اعترفت له بحبه وعايزه يحبني زي ما بحبه 😔

Question

انا اعترفتله اني بحبه وبعمل كل حاجه عشان اثبتله حبي وهو لحد دلوقتي مكنش ف منه أي رد فعل انا عارفه انه طالع من علاقه مدمراه وانا بحاول ع قد ماقدر اصلح كل ال حصله بجد نفسي يحبني زي مابحبه قولولي اعمل ايه وايه ال يخلي الراجل يحب الست ال معاه 😔

Tomato_53303 🇪🇬 · Accepted Answer

اكيد مش انسب وقت تعترفيله فيه بحبك وهو مدمر لو حتي بدلك ده هيكون احساس مؤقت سبيه ياخد وقته ويتعافي لو اتعود عليكي هيتعلق بيكي وبعد كده هيحس ان يومه مبيمشيش غير لما يكلمك هو سعتها اللي هيكون عايزك معاه

Nutella_52644 🇪🇬 · Answer

بعد اعترافك المفروض متعمليش حاجه وتقللي من تفاعلك معاه بحيث تاخدي موقف خليه ياخد الخطوة كده كده هياخدها سواء بيحبك او لا بس بطلي تبقي مدلوقة لان معني انه بيطلع من علاقة هيحب يكلمك عموما حتي لو مش بيحبك هيحب يثبت لنفسه انه يتحب ولازم تعملي لنفسك شخصية ومتبقيش مدلوقة جامد عشان ميحسسش ان مكانك مضمون ووقت م هيجيلك هيلاقيكي مستنياه اتمني تكوني فهمتي حاجة

Strawberry_53389 🇪🇬 · Answer

الفكره اني اتعلقت بيه اوي لدرجه محدش يتخيلها وغصب عني بجد 😭

Strawberry_53389 🇪🇬 · Answer

اتعامل معاه عادي انا ببقا خايفه يروح مني ف اي وقت غصب عني بجد 💔

Coffee_52706 🇪🇬 · Answer

كان المفروض قبل ماتعترفي بحبك تكوني معاه لحد مايتعافي من العلاقه الاولي لانه ببساطه كده خليتي نفسك في مرحله انه ممكن غصب عنه يعمل موڤ اون بيكي وبعدين ميكونش ليكي اي مشاعر عنده 🤷🏻

Tomato_53303 🇪🇬 · Answer

محدش هيتجوز جوزك خليكي مقطنعه ان ممكن تحبي حاجه عادي وتطلع شر ربنا يمنعها عنك فا الاحسن تقطنعي ان ربنا كاتبلك رزقك فادعي يكتبلك الخير

Strawberry_53389 🇪🇬 · Answer

افهم من كده انه ممكن يمل مني ويبعد ف اي لحظه

Coffee_52706 🇪🇬 · Answer

وارد جداً ان ده يحصل لانه اصلاً لسه مخدش وقت كافي يطلع من اللي هو فيه بس كل اللي اقدر اقولك عليه اتعاملي معاه علي اساس انكوا اصحاب وبس علشان حتي هو ياخد وقته وينسي العلاقه الاولي

Coffee_53420 🇪🇬 · Answer

الراجل دا لو كلمك فهيكون بيمشي الفات بيكي و لو الفاتت كلمته هيرجع انت تستحقي حد يحبك زي اي حد فكري في نفسك و قيمي نفسك صح انتي مش ثرابيست عشان تصلحي حياته

Potato_53484 🇪🇬 · Answer

اختي الفاضلة.. انتي غالية ماترخصيش نفسك..
انتي كبنت مفروض احنا كرجالة بندفع اللي ورانا واللي قدامنا عشان نوصل لبنت نتقدملها ونعيش معاها..
فانتي غالية ومش دورك تخرجي راجل غريب عنك من علاقة أصلا..
ابعدي عنه تماما. وعيشي حياتك ولو هو بيحبك وعايزك هيجلك 
مش عايزك هيجيلك الاحسن منه وهيجيلك نصيبك.

Strawberry_53389 🇪🇬 · Answer

فعلا معاك حق هو فعلا خسر ال وراه وال قدامه عشان ال كانت ف حياته معاك حق ال عاوز حد بيهد الدنيا عشانه

Potato_53484 🇪🇬 · Answer

وانتي تستحقي اللي يهد الدنيا عشانك لانك تستاهلي كده..
اما انتي مش دورك تهدي الدنيا عشان حد وتستهلكي مشاعرك ونفسيتك عشان خاطر تخرجي حد من علاقة هو متعلق بيها وياخدك بس مجرد علاقة عابرة يتعافى بيها من حبه القديم ..
انا عارف ان الكلام صعب ويوجع لكن فكري فيه 
وكل اما تاخدي قرار بدري يبقى أصح لك ومهما كان الوقت اللي هتتعبي فيه فصدقيني النتيجة تستحق

Strawberry_53389 🇪🇬 · Answer

شكرا اوي ع كلامك فرق معايا هو ممكن يكون صعب بس حاسه انه هياثر عليا بشكرك ع نصيحتك

Potato_53484 🇪🇬 · Answer

انصحك تسمعي فيديوهات لدكتور عماد رشاد عثمان عن التعلق .. هتفيدك جدا هتلاقيها على يوتويب.
الفيديو بعنوان 
خطوات الخروج من علاقة مرهقة..
بالتوفيق

Strawberry_53389 🇪🇬 · Answer

متشكره اوي هعمل كده ♥️

Guava_53365 🇪🇬 · Answer

اكبر غلطه عملتيها ف حياتك انك تحاولي تخلي حد يحبك او يقتنع بيكي عن تجربه وحده عملت معايا نفس القصه دي بالظبط و فشلت و ادمرت هي ف الاخر