موضوع:

هل في يوم اتعلقت بحد؟

في اول يوم الي ب الجامعه / الساعه 9 الصبح كانت بتبلش اول محاضره وكنت اول مره بروح على الجامعه اول ما فتت على قاعه المحاضرات اول شي لمحته كانت هي ، بنت جميله احلى من القمر قاعد و عم تحكي مع الي جنبها ، طبعاً دغري لفتت نظري ، وضليت طول فتره المحاضره عم اطلع عليها و راقبها من بعيد ، و استمريت على هل الوضع 7 شهور تقريبا ما حكيت معها أبدا ولا حتى تعرفت عليها ، ولا هي تعرفت علي ، المهم بعد نهاية آخر اختبار بلسنه الاوله ، هي كانت منزله ستوري على الإنستغرام ، انو صرنا بسنه التخرج بحكم انو عم ندرس دبلوم ، فا انو خلصنا نص المشوار تقريباً، المهم أنا علقت على الستوري و حكيت انو بكير لسا باقي سنه يعني ، و ردت علي انو بعرف و إنت شو دخلك ، قلتلها انو ما دخلني و بل العكس تماماً أنا بتمنا لك كل التوفيق و ان شاء الله بتتخرجي و بتصيري احسن دكتوره ، طبعاً هي رد علي و قالت انو صدمتني كنت مفكره انك راح تتنمر علي و رديت أنا قلتها انو أنا ما بتنمر على حدا ابداً و أنتي بتستاهلي كل الخير ، المهم مرت الأيام و صرنا نحكي بين فتره و التانيه هيك لحتى وصلنا لفتره تدريب المستشفى ، فا بي وقتها سئلتها انو بأي مشفى راح تتدربي و رحت سجلت معها بنفس المستشفى ، و يوم ورا يوم وكل متل علاقتنا عم تقوى اكتر ، هيك لحتى وصلنا الآخر يوم دوام ، بي وقتها أنا كنت مسافر تاني يوم كنت ناوي ما ارجع أبدا و هي كانت زعلانه ، فا بيومها قررت جبلها هديه و اعترفلها بحبي الها الي دام اكتر من 9 شهور وهو مخبى ، ويوم اعترفت رفضت بشكل جداً لطيف بحكم أختلاف الدين و انو هي مو شايفتني هيك ، و استمرينا لليوم عم نحكي و كأنو مافي شي صار . ( أنا لسا متعلق فيها وعندي أمل انو ممكن بيوم من الأيام نكون سوا )

3

0