخصيات السامة و ده هيوضح حاجات كتير اوي ليك و التلاعب الي بيعمله عليك و تعرف تحدد انك عندك مشكله مع ح

Sugar_35975 🇸🇦

منذ شهر واحد

شعور محبط

كل يوم يطلع حد عامل نفسه فاهم في الدين و يفضل يتكلم عن المرأه و بسمع حاجات عجيبه اوي اليومين دول لغاية ما بقيت احس ان فيا حاجه غلط والله بس بجد حاجات كتير اوي بتتقال غلط و لو بنت صغيره معندهاش وعي كفايه هتصدق و يمكن كمان تتعقد و شيطان يبداء يلعب في افكارها و يحسسها ان الدين الإسلامي صعب و ده مش صح ا

Nutella_13726 🇮🇶 حرفيا عايفين كل سوالف الغيبة واسرائيل والقصف والرجال المثليين وسوالف كبيرة ويتكلمون ع المرأة !!

عرض الكل 7 نصيحة

Apple_73294 🇪🇬

منذ شهر واحد

شعور متعب

معلش يا جماعه بتتعاملو ازاي مع الام النرجسيه الي مش شايفه ان من حق عيالها يزعلو او يتضايقو او يبينو مشاعرهم و دايما همها الناس و بصه الناس و بتعاير عيالها بمشاكلهم و لو شافت حد من عيالها زعلان تتخانق معاه و تقله انت مش فاتح بيت او عندك عيال و كلام من ده عشان تزعل و كمان لو شافت حد مبسوط بتتخانق معاه

Strawberry_49071 🇪🇬

منذ شهر واحد

شعور مرتبك

هل معظم الناس بتوجهه عدم إشباع من أهلها يعني دايما بتحس انك محتاج حد جنبك أو بحضنك أو يتكلم معاك عمرك حسيت انك مش فاهم اي دا أو مش حاسس بحاجه حوليك كانك ف علم تاني غير العالم موجود بجسدك بس روحك ف مكان ما مش عارفه

Coffee_68488 🇪🇬

منذ شهر واحد

شعور محبط

Kiwi_73353 🇪🇬 عامة الي بيطلع اسرار العلاقة برا دا ريد فلاج كبيرة جدا لانه اولا مش بيحترمك و لا بيحترم الخصوصية الي بينكم ..تاني حاجة هي لو بتحبك فعلا مش هتبص لحته انت طويل قصير تخين رفيع الشكل مهم جدا ك قبول اني اكون متقبلة شريكي الي قدامي لكن مش لازم يكون افجر حاجة فالكون فبما انها دخلت معاك ف ريليشن و غيرت رأيها بمجرد ان حد علق تعليق علي شكلك فهي كدا حد غير ناضج لا عاطفيا و لا نفسيا و مش شخص آمن تعيش معاه

عرض الكل 9 نصيحة

عبّر عن شعورك بشكل مجهول

كنت خاطب  بس حصل مشاكل بيني وبينها ، كلها كانت مشاكل تافهه بس المشكله انها كانت بتحكي كل حاجه لاهلها مع اني قايلها متعملش كدا ومتعرفهمش حاجه المهم فمره اهلها كلموني وقالولي لو زعلتك ف حاجه تاني اشكيلنا احنا واحنا هنعرفها غلطها وانا مع ذلك مكنتش بحب ادخل اهلها ف اي حاجه  ،، المهم حصل موقف معاها غيرها من نحيتي  هو ان حد قالها عليا اني قصير او حاجه زي كدا مع ان انا وهس يعتبر جول بعض وهي كانت متقبله دا بس تقريبا لما حد قالها كدا الكلمه زعلتها وهي فعلا اتغيرت معايا وانا اضايقت اكيد بس تقبلت الدنيا وقلتلها انتي من كلمه من حد اتغيرتي معايا من دلوقتي اومال لما نكمل سوا  وياما هتسمعي من الناس لان الناس كداكدا مبتسبش حد ف حاله  فلو مش هتقدري تتقبلي الوضع نسيب بعض  المهم هي قالت لا هنكمل ، بس هي فضلت متغيره معايا ومبتسمعش كلامي ف حاجات كتير فعلا بقت حد تاني خالص ، فانا كنت ف زياره ليهم وحسيتها فعلا متغيره معايا فنقفلت  حرفيا وقلبت وشي فضلت تحاوب تصالحني بس انا حرفيا انقفلت وقررت اكلم ابوها اشكيلو ويشوف حل  ،  فلسه بكلم ابوها لقيته عارف معظم المشاكل اللي بنا  فلما ابوها وقف ف صفي لقيتها طلعت من الاوضه تزعق وحدفت الدبله ع الترابيزه ، المهم ايوها زعقلها وقعدها ،، انا فضلت اتكلم ف ان اللي هي بتعمله دا ميصحش وفضلت ابين قد ايه هي غلط ابوها مقتنع بكلامي وامها وقفه ف صفها ،، المهم  مفيش حاجه اتغيرت لقيت ايوها بيقول اسيبكم تتصالحو وتحلو مشاكلكم وخد  امها ودخل قلتلو لا مفيش نصيب ونزلت ، نزل معايا قلي اهدي وفكر ومتستعجلش وتخد قرار وانت متعصب قلتله مفيش  تفكير بعد رمي الدبله وهي مش عوزاني قلي بتهيالك  المهم قلي هسيبك  تفكر ،  انا الموضوع مقدرتش اتخطاه وقلتلو تاني يوم مش هكمل 
بعدها  كلمتو عشان نشوف الشبكه والحاجه ، المهم هم طمعو ف خاتم ب 16 الف تقريبا قالو هناخد خاتم قصاد القاعه وكدا لان انت الي فركشت واتحسبت ع بنتنا خطوبه  ومعرفش ايه   المهم رجعت باقي الشبكه والهدايا وتلفون كنت جايبهلها ،،  الموضوع ضايقني اووووي وكل الحب اللي كنت بحبلها اتحول كره لها ولاهلها  ،بعدها  عرفت انها  بتابع الاكونت  ع الفيس والاستوريز واخوها بعتلي طلب صداقه  ومقبلتوش   ،  بس  اوقات بحن للايام الحلوه اللي كانت بنا خصوصا لانها كانت عن حب وفعلا كنت بحبها  مستغرب ان كل حاجه اتشقلبت فجأه مش مستوعب اللي حصل الموضوع عدي عليه يمكن شهرين او 3 بس ع قد ما بنات كتير حاولت تدخل تكلمني بعد مفركشت ع قد ما انا  مش قادر استوعب ان خلاص كدا   ، كل صورها وذكرايتنا سوا لسه معايا وكل مشوفها اتاثر جامد  ، كل دا كان كدب !  فعلا امها  بومه وصحبتها حربايه يمكن هم اللي كلنو بيخلوها تتغير من نحيتي  ،، يمكن هي فعلا مبقتش تحبني مش عارف ، حسبي الله ونعم الوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_63027 🇪🇬

منذ شهر واحد

شعور لا مبالٍ

ڪنت بحب بنت ف إبتدائي وجبتلها هديه خاتم فالصو وإديتهولها والبنت خدته واول ما البنت روحت أمها قفشتها المهم اهلها جم لأبويا البيت قالوله ربي إبنكو لوسمحتو وملوش دعوة ببنتنا اول ما روحت البيت لقيت أبويا بينادي عليا وبيقولي نسايبك بعتولك الشبكه وبيقولولك كل شئ قسمه نصیب 😂

Watermelon_72949 🇪🇬 اخيرا حاجه تضحك في البرنامج ابن التيت ده

عرض الكل 7 نصيحة

Potato_75394 🇪🇬

منذ شهر واحد

شعور متوتر

اني ابقى دايما في صراع بين البنت اللي نفسها تحس انها تقدر تعتمد على حد اهل للثقة و أهل للقوامة و بين اللي شايفة ان مفيش حد في وقتنا دا اهل للثقة ف مضطرة تيجي على فطرتها عشان تقدر تعيش كويس... حقيقي الزمن دا صعب اوي. لا البنت قادرة تتعامل بفطرتها ك بنت و لا الرجُل فاهم انه قائد و حامي في نفس الوقت

Strawberry_58144 🇪🇬 بجد انتى وصفتى خوف كل بنت من الجواز احنا لا عارفين نبقى بنات رقيقين معتمدين على رجالتنا القوامين علينا زى ما ربنا خلقنا.. ولا عارفين نلغى انوثتنا و نعتمد على نفسنا و نعيش حياه الرجاله و نستغنى عنهم.. الواحده خايفه بجد تدى ثقه لراجل مش اهل للرجوله

عرض الكل 8 نصيحة

Avocado_75572 🇪🇬

منذ شهر واحد

شعور مرهق

Sugar_67677 🇪🇬 اعمل خطوبه سنه ونص ولا اتنين تكون ظبط احوالك علشان كمان متندمش بعدين انت لسه بتحبها متبعدوش عن بعض ربنا يوفق ما بينكم ويجمعكم على خير

عرض الكل 5 نصيحة

عبّر عن شعورك بشكل مجهول

انا كنت مرتبط ببنت من 2017  و سيبنا بعض ف 2019 وقتها كنت لسه في جامعه و اكيد مش جاهز لخطوه الجواز و هي أهلها ضغطوا عليها في أنها تتجوز ف محصلش نصيب و انا سافرت روسيا في اخر 2019 و قطعنا كلام فتره طويله يمكن سنتين أو أكتر و حتي لما اتكلمنا كان كلام عادي عامله ايه و في الأعياد مثلا و كده و هي اتخطبت مرتين و محصلش نصيب و انا كنت اتعرفت علي بنت في روسيا و برضو محصلش نصيب المهم طول السنين إلي فاتت كان كلامنا خفيف جدا لحد من شهرين مثلا رجعنا نتكلم كل واحد فيما لسه بيحب التاني بس محدش جاب سيره أو أتكلم في موضوع حب أو ارتباط 
المهم في نفس فتره رجوعنا نتكلم من شهرين الشركه إلي كنت شغال معاها في روسيا قفلت و لغوا الفيزا ف نزلت مصر من أقل شهر طبعا هي فرحت جدا لأن كان بالنسبة لينا فكره أننا نشوف بعض تاني دي كانت مستحيلة نزلت مصر و اتقابلنا و بنتعامل عادي المهم انا لسه بحبها جدا حتي لو بعد السنين دي كلها حتي لو كنت اتعرفت علي حد بعدها المهم انا مش عايز يحصل تاني زي ما حصل أول مره اه الحمدلله إلي حد ما كونت نفسي بس نزولي الي جهة علي فاجئه من روسيا دا مخليني مش أقل من سنه علي ما أقدر أخد خطوه الجواز 
انا مفاتحتهاش في جواز أو نرجع لارتباطنا أو أي حاجه بس مش عايز تكون متعشمه في حاجه خصوصا أن من الي فهمتوا أنها لحد دلوقتي في مشاكل مع أهلها بسبب موضوع الجواز

هو تشبيه غريب شويه بس انا قصتي قريبه من فيلم 6 أيام لحد نص الفيلم كده ف مش عايز القصه تطول لآخر الفيلم و نكبر و نقول لبعض في الآخر نصيب و ربنا مش رايد 😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_63995 🇪🇬

منذ شهر واحد

شعور منزعج

محدش يقولي لسه صغيره ، انا صبرت كتير اوي و فكرت فيما فيه الكفايه انا عايزه حل للهروب من البيت ، العيشه بقيت صعبه اوي نفسيا بجد تعبت و محدش يقول اي الحصل لاني مش قادره حكي خالص هما كأنهم بيمنعوني من حجات و مش بيعوضوني ب حاجه اهل نرجسين متحكمين و انا زهقت

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع