بحبه جداا وهو اكتر حد كسرني وخلاني وحيدة

Question

بحبه جداا وللاسف هو اكتر حد كسرني اكتر حد شوهه نفسيتي اكتر حد حطني في مواقف مش قادره ولاعارفه اتخطي خلاني وحيده بلا حياه كان هو كل شي واصبحت لا املك شي وللاسف هو زوجي وعندي ٤ اطفال ولا يوجد اوبشن الانفصال

Marshmallow_57431 🇪🇬 · Accepted Answer

الافضل انك تراجعي من نفسك و تحاولي تغيري منه يعني لو كنتي بتهتي بيه اوي تبطلي دا خلي يحس لوحدو و اهم حاجه متجيش علي نفسك علشان اي شخص حتي لو كان جوزك متنسيش ان عندك اولاد محتاجينلك و هوه عادي هيقول اجيب واحده تانية لكن عيالك انتي امهم و انتي عارفه مصلحتهم كويس ف ركزي في نفسك و حاولي تطوري منه هوه محتين مش شايف انتي كمان توصلي ليه نفس الشعور

Apple_57483 🇪🇬 · Answer

صارحيه اقعدي معاه قوليله يمكن يحاول يصلح حاجه ادي لنفسك وليه فرصه

Strawberry_57475 🇪🇬 · Answer

اخر مره حاولت اتكلم معاه ضربني لحد دلوقتي جسمي ازرق وبتالم بسببه وفرج عليا اهله كلهم هو اتعود يعمل اي شي علشان ضامن اني موجوده اتكلمت معاه كتير جدا هو معترف انه مقصر واوقات بيجي عليا اوي اللي هو كده واذا عجبك

Strawberry_57475 🇪🇬 · Answer

اوقات فعلا بحس ان المشكله فيا انا بحبه ومتعلقه بيه شبه الطفل اللي بيبقي عايز مامته مش بحتاج اي حد ف الدنيا غيره لو تعبانه او مبسوطه او اي شي انا عارفه ان ده تعلق مرضي ادعولي كتير ربنا يهون علي قلبي ونفسي الايام دي

Apple_57483 🇪🇬 · Answer

انا مقدر الي انتي فيه جدا وعارف يعني اي الشخص الي بتحبه يعمل فيك كدا بس في نقطه تحول حصلت في حياتكوا مع بعض لازم موقف او عده مواقف تركمت عملت فيه كدا ممكن حبك الزياده ليه قبل الجواز وانك بتتحكمي فيه وهو كان ماسك نفسه،لحد ماضمنك 
... وحاجه تانيه (اعتزل ما يؤذيك ) وانتي اخت كبيره ليا اسمعي النصيحه

Marshmallow_57431 🇪🇬 · Answer

لا يبقا لازم تغيري من نفسك و حاولي تتشغلي بتطوير نفسك و دا لا مرض ولا حاجه هوه فرط في الحب لازم كل حاجه تبقا عاديه لا تزيد ولا تقل لما هتغيري من نفسك هوه لوحدو هيلاحظ التغيير دا و هيبتدي يركز معاكي و يعجبك بيكي فاهمه بس لما يتحسن خليكي زي نا انتي في طريقتك الجديدة علشان هوه حبك لما غيرتي من نفسك

Strawberry_57475 🇪🇬 · Answer

محصلش اي شي مختلف بينا غير اننا عيشنا في بيت عيله وطبعا هو حد كتوم فمش بعرف اي الكومنتات اللي ممكن يكون بيسمعها منهم بس بعض الكلام بيوصلني انت مدلعها هي حد مدلل  او اي ده انتوا بتنزلوا كتير اي ده انتوا دماغكم شبه بعض بتعملوا حاجات مجنونه وهو بيحب اهله جدا فتقريبا حس ان الزوجه دي كائن ملوش اي قيمه غير الاكل والشرب والبيت وعلي النقيض بيعدوا انتي كتير عليه اصلك دلوعه البيت وصل بينا ان فعلا مبقاش حياه

Strawberry_57475 🇪🇬 · Answer

انا بقيت حاسه اني بموت كنت بستغرب اما حد يقول انه بينهار داخليا اوقات ببقي بصرخ لجوه وهو كمان من البدايه رفض. اني اكمل ف الجامعه غير من البيت ورفض ان يبقي عندي اصحاب ولبست النقاب وحاجات كتير اوي فقت بجد وانا لوحدي مسؤله عن ٤ بنات ٢ منهم طولي ودايما بيلموني اني ضعيفه بس مبقتش عارفه اخد موقف بقيت حد مش عارف هو عايز اي خصوصا ان عيشت طفوله بشعه مع ام متسلطه جدااا ولحدلوقتي بتاذيني