يأس بعد أول يوم تدريب عملي.. ليه الظروف ضيعت فرصي؟

Question

امبارح نزلت تدريب ف مجالى بعد تخرج اربع سنين جامعه  ..وانا راجعه اخر اليوم حسيت بيأس شديد انى خبرتى قليله وتكاد تكون منعدمه وسط ناس واخدين خطوات وشاطرين. ..ناس اصغر منى بسنين بس اعلى منى خبره وتعليم وتعامل وذكاء ...ده غير المواقف الل اتعرضتلها وانا بقول لنفسى ليه الحظ مش محالفنى ولو مره ..ليه ظروفى وبيئتى اثروا فيا بالشكل ده ...انا علوم صحيه قسم اشعه منزلتش ولا مره تدريب طول الاربع سنين بسبب  ظروف ومشاكل يعلم ربنا بيها..نزلت امبارح المستشفى وانا كلى امل وطاقه ..لقيت الل بيعاملنى وحش والل بيسخر منى والل نظرته ليا كأنو بيقولى انتى مش هتنفعى  ...مع انى جايبه امتيازات وتقديران كويسه ...بس الوضع العملى غير ..حاسه بيأس ومش قادره اكمل وبقيت خايفه ومرعوبه  م الخطوات الجايه..تفكير وجلد ذات رهيييب وبقيت عصبيه جدا ..ندمانه ع حاجات كتير كانت المفروض اعملها بس الظروف كانت منعانى  ..انا مكسوفه م نفسى قوى💔

Avocado_71160 🇪🇬 · Answer

نفس شعور اللي خايف يحصل بعد ما اتخرج عشان انا اوريدي بحس بيه دلوقتي

Strawberry_72442 🇪🇬 · Answer

مفيش داعي تتكسفي من نفسك كلنا مرينا بالمواقف دي ف اول يوم شغل او اول يوم عملي 
اجتهدي انتي بس و ذاكري عملي كويس من شرح اليوتيوب 
و ربنا يسخرلك يارب اللي يساعدك 
اوعي تقللي من نفسك او من مجهودك كلنا بنمُر بظروف محدش يعلم بيها الا ربنا كفايه اننا قاومناها ف الحمد لله دائماً و ابداً

Watermelon_70211 🇪🇬 · Answer

كل الناس المتخلفه اللي بتعاملك وحش متولدوش فاهمين وعارفين الموضوع اخد وقت منهم عشان يتعودوا ويعتادوا ويفهموا ..ركزي كويس واستعيني بالله وتوكلي علي الله واشتغلي علي نفسك وهمه همه الناس المتخلفه بكره يحقدوا عليكي لما تبقي احسن منهم بمليون مره ...اوعي تيأسي من اي حاجه مشوار الالف ميل بيبدأ بخطوه وانتي تعبتي واجتهدتي فلازم تدوسي بنزين علي كل الاشكال اللي انتي شوفتيها وميشغلكيش اي حد منهم

Lemon_71361 🇪🇬 · Answer

يا جماعه مالكم انتو لسه اول خطوه الطفل بيحبي الأول و بعدين بيسند و بعدين بيقف و يقع و بعدين بيسند لحته معينه و بعدين بيبدأ يمكن نفسه و بعدين باباه و مامته يفضلوا معاه شهور عشان يمشي و انت او انتي من اول يوم عايز تلم الدنيا كلها بتحط نفسك تحت ضغط كبير حرام عليك نفسك انت بس ركز لان بيئه العمل بقت مش مريحه  كل واحد معاه معلومه حابسها عن التاني بس طول ما بتتقي الله ربنا هيوقفلك ناس تساعدك هون على نفسك

Coconut_66194 🇪🇬 · Answer

الدراسه حاجه والخبره في أي مجال حاجه تانيه مفيش كسوف انتي ابتديتي تتعلمي الصح دلوقتي

Mushroom_68593 🇪🇬 · Answer

عادي يحبيبه قلبي متقلقيش هتتعلمي و تاخدي خبره و العمر لسه قصادك مش وراكي و عادي مش كلنا ظروفنا واحده المهم انك ابتديتي و علفكره يروحي في ناس اكبر و مخلصين قبلك بكتير و مخادوش الخطوه بتاعتك دي متيأسيش انتي لسه الوقت معاكي و يستي طوري من نفسك اكتر جمب التدريب و اكيد هتوصلي ربنا يحققلك كل خير يحبيبتي يا رب🤍🤍☺️

Mango_71567 🇪🇬 · Answer

حاسس بيكي جدًا، وإحساسك طبيعي بعد كل التعب والمجهود اللي بذلتيه. بس خدي بالك، إنتي مش قليلة ولا فاشلة، الظروف مش دايمًا بتكون عادلة بس ده مش مقياس لقدراتك. استني على نفسك شوية، وكل خطوة صغيرة بتخديها لقدام هتفرق. إنتي أقوى بكتير من اللي بتحسي بيه دلوقتي، ودي مجرد بداية مش نهاية. ربنا يعوّضك باللي يفرّح قلبك ويقدّر تعبك

Blueberry_72439 🇪🇬 · Answer

عن تجربة لزميلتي بعد 5 سنين تخرج لحقت نفسها وتخطت حتى الخبرة سنين
اصبري واشتغلي ع نفسك وعقبالك وعقبالي يا رب

Orange_72496 🇪🇬 · Answer

متتكسفيش من نفسك ولا تزعلي علي نفسك الغلط انك تفضلي مكانك والمفروض ده يبقي حافز ليك انك توصلي الي مرادك هيفيد بايه وانتي نفسك في حاجات ولسه في نفس مكانك كثره السعي معناها حتمية الوصول اعملي اللي عليكي واتعلمي وخذي خبرات وراجعي اقرئيي وهذي كورسات خلي عندك شغف في كل حاجة مش معني اللي اصغر منك عنده خبره يبقي انتي فاشلة طيب اللي اصغر منك قيل ما يبقي عنده خبره كان عنده ايه متخليش التفكير السلبي يأثر