مش عايز القصه تطول زي فيلم 6 أيام

Question

انا كنت مرتبط ببنت من 2017  و سيبنا بعض ف 2019 وقتها كنت لسه في جامعه و اكيد مش جاهز لخطوه الجواز و هي أهلها ضغطوا عليها في أنها تتجوز ف محصلش نصيب و انا سافرت روسيا في اخر 2019 و قطعنا كلام فتره طويله يمكن سنتين أو أكتر و حتي لما اتكلمنا كان كلام عادي عامله ايه و في الأعياد مثلا و كده و هي اتخطبت مرتين و محصلش نصيب و انا كنت اتعرفت علي بنت في روسيا و برضو محصلش نصيب المهم طول السنين إلي فاتت كان كلامنا خفيف جدا لحد من شهرين مثلا رجعنا نتكلم كل واحد فيما لسه بيحب التاني بس محدش جاب سيره أو أتكلم في موضوع حب أو ارتباط 
المهم في نفس فتره رجوعنا نتكلم من شهرين الشركه إلي كنت شغال معاها في روسيا قفلت و لغوا الفيزا ف نزلت مصر من أقل شهر طبعا هي فرحت جدا لأن كان بالنسبة لينا فكره أننا نشوف بعض تاني دي كانت مستحيلة نزلت مصر و اتقابلنا و بنتعامل عادي المهم انا لسه بحبها جدا حتي لو بعد السنين دي كلها حتي لو كنت اتعرفت علي حد بعدها المهم انا مش عايز يحصل تاني زي ما حصل أول مره اه الحمدلله إلي حد ما كونت نفسي بس نزولي الي جهة علي فاجئه من روسيا دا مخليني مش أقل من سنه علي ما أقدر أخد خطوه الجواز 
انا مفاتحتهاش في جواز أو نرجع لارتباطنا أو أي حاجه بس مش عايز تكون متعشمه في حاجه خصوصا أن من الي فهمتوا أنها لحد دلوقتي في مشاكل مع أهلها بسبب موضوع الجواز

هو تشبيه غريب شويه بس انا قصتي قريبه من فيلم 6 أيام لحد نص الفيلم كده ف مش عايز القصه تطول لآخر الفيلم و نكبر و نقول لبعض في الآخر نصيب و ربنا مش رايد 😅

Sugar_67677 🇪🇬 · Accepted Answer

اعمل خطوبه سنه ونص ولا اتنين تكون ظبط احوالك 
علشان كمان متندمش بعدين انت لسه بتحبها متبعدوش عن بعض ربنا يوفق ما بينكم ويجمعكم على خير

Ice Cream_75554 🇪🇬 · Answer

قبل اي خطوه هتفكر تعملها
فكر انت جاهز ١٠٠٪ ولا لا عشان متظلمهاش وتظلم نفسك فالاخر 
لان الحب مش كل شئ .

Watermelon_75571 🇪🇬 · Answer

لازم تصارحها وتشوف ردة فعلها ع الأقل حاول تعمل خطوبه وفهمها الظروف

Chocolate_70777 🇪🇬 · Answer

قبل اي حاجه شوفها هي فعلاً لسه بتحبك ولا لا و لو آه قولها مشكلتك و شوف هى هتعمل ايه...جرب تكلم مامتها و تفهمها بردو الظروف و تعرف راسك من رجلك عشان لأ أنت تتعشم و تنصدم ولا هي كمان و ربنا يجعلكم من نصيب بعض يارب لو فيكوا خير لبعض

Sugar_63467 🇫🇮 · Answer

السلام عليكم اذا بتحبها و هيه بتحبك احكيلها و اعمل الموضوع بطريقة رسمية و خليكو مخطوبين لحد سنة و اتجوز لما تكون نفسك على الاخر بس لا تتهاون و شد حيلك. حرام البنت وضعها صعب و رح تحب تتأكد من الوضع. صدقني كل فرصةزواج  بترفضها البنت و بتكبر بصير وضعها  اصعب و فرصها بتقل كون واضح معها و لا تقول تتعشم او ما تتعشم يا بتتركها و بتفهمها انها مش لازم تتعشم نهائيا و لازم اتشوف حالها او خذ خطوة اكيدة.