خوف من الرفض

Donut_55524 🇪🇬

منذ يوم واحد

شعور متوتر

اتمني اي حد يشوف مشكلتي يكتبلي ، نا بنت بتعرف ع ناس من ابلكيشن تعارف وكدا المشكله ان نا بحط صوري بفلتر وبيكون فيها شويه تعديلات وبتعرف ع ناس وبتعلق بيهم جدا بس مش بعرف انزل اقبلهم عشان بخاف أشوف في عنيهم نظرة اني مش شبه الصور حاسه اني هتجرح اوي ، مع اني حلوة مش وحشه خالص بس نا مختلفه عن الصور اللي ه

Potato_55495 🇪🇬 بعيدا عن الموضوع يعني بلاش الابلكيشن و تتعرفي علي ناس و ثقة اهلك فيكي كبيرة و مبينفعش تخوني ثقتهم فيكي و انا مش ملاك و كلنا بنغلط و ربنا يتوب علينا و انتي حلوة و غالية مترخصيش نفسك ب الابلكيشن ده و ربنا يتوب علينا كلنا و يسامحنا

عرض الكل 15 نصيحة

Cookies_17164 🇪🇬

منذ أسبوع واحد

شعور وحيد

Apple_53563 🇪🇬 خدي الثقه و مثلا لو بتنزلي جيم بتنزلي اي مكان ابدي اتكلمي مع الناس و شوفي الناس اللي شبهك و اتعرفي عليهم و مع الوقت هتقربو و تكونو احسن من مجرد صحاب هتكونو اخوات فا خلي عندك ثقه في نفسك و اهتمي ب شكلك و لبسك و غيري من نفسك ل الأحسن و هتلاقي الصحاب و المعارف كلها بتيجي و برضو خلبالك و خدي حذرك عشان فيه ناس مش سويه و مش سالكه

عرض الكل 6 نصيحة

عبّر عن شعورك بشكل مجهول

جماعه بتعملوا صحاب ازاي؟
يعني ازاي اقدر اعمل صاحبه من اللي هي تبقى معايا زي ضلي  و نبقى دايما سوا و معايا فكل حاجه و نبقى زي الصحاب اللي بشوفهم ف التليفزيون؟
لما جيت افكر ف صحابي اكتشفت ان معنديش حتى صديقه طفوله و دا بسبب اني اتنقلت من كذا مدرسه ف ابتدائي ف كنت يادوب اول ما اقعد ف المدرسه سنتين ولا سنه و ابتدي اعمل صحاب و نبقى دايما سوا اتنقل و اروح مدرسه تاني و ابدأ من جديد و مكنش في وقتها اوبشن ان احنا ناخد ارقام بعض و نفضل نتكلم حتى بعد ما امشي و معنديش بردو صاحبه ف اعدادي و ثانوي اهو وصلت لحد تالته و ادركت انه مفيش الصاحبه اللي تبقى معايا و متسيبنيش لوحدي اه في ناس كتير اعرفهم بس يادوب معرفه يعني مش صحاب قريبين و في ناس تاني ببقى حباهم و اتعرفت عليهم عشان حبيتهم بس مش بعرف اطور علاقتي بيهم و نبقى صحاب قريبين لأن انا مهاراتي الاجتماعيه حرفيا زيرو مبعرفش اتكلم مع اي حد كدا وخلاص و لو قاعده مع حد معرفوش او متعودتش اتكلم معاه بفضل ساكته و مبعرفش افتح مواضيع و طول عمري لو عايزه اروح اتعرف على حد مثلا مش بعرف اروح اقوله ايه و بخاف جدا من فكره انه يشوفني غير مقبوله او يبقى مش حابب وجودي ف احرج نفسي و عشان كدا بسكت و مبروحش اكلمهم و نفسي يبقى عندي صحاب زي اللي بشوفهم ف السوشيال ميديا و ف التليفزيون انا مش عايزه افضل لوحدي

الناس اللي هتقولي ممكن نبقى صحاب و الحاجات دي انا مقدره جدا مشاعركم والله وانكم عاوزين تراضوني بس اصل جربت الموضوع ده قبل كده و من الابلكيشن هنا بردو و النتيجه فضلنا يادوب معرفه بس و اخرنا بنشوف الستوريهات و نحط لايكات لبعض ف انا عاوزه اعرف ازاي اعمل صحاب بجد فاهمينني؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_52342 🇪🇬

منذ أسبوعين

شعور مرتبك

بتتصرفوا إزاي لما بتحسوا انكم left out وسط شلة صحابكم في الجامعه يعني مش بيدخلوك في كلام ولا بيعزموا عليك تروح معاهم في حته وأنا بتكسف أطلب أو أتدخل في كلام محدش دخلني فيه معرفش لو الموضوع ليه علاقه ولا لأ بس أنا نوعاً ما انطوائية وبخاف أبقى تقيله على حد وببقى دايما محتاجه الي قدامي هما الي يبدأوا

French Fries_52811 🇪🇬

منذ أسبوعين

شعور متعب

عبّر عن شعورك بشكل مجهول

بتواجهني مشكله كبيره جدا اني مش بعرف اعبر عن مشاعري خالص بسبب احداث حصلتلي وانا صغير عملتلي زي تروما كدا مخلياني مش بقدر احكي الي جوايا او بخاف احكيه احسن اخسره 
ف المهم ف الجامعه قعدت تلت سنين بحب ف بنت هي كانت جميله جداااااااااا وملامحه قمر وعيونها خضرا كدا والاهم من دا انها كانت محترمه جدا جدا جدا ف دا حببني فيها اكتر واكتر مع الوقت انا عمال احبها اكتر وهي الصراحه كانت بتتعامل معايا عادي يعني ماكنتش مميزاني زي ما انا مميزها مثلا بس ف علشان اني اعترفلها بمشاعري ليها او اقولها اني بحبك مقدرتش اعمل كدا معرفش خوفت من اي خوفت اخسرها مثلا ؟ او كنت خايف ان مايكنش دا الوقت المناسب مثلا ؟؟
معرفش الحقيقه بس الي انا عارفه اني كنت خايفها تبعد عني او ترفضني ف معترفتش بحبي وعلشان برضو هي ماكنتش مدياني الفرصه اني اعترفلها ب مشاعري يعني اوقات تتعامل كانها مش شيفاني واوقات كانت تهتم بيا وتسال عليا لحد ما جه اليوم المشئوم منزله علي الاستوري خطوبتها 💔 
المشكله بقي مش هنا عمتا ربنا يسهلها حالها ويكون معاها المشكله انا نفسي اقدر اعبر عن مشاعري نفسي او اقدر يكون عندي الشجاعه اني اعبر عنه مش شرط مشاعر حب دا لو عيد ميلاد وحد عملي مفاجئه مش بعرف ابين اني مبسوط لو حد ميت مش بعرف ابين اني زعلان انا مش عارف اعمل حاجه محتاج نصيحتكم بجد علشان تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Hazelnut_52625 🇪🇬

منذ 3 أسابيع

شعور متوتر

المشكله اني مبعرفش اصلًا احكي مشاكلي.. مبعرفش افضفض بحس اني محتاجه ده و محتاجه حد يسمعني بس مبعرفش حتى لو جيت اتكلم الكلام مبيطلعش مببقاش عارفه اقول ايه ولا احكي ازاي او ازاي اوصف حاجه جوايا.. و لو حاولت احكي بعدها بحس ان ممكن اللي انا حكيتله ده يكون اتضايق او زهق.. مع ان بجد بيكون الشخص اللي قدامي

Mango_43226 🇪🇬

منذ 4 أسابيع

شعور غير مكتمل

مش عارف ابدأ منين بس انا بحب واحده معايا ف المدرسه و احنا تالته اعدادي وخلاص كل واحد هيمشي من المدرسه و كل واحد هيشوف طريقه غير ان احنا منعرفش بعض لكن بنشوف بعض ف الطابور و حجات زي كدا لكن انا بحبها و اللي اعرفه ان هيا مرتبطه بس غالبا سابوا بعض ونا مش عايز اروح اعترف ل اترفض و يبقي شكلي وحش و خايف م

Coffee_37309 🇪🇬 بص هقول لك على حاجه ، انت تعرف ان اللي انت كاتبه دا اسمه جَهر بالمعصية يعني انت بتقول للناس كدا بص ان بذنب قدامك اهوو ، وشوف بقى اللي هيعمل زيك وتاخد انت ذنبه كمان وهكذا ، ثانيا حكاية الحب دي سيبك منها لأن هتوجع دماغك وهي حاجه حرام اولا وأخيرا ، و كمان ماتدخلش في حتة البنات خالص عشان دي من خطوات الشيطان اللي بتتبعها في آخر حاجه بالزنا والعياذ بالله ابعت لي عشان اكلمك عشان مش بيعت اكتر من 220 حرف

عرض الكل 5 نصيحة

Sugar_21572 🇪🇬

منذ شهر واحد

شعور مرتبك

عبّر عن شعورك بشكل مجهول

ياريت محدش يتجاهل و يسمعني للاخر 
أنا كلها كام شهر و ابقي تالته علاج طبيعي في جامعة خاصة الحمدلله مستوانا معقول 
زميلي من سنه اعترفلي بحبه و انا الحقيقة ارتبطت بيه كام شهر بعدين قررنا نبعد عشان حرام بس تعاملنا في الكليه عشان مشروع او حاجة بيخلينا نتكلم في حدود الصداقه و الزماله و بابا عارف انه زميلي في الدراسه بس ماما عارفه انه عنده مشاعر ناحيتي و عارفه اني أنا كمان عندي مشاعر 
هو بيشتغل جنب الدراسه و حتي شاطر في دراسته و شخص مسئول و بقاله سنه بيتشغل و عنده شقه ٢٠٠ متر 
بس للأسف الفلوس اللي حوشها مش لدرجة انه يجيب بيها شبكة في الزمن ده 
كلمني انه عايز يكلم والدي بس انا و هو خايفين يترفض من والدي و في نفس الوقت حاسة معنديش الجراءة اني أفاتح اهلي خايفه و محرجة و حاسة معنديش الجراءة معرفش ده طبيعي ولا ايه 
واقفين بين نارين يكلم اهلي و يعرفهم حتي انه بيحبني و يقول لبابا أنا معايا المبلغ الفلاني تحب نجيب دبلة و محبس بس و بعدين اكمل و اجيب باقي الشبكة ولا بابا مش هيوافق و محدش يقولي انتي عارفه دماغ اهلك لا معرفش خالص لاني البنت الكبيره و متحطناش في الموقف ده قبل كده 
بس ماما قدام الناس بتقعد تقول مفيش خطوبه قبل سنه رابعة معرفش لو اتحطت في الموقف تغير رأيها و لا لا 
طب هل اخليه يكلم بابا و مجرد يكون عارف و بعدين نتخطب و نجيب شبكة بعدين ؟ ولا نستني علي الاقل سنه كمان يكون وقف علي رجله شويه و يعني يقدر يجيب دبلة و محبس و خاتم بس خايفه برضو يكون الدهب غلي اكتر و اكتر و أنا خايفه يترفض و هو خايف يترفض عشان برضو هو لسه بيكون نفسه و اننا لسه نوعًا ما صغيرين ٢١ و ٢٠ سنه دي صغيرين برضو 
افكار كتير جوانا و مش عارفين نتصرف ازاي مع انه اهله عارفين كلهم باباه و ماماته و اخواته 
مش عارفه اعمل ايه و اتصرف ازاي و ايه الصح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع