علاقات سامة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_56613 🇪🇬

منذ يوم واحد

شعور مكتئب

موضوع:

اتخدعت ف حد قبل كدة؟

عبّر عن شعورك بشكل مجهول

عارفه اني هطول بس بحاول حاسه هنفجر ..
حصل انفصال بين والدي و والدتي كنت ف رابعه ابتدائي .كان في شخص قريب من العيلة كنت بحبه زي ابويا واكتر واتعلقت بيه اوي  كان مصدر الامان ليا .وهو كان بيعاملني احسن من بنته*سبب قربي منه هو ماما * ..هو كان عاوز يتجوز والدتي وانا كنت عارفه المهم عدت السنين وماما رفضته انه كان متجوز وهي مش عايزة تخرب بيت وكمان تقريبا شافته مش مناسب ليها..واجبرتني اقطع علاقتي بيه لمجرد ان هي مش هتتعامل تاني معاه تعبت جدا جدا لفراقه كنت وصل ٣ اعدادي ..بعدها ب ٣ سنين والدتي اتجوزت وسبنالها البيت انا واخواتي والبيت اتفكك اكتر ماهو متفكك ..رجعت اتواصلت مع الشخص ده بس بشكل مجهول علي الفيس يس هو مش غبي هو كان عارف ان انا ..ف يوم اتكلم معايا بطريقه غريبة اوي بتوحي إيحاءات جنسيه انا عقلي رافض يصدق ده طبعا اللي هو ازاي ده فلان اللي رباني ده ابويا ..خوفت وعملت بلوك وفضل جوايا سؤال هو ليه عمل معايا كده وروحت لدكتور هو سبب من الاسباب وان والدتي خلفت بنت وكانت صدمه لينا بعد جوازها ..المهم خلينا ف الراجل ده ..بعد ٣ سنين تاني كنت تعبانه جدا نفسيا ..بالمناسبه انا اتشخصت اضطراب شحصيه حديه..المهم رجعت كلمته كنت فاكرة انه لا لو هو ف حياتي انا هبقي ف امان وان الموقف اللي حصل هو مش قاصد حاجه وبالفعل اتكلمنا بس وقتها حسيت اني مش مرتاحه وان اللي اتكسر مش بيتحصل وان هو مش هيغير حاجه من الماضي وانه سابني زمان ..حسيت ان في كلام مدسوس وسط المعاملة وعايز اسمع صوتك وبتاع وكلام من ده بس انا وقفت كل ده عند حده وبعدت رغم ان من جوايا لسه متعلقه بيه بس انا مكنتش مرتاحه ومفيش حاجه هتصلح اللي اتكسر فيا زمان ..ومازلت مفتقده مكان الاب والامان ولسه بحلم بيه علطول بس انا قطعت التواصل وبروح للدكتور وباخد الادويه بتعتي ده جزء من احداث كتير ف حياتي ادت للاضطراب ده ..بس يمكن هو ده الاساس هجران الاب من الاول ..اسوء حاجه تحصلل للبنت هو ان ابوها يسيبها ف سن صغير كنت متعلقه بيه اوووي بس حاليا بكرهوا اوي ..انا تايها جدا الراجل ده مش عاوز يطلع من دماغي

Strawberry_56219 🇪🇬

منذ يوم واحد

شعور وحيد

موضوع:

ايه نقطة التحول في حياتك ؟

خلاني احبه وبعدها بفتره كل حاجه اتبدلت اعترفلي أنه حبني عشان ينسي بينا حبيبته القديمه و فجأه بدأ يكلم بينات ونتخانق ويعاملني بأسلوب اول مره حد يعاملني بيه و ف نفس الوقت اكتشفت أن اصحاب الطفوله مكنوش بيحبوني كانوا عارفين بس كصداقه أنا كنت مختفيه بيهم ف حياتي بس كل واحده فيهم كان عندها اكتر من صاحبه أ

Watermelon_55533 🇪🇬 للأسف هما عليهم جزء و انتي كنتي بتلاقي نفسك بصحابك أو بحبيب و ده غلط لازم أكون عارف قيمة نفسب و قيمة حياتي و مبقاش بأخد مصدر قوتي و طاقتي من إللي حواليا فلما يختفوا ادمر!! ربنا يعينك بس لازم تقفي مع نفسك و تحبيها و اديها اهتمام و اكتفس بنفسك و بعلاقتك مع ربنا و بس و ربنا اكيد بيعمل كدا عشان يعوضك خير إن شاء الله

عرض الكل 6 نصيحة

Avocado_54057 🇪🇬

منذ يوم واحد

شعور محبط

عبّر عن شعورك بشكل مجهول

هحكلكم موقف قولولي شايفينو ازاي انا سني ٣٣ سنه لا عندي اخوات وله اصدقاء بنات تقدروا تقولي مبعرفش اعمل صحاب والي بيكونوا صحابي بيستغلوني ماديا او غطا ليهم ادام اجوازهم عشان لو عايزه تتصرمح المهم ببعد عن اي حد بحس بيستغلني بحاول اكون صدقات بحس كل بيبعد مش فاهمه سبب المهم هحكلكم حكايه توضح علاقاتي بتبدا ازاي انا بجيم في كوتش صحبتي المهم كنا انا وهي وبنت كمان بتدربها عرفاني بردو بس كلام مش كتير بنسلم ع بعض بس المهم بنتكلم احنا ٣ عن لبس العيد وانا بدور ع بلوزات المهم بنت الي بتدرب مع كوتش صحبتي وصفلتي مكان حلو للبلوزات قولت تمام هروح المهم بغير وبخلص عشان فعليا طالعه ع المحل المهم قولتهم هروح ناو عايزين حاجه قالت بنت هتروحي دلوقتي قولتلها اه العربيه معايا سهل بدقيقه اروح قالتلي خلاص نروح كلنا قولتلهم ماشي خلصوا لبس وانا راكنه بعيد استنوني تحت هعدي عليكم اخدكم المهم اخدتهم ورحنا انا بصراحه مبعرفش اختار اوي المهم لقيت كلم حاجه عجباني بنت الكوتش دخلت قاست حاجات كتير وبنت الي معانا المهم البنت ٣ قاست بلوزه هما بيفولوا بلوزه جامده بس ضايقه عليها جدا وخلاص حطتها ع ستاند بصيت ع لون بلوزه لقيت تنفع ع بنطلون عندي قولتلها ممكن اقسها قالتلي عادي طلعت عليا مظبوطه جدا اخدتها المهم لقيت بنطلون في الاول وعديته المهم كوتش صاحبتي  شافته قاسته طلع حلو بس جدا بصيت كده اتفجات انه الي بصيت عليه متخلتش انه بلبس حلو كبرت دماغي قولت مش نصيبي المهم راحت شافت سعره ٣٠٠ قالت لا غالي وبترجعه للشماعه قولتلها لا مش غالي سعره كويس خديه وكان فعلا حلو عليكي جدا قالت لابنتها عايزه طقم وممععاش فلوس قولتلها اتصرفي بنطلون برند جامد وبقنع فيها ١٠ دقايق تاخده لحد ماحطته بشماعه ومشينا ووزنا كنت بصراحه نفسي اقيسه قولتلها ممكن اقيسه قالتلي ومالو خديه مش عايزاه اشوفه عليه المهم جريت عشان اناخرنا وانا بقيس بفتح ستاره عشان انادي ع حد منهم اخد رايه لقيت بنت صاحبه كوتش بتكلمها بظبط خوديه هتاخده هي هسلفك ولقيتهم من بعيد بتقنها تاخده وفعلا طلع احلي عليا بس حسيتهم من شكلهم بعيد انهم بيتكلموا بموضوع البنطلون المهم اكسفت وقولت خلاص بنت خدد بلاها اني شايفاهم جريت عليه قالتي واضح انه ضيق ومدتش اي كومنت قلعته وادتلها وفعلا سلفتها وبعد كده طلعوا معايا ووصلتهم ل اقرب مكان يروحوا منه وروحت انا مش زعلانه ع بنطلون لاني من شخصيات لو حد بصلي بحاجه بدهالوا بخاف ع نفسي اولا ومبحبش اكسر نفس حد ل حاجه بتاعتي وابعد العين قصه هنا انتو شايفنها ازاي وليه بنات بحس انها مش بتعوز صداقتي بيستخدموني بس ل اغرضهم انا بس بفكر انا لو ماكره شويه ومشينا كنا فعليا مش هناخد بنطلون كنا مشيين لو كنت وصلتهم ورجعت المحل كنت هاخد البنطلون عادي بس مجاش ببالي خالص ظنون الي حوليا اي رايكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_56215 🇪🇬

منذ يوم واحد

شعور محبط

موضوع:

اتخدعت ف حد قبل كدة؟

لما تكون مشكلتك التعالق وانك تطلع كل طاقتك علشان ترضي الناس مش بيعملوا حاجه غير ةنهم يخدعوك ويستغلو ده ويبقي كل طاقتك ليهم حق مكتسب ولو حسيت ان لا لازم اوقف يبعدوا عنك اكنهم ميعرفكش وتعيش لوحدك بعد تعب و تضيع وقت

Pumpkin_49360 🇩🇿

منذ يومين

شعور ضاق ذرعًا

عبّر عن شعورك بشكل مجهول

السلام عليكم 
اليوم ساعترف باعتراف للجميع و اريد فقط كسر حاجز خوفي من نظرتهم لما فعلته مهما كانت ...
انا حاولت ان اثير اعجاب احد ما من خلال انني جعلت من نفسي اسطورة فعلت اشياء كبيرة جدا و قيمة يتمنى احد ما امتلاكها (انجازات لا اريد ذكرها) ليس لاجل نفسي بل فقط كي ينظر لي بانني استحق كي ينظر لي مرة واحدة بانني قيمة و انه عليه ان لا يتخلى عني و في الاخير لم احصل على تلك النظرة مرة واحدة حتى ابدا ابدا ليس شهرا او اثنين بل سنوات طويلة حاولت بشتى الطرق لكنه لم ينظر ابدا و لا مرة هاذا الشخص قريب مني لكنه لم يلاحظني ابدا ظننت بانه سيأتي يوم ما يدركني لكنه لم يفعل لكن اليوم اكتشفت بان ذلك الشخص استغلني كي يشهر نفسه من خلالي و كي يبدو بصورة حسنة للناس و ادركت كم من مرة اريته انجازي و بحث لي عن نقص فيه ليخبرني بانه لا يستحق كل هاذا الفخر و مع كل مرة لم القي بالا و حاولت اكثر حتى عندما ادركت حقيقته لم اصدق و خسرت كل ما انجزته و توقفت تماما عن المحاولة بسبب الصدمة و اليوم انا اشعر بالخزي من نفسي لانني بكل بساطة قدمت شيئا قيما لشخص سخر مني و بدون مقابل او فتات حتى اشعر بانني وضعت قيمتي تحت التراب و انه علي دس رأسي فيه لانني كنت كافية دوما مع ذلك بحثت عن شخص يخبرني بذلك كما انني غاضبة من نفسي حين اكتشفت ان ذلك الشخص غار مني و حاول تحطيمي بينما حاولت دائما ان ارفع رأسه و انه كذب علي و كان الامر واضحا و انا كنت حمقاء و تبعت أملا يكاد يكون غير موجودا و اليوم فقدت كل شئ و هو لا يزال ينظر لي من فوق بفرحة و شماتة فقط لانني وقعت .
هاذا هو 🫶

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_55520 🇪🇬

منذ يومين

شعور ضائع

أنا سيبت البيت لماما واخواتي أنا عندي ٣١ سنة بعد وفاة بابا أنا اللي شايلة كل حاجة ف البيت ماديا ماما تاخد مني مرتبي مقفول وتديني كل اسبوع ١٠٠ جنيه مصروف وانا بجيب الوفات ليها أنا طلعت ماما عمرة وأختي عطتها مبلغ ٧٠ الف جنيه عشان يسندوها ف شغلها والتانية جيبتلها موبايل ايفون عشان متحسش انها اقل من

French Fries_55129 🇪🇬 بصي حاسه ان انا فهماكي شويه لان ماما كانت بتعمل كده معايا بس مش بالدرجه دي بسبب ضيق الحال كانت ديما شايفه ان اي فلوس انا بجيبها حقها لكن انا شايفه انك تشيلي جزء من مرتبك لنفسك و تساعديهم بجزء هما كلهم ملزومين يساعدو وانتي لو جالك عريس مناسب شوفي راجل ف عيلتكم و خليه يقعد معاه و اتجوزي متوقفيش حياتك

عرض الكل 12 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mushroom_54602 🇰🇼

منذ أسبوع واحد

شعور مكسور القلب

انا كل يوم خناقه معا ابويا وا كل يوم مشاكل في البيت بيني وا بين ابويا وا بين ابويا وا اخواتي الصغيرين وا ياريته بيتخانق علي حاجه كبيره علي اتفه الاسباب اسباب والله العظيم طفل صغير ما يشغل باله بيها وا انا امي متوفيه وا سبتلي طفل عنده دلوقتي 8سنين غير اخواته الثينين وا انا دلوقتي عمري 18سنه وا نفسي ا

Mango_54167 🇪🇬 متصالحهوش! المفروض هو بيشوف و يقدر اللى بتعملة عشانة و عشان اخواتك و خصوصا فى سنك دة المفروض يكون هو الشخص اللى بيشيل عنك مشاكلك مش اللى بيزودهالك. اعتمد على نفسك و اشتغل و اهتم بإخواتك بعيد عنة! مش بس لمصلحتك و لكن لمصلحة اخواتك عشان يعيشوا فى بيئة صحية. و مقدرش اقولك سيب البيت لان بصراحة اخاف على اخواتك منة.

عرض الكل 2 نصيحة

Onion_50139 🇪🇬

منذ أسبوع واحد

شعور محبط

موضوع:

عمرك حسيت انك بديل او مش كفاية؟

عبّر عن شعورك بشكل مجهول

مش بالظبط بس دايما بحث اني الشخص الثانوي اخر الاولويات ده لو كنت على القايمة اهلي بيحبوني وانا عارف كده كويس وبحبهم بس دايما لو فيه حد لازم يجوا عليه علشان يمشوا راحتهم بيبقا انا علشان اصغر اخواتي والحلقة الاضعف دايما لو محتاجين يضحوا بحد علشان حاجة بيكون انا مش حاجات كبيرة حاجات صغيرة وتبان تافهة بس فكرة ان دايما إعمل كذا علشان اخوك او  اختك الكبار دايما كل مره فكرة وحشة ده غير مقدرش اقول اني مهمش بس مباخدش نفس معاملة اخواتي ولا نفس التقدير ولا نفس الاولوية في كل حاجة
ده كوم و العلاقة الي كنت فيها كوم تاني حرفيا كانت بتعمل كل حاجة انا مبحبهاش كأني مش موجود بتدي كل حاجة لكل الناس الا انا دي حتى كانت بتبخل عليا حتى في اني اسمع صوتها اني اكلمها فون (ولا الي مانعها مش التزامها الديني) كل ما احاول معاها تقول اصل اهلي حواليا (مكلم اهلها و كنا هنتخطب) اصل معايا صحابي اصلي مش قادرة اتكلم في المواصلات اي حاجة وخلاص وعلى الرغم من كده بتقضي وقت مع صحابها و بتكلمهم فون كتير عادي دي ابسط حاجة غير حاجات كتير تانية قيس على كده كمان اقرب صحابي الي قطعت معاهم لما كنت بحتاجهم مش بلاقيهم ولا في مشوار ولا في زنقة ولا حتى في عزاء رغم اني مكنتش بفوت ابسط حاجة معاهم وبقف معاهم في كل حاجة والله من اولها ل اخرها بس مش عارف ليه بيحصل كده معايا معرفش العيب ف ايه ولا في مين لكن تعبت من كوني دايما الحمولة الزايدة الي لازم تترمي في البحر علشان المركب تمشي

Strawberry_53517 🇪🇬

منذ أسبوعين

شعور مرهق

موضوع:

امتي حسيتي انك مظلومه في الدنيا و في المجتمع لمجرد انك بنت؟!

عبّر عن شعورك بشكل مجهول

انا طول عمري شايفة ان البنت تقدر تحقق اللي الولد يحققه وتسعي وتوصل وتبقي حاجه وعمري م آمنت ب الاختلاف بين الرجل والمرأه وشغل الست آخرها المطبخ والعبط دا
بدليل ان الست الناجحه موجوده فكل مجال دكتوره مهندسه مبرمجه مصممه مش بس مطبخ، لدرجة اني بتعصب جدا لما حد بيقول الكلمه دي حتي لو هزار، لما يجي حد فاشل غير نافع ويقول كلمه زي دي وانا اصلا مش شايفه فاد نفسه ولا مجتمعه بحاجه ولا حتي غيره .
حسيت اني مظلومة لما شفت خطيبي عنده نفس الأفكار مترسخه ف عقله ان البنت ملهاش اي لازمه واخرها المطبخ 
برغم اني عندي عقلية مبدعة و بحب افكر ف امور وجوديه وبدخل ف اي نقاش لان عندي ثقافه والناس بتنبهر لما بتلاقيني فاهمه حاجات كتير ناس ف سني لا تفقه عنها شيء، وانا مش بمشي ورا القطيع احب اتأكد من كل حاجه مبخدش العلم انه امور مسلمه ، عندي عقليه مجادله ومشككه ف كل حاجه لحد م اقدر اتوصل لصحتها، بؤمن بنفسي وبثق ف نفسي ان دي نعمة من ربنا 
بس ملقتش الانسان اللي يشجعني ويدعمني ويشوفني سعيده بنجاحي او بشغلي لانه رافض فكرة الشغل للبنت، من بعد م خلصت جامعه وانا قاعده مشتغلتش عشان دايما كنت بتنازل عن حاجات كتير عشان علاقتنا تمشي حتي لو كانت أحلامي، مع العلم شغفي للشغل من من باب احتياجي للمال ، بالعكس حبه اني اشفني مشؤوله واقدر احقق ذاتي واشفني شخص يقدر يعتمد عليه واشيل نفسي بنفسي، هو شايف ان مينفعش البنت تتعرض للشارع ولا تتعامل مع الناس وهتشوف اشكال مينفعش تشوفها ودا خوف، بس انا عارفه كويس انه محرد تحكم ورفض للفكره من غير م يفكر فيها، زي امور كتيره بيرفضها من غير م يفكر .
هنا حسيت اني ظلمت نفسي باختياري واني لسه مكمله، وخصوصا الاول كان عندي امل انه يتغير عشان علاقتنا تكمل بس مع مرور الوقت بتأكد انه مش فارق معاه يتغير ولا عشان اي حاجه حتي واكتشفت ان محاولاتي لوحدي عبث واستنزفت طاقاتي ع الأرض

Chocolate_41492 🇪🇬

منذ أسبوعين

شعور فخور

موضوع:

هل في يوم اتعلقت بحد؟

اتعلقت بحد تعلق مرضي كبير لدرجة إني اتنازلت عن كل حاجة تقريبا عشانه عن مبادئي وعن حياتي وعن صحابي وعن أهلي في الأول كنت معمية أوي بس بعدين أدركت الخطأ ده وللأسف متأخر شوية بعد ٣ سنين لكن صلحت ده كان نرجسي بس الحمدلله بعدت عنه بعد عناء خطوة اتأخرت بس مش مشكلة المهم إنها حصلت ربنا ينتقم منه ويوريه حق

Coffee_53941 🇪🇬 He's nickname H7?

عرض الكل 4 نصيحة

Apple_53661 🇪🇬

منذ أسبوعين

شعور ضاق ذرعًا

عبّر عن شعورك بشكل مجهول

انا خسرت صحابي كلهم بسبب واحدة مش هوصفها هسيب ليكم انتم الحكم. 
انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس  ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. 
المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت اخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. 
في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا.
انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا  و سافرت معانا مرة افتكر لما صاحبي دا كان مرتبط. 
المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. 
المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. 
اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. 
الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة.  
حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. 
انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_53420 🇪🇬

منذ أسبوعين

شعور محبط

موضوع:

اتخدعت ف حد قبل كدة؟

تعالوا احكلكوا قصه كنت صغير حبيت بنت جميله حنينه اصغر مني كنت اول مره احب كانت فعلا فهماني لأبعد الحدود وكان بينا مشاكل زي اي اتنين وكانت بتبعد وتختفي وترجع وكنت أنا البيت الللي بتطمن فيه وكنت مبسوط بدأ كانت مدياني شعور اني مميز لحد ما عرفت ان في مره لما اختفت رجعت لحد الاكس بتاعها ولما واجهتها أنكر

Hazelnut_52786 🇪🇬 عزيزى انت افضل منها وصدقني الله بيحبك انك سبت العلاقه المؤذيه دي . أنا استحملت كتير جدا . وسامحت في حقك . وصدقني تربيتك واصلك باين عليهم . احمد ربنا انك مش كملت معاها . وهايجيلك اللي تبقي معاكي السند والضهر

عرض الكل 5 نصيحة

Strawberry_53374 🇪🇬

منذ أسبوعين

شعور محبط

موضوع:

اتخدعت ف حد قبل كدة؟

Hazelnut_52786 🇪🇬 الحكاية دي كلها بتحكي عن انك اتخدعتي كتير في حياتك ، سواء من الناس اللي حواليكي أو في علاقتك العاطفية، وده خلاكي تفقدي الشغف والثقة في الحب وفي نفسك. علشان تحلي المشكلة دي، لازم الأول تتعافي من الخيانات اللي حصلت، وتعرفي إن المشكلة مش فيكي انتي . بعد كده، تحاولي تدي نفسك فرصة جديدة وتكتشفي نفسك من تاني، وتتعلمي تحب نفسك وتديها القوة اللي تستاهليها علشان تقدري تلاقي الشغف ده تاني في حياتك.

عرض الكل 10 نصيحة

عبّر عن شعورك بشكل مجهول

اتخدعت في ناس كتير اوي طول عمري مخدوعه في اقرب الناس ليا
و الحوار بدأ معايا بدري اوي يمكن كان عندي ١٣ سنه 
حاسه من ساعتها و انا كل ما اقف علي رجلي اتكعبل في مصيبه تانيه
من صحاب بقي اللي مبتحبنيش و اللي بتعمل حوارات عشان تطلع سمعتي مش احسن حاجه لمجرد ان حد اعجب بيا و مشفهاش 
فضلت اقابل في الاشكال دي كتير لحد الجامعة
عرفت واحده كانت اكتر من اختي ٣ سنين صحاب مشافتش مني حاجه وحشه ولا انا الصراحه شوفت منها حاجه 
بس خلينا نقول انا مشوفتش عشان محصلش الموقف اللي يخليني اشوف السواد اللي جوا 
المهم ربنا عوضني بغيرها و بصحاب بيحبوني فعلاً 
بس لسه يادوب بفوق و اتكسرت تاني
من الوحيد اللي حبيته في حياتي و عيشت معاه سنتين اديته كل الحب و الحنيه و الجدعنه اللي ممكن يشوفها في حياته وقفت جنبه عشان يلاقي شغل و اول ما وقف علي رجل باعني او اكتشفت اني كنت ولا حاجه و ان كان في حياته اكتر من واحده بيقولهم نفس الكلام 
و هو ميبانش عليه 
او يمكن انا مكنتش شايفه 
او عامله مش اخده بالي عشان مش هقدر ابعد عنه 
ولكن مستحملتش و سيبته 
و من ساعتها عدي حوالي ٤ سنين و لحد النهارده انا مش عارفه احب 
فاقده الشعور دا تماماً مش شايفه حد و مش حاسه حد 
مع اني حاولت ادي لنفسي فرصه بس معرفتش 
نفسي ارجع زي الاول بنفس الطاقه و نفس الحب نفس الشغف…

التجربة أفضل عبر التطبيق

حمّل تطبيق توهيل على هاتفك لتجربة أسرع