جرح

Watermelon_56798 🇪🇬

منذ 8 ساعات

شعور ضائع

من 4 سنين تقريبًا قالتلي انها مش واثقة فالبشر و خايفة و انها مش مصدقة ان في حاجه اسمها حب. عرفتها فترة اقل من سنة حبيتها بجد و غيرت وجهة نظرها (او هى قالت انها بتحبني و اني بيرفكت و حنين ) بس guess what حاليا انا اللي بقيت خايف و انا اللي اتصدمت و ليا 3 سنين مش عارف اتخطى ازاي دا حصل و ليه حاجة ماشي

Mango_50538 🇪🇬

منذ يوم واحد

شعور مرتبك

هخش في الموضوع علطول انا كنت بحب واحد وهو كان بيحبني اوووي كان كويس اووي معايا وكان مش بيزعلني خالص ولو حصل مشكله بينا وانا ال غلطانه كان هو يجي يعتزر بس بعدين حصل مشكله بينا وسبنا بعض فكان في واحد قريبي انا كنت بكراش عليه وكنا بنتكلم عادي من بدري بس الفتره ال كنت مش بكلم فيها كنا بنتكلم فيها كتير

Grape_55291 🇪🇬

منذ يوم واحد

شعور مزعوج

موضوع:

ايه اكتر حاجه وجعتك ؟

اعتقد اول مره احكي بس ان اديت فرصه لحد ايام الجامعه وبنت كانت مريحه بشكل و بريئه بس اتعقدت لاني اتوهمت ان من قصصها انها لويال وسابتني لما قربت اشيل السنه وموقفتش جمبي وفي الاخر عرفت ولد معانا ف نفس جامعه ونفس السنه وكان معروف انه بيكلم بنات كتير وبكل صراحه قالت انا استاهل فرصه تانيه مع شخص تاني وانا

Hazelnut_52786 🇪🇬 اللي حصل وجعك جدًا، وده حقك، لأنك دخلت بقلب صافي وهي دخلت بنية مش واضحة وسابتك في أصعب وقت. الخذلان من شخص كنت شايفه أمان بيوجع أكتر من أي حاجة، خصوصًا لما يحسسك إنك كنت مجرد “محطة مؤقتة”. بس خليك فاكر، اللي يختارك وقت قوتك ويسيبك وقت ضعفك، عمره ما كان يستاهلك من البداية… ودايمًا في ناس أنضج وأوفى جاية في الطريق

عرض الكل 7 نصيحة

Avocado_51313 🇪🇬

منذ 5 أيام

شعور متعب

عبّر عن شعورك بشكل مجهول

هو انا عندي سؤال هو ليه تصاحبو حد و تعلقوه بيكم و تمشو و تسيبوه بسهوله كدا ؟ كان عندي واحده صحبتي و احنا في تانيه ثانوي كانت قريبه مني اوي و كانت اكنها اختي و هي كانت بتقولي كدا و كنت بحكيلها كل حاجه و هي بردو جينا السنه دي احنا في تالته ثانوي كانت عملت عمليه و انا روحت زورتها انا عارفه ان انا قصرت في زيارتها يعني معرفتش اروح الا مره واحده بسبب ان انا كنت مشغوله في الدروس و كنت بسجل الحصص و اصور الشرح و ابعتهولها عشان ميفوتهاش حاجه و بعد ما بدأت تخرج و تيجي معانا الدروس مره واحده لقيتها سابت مدرس كانت بتيجي معايا عنده و بعدين صاحبت ناس تانيه و راحت معاهم عند مدرس تاني و بعدت عني مره واحده و مكلمتنيش فجينا في يوم روحت كلمتها لان هيا قاعده معايا في الدرس جنبي فكلمتها و هي اتكلمت معايا بس مش زي الاول و بعدين مره واحده اختفت و غيرت دروسها و هي اصلا كل شهر تغير مدرس لغايه ما قابلتها امبارح و انا مروحه من الدرس هي كانت لوحدها و انا كنت معايا واحده صحبتي المهم كلمت صحبتي و سلمت و عليها و جت عندي و مكلمتنيش و لا بصتلي انا اتضايقت اوي و قولت لنفسي هو انا عملت ايه عشان اعمل كدا دا انا كنت بسجل الحصص و اصورلها الشرح و انا اصلا مش ملزمه ان انا اعمل كدا و في الاخر تعمل معايا كدا 
انا قولت اكتب اللي جوايا عشان ارتاح بس انا مش هعرف اسامحها ابدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_54674 🇪🇬

منذ أسبوع واحد

شعور محبط

Popcorn_52587 🇪🇬 أنتي لسه متأثرة بالعلاقة القديمة، وده بيخليكي *غير قادرة على تقييم الشخص الجديد بشكل محايد*. المقارنة طول الوقت مش هتساعدك، لأن كل شخص مختلف، ولو مش قادرة تتقبليه زي ما هو، فده مؤشر إن المشاعر مش نابعة من راحة حقيقية. *خدي وقتك في التعافي من العلاقة السابقة، متستعجليش الدخول في حاجة جديدة* لمجرد إن بيحاول يقرب ليكي. *المهم إنك تكوني مرتاحة، مش إنك تقبلي شخص بمجرد إنه مهتم*. لو حسيتي إن صفات

عرض الكل 13 نصيحة

عبّر عن شعورك بشكل مجهول

من سنتين ظهر شخص في حياتي و كانت اول مرة احس الشعور ده ناحيه حد ماحستهوش قبل كده و فضلت الايام بينا تروح و تيجي و نتكلم حبه و نبعد حبه لحد ما اعترفنا بحبنا لبعض و فعلا جيه البيت و أتقدم و أخدنا خطوة اخيرا و فاجأه و من غير اي مقدمات لاقيته كلم بابا و قاله كل شىء قسمة نصيب و حتي من غير ما يقولي و لا يتكلم معايا مع انه كان معايا قبلها الصبح و هو حاسس ان بابا ضغط عليه و زود عليه الطلبات من وجه نظره فحس انه ينسحب احسن و الموضوع خلص من شهر ٢ اللي فات 💔
ومن ساعتها وانا واقفه عند اليوم ده اه زعلت و اتكسرت و عيط و قولت اللي جوايا بس لسه مش عارفه أنساه و لا بيخرج من بالي برغم اني عملت بلوك لكل حاجة بس الصور مش قادره امسحها و لا الشات قادره امسحه و للاسف بدخل كتير اقرا الملام اللي بينا 
المشكله عندي ان ظهر شخص جديد بقي و بيحاول بكل الطرق انه يوصلي و انه يقرب مني بس انا مدخلاه في مقارنه للأسف بينه و بين التاني 
و مش قادره اقيم الشخص ده صح و مش عارفه أصلا هو مناسب ولا لا ؟! 
عندي اختلافات كتير بيني و بينه بس كلها اخلافات في حاجات مش أساسيه ف الحياه بس أنا مش متقبله فكره انه مختلف أصلا عني و عاوزه طول الوقت اقوله بص اللي فات كان بيعمل ايه ! بص في الموقف ده كان بيقول ايه ! 
و الفكره ان رجوع الشخص القديم مرفوض من البيت نهائيا و حتي عندي حد قدر يبيعني بسهوله كده هيبعني في كل موقف نقابله تاني 
بس أنا مش قادرة اتخطي الايام نفسها و المشاعر اللي كانت فيها 
و في نفس الوقت الشخص الجديد ده عمال بيحاول بكل الطرق يوصلي و يكلم ناس عشان تتوسط 
بس هو في عيوب أنا مش هقدر استحملها زي مثلا انه عصبي و غيور اوي و متحكم و شكله هيبقي متحكم اوي 
ولما اقول لحد المواقف اللي حسيت فيها كده يقولي ديه تقاهه الحياه مش يتتقاس كده بعد الجواز أصلا انتي نفسك هتتغيري 
ايوه اتغير لنفسي و من نفسي مش بالإجبار 
و طول الوقت دماغي شغاله مقارنه و مش عارفه اذا كان صح ولا  غلط 
أنا متلغبطة و مشتته و نفسي حد يعرف يحتويني و يفهم حقيقي و اني مش وحشه ولا رخمه بس أنا مكسورة و مجروحة من جوا لازم اللي يجي يداويني الاول عشان يعرفني ع حقيقتي 
💔😩

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_54613 🇪🇬

منذ أسبوع واحد

شعور مكسور القلب

بعد حب وسهر وذكريات وكل حاجه حلوه ووحشه مرينا بيها سوا لمدة سنتين انتهت بأنه عملي بلوك من كل حاجه وانا مش عارفه اعيش المشكله اني تعبت ودخلت المستشفى واتبهدلت اوي وكمان عندي امتحانات خلاص بتخرج وهو مقدرش كل دا وعمل فيا كدا طب ازااي بجد ومش عارفه اعمل ايه

Strawberry_53389 🇪🇬

منذ أسبوعين

شعور مستنزف

انا اعترفتله اني بحبه وبعمل كل حاجه عشان اثبتله حبي وهو لحد دلوقتي مكنش ف منه أي رد فعل انا عارفه انه طالع من علاقه مدمراه وانا بحاول ع قد ماقدر اصلح كل ال حصله بجد نفسي يحبني زي مابحبه قولولي اعمل ايه وايه ال يخلي الراجل يحب الست ال معاه 😔

Tomato_53303 🇪🇬 اكيد مش انسب وقت تعترفيله فيه بحبك وهو مدمر لو حتي بدلك ده هيكون احساس مؤقت سبيه ياخد وقته ويتعافي لو اتعود عليكي هيتعلق بيكي وبعد كده هيحس ان يومه مبيمشيش غير لما يكلمك هو سعتها اللي هيكون عايزك معاه

عرض الكل 16 نصيحة

Pumpkin_25616 🇮🇹

منذ أسبوعين

شعور آسف

كلام حابة افضفض بس لان الكتمان وحش بياكل فيا عامل زى النار. دلوقت انا سامحتك ع الطريقة اللي سيبتني بيها و عاملتني بيها و قسوتك عليا و قولت يمكن بس مكناش مناسبين لبعض و انا اللي مخدتش بالي و كابرت عشان كنت بحبك و قولت يمكن كان تايه والغلطة غلطتي بردو استعجلت و المسافات بردو و غلط اني قبلت عيوب متتقبل

Hazelnut_52786 🇪🇬 اولا لا تحزني علي ما حدث قدر الله وما شاء فعل ثانيا ثقي تماما في عداله الله وعداله السماء خير من عداله الارض المهم تقومي وتبقي احسن وافضل من الاول لا تفكرى كثيرا فيما ما فاتك اعرفي ان مستقبلك ونفسك اهم من اي شئ ويارب خالص دعواتي لكي بالتوفيق في كل خطوه

عرض الكل 8 نصيحة

Onion_52909 🇪🇬

منذ 3 أسابيع

شعور محبط

تعمل ايه مع انسانة انتا قدمتلها كل حاجه في الدنيا ممكن حد يقدمها لحبيبتها بدون تخاذل يوم واحد وبترقص معاك سلوو وتاني يوم بترنلك مره واحده بتقولك احنا مش هينفع نكمل انتا مبتحبنيش بالطريقه الي انا عيزاها !!

Marshmallow_28254 🇪🇬 يمكن هي بتحب نفسها بطريقه أفلاطونيه عايزه حب محصلش وحبك والحجات اللي انت قدمتها وشايفها بنسبالك كل ما في الدنيا هي بنسبالها ماراضتش جلالتها يمكن هتحبك بتلال من الدهب مثلاً!

عرض الكل 5 نصيحة

Apple_52895 🇪🇬

منذ 3 أسابيع

شعور مكسور القلب

هو ليه الواحد يحب واحده ٥ سنين و يرتبطوا و يفضل مكمل و جاي ع نفسه و ع مشاعره و بيتحمل و عمره مايأذيها و مره واحده تسيبه و تتخطب ب ارادتها

Hazelnut_52786 🇪🇬 عزيزى : الحب من طرف واحد . إرهاق في الفكر . وتعب في المشاعر . وضغط في العقل . أصعب حب في الحياه كلو مشاكل

عرض الكل 9 نصيحة

Potato_52597 🇪🇬

منذ 4 أسابيع

شعور غبي

عبّر عن شعورك بشكل مجهول

كنت عايزه احكى حاجه لأنها شاغله بالى حابه اعرف رأى الناس فيها مبدأيا عارفه أنه ممكن ابان لناس أنه أنا تافهه و كده بس ده سنى و دى الحاجات إلى بتغشل بالى هبداء عموما اتعرفنا أنا و اتنين صحابى تانين على بنت هى بتدى درس فى ماده ما هى مش كبيره فى السن اوى بس هى عموما بتدى دروس يعنى المهم فا حبينا نروح و كده يعنى هى عندها مبداء صداقه ما بين ولد و بنت عادى أو كلام بردك معندهاش مانع عموما نسبنا من ده مش مهم بس يعنى لازم أقوله المهم روحنا احنا التلاته فى من صحابى واحده من زمااان اوى صحبتى و واحده بقالنا شهور يعنى لسه مكملتش علاقتنا الشهر بس هى مقربه من يعنى المهم فا روحنا عادى و كنت قاعده فى ولدين فى الدرس فى ولد منهم بقى هو احنا مجموعه صغيره خالص عموما خلصنا الدرس و نزلنا راحو صحابى قالولى أنه فى ولد منهم كان مركز معايا اوى و قالولى عشان أنا طلبت اتكلم فى الموبايل أنه ساعتها علق على صوتى فا المهم أنا اصلا الولد ده معانا فى دروس تانيه بس انا عمرى ما كنت اخدت بالى منه قبل كده بس لما روحت الدرس ده بالنسبه أنه عددنا قليل طبيعى انى اخد بالى منه المهم فا عدت الايام و عادى يعنى و بدأت اعجب بيه و اعجب بيه المهم فا يوم كنت جيت و أنا كنت تعبانه و معلقه محاليل كنت كويسه بس اكلت حاجه مسكره و ده خلانى اتعب و ساعتها فضلت اعيط كتير عشان كنت مضغوطه بسبب مشاكل المهم هو كان عمال يقول نزلوها الصيدليه طب اقوم انزلها أنا انتو خمسه سته و مش قادرين تنزلوها اقوم انزلها و فضل يقولها كتير كان فى واحده من صحابى الاتنين كانت بتضحك دى إلى بقالنا شهور صحاب زعقلها و قالها اقعدى هنا و متخرجلهاش تانى المهم لما قدرت شويه و نزلت الصيدليه هو نزل ورايا يعنى و كان واقف برا و طلعت و هو جابلى كرسى و قعدت و كده مع أنه فى بنت جابتلى كرسى بس هو جابلى واحده مريح اكتر المهم هقول حاجه كمان أنه صحبتى دى كانت مرتبطه بواحد فا هى كانت بنحكى و تتكلم عنه هو كان بيقولها عادى عايزه ترجعيله و مكنش يعنى بيدى رده فعل غريبه غير أنه هى بردك عيطت قبل كده و هو مسألش حتى فيها ايه المهم عدت الشهور و فى يوم صحبتى دى راحت الدرس ده لوحدها فا بعدها تانى يوم حسيت فى حاجه غريبه و قعدت اسألها و هى مقالتش و اتخنقنا المهم تانى يوم اتكلمت معاها بهدوء و قولتلها أنه فى حاجه بينها و بين الولد إلى معجبه بيه و كده قالتلى لا (هى عارفه انى معجبه بيه ) بعد كده روحتلها البيت بعدها هى قالت و بعد كده قولتلها تانى انتى مخبيه ايه عليا قالتلى هو انتى مصممه نخسر بعض قولتلها قولى فا قالتلى أنه الميس بتاعتنا دى كلمتها أنه الولد إلى أنا معجبه بيه معجب بيها و عايز يكلمها و كل ده و هى اصلا يعنى بقالها يوم تقريبا او يومين ليه سايبه إلى كانت مرتبطه بيه المهم حكتلى كل حاجه و قالتلى لو مش عايزانى أكلمه عادى (بعدها ورتنى الشات و كانوا اتكلموا اصلا طول الليل) المهم أنا قولتلها لا عادى و مفيهاش حاجه و أنا قولت بين نفسى أنه عادى خلاص الفكره أنه مش حابه اخسر صحبتى عشان ولد يعنى و كمان عارفه أنه اكيد يعنى لما اقولها هتقولى ماشى و هتكلمه من ورايا أصله أنا عارفه صحبتى و هتتكلم و هتفكر أنه بقى عشان أنا احلى و البتنجان ده وانا والله ما دى طريقه تفكيرى المهم اليوم ده كان علينا حصه عند الميس دى بليل أنا لما روحت الحصه اضايقت أنا مش مضايقه من الولد لانه عادى خلاص مع انى كنت شايفه طريقه اهتمامه بيا و مش أنا إلى حواليا و إلى منها صحبتى بس عادى يعنى ولد و بيتروشن و خلاص بس الفكره فى صحبتى وانا قررت بعد الحصه دى مروحش يعنى و كده بس روحت بعدها تانى عشان الميس كانت بتسألنى عن السبب غير انهم عرفوا أنه كنت معجبه بيه هى بتقول هو معرفش و انها مقالتش بس هما طلعوا عارفين قولتلها ازاى قالتلى لما كنتى تعبانه و نزلنا نجيب حاجات قالو أنه انتى قولتى و أنا مقولتش حاجه المهم عدت الايام و أنا شايفه نفسى مش عارفه انساه بقيت بغيب كتير و مبقتش اروح عشان صحبتى و عشان نفسى أنا كمان المهم أنه صحبتى دى بقت تنزل من غيرنا مع البنات إلى معانا و كمان الميس الميس عادى بتنزل المهم لما كنا بنيجى نقولها أنا وصحبتى التانيه تقول أصله عشان هو معاهم المهم امبارح اتجمعوا (بنات بس) من غير ما تقول ليا أنا و صحبتى و لا اى حاجه الفكره انى أنا كنت بتعمد انى اعامل صحبتى احسن من الاول بعد ما بدأت تكلم الولد ده بس انا فعليا فى نقطه كده من جوا اوى من ناحيتها حساها كسرتنى مش عارفه اعمل ايه بقى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_51124 🇪🇬

منذ شهر واحد

شعور لا مبالٍ

ياااه كانت بتحبني حب ما بعده حب ولا الكلام اللي كانت بتقوله ده مرة قالتلي انا استناك طول العمر 😂 قولتلها في مرة انتي اللي هتخزوقيني في الاخر المهم 3 سنين بتحبني على كلامها جات ايام العيد مكانتش بتتكلم قد كدا فبقيت وراها لحد ما قالت ان حد متقدملها وقطعت كلام معاها الفكرة بقا انها بتقول مجبورة و

Durian_52455 🇪🇬

منذ شهر واحد

شعور شاعر بالملل

موضوع:

هل في يوم اتعلقت بحد؟

اتعلقت اه وياريتنى كنت اتعلقت علشان حُبه ليا الكارثة إنى اتعلقت بسبب إنى أدمنت وجوده فى حياتى فِكرة إنك تلاقى حد موجود جنبك حتى لو مش بيسمعك أو حتى مش بيسألك، ده اللى خلانى أتعلق بيه! برسم سيناريوهات وقصص من وحى الخيال مع الشخص ده… ومع مشاعره تجاهى… ومع نظراته ليا… ومع كل حركة وإحساس بيديهولى بحاول

Cookies_33000 🇪🇬 هي المشكله ننا؛ اننا بنتعلق بالناس علي اساس احنا محتجنهم في حياتنا ولا لا…مع ان دا مش الصح، المفرود اننا نبص الاول يا ترا الحد دا بيعمل الي يخلينا اتعلق بيه ولا هو اصلا عنده استعداد للتعلق دا ولا لا…لو وقفنا كدا وسالنا نفسنا من الاول مش هنطر اننا نوصل لمرحله اننا نقول ياريت كنت عملت او يارتني ماكنتش عملت…بس للاسف احنا بنفوق متاخر بعد ما كل حاجه تحصل

عرض الكل 16 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cherry_19520 🇪🇬

منذ 11 شهرًا

شعور مكسور القلب

lehh elly bnhebo msh byhbena🥹

التجربة أفضل عبر التطبيق

حمّل تطبيق توهيل على هاتفك لتجربة أسرع