يأس بعد أول يوم تدريب عملي.. حاسه بالفشل!

Question

امبارح نزلت تدريب ف مجالى بعد تخرج اربع سنين جامعه  ..وانا راجعه اخر اليوم حسيت بيأس شديد انى خبرتى قليله وتكاد تكون منعدمه وسط ناس واخدين خطوات وشاطرين. ..ناس اصغر منى بسنين بس اعلى منى خبره وتعليم وتعامل وذكاء ...ده غير المواقف الل اتعرضتلها وانا بقول لنفسى ليه الحظ مش محالفنى ولو مره ..ليه ظروفى وبيئتى اثروا فيا بالشكل ده ...انا علوم صحيه قسم اشعه منزلتش ولا مره تدريب طول الاربع سنين بسبب  ظروف ومشاكل يعلم ربنا بيها..نزلت امبارح المستشفى وانا كلى امل وطاقه ..لقيت الل بيعاملنى وحش والل بيسخر منى والل نظرته ليا كأنو بيقولى انتى مش هتنفعى  ...مع انى جايبه امتيازات وتقديران كويسه ...بس الوضع العملى غير ..حاسه بيأس ومش قادره اكمل وبقيت خايفه ومرعوبه  م الخطوات الجايه..تفكير وجلد ذات رهيييب وبقيت عصبيه جدا ..ندمانه ع حاجات كتير كانت المفروض اعملها بس الظروف كانت منعانى  ..انا مكسوفه م نفسى قوى💔

Coconut_71798 🇪🇬 · Answer

متزعليش ولا تياسي الحياة العلمية غير الحياة الدراسية ومحدش اتولد متعلم كل حاجه خللييككى متفائله انتى لسه في بداية الطريق ولازم يكون عندك طاقه وقوه تتحمل

Coffee_68662 🇪🇬 · Answer

اوعي تفكري كده ولا تضعفي ولا عمري تتكسفي من نفسك 
انتي كده بتخسري عمرك اللي فات واللي جاي 
اوعي بجد
انتي الحاجه اللي مفروض تكون وصلتلك انك متضيعيش وقت اكتر وانك تبداء مش هقولك من نهارده لاء من امبارح خلاص 
واي حد يبصلك بصه متعجبكيش شلفيله انتي مش قليله ولا ناقصك حاجه انتي زيك زيهم ويمكن احسن

Watermelon_69433 🇰🇼 · Answer

ولا يهمك بكره تتعلمى وتبقى أحسن منهم اجمدى

Banana_71311 🇪🇬 · Answer

انا في مجال طبي و خضت نفس التجربة بس الناس الي معايا محترمين و بيعلموني و افتكري انهم كلهم في بداياتهم كانو كدة

Sugar_71794 🇪🇬 · Answer

و لا يهمك يا سكر كلنا بنتعلم و نفس اللي اتريقو كانو زيك و اسوأ منك في اول تدريب ليهم انتي تعاملي مع الموضوع عادي و اديله مساحته لانه عادي تغلطي و انتي لسا في البدايات و ادي لنفسك فرصه تتعلم عادي و متتكسفيش و لو غلطتي عديها و لا كأن حاجه حصلت و شوفي الصح اي و اعمليه بس كدا و جربي كلامي مش هتندمي