أمل

Strawberry_22117 🇪🇬

منذ 8 ساعات

شعور مستنزف

اغرب و اصعب عيد يعدي عليا بجد بقالي 26 ساعه صاحيه انا نفسي ارجع كويسه تاني علشان تعبت من تفكير في حلول ومش عايزه احكي و حتي لما بحاول مش بكون احسن و معرفش والله هطلع من كل النا فيه ازاي و امتي .انا نفسي انجح فحياتي و ربنا يردلي صحتي و يجبر بخاطري علشان كل حاجه بتحصل كسرتني

Watermelon_55153 🇸🇦

منذ 4 أيام

شعور مكسور القلب

موضوع:

هل في يوم اتعلقت بحد؟

عبّر عن شعورك بشكل مجهول

في اول يوم الي ب الجامعه / الساعه 9 الصبح كانت بتبلش اول محاضره وكنت اول مره بروح على الجامعه اول ما فتت على قاعه المحاضرات اول شي لمحته كانت هي ، بنت جميله احلى من القمر قاعد و عم تحكي مع الي جنبها ، طبعاً دغري لفتت نظري ، وضليت طول فتره المحاضره عم اطلع عليها و راقبها من بعيد ، و استمريت على هل الوضع 7  شهور تقريبا ما حكيت معها أبدا ولا حتى تعرفت عليها ، ولا هي تعرفت علي  ، المهم بعد نهاية آخر اختبار بلسنه الاوله ، هي كانت منزله ستوري على الإنستغرام ، انو صرنا بسنه التخرج بحكم انو عم ندرس دبلوم ، فا انو خلصنا نص المشوار تقريباً، المهم أنا علقت على الستوري و حكيت انو بكير لسا باقي سنه يعني ، و ردت علي انو بعرف و إنت شو دخلك ، قلتلها انو ما دخلني و بل العكس تماماً أنا بتمنا لك كل التوفيق و ان شاء الله بتتخرجي و بتصيري احسن دكتوره ، طبعاً هي رد علي و قالت انو صدمتني كنت مفكره انك راح تتنمر علي و رديت أنا قلتها انو أنا ما بتنمر على حدا ابداً و أنتي بتستاهلي كل الخير  ، المهم مرت الأيام و صرنا نحكي بين فتره و التانيه هيك لحتى وصلنا لفتره تدريب المستشفى ، فا بي وقتها سئلتها انو بأي مشفى راح تتدربي و رحت سجلت معها بنفس المستشفى ، و يوم ورا يوم وكل متل علاقتنا عم تقوى اكتر ، هيك لحتى وصلنا الآخر يوم دوام ، بي وقتها أنا كنت مسافر تاني يوم كنت ناوي ما ارجع أبدا و هي كانت زعلانه ، فا بيومها قررت جبلها هديه و اعترفلها بحبي الها الي دام اكتر من 9 شهور وهو مخبى ، ويوم اعترفت رفضت بشكل جداً لطيف بحكم أختلاف الدين و انو هي مو شايفتني هيك ، و استمرينا لليوم عم نحكي و كأنو مافي شي صار .
( أنا لسا متعلق فيها وعندي أمل انو ممكن بيوم من الأيام نكون سوا )

Mango_54651 🇪🇬

منذ أسبوع واحد

شعور وحيد

فشلت انى اشتغل اتجوزت ومتوفقتش انى اخلف وابقى ام فشلت اعمل صحاب فشلت ان يبقالى عيله تبقا سند ليا فشلت ف كل حاجه عموما اعيش ازاى واعمل ايه

Orange_27820 🇪🇬 كل الحاجات اللي حكمتي على نفسك فيها انك فشلتي كانت وهتفضل بإيد ربنا ماتقسيش على نفسك وكل ماتيأسي ادعي ان ربنا يديكي القوة تحاولي تاني ربنا يهدي قلبك ويرضيكي

عرض الكل 7 نصيحة

Strawberry_52342 🇪🇬

منذ أسبوع واحد

شعور مستنزف

وصلت لمرحله خلاص مبقتش قادره احكي وبقيت يومياً بعيط لحد ما أنام تعبت نفسيا جدا رغم إني كنت فاكره إن كل حاجه حصلتلي خلاص اتخطتها وبقيت تمام واني كدا قويه بس اكتشفت إني كنت بكتم جوايا وبلهي نفسي في أي حاجه وبقيت بنهار من أقل حاجه حتى لو موقف بسيط. مش عايزه أي حد يقولي أي حاجه اتمنى تدعولي بس إن ربنا

Ice Cream_53054 🇪🇬

منذ أسبوع واحد

شعور محبط

ليه كله بيحب ويتحب ويتجوز وحياته بتمشي ماعدا انا.. ليه الحب مش ليا .. بقا عندي ٢٧ سنة الي قدي اتجوز وخلف ومبسوط والي اصغر مني بيتخطبوا ويحبوا وانا محدش بيحبني حتى بحس الحب صعب بالنسبالي يمكن عشان انا انطوائية مش عارفة هل تفتكروا فيه امل

Guava_53495 🇪🇬

منذ أسبوعين

شعور مستنزف

موضوع:

هل في يوم اتعلقت بحد؟

انا مبعملش حاجة غير التعلق بالناس لدرجة ان عمري كله كان فيه حد بفكر فيه ومتشبث بيه والنتيجة في النهاية الوحدة فقلبت في الاخر خالص ان الرحلة غالبا فردية لكن عالعموم الامل دايما موجود اني ارجع ارتبط لان عندي طاقة حب لكل الناس

Strawberry_53256 🇪🇬 حب نفسك الاول لانها تستاهل الاجمل .. ديما اللي بنتعلق بيهم هما اللي بيخسروا قلوبنا النضيفه ومش بنلاقي اللي يحبنا ف الاخر

عرض الكل 5 نصيحة

French Fries_51832 🇪🇬

منذ أسبوعين

شعور ضائع

مفيش ف الكون انجاز يبسطني بجد أد ما بشوف واحد انطفى من موضوع معين أو أزمة عدي بيها و قام و فاق و رجع ينور و يضحك من قلبه تاني!! الناس تنجح وتتخرج و تتوظف ف شركات عالمية و تكسب فلوس و تتجوز و تخلف و إنجازات ليل نهار بيتكتب و تشوفها قدامك بس يظل ان مكتئب يخف أو مطفي ينور أو مكسور يفوق و يقوم دا أروع

Hazelnut_52786 🇪🇬

منذ 3 أسابيع

شعور مستنزف

“كنت شغوف جدًا… لحد ما كل حاجة وقعت مني” أنا كنت زمان حد بيحب الحياة بزيادة… كنت بصحى كل يوم وعندي طاقة أعمل حاجات كتير، سواء شغلي أو هواياتي أو حتى الحاجات الصغيرة اللي بتفرّح. كنت بحب أتعلم، أجرب، أكتب، أشتغل على نفسي، وأحلم… كنت بحلم كتير. بحب أقعد لوحدي وأخطط لمستقبلي، أحط أهداف، وأتخيل نفسي بع

عبّر عن شعورك بشكل مجهول

“كنت شغوف جدًا… لحد ما كل حاجة وقعت مني”

أنا كنت زمان حد بيحب الحياة بزيادة… كنت بصحى كل يوم وعندي طاقة أعمل حاجات كتير، سواء شغلي أو هواياتي أو حتى الحاجات الصغيرة اللي بتفرّح. كنت بحب أتعلم، أجرب، أكتب، أشتغل على نفسي، وأحلم… كنت بحلم كتير. بحب أقعد لوحدي وأخطط لمستقبلي، أحط أهداف، وأتخيل نفسي بعد سنة ولا اتنين وأنا محقق اللي كنت بتمناه.

بس فجأة… معرفش إزاي ولا إمتى بالظبط… كل حاجة جوايا بدأت تهدى، وبعدين تطفي. بقت الأيام شبه بعضها، والصبح بقى تقيل، والنوم هروب، والصمت راحة. بقيت أقعد بالساعات مش بعمل حاجة، حتى الحاجات اللي كانت بتفرحني مبقتش تفرق. الأغاني اللي كنت بسمعها وأنا طاير مبقتش بتحرك فيا ولا نبضة. الأفلام، الكتب، الضحك… كل حاجة بقت باهتة.

وأكتر حاجة وجعتني… إني مش عارف إيه السبب. مفيش حاجة معينة حصلت، ولا موقف قلب حياتي. بس كل يوم كان بيسحب مني شوية شغف… شوية أمل… شوية منّي.

ناس كتير حواليا كانوا بيقولولي: “شد حيلك”، “قوم اشتغل”، “ارجع زي زمان”، بس هما مش حاسين. هما مش عارفين قد إيه صعب ترجع تدوس على نفسك وانت جواك فاضي. قد إيه صعب تضحك وانت مش حاسس بحاجة. قد إيه مرهق إنك تحاول تكون طبيعي وانت محطم من جواك.

كنت بحاول… والله حاولت. قعدت مع نفسي كتير، كتبت، قرأت، اشتغلت، سافرت، غيرت، رجعت… بس كل ده كان زي المية اللي بتنقط في بحر. مفيش حاجة بتسُد الفراغ اللي جوايا.

الموضوع مش كسل… ومش دراما. دي حالة حقيقية… اسمها فقدان الشغف. واللي بيمر بيها هيعرف أنا قصدي إيه.

بس عارف؟ رغم كل ده… في صوت صغير جوايا لسه بيهمس. بيقوللي: “أنت مش لوحدك… وفي يوم هترجع تضحك من قلبك تاني”. مش دلوقتي… يمكن مش قريب. بس أنا مستني اللحظة دي… مستني اللحظة اللي أرجع فيها أبص لنفسي في المراية وأقول: “أنا رجعت”

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.