كلام حابة افضفض بس لان الكتمان وحش بياكل فيا عامل زى النار. دلوقت انا سامحتك ع الطريقة اللي سيبتني بيها و عاملتني بيها و قسوتك عليا و قولت يمكن بس مكناش مناسبين لبعض و انا اللي مخدتش بالي و كابرت عشان كنت بحبك و قولت يمكن كان تايه والغلطة غلطتي بردو استعجلت و المسافات بردو و غلط اني قبلت عيوب متتقبلش و سامحتك عشان كمان ميبقاش لينا وقفة عند ربنا ع حاجة اصلا كانت ذنب ليا انا كمان بس تتباجح و تاخد دور الضحية و تلقح كمان لا كده كتير كده قلة ادب و جبروت فا بحق كل دمعة نزلت يارب تدوق اللي انا دوقته بسببك و ياخدلي حقي منك لأن سبحان الله ربك عادل و الدنيا دوارة داين تدان و كل ساق يسقى بما سقى نقطة بقى ومن اول السطر انا كنت بحن ليك كنت بتوحشني كنت لسه شايلة حاجة حلوة ليك جوايا دلوقت حرفيا بقرف منك و كنت بستغرب ازاى ممكن حد يكره حد بعد ما حبه بس انا بجد عرفت ازاى و كرهتك ع قد ما حبيتك.

11

8